أين تتم البرمجة وتعديل اللغة للسيارات الامريكيه

[ابو ناصر 1212]

لأهل الاختصاص والمعرفة بطريقة برمجة كمبيوتر السيارة (الطبلون)للسيارات الامريكية من اللغة الانجليزية الى العربية.
وهل هناك محلات متخصصة في البرمجة في الصناعية وكم ياخذون (أهم شي) عشان ما يستغفلون ويضحكون علينا
وهل من الممكن تحويل عداد الميل الى الكيلو يعني المقصود (ممشى السيارة)

وشكر الله لكم

[ابو ناصر 1212]

وين المختصين واهل المعرفة

[سطام vip]

اخوي راعي المعارض

اسعد الله اوقاتك بكل خير

طلبك غريب بعض الشي

وما اتوقع فيه برمجه من اللغه الانجليزيه للعربيه

الي اعرفه في الفورد تقدر تغير الطبلون بدل ما هو ميل تخليه كلم وهذا في زر في الطبلون نفسه

وبالنسبه لدرجه الحراره الخارجيه تقدر تعدلها عن طريق ازرار المكيف وتتغير من فهرنهايت الى درجه

وذاك بالضغط على اول زر واخر زر سواء وبس

اما بالنسبه للغه العربيه ما اعتقد فيه كمبيوتر لغه عربيه للسياره

وابترك المجال للاخوان يمكن اكون غلطان

وان شاء الله اني افدتك وتقبل مروري والرد

دمت بخير

[Magellan]

أخوي سطام الجمس يجي فيه مركز معلومات عربي من موديل 2003 وطالع
بحيث يعلمك عن السيارة ووضعها بالعربي
وأنا أتوقع بالرياض المحلات التالية
1-مركز عبدالرحمن الجميح
2-مركز البيان
3- مركز الجابري
4-مركز الوفا

وأنا أويدك أخوي إنك تغير البرمجة للمواصفات السعوديه لأنك تبي ترتاح ، والأهم إنك تفك دبات التلوث في الشكمان أو تنظفها لأنها تكتم الموتر وفيها رصاص
على فكرة ترى محلات الشكامين يشترون الرصاص ب150 ريال ، يعني تشيلها وتحط ماصورة وفوقها يدفع 150 ريال
والبرمجة للسعودي يفكك من التعتعه والتفتفة اللي مالها داعي

[سطام vip]

اخوي ماجلان الف شكر لك على التوضيح

وانا صراحه مهتم جدا بالفورد وما ادري عن الجمس

ومعلومه مفيده اشكرك عليها وان شاء الله اخونا راعي المعارض يجد فيها المطلوب

وياليت اخوي راعي معارض يحدد نوع السياره الي يبي يبرمجها


دمت بخير

[ابو ناصر 1212]

ياهلا وغلا باخواني سطام وماجلان
والقصد هو ما ذكرت ياماجلان لان السيارة جمس 2003 ماكينة (8100) والكتابة في الطبلون باللغة الانجليزية
واريد تحويلها الى العربية .
ولكن مثل ما تفضلت بان أفك دبات التلوث في الشكمان أو أنظفها لأنها تكتم الموتر وفيها رصاص
هل هذه الخاصية موجودة في هذا الموديل ولا تناسب أجواءنا ويجب التخلص منها ؟

أشكركم على مروركم العطر

[Magellan]

ياهلا وغلا باخواني سطام وماجلان



والقصد هو ما ذكرت ياماجلان لان السيارة جمس 2003 ماكينة (8100) والكتابة في الطبلون باللغة الانجليزية
واريد تحويلها الى العربية .
ولكن مثل ما تفضلت بان أفك دبات التلوث في الشكمان أو أنظفها لأنها تكتم الموتر وفيها رصاص
هل هذه الخاصية موجودة في هذا الموديل ولا تناسب أجواءنا ويجب التخلص منها ؟



أشكركم على مروركم العطر


أخوي الكريم الله يبارك لك في الموتر ...
لكن بالنسبة لدبات التلوث ، في أمريكا الإشتراطات الصارمة تقضي بوضع عوادم قوية بحيث لا تلوث البيئة ، طبعا في السيارات الأمريكية وارد السعودية يختلف في إن هذه العوادم أخف بالإضافة إلا عدم وجود علامة فحص المحرك check engine أو رسمة المكينة على الطبلون لعدم وجود حساسات الأوكسجين في الدبة الوسطى أو مايُعرف بالمصطلح الدارج حساسات الشكمان ......
لذلك أؤيدك وبقوة حتى ترتاح أن يتم تحويله للبرمجة السعودية لكن بالنسبة لفك دبات التلوث فهي سبب رئيسي في إرتفاع حرارة الموتر والمواصفات السعودية تجي مفرغة ، على فكرة تجي مثل الجبس ،،
تصور مكينة 8100 وخانقها حاجة مثل الجبس ، لكن قد لاتجتاز الفحص الدوري بسبتها ولذلك أعتقد أخذ رأيي الخبراء في فكها أو إستبدالها بأخرى أكبر فتحات للتهوية
أما بالنسبة للتحويل من إنقليزي إلى عربي فأتوقع مايفيدك إلا الوكالة لأن شغلتها ثانية لكن أسأل المراكز اللي فوق يمكن يفيدونك

[ابو ناصر 1212]

أسعد الله جميع أوقاتك أخي اجلان وأشكرك على سرعة تجاوبك
بالنسبة للسيارة الي عندي فيها رسمه للمكينة في الطبلون هل يتطلب فك الدبات
وإن شاء الله سوف أصور المكينة وتوضح لي ما هو مطلوب في الخانق
وجزاك الله عني كل خير

[ملاحق السيول]

الله يوفقنا وإياك

[Magellan]

مادام فيها رسمة مكينة فهي الله الله معروفة المشكلة
حساسات الشكمان تعرفت على البنزين المختلف عنا:d
طبعا المواصفات السعودية لو تخلط الماء وبيبسي مع البنزين وتعبي الموتر واشتغل ماتولع لمبة المكينة:d
بسبب إن مافيها حساسات تحت ..
شف وأنا أخوك فك الدبات تحت ، الجبس اللي مسكر عليها ،
وطبعا برمجها سعودي عشان تختفي هالرسمة إن شاء الله

[ابو ناصر 1212]

اخي ديرتي الفرعة
اشكرك على مرورك
اللهم آمين
===========
أخي مجلان
اللمبة الخاصة بالمكينة ما تولع في الطبلون بشكل مستمر بس حبيت أوضح انها موجودة
وتوليعها عند التشغيل فقط
بس مثل ما تفضلت هل يجب علي ان اشيك على دبات الشكمان؟
وبالنسبة للبرمجة ضروري اسويها والله يعينا على ها الورش الي تحلب البون حلب

[Magellan]

اخي ديرتي الفرعة

اشكرك على مرورك
اللهم آمين
===========
أخي مجلان
اللمبة الخاصة بالمكينة ما تولع في الطبلون بشكل مستمر بس حبيت أوضح انها موجودة
وتوليعها عند التشغيل فقط
بس مثل ما تفضلت هل يجب علي ان اشيك على دبات الشكمان؟

وبالنسبة للبرمجة ضروري اسويها والله يعينا على ها الورش الي تحلب البون حلب



وشلون عند التشغيل ..
هذي عادية لأن عند التشغيل.. الكمبيوتر يفحص جميع حساسات السيارة للتأكد بعد وجود خلل ،،
أنا مثلك أول ماأشغل السيارة كل شيء والع في الطبلون بعد ثانيتين ماتبقى إلا لمبة الحزام
يعني وأنت ماشي تصير والعه وإلا طافية؟؟

2- بالنسبة لدبات التلوث لازلت في حيرة أنا من أمري البعض يقولون شيلها والبعض يقول تتوسخ ويلزم تنظيفها والبعض يقول تشيلها وتركب فلاتر سعودية ،،
طبعا أهل الشكمانات يسمونها شخالات ...
نصيحتي مادام مافيه لمبة المكينة والعة بعد تشغيل السيارة والمشي فيها لا تتعبث فيها وتفك وتربط ..
ولكن إسئل أهل الخبرة فيها لعدم معرفتي التامة بها، لأن البعض يقول فايدتها تقوي العزم وتخف الحرارة ، والبعض يقول إنها تذبحك بالدخان اللي طالع من الشكمان ويصرف بنزين أكثر
وكله جايبه من كلام المنتديات
والأفضل تسأل راعي المعرض اللي شاريه عن فكها أو تنظيفها أو إستبدالها بواحدة صنع محلي
تراه بعض المعارض يفكونها !!!
أو تسأل واحد معه وارد أمريكي عنها

[ابو ناصر 1212]

كلامك صحيح 100% أخوي ماجلان بخصوص اللمبة وهو الي حاصل عندي
يعني تبقى عندنا عملية البرمجة الى اللغة العربية
والله يعيينا على الورش الي تحلب الزبون حلب
سلمت أناملك على المشاركة وتنويري ببعض الأمور التي أجهلها
اخوك / أبو ناصر

[Magellan]

كلامك صحيح 100% أخوي ماجلان بخصوص اللمبة وهو الي حاصل عندي

يعني تبقى عندنا عملية البرمجة الى اللغة العربية
والله يعيينا على الورش الي تحلب الزبون حلب
سلمت أناملك على المشاركة وتنويري ببعض الأمور التي أجهلها

اخوك / أبو ناصر



الله يعينك أخوي،،
بس موترك عليه جميحيات ..
إن تسانه مابه جميحيات ركب له جميحيات يطلع شكله طيب وأجمل

[سليمان911]

اخوي راعي المعارض رح لورشة الجميح اللي بخريص قبل الوكاله نفسها ودور لك على فلبيني من الورشه وقله يبرمجها لك
انا رحت لهم اذان المغرب ضغط زر في الطبلون وتحول عربي
ما اخذت ولا دقيقه وبلاش لايلعب عليك ويقول عطني

[ناوي نيه]

والله انا معي جمس وشلت الشخالات وتعبت من البيب الي حطه قبله ينفك لحامه
وبعدين موتري سعودي بس فيه شخالات

[ابوعقل]

الله يعينك أخوي،،
بس موترك عليه جميحيات ..
إن تسانه مابه جميحيات ركب له جميحيات يطلع شكله طيب وأجمل


ميجلان وضح معنا كلامك انا عن نفسي ما فهمت

وشي الجميحيات

:confused: :confused: :confused: :confused: :confused: