كفرات ماكسس !!!!

[بن نويشر]

يالربع نواي أركب كفرات ماكسس صناعة تايلندية مقاس 16، سيارتي فورشنر .
من جربها يفيدني يالنشاما ..

[أبو فهد11]

أخوي بن نويشر السلام عليكم

واحد من الزملاء مركبها على باثفندر مقاس 16

وبصراحه ما يمدحها

[مواسي الطعوس]

تحصل موضوع كامل عنه في الصفحه الرابعه

[برق تميم]

بن نويشر اهم شي لا تكون جايه من الامارات

الماكسس جيده اشوف حقين القنص والصيد وراعين الطيور لأني اعتبرهم هم الي يحوفون السياره حوف يركبون ماكسس البالون

وعند هنكوك وبرجستون ايضا جيده

[سوبر152]

dيابورويشن ركب ياباني تاريخ جديد سوموتومو شاهين عريض وتوكل على الله

[حمد808]

لاتقربك واحد مركبهاعلى شوروكي يقول متنفع ابد

[كبسولة2]

ممتازة جداً أستخدمها لي أكثر من 5 سنوات صناعة تيليندية

مقاس 265 / 70 / 17 للجمس وللجيب النيسان القديم

وقوية جداً في الوعر وفي النفود نسمها إلى 20 وشف المشي كنك على الأزفلت بدون دبل

[faris2006]

السلام عليكم
كفرات ماكسس زي مشلان قويه انا مركبها 5سنوات بس قاسيه تنسم ولا ماتنسم بالرمل لازم تفك الابر
غيرتها وتشوفها تقول لها سنه

[H I T L E R]

والله يالغالي انا مركبها على جمس رفرف حجم16 ممتازه و الله ولكن في انواع افضل بس يبيلها دبل السعر

[مدورالصمان]

انا مركبها عى باث فاندر .... قاسية جداً ولها صوت وبالنفود لازم تنسم واجد لأنها ما تنفع بدون تنسيم .....

بالعربي ما أنصحك..

[هاوي geed]

والله ماشفت منها الا كل خير لكن ماتقارن بالكفرات المعروفه مثل اليوكوهاما او الهانكوك وغيرها

[NissaN 1990]

ممتازه جداً وعمليه أنا مجربها واللي أحسن منها دنلوب الإندنوسي بس نبي منك إذا ركبتها أضفلنا كم صوره ودي أشوف الفورشنر بالبالون أكيد بيجي شكله رهيييييييييب

[abo abd allh]

ممتازه جدا

طبعا انا جربت العاديه مهيب البوالين