ياليت المساعده في ايجاد حل للباترول عندي

[طحنون]

الاخوي الاعزاء
السلام عليكم
.......................................
أعرض عليكم مشكلتي بالتفصيل الممل

الاول معلومات عن السياره
سفاري 2
موديل 2005
العداد 180الف وكسور

المشكله ان الموتر صار عزمه ضعيف جدا في القومه والممشي قبل كم يوم طلعت المشكله ونا راجع من الحسا
وصار الموتر عزمه طايح الى ابعد حد يالله ان يوصل 160
كنك ماسكه من وراء
في اليوم الثاني
رحت اشيك عليه في اكثر من ورشه وكل ورشه لهم رأي
الورشه الاولى
قالو نبي نسوي فحص بالكبيوتر
قلت لهم معروفه هاذي الشغله الكميوتر بيطلعلك ان يبيله تصفيه وتغيير بواجي
وهاذا اللي حصل بعد الفحص
طبعا من ضمن التصفيه فك البخاخات وتنضيفها وتغيير البواجي ورفضت فك البخاخات لان المكينه صافيه ولا تقطع ولا تتفتف ولا يطلع دخان على اي اساس انك تفك البخاخات
................................
الورشه الثانيه
قال غير فقط البواجي وتروح المشكله مااقتنعت في كلامه
.............................
الورشه الثالث
قال غير البواجي والحساس حق الهواء
حساس الهواء قيمته 1350 والحساس اذا عطلان يطلع في فحص الكميوتر ان فيه حساس عطلان
............................
الورشه الرابعه قال يبغالك وزن ديلكو وتضبط الشغله ما اقتنعت بكلامه لان يبي يزود على الكهرباء على حساب
البخاخات والضغط على المكينه من دون معرفه سبب الضعف ( يبي يمشيها علي )
.................................
الورشه الخامسه قال افحصها بالوكاله وتعال نركب القطع نذل ماهمه اكتشاف العطل همه شغل يده بس الله لا يربحه
..........................................
الورشه السادسه
تغيير حساس الهواء وطربه البنزين لان فيها ضعف (كلام غير منطقي طرنبه البنزين تتعطل على طول ماتضعف) لانها من الموديلات الجديده تتعطل على طول بدون مقدمات
............................................
الورشه السابعه
فك الدبه (البيئه )
لانها تسكرت من الكربون وكتم الموتر
.................................................. ..

وفيه ورشه قال انظف البخاخات بــ 950 ريال مع تغيير البواجي طبعا سعر خيالي
انا مهمني السعر همني اكتشاف المشكله الحقيقيه
لان الورش بيقوللك غير الاتي
1- تغيير طرنبه البنزين مع الفلتر
2- تغيير البواجي
3- وزن ديلكو
4- تغيير حساس الهواء
5- تنظيف البخاخات
6- وتغيير فلتر الهواء
7- كلهم ماعندهم سالفه
لان المذكور داخل في التصفيه
وفحص الكميوتر لم يذكر اي منهم
فقط تصفيه والتصفيه لا تشمل المذكور
من قائمه الاعطال
المشكله كلن يفتي على كيفه والورشه راعي الكميوتر ( ودي اخذت كميوتر وكسرته على راسه )
لان فرحان فيه ونا قايله ان بيطلع تصفيه ماكينه ( مايبي غير الــ100ريال وبس)

طبعا لا احد بيقولي ليه مارحت الوكاله
الوكاله شغلتهم فقط فك القديم وركب جديد ماعندهم تصليح او اكتشاف العطل الصحيح
والحسابه بتحسب
.................................................. ...........................................
اللي حصل اليوم الصباح اني غيرت البواجي ولم يتغيير شي وزود على الديلكو شوي بس زاد العزم شوي
ولم يتغير شي يعني الموتر نفسه والكتمه ماراحت اول ماتدعس بالدواسه البنزين الموتر يقطع بعدين يمشي
.................................................. .................................
طبعا فلتر البنزين يتغير بااستمرار والصيانه بااستمرار
فلتر الهواء غيرته اكثر من مرتين او ثلاث

ياجماعه الخيراللي يعرف ميكانيكي ثقه وعارف شغله
في اي مكان بالشرقيه او الرياض اروحله ماعندي مشكله اهم شي ان السياره ترجع زي اول واحسن
.................................................. .............................................
طبعا هلى من المعقول اني اغير كل اللي ذكرو يعني ماطلعو العله كل اللي عندهم تخمين
او يمكن او الافضل او الاحسن انك تغير كذا وكذا
كلها معنى واحد
وهل يعقل ان ورش الدمام مافيها ميكانيكيه محترفين
.................................................. ..........................................
ياشباب تكفون عجلو علينا بالورشه المظبوطه
وراح اذكر بعض الورش اللي مريت عليها علشان مااحد يقولي رح لهم
1- ورشه صبيا
20 ورشه الرابع عشر
3- ورشه سهم
4- ورشه الدوسري
وفيه بعض الورش نسيت اسمها
وغير اللي مااعرف اسمها
وكلهم ماقصرو معي لاكن ماتوفقو بحل المشكله
وبالذات ورشه صبيا مجتهدين........................................... ...............................................

ياجماعه الخير اكرر وراي مشوار طويل جدا وابي اشيك على موتري ولا نبي ندف بالخط
واذا فيه ورشه بالرياض تستاهل العنوه ماعندي مانع اكرر تستاهل العنوه يعني مايقولي غير
كذا وغير كذا
ولا نسدفيد شي
والله ياجماعه الخير مشكلتي بسيطه لاكن ماودي احد يلعب بالموتر

[ابوعقل]

انا رأيي من رأي هذا

الورشه الخامسه قال افحصها بالوكاله وتعال نركب القطع نذل ماهمه اكتشاف العطل همه شغل يده بس الله لا يربحه

لأن هذا هو الوحيد اللي صدق معك


ما قالك وزن او غير او او او او او .........................


الرجال صريح معك


بدال ما تروح لورشه وتغير قطع تطلع ما هي عطلانه


((انا اذكر واحد من اخوياي كان عنده جيب اذا وصل 140 يكتم الموتر ))


طلع من الدبه الشخالات اللي داخل متسدده وغير الدبه وضبط الوضع

[صلفان.نجد]

اخوي الله يسهل امرك ولكن فيه ورشه في الرياض الصناعيه القديمه (ورشة الجابري)جنب ترايستار,ان قاله الله وقفها ولا تسأل وبيصلحونها.

[سيف الظفير]

اسئل الله العلى القدير ان يفك عوق الموتر ويرجع كما هو معرووف الفتك

[shaheenshah]

اخوي طحنون انا لو اني مكانك فكيت دبة التلوث اللي يسمونها كاتالايت
لان حسب كلامك ان الموتر صافي
واتوقع ان الحرارة عندك ترتفت حاجه بسيطه عن وضعها الطبيعي
وسبق اني فكيت دبة تلوث استكشف وش اللي فيها لقيت داخلها مادة كانها جبس على شكل خلية نحل بس فتحات صغيره ويوم رصيتها باصبعي تفتت فاحتمال كبيره ان العلة اللي في موترك من دبة التلوث وان المادة اللي فيها تفتت وسكرت الفتحات وكتم الموتر

[عاشق الغميس]

الله يعينك على هالورش الضاهر لي وانا اخوك ان المشكله عندك في حساس الهواء
والشغله هذي ماتبغى لها ورش فك الحساس الي جنب القربه وفكه مايبله الى سكروب ورح اقرب بنشر واغسله بنزين ونفخه بالهواء وركبه وبأذن الله راح تدعيلي
اخوك راعي تجربه بالسيارات الأمريكيه دايم تحصل نفس المشكله الي معك وهذا حلها
وعسالله يوفقك لكل خير

[الشقردي]

معليش داخل عرض

وشي دبة التلوث ؟

وين مكانها ووش وظيفتها؟

[طحنون]

انا رأيي من رأي هذا

الورشه الخامسه قال افحصها بالوكاله وتعال نركب القطع نذل ماهمه اكتشاف العطل همه شغل يده بس الله لا يربحه

لأن هذا هو الوحيد اللي صدق معك


ما قالك وزن او غير او او او او او .........................


الرجال صريح معك


بدال ما تروح لورشه وتغير قطع تطلع ما هي عطلانه


((انا اذكر واحد من اخوياي كان عنده جيب اذا وصل 140 يكتم الموتر ))


طلع من الدبه الشخالات اللي داخل متسدده وغير الدبه وضبط الوضع



هلابك يالغالي
الامور هاذا اعرفها من قبل لا يقولها راعي الورشه لاكن مثلك عارف ان الوكاله بيعطونك لسته طويله عريضه
وهاذا اللي مانبيه يعني راح تغير قطع ماهي عطلانه

[طحنون]

الاخ العزيز صلفان نجد
اشكرك وسجلت الورشه في قائمه الورس عندي
.................
الاخ العزيز
سبف الظفير
مرحبا بك والفتك فتاك لاكن الله يعين على الورش اللي عندنا
..............................
الاخ العزيز
shaheenshah
دبه البسئه افكها اليوم العصر ان شاء الله اذا تنصحني اني افكها ولا فيها سلبيات
...............................د
الاخ العزيز
عاشق الغميس اشكرك على تفاعلك حساس فلتر الهواء اول ماتفكه ماتشتغل السياره
اطلاقا
.................................................. ...............................

الاخ العزيز
هلا يالشقردي

[طحنون]

معقوله مافيه ورشه بالشرقيه نراها باترول ماهوب
طياره
نمشي الرياض ندور ورش

[أبو فهد11]

الله يكون في عونكـ أخوي لكن إذا تبي نصيحتي

رح للوكاله وقلهم يفحصونه ويصلحونه بس بشرطــ

إذا ما طلع الخراب مني اللي يقولون ما راح ادفع ولا ريال

وإن شاء الله تتيسر اموركـــ

[طحنون]

ابو فهد 11 خبرتي مع الوكاله ماهي قصيره
والوكاله لا تقول لك الصدق
ولا راح يفتح لك ملف وألا فيه البرنت حق فحص الكميوتر اللي عليه الكلام منمغط مغط (ألحاله الاستثائيه )
اذا عندك واسطه بالوكاله امورك ماشيه مثل الورد
لاكن الزبون العادي مثلي في عداد المفقودين بالوكاله حتى الهندي اللي بالاستقباله كنه يتعامل مع خبراء ناسا اللي بالفضاء

[بيبسي]

الله يعينك والله اخوي تمنيت افيدك ... لكن مع الأسف مالي خبره بالنيسان ... بس بالرياض اكيد بتلقى ورش زينه .. وانت مادامك بديت بالبواجي والديلكو كمل فلتر البنزين مع تنظيف البخاخات وجرب

[بدراان]

السلام عليكم :

انا كان معي مكسيما وسوت معي نفس المشكلة . . . نصيحتي لك بالدرجة الاولي :

اولا: حط منظف بخاخ مثل اللي عند الدريس وانتبه في شي للبخاخ وشي للكربريتر وصبه علي نص التانكي .

ثانيا : نصيحة لوجه الله وانا اخوك ان مانفع معك المنظف . . وده للوكاله ترا موترك جديد

وقهر تقظبه لهالحرامية ( الصناعية ) الوكالة اضمن في كل الاحوال لوهم غالين .

والله يعطيك خيرة ويكفيك شره

::: وانت ابخص :::

[مقلع الرمث]

اخوي انا عندي حل واحد من اثنين يامن ثالث :d
اولا عندك حساس القربه الي هو بجمب الفلتر تفكه مفكه تربيعه طبعا هو تربيعه داخلي وتنظفه لك بقطنه وتنفخه

يعني على خفيف المهم يعني خله ينظف الين يلق طبعا جربت وانحلت عندي المشكله

الثاني تفك دبه التلوث وتنظفها وسعر الفك رخيص مارااح يكلف عليك شي لوماكان منها راح تحصل فيها العادم

واااجد انصحك انك تنظفها

الثالث وهو المهم فيه شي بجمب المكينه بجمب القزوز اسمه حساس الطرق هذا وانا اخوك يكربن يعني يصير

عليه طبقه والطبقه هذي لا زم تغيره ممكن يظبط معك لو كان خربااان المهم فكتهن وجع

راااس لكن انصحك تروح لم ورشه وتشوفهن من تحت سعرهن تقريبا 120 حساسين وانا انصحك تغيرهن وكان

موترك قير عادي فيه ايضا حساس لا فكيت الخرطوش اللي رايح لم البخاخات اللي فيه المنظم راح تشوف منظم

له 4 مسامير فكه ونظه واغسله لك بنزيم ونفخه وانشاء الله خير

[باترول للأبد]

وعليكم السلام ورحمة الله وبركاته

أخوي الغالي طحنون ما أقول غيرالله يكون بعونك

وأنا مثلك أحس موتري مدري كيف لاكني تعودت عليه

ولابغيت ورشه زينه ويطلعون لك العله مالك الا اوتوسيرفس وصحيح غالين لاكن شغل مضبوط ويطلعون لك حتى البلط الناقص

[الستانس]

هذا رقم واحد باكستاني في ام الحمام ماشاء الله عليه مايحتاج يقولك كذا يعني كذا ماعنده لف ودوران والسعر يبيله رخي ريال شوي كلمه وتفاهم معه

نور:0508059189

[يوسف 206]

السلام عليكم اخوي مادري موترك فتك او عادي انا موتري ربع2005 من يوم ماشريته وهو مايعدى 150 وعزمه ضعيف شوي هالحين ماشي 110000 وعلى وضعه لكن تعودت عليه والله يعينك على الورش ووجع الراس

[ابو رشيد]

اذا انت تستخدم بنزين 91 يكون هو السبب

[طحنون]

يعني اللي فهمته اني افك دبه البيئه
واغير البنزين الى 95
طيب اغير طرنبه البنزين

[speed 557]

و الله مشكله ؟؟؟

[shaheenshah]

يعني اللي فهمته اني افك دبه البيئه
واغير البنزين الى 95
طيب اغير طرنبه البنزين
فك الدبة وتوكل على الله وان شاء الله يبي يضبط
وللعلم فك دبة التلوث احسن للسيارة واريح لها يعني ما منه مضار للسيارة بالعكس تريح المكينة وينفه عليها

اما البنزين الـ 95 افضل الـ 91 وكثير من الناس سبب لهم الـ 91 مشاكل

[ARB]

السلام عليكم
صباح الخير
لاتفك الدبة ولاتغيير البنزين اذا و انت راجع من الاحساء فيه غبار فاقرب شي حساس الهواء
اذا انبير الضغط اذا وصل 3 بدى يمسك الموتر فانه حساس الهواء

[صلفان.نجد]

قلت لك ياللحيه الغانمه موتري نفس العله ونفس الموديل صلحه الجابري 750ريال وضبط , له الان سنه.(الظاهر انه غير طرمبه بنزين امريكيه).

[بيبسي]

الله يعينكم ياهل النيسان .,.. تبهذلت فتره من سبته كان معي باترول 99 جابلي االهبال مع انه جديد تقطيع وكتمه وكربون ... وقلت ابيعه يمكن العيب فيه وشريت ثاني موديل 2000 ونفس الحكايه وبالاخير استسلمت للأمر الواقع وخليته معي الين بعته ...

[هولوكس2005]

لا تجي البخاخات ولا تعبث بالموتر
افحص كمبيوتر عند الوكالة ب250 ريال فحص كامل



واتوقع من البواجي او اسلاك البواجي

[شامخ ألهيلا]

اخوي اول شي سو تصفيه انت والتصفيه في صالح الموتر
وفك دبة التلوث نظفها من الي فيها

ونظف حساس الهواء او جرب من احد عنده باترول حساسه وش العله منه
واذا مانفعة كلها

شف اقرب برحة في المعارض واكرشه
هذا فيه عين

اخوك شامخ

[القناص]

الامر سهل
وده للوكاله
صيانة160الف كم ضرورية في الوكالة
وان شاء الله ماتتعدى الف وخمسمية مع القطع الاعتيادية
حافظ عليه الباترول يستاهل

[راعي المستوي]

السلام عليكم
اخواني انا عندي مشكلة وحدة وهي بعد ما دخلت الوكلة وسويت فحص في الفترة اللي اول ما بدا تغيير نوع البنزين 91 و95 حولت الى بنزين 91 وبعدها لا حظت ارتفاع في حرارة السيارة فوق الربع وقبل الثلث وظهور رائحة البنزين داخل السيارة اثناء ارتفاع الحرارة يعني في الشتاء لا تظهر الرائحة..
طبعا فحصت عند احد الورش ولقيت توماتيك المروحة خفيف وصلحته بعدها غير بلف الحرارة ولم يتغير شي.. غيرت ماء الاديتر الى حق التيوتا الاحمر ونفس الشي..
فيه واحد قالي يمكن الوكلة متعبثين في الديلكو وسألت ميكانيكي قال المكينة الـ 4800 ما يجي فيها ديلكو عوضوه بحساس الكتروني؟؟؟؟ وانتم في المشاركات اللي فوق تنثحون الرجال بفحص الديلكو؟؟؟
يعني يوجد ديلكو صح او لا؟

وشكرا لكم

[Black VTC]

الامر سهل
وده للوكاله
صيانة160الف كم ضرورية في الوكالة
وان شاء الله ماتتعدى الف وخمسمية مع القطع الاعتيادية
حافظ عليه الباترول يستاهل

صيانة 160 الف مرتفعة السعر و بعدها يعاملك الوكيل على ان سيارتك انتهاء عمرها الافتراضي واصبحت خرده ... حسب علمي ان صيانة 160 الف يغير لك الزيت والسيفون و البواجي والبطارية و الفحمات الامامية والخلفية ... واهم شي عندهم في هذه الصيانة هو تغيير رمان رؤوس العكوس الامامية وتشحيمها ... كل السابق بمبلغ وقدرة ؟؟!!... يعني يعتبر آخر اللحم على هذه العظمة الدسمة :( الوكيل يستغل وبس ...

بقي ان اؤكد لك ما سبقني به الاخوة بان تفحص دبة البيئة و تحاول تغيرها بماسورة عادية اماراتية الصنع بها كاتم صوت سعرها لا يتعدى 100 ريال مع شغل اليد ... ولا تنسى تبيع القطعة المستعملة الدبة الخربانة على اللي يغيرها لك بمبغل 50 ريال على اقل تقدير .. وان عيا يشتريها لا تتركها له تراه يبيعها بملغ مرتفع ...

وللتذكير ترا الفتك لكل بوجي كويل خاص يعني موزع على 6 كويلات قيمة كل كويل مبلغ 240 ريال تقريباً و تستطيع تغيير واحد من ضمن المجموعة ..وخرابهن واضح ما يبي له فني ان المكينة تقطع تقطيع وااااضح معناها ان واحد من الكويلات طافي وخربان ... او واحد من البواجي خربان و اذا خرب البوجي خرب معه الكويل حسب العادة ....

تحياتي وتقديري للجميع ...

[الحاتمي1]

السلام عليكم ورحمة الله وبركاته
اخي العزيز
انا كان معي سفاري حق الدوله يعني مو لي
وكان فيه نفس المشكله
وتعبت من الورش ومن كثر الفحص عند الورش
وبالاخير طلع واحد من اسلاك البواجي ما يوصل كهرباء بالشكل المطلوب
وبعد ما غيرت الاسلاك طقم كامله ارتحت
لان اي سياره من الموديلات الجديده سواء تويوتا او نيسان اسلاك البواجي لها عمر محدد لانها سخيفه
وما تتحمل الحراره لذالك لازم تتغير كل فتره يعني كل سنتين تقريبا
وانشالله يكون هو حل المشكله موترك
والله الموفق
\


اخوكم الحاتمي


ارجو التثبيت

[طحنون]

أشكر كل من ساهم في الموضوع
واعطى توجيهاته
والله يجزاكم خير الجزاء
أمس اللي هو يوم الاربعاء
رحت الى الخضريه الساعه 10 صباح وفكيت الدبه (البيئه )
وركبت توصيله ماسوره من النوع الاماراتي نوع يعتبر جيدا نسبيا
طبعا العامل (اللحام ) قص فقط الدبه من نهايه الحواف للدبه علشان لو بغيت اركب دبه بالمستقبل
افك المسامير واركبها زي المصنع بالظبط
طبعا يوم فيكت الدبه ارتاح الموتر بنسبه كبيره طبعا الدبه اللي هو يعمل عمله فلتر فيه فتحات صغيره جدا
تشبه خلايا النحل وصغيره جدا ومسدده من الكربون لدرجه عود الاسنان مايخش في الفتحات
مسدده جدا لدرجه اني صبيت مويه علشان اشوف الكربون او الاتربه ماتمشي المويه ألا نقط فقط يعني الدبه (عدمانه الى ابعد حد)
الموتر تغير بنسبه كبيره جدا
..........................................
المرحله الثانيه
وهي عمليه تنضيف (حساس الهواء )
شريت بخاخ خاص للكهرباء فقط للافياش والاسلاك والاكترونيات الدقيقه والحساسه (نوع امريكي ) قيمته 14 ريال
فكيت الفلتر بالبيت ورشيت عليه بختين وركبته ماصدقت ان الموتر رجع احسن من الاول حتى ان صوت الموتر ارتفع البرشر ضغط الماكينه رجع الى حالته الطبيعيه


وطلعت به على طريق ابو حدريه ومشيت عليه الى 160 لاكن خفت من الكفرات وكان الجو حار جدا
بس شكل الموتر بيصفق طبلونه لان مبين من فزته ماشاء الله تقول فزه مرسدس 560
.................................................. .................................................
السلبيات لا تعتبر واضحه وهي ارتفاع صوت الماطور بنسبه 15% ( وجهه نظري )
.................................................. ...............................................
ملاحظه
انتو ماقصرتو طبعا لولا الله ثم انتو ماسويت شي من اللي سويته انتو اللي وجهتوني وعلمتوني


........................
الاخ العزيز (الستانس )
تراني كلمت الباكستاني نور وقالي نفس كلام الاخوه
فك الدبه ونظف حساس الهواء
ماقصرت وبيض الله وجههك بالنيابه عن الشباب اللي تفاعلو مع الموضوع ولاهي غريبه عليهم
....
أشكر الجميع وارجو انت يضاف الموضوع الى قائمه الاعطال للاستفاده للجميع

[دفي الوقت]

أشكر كل من ساهم في الموضوع

واعطى توجيهاته
والله يجزاكم خير الجزاء
أمس اللي هو يوم الاربعاء
رحت الى الخضريه الساعه 10 صباح وفكيت الدبه (البيئه )
وركبت توصيله ماسوره من النوع الاماراتي نوع يعتبر جيدا نسبيا
طبعا العامل (اللحام ) قص فقط الدبه من نهايه الحواف للدبه علشان لو بغيت اركب دبه بالمستقبل
افك المسامير واركبها زي المصنع بالظبط
طبعا يوم فيكت الدبه ارتاح الموتر بنسبه كبيره طبعا الدبه اللي هو يعمل عمله فلتر فيه فتحات صغيره جدا
تشبه خلايا النحل وصغيره جدا ومسدده من الكربون لدرجه عود الاسنان مايخش في الفتحات
مسدده جدا لدرجه اني صبيت مويه علشان اشوف الكربون او الاتربه ماتمشي المويه ألا نقط فقط يعني الدبه (عدمانه الى ابعد حد)
الموتر تغير بنسبه كبيره جدا
..........................................
المرحله الثانيه
وهي عمليه تنضيف (حساس الهواء )
شريت بخاخ خاص للكهرباء فقط للافياش والاسلاك والاكترونيات الدقيقه والحساسه (نوع امريكي ) قيمته 14 ريال
فكيت الفلتر بالبيت ورشيت عليه بختين وركبته ماصدقت ان الموتر رجع احسن من الاول حتى ان صوت الموتر ارتفع البرشر ضغط الماكينه رجع الى حالته الطبيعيه


وطلعت به على طريق ابو حدريه ومشيت عليه الى 160 لاكن خفت من الكفرات وكان الجو حار جدا
بس شكل الموتر بيصفق طبلونه لان مبين من فزته ماشاء الله تقول فزه مرسدس 560
.................................................. .................................................
السلبيات لا تعتبر واضحه وهي ارتفاع صوت الماطور بنسبه 15% ( وجهه نظري )
.................................................. ...............................................
ملاحظه
انتو ماقصرتو طبعا لولا الله ثم انتو ماسويت شي من اللي سويته انتو اللي وجهتوني وعلمتوني


........................
الاخ العزيز (الستانس )
تراني كلمت الباكستاني نور وقالي نفس كلام الاخوه
فك الدبه ونظف حساس الهواء
ماقصرت وبيض الله وجههك بالنيابه عن الشباب اللي تفاعلو مع الموضوع ولاهي غريبه عليهم
....

أشكر الجميع وارجو انت يضاف الموضوع الى قائمه الاعطال للاستفاده للجميع



اولا احمد الله على ان مشكلتك انحلت وان شاء الله ماعاد تشوفها مره ثانيه

ثانيا بما ان هذا الخراب شائع بسيارات النيسان اتمنى منك اخي العزيز ان توضح اي الحساسات اللي نظفت وياليت تحط لنا صورته ونوع البخاخ اللي نظفته فيه بالاسم لان اغلب اصحاب النيسان تجيهم مثل هالمشاكل

وهل الحساس هو اللي عند فلتر الهوا المربع الاسود بعدين اذا فكيته من وين انظفه

وشاكر لك ومقدر

[طحنون]

أبشر طال عمرك هاذي صوره البخاخ
وفيه نفس الشركه لعده انواع لاكن هاذا النوع اللي شريه
وبالنسبه للحساس هو نفسه اللي ذكرته اللي يركب في القربه الهواء المربع وله اربع مسامير
فقط رش خفيف ولا يبغاله تجفيف لان البخاخ مافيه نسبه زيوت على طول ينشف ويعمل عمل المطهر او المعقم للا اجزاء الحساسه والدقيقه الاكترونيه والغير دقيقه مثل الديلكو
والدنمو والكويلات او الافياش






وهاذي صوره البطل الصامت


http://www.mekshat.com/pix/upload02/images73/mk9828_hjkl.jpg
واعذروني على الصوره الغير واضحه

[بيبسي]

الحمد لله والله فرحت علشانك اخوي طحنون ...وان شاء الله ماقدامك الا الخير

[دفي الوقت]

أبشر طال عمرك هاذي صوره البخاخ
وفيه نفس الشركه لعده انواع لاكن هاذا النوع اللي شريه
وبالنسبه للحساس هو نفسه اللي ذكرته اللي يركب في القربه الهواء المربع وله اربع مسامير
فقط رش خفيف ولا يبغاله تجفيف لان البخاخ مافيه نسبه زيوت على طول ينشف ويعمل عمل المطهر او المعقم للا اجزاء الحساسه والدقيقه الاكترونيه والغير دقيقه مثل الديلكو
والدنمو والكويلات او الافياش






وهاذي صوره البطل الصامت


http://www.mekshat.com/pix/upload02/images73/mk9828_hjkl.jpg
واعذروني على الصوره الغير واضحه



تسلم يالغالي على التجاوب لكن بالنسبه للبخاخ ماعرفت وش تقصد لان فيه مربع اسود وهو فوق الخرطوش حق الهواء وفيه اللي داخل بفلتر الهواء وهو عباره عن كوع وفيه القسام الاسود وفيه زي الشخال بينه وبين فلتر الهواء ليتك تحط صورته واسفين على الازعاج

[abuktab]

يالغالي أنا معي باترول 2002 فتك نفس مشكلة خبطت مكينته قبل سنة وزود

وطلعت وعزمه هبال الهبال وبعده بفترة اندمر وصار عزمه دمار

والحين يالله يجيب 160 و170 وقليل يتعداهن والحرارة ترتفع ويقطع

ويوم رحت أبشوف الحرارة غيروا لي البلف وقالوا كلش تمام المروحة وغيره وحطيت الماء

اللي ب90 ريال الاحمر أزين شيء لكن مازال كل شيء بحاله

أبي اذا ما عليك أمر تصور لي المناطق اللي غيرتهن أبسوي مثلك

لعله يزين

[المميـز]

الحمد لله على سلامة الموتر

ومايشوف شر ان شاء الله

وعز الله ان الشباب ماقصروا معك الله يجزاهم الجنه

[nejjer]

طحنون صباحك سكر

ياخوي انا عندي باترول 2002 نفس المشاكل اللي ذكرت صايره بالموتر والصراحه انه غاثني

ياليت تعطيني تفاصيل اكثر وتكون مدعمه بصور ولك جزيل الشكر

[طحنون]

هلابك يالحبيب والله اني شيل وحط مع الجهاز والكاميرا الدجتل ماادري وشلون انعفس الجهاز مع الكامير
دائما تطلعلي رساله لم يتم لين مليت الحين لي كم يوم ونا اعاني من مشكله عارض الصور مع تنزيل الصور
بالجهاز الصور تنزل لاكن ماتنحفض في الوارد بالصور وجبتلي واحد علشان يشوف المشكله ولا عرف لها وارجو المعذره من فتره والاعضاء يبون اعرض الحلول بالصور لاكن المشكله الى الحين ماانحلت ون شاء الله راح تنحل في القريب
.................................
بالنسبه للحلول اللي سويتها
ارجو ان تكون واضحه لديكم
1- بالاول فكيت الدبه اللي تجي تحت باب السائق وهي الفلتر دبه البيئه فكيتها وواصلتها ببيب عادي
لانها كانت مسدده وكاتمه على الموتر
2- والمشكله الثانيه حساس القربه اللي هو الحساس اللي يجيك لاصق في الهوز اللي رايح الى الثلاجه من الاعلى في فتحه البخاخات

...............................
لاكن اذا سمحولي الاداره بوضوع هاذا الرابط وفيه فائده كبيره لمشكله انخفاض العزم بالسياره

http://www.al3sr.com/vb/showthread.php?t=8535
طبعا للفائده ليس كل ماذكر ينطبق على اي سياره لاكن في الغالب

[nejjer]

طحنون كل هالوقت علشان صور خلاص صور بجوالك

وإلا تدري ارسلي رقم جوالك بالخاص لاني ابيه ضروووووووووووووري الله لايخليني منك

[سنجااار]

اخوي أن شاء الله ان ماعندك ألا شيئين اما دبت الكنداسه شخالاتها متسدده ولا الخرطوش حق البخاخات فيه شق وهذا سبب مشكلك
الله يوفقنا وياك
تقبل مروري بصدر رحب

[طحنون]

nejjer
شاكر مرورك ورقمي عندك
.........................................

سنجااار
هلابك الدبه وفكيناها وارتحنا
اما خرطوش البخاخات ماادري اي اللي تقصد اللي يودي الهواء او اللي يودي البنزين اتوقع لو فيهم مشكله راح تولع اللبه شك انجن وراح المكينه ترج ماتصير راكده وصافيه

[سبع الصحراء]

أخوي طحنون من مشكلت واضح بان قير الموتر تماتيك

وكحل مؤقت لحل المشكله في موترك إفصل أصابع البطارية لمدة 10 دقايق وركبها ثاني مره وبتلاقي ان الأمور زانت لكن العطل لم يتم إصلاحه ما زالت المشكله قائمة

وعشان تحل المشكله هذي

اتبع التالي وبإذن المولى عز وجل بتنحل أمورك :

1 / تغيير حساس تلقاه فوق ثلاجة المكينة أسم الحساس Atc والحساس هذا اتوقع ان فيه عيب مصنعي على
ما أضن ولازم تغيره والعيب هذا جاء في موديلات 2002 م
2 / تغيير حساس في القير أسمه سنولايد قيمته تقريباً 1400 إلى 1600 ريال

المشكله اللي تتكلم عنها مرت على واحد من ربعي في المقناص وما خلينا شي ما سويناه إلى القير قالوا لنا لازم تغيرون قير كامل

المهم غير اللي عطيتك إياه في النقطه 1 و 2 وضبطت أمورة وله أكثر من 4 أشهر

المهم قبل يومين رجعت معه نفس المشكله وهو في البر ويقول ما طلعت إلا بعد ما شد على الموتر شوي

وطبعا كان فيه حساس ثالث كان من المفترض يغيرة إحتياطاً لكن ما غيره وهو حساس أسمه فولف بدي وقيمته غالي تقريبا 6000 ريال

إذا استجد معي شي بمشكلتك راح ابلغك

وتقبل تحياتي

[طحنون]

الاخ العزيز
الله يعطيك العافيه على المشاركه
والمشكله الكبيره اللي نعاني منها هي تشخيص المشكله بالسياره
والمشكله الاخرى ان الوكاله ماعندهم فنيين او حتى الكميوتر اللي عندهم ماهو مخصص للسيارت الجديده
تلاقي الكميوتر لسيارات قديمه الموديل
والمشكله الادهى ان السيارات الجديده كلها حساسات وكهرباء وكبيوتر
وقليل ان يطلع العطل ميكانيكي
.................................................. ....
والكلام اللي ذكرته هو من صميم المشكله اللي تصير للسيارات
اتوقع بالنسبه للحساسات المشكله انها ماطلعت ألا بعد موجه الغبار المتواصل لقرابه الشهر هو اللي أثر على الكهرباء بشكل خاص وتصفيه الماكينه بشكل عام
اي جديد عطنا خير

[abuktab]

طيب ياليت توضح بالصور

[عبد العزيز العجاجي]

اخي الكريم طحنون فضلا لاامرا ارجو من شخصك الكريم الاتصال على هذ الرقم 0505214751 واكون لك من الشاكرين

عل فكرة ترى حاولت ارسل لك على الخاص وحصلتك ملغي هذه الخدمة

[سوبر VTC]

عن اذنك اخوي//// سنجار


اخوي طحنون


سنجار//// يقصد الخرطوش اللي راكب باللهاة حقت الثلاجة هذا الخرطوش دايم ينشعر و ينقص كانك قاصه بسكين و انا لاحظت ذلك مع زملائي خصوصا الباترول البخاخ صالون م97 الى م2001 و بعضهم يحط شطرطون على الخرطوش لانه اذا انشق الخرطوش يبدا الموتر يقطع و يضعف عزمه بسسب الشعر


ارجو انك فهمت ما يقصده سنجار:)


تحياتي لك

[طحنون]

الاخ العزيز بعد مافكيت الغطاء ونا اغير البواجي شيكت على الخرطوش للبخاخات سليم مافيه تنسيم

.................................................. ...................
ملاحظه جدا مهمه
ام كنت في الوكاله في الورشه الجبر بالدمام والسبب بغيت اشيك على السياره لاني مسافر مجرد تشييك نهائي
فوحصوها بالكميوتر واتضح ان كميه الهواء الداخله للمحرك اكبر من المعدل وضبطوها بالكميوتر برمجه
حتى كانت صرفيه البنزين زياده حبتين
والان الصرفيه ممتازه جدا والعزم ممتاز
الملاحظه قابلني مهندس هندي وسألني هل غيرت الرديتر قلته ليه قال لازم تغيره ضروري جدا بسرعه غيره والسبب ان المواسير اللي تبرد القير داخله في الرديتر والرديتر ضعيف جدا وتحمله ضعيف والسبب ضعفه الداخلي تنفجر الماسوره ويخلط بالماء الرديتر ويخبط القير
ويقول اربع سيارات تابعه لـ شركه ارامكو غيرو القير والسبب هاذي المشكله واكثر من عشرين سياره طلعت فيها المشكله القير والسبب الرديتر
وفي الحقيقه استغربت من الموضوع هاذا لان مافيه احد تكلم عنه بالمنتدى
واللي عنده علم يفيدنا

[شمالي طي]

السلام عليكم ياليت اخوي طحنون تتصل على جوالي بعد اذن الاداره لان عندي نفس المشكله 0531293335

[وليد46]

ياشباب بالنسبة لكلام اخوي طحنوووون عن مشكلة مبرد القير الي في الاديتر هالمشكله منتشرة بقووووووه

وحله ان مبرد القير يعزل عن الاديتر وفيييه اكثر من ورشة ببريده تعزلوووه وكثير ناس صلحوه

وماشاءالله لهم سنتين ماشكو منه بالعكس يمدحون القير وتعشيقة عقبه بسسس نبي واحد

من هالمنتدى جرب يعطينااا رايييه تكفووووون هالمشكله حاايسه مخي وودي اعزل المبرد

[سفاري959]

السلام عليكم يا شباب الي عنده مشكله بالباترول الفتك او غيره يروح لورشه ابوصالح التركي رجل فاهم ومتخصص في الباترول فقط ورجل امين وانامن الناس الي وديت له اكثر من موتر وكلهن ماشاء الله تزول مشكلتهن بحمد الله والي يبي رقمه يعلمني على الخاص موقعه الرياض الصناعيه القديمه

[هويدي]

الحمدلله على سلامه الموتر بصراحه تسلسل الموضوع حزين بس النهايه سعيده ولله الحمد :)

ابسألك يالغالي كم كلفتك فكه دبه التلوث ومن وين شريت الوصله
ودي افكها ولا ابيهم يحوسون بشكمان الوكاله

[شمالي طي]

السلام عليكم اخوي طحنون ياليت تدق علي يالغالي عندي نفس مشكلتك وابي فزعتك وماقدر ارسل رسائل خاصه لان مشاركاتي اقل من 50 وهذا رقمي بعد اذن الاداره 0531293335

[شمالي طي]

السلام عليكم اخوي طحنون ياليت تدق علي يالغالي عندي نفس مشكلتك وابي فزعتك وماقدر ارسل رسائل خاصه لان مشاركاتي اقل من 50 وهذا رقمي بعد اذن الاداره 0531293335

[ALBDRANE]

والله أني رحمتك من كثر الحلول الي تدوخ الراس
والحمدلله على النتيجة .

[خليفان]

ياعرب الموضوع قديم من عام 2008 وش بلاكم ماتشوفون شكل الاخ طحنون باع الماخوذ وفك راسه من الغثا

[فارس المدى]

ولله على مااضن انها دبه التلوث ( الشخال )

لان الموتر صافي على قولتك بس فيه كتمه اتوقع منها ..

احتماال تكون الحراره مرتفعه عندك شئ بسيط

[هويدي]

ياعرب الموضوع قديم من عام 2008 وش بلاكم ماتشوفون شكل الاخ طحنون باع الماخوذ وفك راسه من الغثا


انت شفت اول الموضوع كمل بقيه القصه الرجال ضبطت اموره ولله الحمد :)

[1711]

ههههههههههه لازم ندري وش صار