الدفلوك ماهو واستخداماته [الأرشيف]

مشاهدة النسخة كاملة : الدفلوك ماهو واستخداماته

خ الفياض

25/06/2008, 05:48 PM

السلام عليكم ورحمة الله وبركاته
يامشرفين منتدانا وياشباب هالمنتدى الطيبين
حبيت اسألكم عن ((الدقلوك))
تاريخه*من اول من جاب فكرته*ولماذا يستخدم*وطريقة تركيبه*وماهو بالاصح*وأنواعه*وطريقته المكانيكيه كيف*عيوبه*مميزاته*كم يكلف*ووووووالخ

ملاحظه ((ودنا بي كلام علمي موثق بالصور والمتحدث يكون عن درايه تامه لتعم الفائده ولايهون الباقين))لو أي واحد نزل موضوع قبل يعطينا رابطه

وشكرا لكم مقدما

بدوي جنوبي

25/06/2008, 06:43 PM

http://smiles.al-wed.com/smiles/60/876.gif

@@موسوعة الدوف لوك (الهزاز)شرح كامل بالصور حصريا لمكشات@@ (http://www.mekshat.com/vb/showthread.php?t=74154) ‏

لعل هذا يفيدك ويقضي علي اغلب تساؤلاتك

عاشق السيل

26/06/2008, 12:45 AM

وش أكثر من رد مشرفنا الغالي ؟؟!!!!!

مواسي الطعوس

26/06/2008, 01:05 AM

صحيح مابعده كلام لطن نعطيه مختصر: الدفلك يجي اغلب السيارات اللي فيها دفلك(يكون خلفي فقط)

**عندك الفكسار موديل 97م جاء امامي وخلفي لكن صار منه مشاكل مايطيع يفصل واعرف واحدغير الفرنس الامامي والخلفي
**السيارات الحديثه والفخمه تماتيك الدفلك على( الايبي اس) يعني اذا ارتفع كفر مسكه الفرامل

**عندك بعض سيارات نيسان يكون نظام دشالي دائم يدور الخلفي .....والنيسا ن اللي اتخدام ياباني فيه هذا النظام ....ولذلك اللي يعرفونه اذا جاء باترول استخدام ياباني ياخذون كارونته الخلفيه.....وعنك الددسن الدبل الديزل 2006م فما فوق فيها هذا النظام يعني دفلك

** استخامه اذا ارتفع كفر ...اوماطلع الموتر من التغريز تعشقه ... وبعض السيارات فيه جرس اذا وصلت سرعة 40 يعطيك الصوت يعني لاتسرع

هذا مختصر فقط

خ الفياض

26/06/2008, 02:30 AM

عنبري

26/06/2008, 02:38 AM

السلام عليكم...........بالنسبة لدفلك انقذنا من كارثه
مابي اطول عليك ..واحد من اقاربي كان طلع هو وأمه بيتغدون قريب من صلبوخ (طبعا وقت المطر) وقعد يدور على مكان زين يتغدون فيه ويشوف ذاك المكان الصاد عن الناس وكان بينه وبين المكان شعيب صغير قاطع الزفلت وهو يمشي على انه بيروح يتغدء:no2: ومادر الى السياره مالت يعني كفرين في الهوء واحد قدام والثاني وراء
ويحاول بقدم يرجع مافيه فايدة ويحط الدبل ولاسر وامه ساكته يعني مرتاعه :eek: وقال مافيه حل الا ان واحد يسحبني
وطيح عينه على الدفلك وقال خل اجربه موب ظارني شئ ويلف الدفلك والحمد لله طلع بالسلامه ورجعوا للبيت
ولاتغدو ولاشافو السيل

ونستنتج ان الدفلك من وضايفه الموازنه بين الكفرات:good:

عاشق السيل

26/06/2008, 12:53 PM

أخوي عنبري ياليت تقولنا وش نوع السيارة اللي مع قريبك علشان نعرف إن الدفلك فيها يعمل بالشكل المناسب مهب مثل بعض السيارات دفلك ولكن مامنه فايدة !!!!

والله لايهينك .....

عنبري

26/06/2008, 02:40 PM

اخوي عاشق السيل اعذرنا على التأخير ناسي اكتب اسم السياره(شاص 2003)

مجالس الرجال

26/06/2008, 02:51 PM

أخوي عنبري ياليت تقولنا وش نوع السيارة اللي مع قريبك علشان نعرف إن الدفلك فيها يعمل بالشكل المناسب مهب مثل بعض السيارات دفلك ولكن مامنه فايدة !!!!

والله لايهينك .....
اعتقد ان الدوفلوك نظامه واحد ياي سياره
وعمله انه يشبك الكارونه يعني يمشي الكفر اللي عليه حمل والكفر اللي متعلق

مواسي الطعوس

27/06/2008, 12:20 AM

اعتقد ان الدوفلوك نظامه واحد ياي سياره
وعمله انه يشبك الكارونه يعني يمشي الكفر اللي عليه حمل والكفر اللي متعلق

نعم نظامه واحد وهو يجي بالفرت موديل 66 والموديلات اللي حوله وكان يجي بالفورد حتى اللي بدون دبل يسمونه الاولين(شابك الكارونه)

السفاري حسب علمي من موديل 90 والتويوتا ماعندي علم

عاشق السيل

27/06/2008, 02:21 PM

أخوي مجالس الرجال ،،

أخوي مواسي الطعوس ،،

للفائدة : الدفلك أكثر من نوع وطريقة !! فيه اللي يشبك الكرونة بالدفرنس الخلفي فقط وفيه اللي يشبك الكرونة بالدفرنسين كلها وفيه الأكثر تطور وهو اللي يوزع الحركة على الأربع كفرات بشكل منظم ومتقطع ،، وفيه الالكتروني اللي يحط كل القوة على الكفر الثاتب اللي محتاج للدوران علشان تطلع السيارة !!!!

ولكم مني خالص التقدير ....

مواصل ..

23/10/2012, 03:21 AM

أتوقع الفيديو ذا يبي يوضح لك فكرة الدوف لوك :good2:

Z257wwbPC70

S4500

23/10/2012, 05:29 AM

طيب اخواني ابي احد يجاوبني

الدفلوك استخدمة بدبل الخفيف ولا الثقيل ؟

الهاجري 4800

23/10/2012, 05:45 AM

طيب اخواني ابي احد يجاوبني

الدفلوك استخدمة بدبل الخفيف ولا الثقيل ؟

الباترول بالدبل الثقيل اما الاندكرورز ما اعرف عنه شي

الهاجري 4800

23/10/2012, 05:45 AM

اخواني انا معي باترول سوبر سفاري 2006 فل كامل وفيه دف لوك ولكن ما يشتغل شيكت على الفيوزات وطلعن سليمة تخبرون محل اروح له في الشرقية يشيكه لي؟؟؟

((ابوملاك))

23/10/2012, 07:38 AM

استخدمه بالثقيل فقط واول ماتطلع من الغراز فكه لا تمشى به

almodmani

23/10/2012, 01:46 PM

هذا الفيديو يفيد في الموضوع
http://www.youtube.com/watch?v=eS-_ZPonaAE

http://www.youtube.com/watch?v=RcRBYpccP6g