حرارة الـفـتـك

[shababi]

السلام عليكم ورحمة الله

عندي الفتك من كم يوم حرارته مهي على العادة مرتفعه حيل

المشكلة شيكت على الراديتر مليان مويه

وقبل فتره قريبه صيخت الراديتر

وش سبب هالحراره والراديرتر مليان مويه والمروحه شغاله تمام ..؟؟؟

[أبو فهد11]

إن شاء الله يفيدونكــ الشباب لكن أخوي تأكد من طرمبة المويه اللي في المكينه

[shababi]

يعطيك العافيه اخوي أبو فهد

[ناوي نيه]

تأكد من زيت المكينه وشيك على فلتر الهواء

[الحاتمي1]

اخوي شيك على مراوح التبريد الاماميه اكيد في وحده من المراوه ما تشتغل
وهذي حصلت معي شخصيا

والله الموفق

[Black VTC]

شف وانا اخوك ....

تأكد من التالي :-

1- بلف الحرارة ....
2
- مراوح التبريد الكهرباء - اللي قدام الرديتر . مروحتين يشتغلن مع المكيف او مع ارتفاع الحرارة ولهن حساسات للحرارة ..

3- عدم وجود تهريب من خراطيش الماء الداخل في الرديتر والخارج منه ... لاحظ ممكن ما تلاحظ ان فيه تهريب ماء ظاهر ولكن يصير بعض الاحيان مع حرارة الجو ومع حرارة السيارة تبخير غير مستشعر ويكون من عند القفيز ... لو تغير القفيز حقهم بقفيز الماني افضل لك اللي يجي بشد مسمار .

4- دبة البيئة اللي تجي تحت باب السائق قبل الكنداسة مباشرة .... دبة محشوة بمادة من اجل الحفاظ على البيئة و اذا اتسخت تسبب انسداد وما يطلع الهواء الحار من المكنية ويسبب عبئ على المكينة ويسبب ارتفاع الحرارة وضعف عزم السيارة ..ممكن تستأصل و تبدل بدبة عادية بها كاتم صوت رخيصة و لا تفرط بالاساسية بعها على اللي يركب لك الدبة الثانية بما لا يقل عن 50 ريال .. وترا قيمة الدبة الثانية مع شغل اليد لا يتعدى 100 ريال :)

اتمنى ان افدتك :)

[عبدالسميع]

السلام عليكم ورحمة الله وبركاتة ز
من واقع ملاوع ودوخة وصرف دراهم على السكاريب بدل كلتش المروحة أذا ماعندك تهريب ماء . وراس المكينه سليم ؟؟؟؟؟؟؟؟؟؟؟؟

[shababi]

بيض الله وجيهكم ماقصرتوا



شف وانا اخوك ....

تأكد من التالي :-

1- بلف الحرارة ....
2
- مراوح التبريد الكهرباء - اللي قدام الرديتر . مروحتين يشتغلن مع المكيف او مع ارتفاع الحرارة ولهن حساسات للحرارة ..

3- عدم وجود تهريب من خراطيش الماء الداخل في الرديتر والخارج منه ... لاحظ ممكن ما تلاحظ ان فيه تهريب ماء ظاهر ولكن يصير بعض الاحيان مع حرارة الجو ومع حرارة السيارة تبخير غير مستشعر ويكون من عند القفيز ... لو تغير القفيز حقهم بقفيز الماني افضل لك اللي يجي بشد مسمار .

4- دبة البيئة اللي تجي تحت باب السائق قبل الكنداسة مباشرة .... دبة محشوة بمادة من اجل الحفاظ على البيئة و اذا اتسخت تسبب انسداد وما يطلع الهواء الحار من المكنية ويسبب عبئ على المكينة ويسبب ارتفاع الحرارة وضعف عزم السيارة ..ممكن تستأصل و تبدل بدبة عادية بها كاتم صوت رخيصة و لا تفرط بالاساسية بعها على اللي يركب لك الدبة الثانية بما لا يقل عن 50 ريال .. وترا قيمة الدبة الثانية مع شغل اليد لا يتعدى 100 ريال :)

اتمنى ان افدتك :)

أخوي بلاك فتك اتوقع ان المشكلة من البلف

انا ابشوف لي ميكانيكي جيد وان شاء الله حلها يكون سهل

[مقلع الرمث]

اخوي شيك على الاديتر وسيخه عند واحد مزبوط وسمع لازم الماء حق الاديتر لا زم تغيره وتحط ماء اديتر ايس ديلكو الاخضر واخلط معه مويه مقطره وانصح انك مااتاخذه الا من الوكيل والماء تأكد انه معبأ تعبيه صحيحه لان البنقاليه العبوا بالبلد ويغشون بكل شي

[shababi]

اخوي شيك على الاديتر وسيخه عند واحد مزبوط وسمع لازم الماء حق الاديتر لا زم تغيره وتحط ماء اديتر ايس ديلكو الاخضر واخلط معه مويه مقطره وانصح انك مااتاخذه الا من الوكيل والماء تأكد انه معبأ تعبيه صحيحه لان البنقاليه العبوا بالبلد ويغشون بكل شي


هلا بك اخوي مقلع الرمث

ما اتوقع المشكلة في الاديتر لان عبيته قبل سنه ماء اخضر اصلي امريكي وصيخت الاديتر

بس سالفة هالحرارة محيرتني انا متأكد ان المشكلة ميكانيكية لكن وين الي يعرف له

ياليت اذا واحد مر بنفس المشكلة ينورنا ,,,

سلام

[هولوكس2005]

السلام عليكم ورحمته وبركاته

فيه ورشة ببريده راح يبيض الوجه انشاءلله والرجال مايحاتج بالجيوب

بريده \خضيراء ورشة الهبيش سعودي أبوسليمان 063242571

[shababi]

السلام عليكم ورحمته وبركاته

فيه ورشة ببريده راح يبيض الوجه انشاءلله والرجال مايحاتج بالجيوب

بريده \خضيراء ورشة الهبيش سعودي أبوسليمان 063242571


الله يعطيك العافيه اخوي لكن انا بعيد عن القصيم

[راعي طويلات]

مشكلتك والله العالم أنها من بلف الحراره قافل عندك غيره وإن شاء الله تزين أمورك

[الظافر]

اخي العزيز / تأكد من خراطيش الماء خصوصاً الخرطوش الذي في الاسفل يمكن يكون ينسفط وكذلك تأكد من تماتيك المروحه .

[على كف القدر]

السلام عليكم ورحمته وبركاته

فيه ورشة ببريده راح يبيض الوجه انشاءلله والرجال مايحاتج بالجيوب

بريده \خضيراء ورشة الهبيش سعودي أبوسليمان 063242571
:good2: :good: :good:

[العطااااااا]

يمكن لي المكيف الحار ، شف عند مكان رجول الراكب ، تحت الدرج ، فيه موية و الا لا ، اذا فيه موية مر على اقرب ورشة و خله يلغي لي المكيف الحار و يسكر اللي ،
انا قد صارت لي بباثفندر ، عار مدري الفتك اذا مثله والا لا ، الشغلة ماتكلف ٥٠ ريال





بالتوفيق لك

[عاتب الآمال]

بلف الحرارة
او كلتش المروحة
حسب تجربتي,, مشكلتك ماراح تتجاوز هالشيئين باذن الله اذا السيارة نظيفة

[ابوسند9]

الموضوع قديم الله المستعان عام 2008 له خمس سوات بس