حرارة الباترول الحقوني يا اهل الخبرة

[ابو عبدالملك 2]

السلام عليكم ورحمة الله وبركاته
عندي مشكلة في الجيب الباترول حرارته ترتفع إذا صار واقف أو في زحمة وسويت تسييخ للأديتر والحرارة انخفظت شوي بس إلى اللحين متعب للسيارة خاصة في الزحام أحس بنفضة للسيارة اذا جيت احركها
هل فيه بلف يفتح على درجة حرارة أقل افيدوني يا اهل الخبرة علما ان موديل السيارة 98

الله يجزاكم الف خير

[الهاوي2008]

وعليكم السلام ورحمة الله وبركاته

تأكد ان المراوح تشتغل وقت تشغيل السيارة

[capricorn99]

اخوي د/احمد يا هلا بك انا وجدت حل للمشكلة على الرابط: http://www.mekshat.com/vb/showthread.php?t=130445

يمكنك الاتصال بصاحب الورشة للاستفسار عن باقي الخدمات المقدمة.

[الثويرات]

http://www.mekshat.com/pix/upload/images39/mk55341_zaz.gif




شف اذا انت راعي زحمات ولاودك تشكي من حرارة السيارة فلك الخيارين

1- انصك انك ترفع على ابنص حق المكيف يعني لاشبك المكيف تدوس السيارة شوي بشرط انه يكون تماتيك المروحة مضبوط
2- انك تركب مراوح كهرب

[عاشق السيل]

وعليكم السلام ورحمة الله وبركاته ،،

أسباب ارتفاع الحرارة كثيرة ومنها :

1 ـ الأديتر متسخ ومليان طين ،،
2 ـ تهريب ماء من الأديتر أو الخراطيش أو الطرنمبة أو الكوع أو ليات المكيف أو غطاء الأديتر أو أي مكان في المكينة ،،
3 ـ تماتيك المروحة مايشتغل بالوقت المطلوب أو خربان نهائيا ،،
4 ـ بلوف المكينة تحتاج وزن ،،
5 ـ وجود شعر في راس المكينة ،،
6 ـ بلف الحرارة مايفتح زين ،،
7 ـ وجود أوساخ بفتحات الأديتر تمنع دخول الهواء بين الريش ،،
8 ـ قد تكون الحرارة ممتازة لكن الحساس بالطبلون خربان !!

تأكد من كل اللي قلته قد يكون السبب ،، وغيرها كثير بس هذا اللي تذكرته والبركة في بقية الشباب وتقبل مروري يالغالي ....

[ابو عبدالملك 2]

أخوي الهاوي و cabricorn99 و الثويرات وعاشق السيل اشكر لكم مروركم على الموضوع وانشاء الله اطبق اللي قلتولي وانشاء الله اخبركم وش صار علي

الله يعطيكم الف عافيه

[صقر العثمور]

اخي العزيز شيك على التماتيك حق المروحه ووزنة الديلكو وشف المكينيكي الجيد

[واطي الجمرة]

شيك على تماتيك المروحه حقت المكينه
ترى كثير من الناس يغفل عنه

[ابو عبدالملك 2]

صقر العثمور واطي الجمرة اشكر لكم مروركم وما قصرتو وانشاء الله اخذ بالنصيحة

[حد الرهايف]

مع كل اللي قالوا الشباب شيك على غطى الاديتر يمكن يصير بلف الغطى طايح ولا ينسم الهوى وتقبلوا تحياتي جميعا

[ابو عبدالملك 2]

اشكر لك مرورك يا حد الرهايف وانشاء الله كل التوصيات آخذها بعين الاعتبار