الاكسبلورر ام الاكستيرا

[كاشخ 24 ساعه]

الفورد اكسبلورر

دبل
ريموت
مثبت سرعه
مكيفين
ضمان 5 سنوات او 20000 كم

ب96 الف ريال فقط


الاكستيرا
مافيه لانوع واحد قير اوتو وب 102 الف ريال
ضمانه سنتين او 10000 كم



وش تنصحون به

انا راعي بر ومطامر وكل سفراتي بر ماعدا الرحلات خارج قارة اسيا بالطياره او الباخره





على فكره كلهم 2008

[عاشق الفرفشة]

الاكسبلورر :
ميزاته : فخم واوسع من اكستيرا
عيوبه : اذا كان رباعي مستمر يعني يشرب بنزين على طووووووووووووول
قطع غياره نار عند الوكيل والصيانة تعبانه زي حال وكلاء السعودية
اعتقد ان مركب به ثلاث صفوف من المقاعد يعني ما تقدر تستفيد من المساحة الخلفية بالبر من فرشات او تكيات او شواية ... الخ

اكستيرا :
ميزاته :عملي وبسيط تقدر تتحكم اما ثنائي او رباعي
البنزين رخيص 91 وماشاء الله عليه في الخط جدا جميل وعزم حلو
به مساحة خلفية واسعة لوضع اغراض البر وكما تريد لاتنسى سقفها القوي والمتين لتحميل ما تريد
عيوبه : شكل خارجي ليس جذاب
ليس به تقنية او فخامة كمثيلاته

هذا رأي خاص بي وبدون زعل

[راعي الركيات]

ابعد عن الفورد نصيحه وانت علي راحتك

[ملاحق السيول]

إنكان عند عائله كثيره خذالإكسبلور وإنكانت عايلتك شويه خذ الإكسترا ونصيحتي الإكسترا لأنك راعي بر

[اول 111]

الإكسترا
اتوقع افضل

[شورت]

السلام عليكم


شوف لو استخدامك نظيف في البر والصيانه اول بي اول في الشركه انصحك بل فورد ركوب وراحه اوجاهه وموضوع البر كلو تنسيم كفرات .

عالم بيدخلو بونيتات للبر ويطلعو وينزلو فيه ولا عندهم مشكله

تجربتي للاكسبلورر

سياره قويه ممتازه للمدينه والسفر مجرب قطع غيارها ماهي غاليه مرا كتير من الميكانيكيه والكهربائيه يصلحو في البر كنت امشي فيه من غير ما اشغل الدع الرباعي مجرد تنسيم بس حطو علا عشره وشوف كيف تنط معاك

الاكستيرا ماجربتها بس الشكل شويه غريب وكتير مهم هاضمينو وما فيه وجاهه ومنتا محتاج ديك القوه الي فيه .

[عبدالله العلاج]

عافاكم الله على هذا الطرح




شكرا لك

[.أبوعبدالرحمن]

شوف وانا اخوك من ناحية القطع الغيار اسعارها قريبة من بعض كلهن غالية

ومن ناحية الفخامة والرساوة فهي من صالح الاكسبلورر

ومن ناحية مسكة السعر واطول نفس فهو من صالح الاكستيرا


ومن ناحية الوكالة ما اشين من هذا الا هذا


ومن ناحية شرب البنزين فأعتقد انهن كلهن واحد او راح يكون الفورد اقل


ومن ناحية الدفع الرباعي مستمر فكلهن دفع خلفي


ومن ناحية الوسع لصالح الاكسبلورر


ومن ناحية الراحة من صالح الاكسبلورر


ومن ناحية الاختيار بين الاكسبلورر والاكستيرا فهي ما يبي لها الا الاستخارة



وفقك الله

[بيبسي]

اشوف الفورد اريح واكشخ يالكشخه ... اما ضمان 5 سنوات حلوووه بس الكيلوات كم عشرين الف او مئتين الف كيلو ... والظاهر انك ماراح تعدم سياره بالبر سواء هذي اوهذيك كلها جديده وغاليه وماخبرت ان البر يعدم السياره الا مع المطافيق اللي يشوف الصعب ويروح له ويبعد عن السهل... عندنا سيارات جيوب وفخمه واحد منها موديل 2002 ممشاه وصل فوق ال350000 كلم ماخلا مكان بالخليج ولا بر بالمملكه ماراح له .. ولما تسوقه كانه جديد بس سواقة ركاده وعقل مو مطامر وهبال.. لذلك انصح بالفورررد اذا كان جديد واستخدام شخص واحد واستعمال جيد بيعيش شف الفورد الفكتوريا مع ناس مطلعينه من 98 والى الحين ماشي معهم ....وأسف على الاطاله

[كاشخ 24 ساعه]

الاكسبلورر :
ميزاته : فخم واوسع من اكستيرا
عيوبه : اذا كان رباعي مستمر يعني يشرب بنزين على طووووووووووووول
قطع غياره نار عند الوكيل والصيانة تعبانه زي حال وكلاء السعودية
اعتقد ان مركب به ثلاث صفوف من المقاعد يعني ما تقدر تستفيد من المساحة الخلفية بالبر من فرشات او تكيات او شواية ... الخ

اكستيرا :
ميزاته :عملي وبسيط تقدر تتحكم اما ثنائي او رباعي
البنزين رخيص 91 وماشاء الله عليه في الخط جدا جميل وعزم حلو
به مساحة خلفية واسعة لوضع اغراض البر وكما تريد لاتنسى سقفها القوي والمتين لتحميل ما تريد
عيوبه : شكل خارجي ليس جذاب
ليس به تقنية او فخامة كمثيلاته

هذا رأي خاص بي وبدون زعل



ولا زعل ولا حاجه

الاكستيرا عاجبنى فعلا ولكنه عمليا للبر فقط يعنى فخامه وراحه في المدينه (ماعندك أحد)
وفوق هذا وكيله الحمراني وهذا اللى يرفع الضغط صح

شكرا لمرورك

[كاشخ 24 ساعه]

ابعد عن الفورد نصيحه وانت علي راحتك



طيب والاسباب يالطيب

هل لك تجربه سابقه معه؟

[كاشخ 24 ساعه]

إنكان عند عائله كثيره خذالإكسبلور وإنكانت عايلتك شويه خذ الإكسترا ونصيحتي الإكسترا لأنك راعي بر


العايله صغيره نوعا ما بس المشكله طاري على اكبرها شوي :D

[أبو LAMeS]

تحياتي أخوي على طول كاشخ

السيارتين لمهام مختلفة يعني الأكستيرا تصنف من ضمن المتسلقات يعني ( الآوف رود ) الطرق المغلقة وهى السيارات اللي لها قدرها على صعود الجبال والطرق الشديدة الوعورة مثلها مثل الهمر

وبالنسبة لمسكة السعر عند البيع للأكسبلورر أنا أخالف رأي أخوي عبدالرحمن الصفيان لأنه الأكسبلورر بدأ يكون له شعبيه مهيب بسيطة يعني بأختصار السيارة حليلة عند إعادة البيع أزين من كثير من السيارات

النتيجة بالنسبة لي إذا كنت راعي بر على طول الأكستيرا بعد الاستخارة والله يوفقك لصالحك

[الحوت777]

الاكسبلورر ممتاز جدا
أشوف انه أفضل من سيارات كثير مو بس الاكستيرا بمراحل عن تجربة عندي 2003 ما خليت به مكان
الله يوفقك في الاختيار تحياتي لك

[Bader-M]

ادخل هذا الرابط

http://www.mekshat.com/vb/showthread.php?t=141624

ان شاء الله راح يفيدك
تحياتي اليك