فورتشنر أو باثفايندر أو باجيرو أو ناتيفيا

[GX2005]

السلام عليكم ورحمة الله وبركاته

يا شباب انا ودي اشتري وحدة من هالسيارات
وش النصيحة من اللي جرب من ناحية القيمة والجودة والصيانة والمكدة


فورتشنر أو باثفايندر أو باجيرو أو ناتيفيا

[الحلطاني]

فورتشنر والله يوفقك .

[البحرى2]

باثفندر واهم شي الاستخارة

[بيبسي]

تويوتا ....................... خذ فورتشينر 6سلندر اتوماتيك اللي يجي جنوط المنيوم بصراحه هو افضل اللي ذكرت ... من ناحيه يمسك سعره وتوفر قطع وفروع للوكاله وماشاء الله من ناحية العزم ولا ارووووووع

[ملاحق السيول]

فور تشينر6 سلندر

[عاشق الكنود]

باجيروا وتوكل على الله لاانه هو يباني اصلي وحليو مهوب شين
وتوكل على الله

[كاشخ 24 ساعه]

ممكن تعطينا معلومات عن


ناتيفيا

[الباتل الجنوب]

بعد الاستخارة بإذن الله ....
أرى ... ( باثفيندر ) خيار رائع

[ذيب طي]

باثــــفـــيـــــنــــــدر :good:

[ملاحق السيول]

كان بتاخذ باث فندر خذ من 2005 وتحت لأن مكينته أكبر من حجمه

[Farqd]

فورتشنر مع الاستخارة

[فارس العمور]

كيف تقارن الباثفندر بالهايلكس المصندقة ؟(الفورتشنر)

لاتغلط نفس غلطتي وتفكر بالفورتشنر

انصحك قبل تسمع كلام احد تشوف السيارات على الطبيعة وتكون كلها مديلات 2008

مافيه مقارنة

الباث افضل بمراااااااااااااااااحل

[الناصح1]

أنا شريت فور تشنر 2008 قبل 6 شهور جديد وكالة
والحقيقة تحسفت لأسباب كثيرةإذا عزمت عليه تعال جرب موتري وستبتعد عنه فورا.

[zaxs2010]

مشكور...............

[.أبوعبدالرحمن]

اشوف في المركز الاول الفورنتشر

والمركز الثاني الباجيرو

والمركز الثالث باثفندر

والمركز الاخير الناتيفا

[gsb]

الباجيرو بس لاتأخذ سعودي دور خليجي ثم الباث

اما رجال تبغى بيع وصيانة بس السيارة أي كلام هلكس مصندقة زي ماقالوا الأخوان خذ- الفورتشنر- ولا تنسى تستخير الله سبحانه قبل الإقدام على شراء أي سيارة.

[المدندن]

الناتيفا ما له حظ عندنا
قيمته تقريبا 77الف ريال فقط هذا الكلام قبل اقل من سنة اذا ما تغيرت الاسعار ، بصراحه سعره مغري لكن وش سبب عزوف الناس عنه لا ادري ، علما انه منتشر مع شركة الكهرب والاتصالات السعودية
سبق وطرح عنه موضوع خاص في مكشات طبعا ، وكان فيه نقاش رائع
للجميع خالص تحياتي

[كاشخ 24 ساعه]

انا اقول خلك مع تويوتا ولا تضيع ان شاء الله


الفورتشنر وبس

ابعد عن الامريكي الباثفاندر تراه عله


والله يوفقك

[مرداس2006]

السلام عليكم أخوي الناصح 1 أنت شريت فورتشنر 2008 قبل 6 شهور
وتقول أنك تحسفت وش سبب الحسفه بالضبط ودنا أنك توضح الامر سبب رفضك للسياره من أي ناحيه

[GX2005]

كل الشكر والتقدير لمن شاركني برأيه
علما بأنني لازلت أبحث في عدة مواقع عن مواصفات السيارات المذكورة بإستثناء الناتيفا فقد تم استبعاده من الخيارات
أجدد شكري

[escape_man]

بحسب وجهة نظري الشخصية

الترتيب كالآتي

باث فايندر

سيارة قوية .. صناعة امريكية .. فخامة .. سيارة العيلة على قولتهم ومظهرها مقبول.. اعطالها واضحة وقطع غيارها متوفرة ووكيلها اخس وكيل لكنها تبقى خيار مفضل.

باجيرو

الموتر نشيط ويطربك ومظهرة مقبول وعائلي وعيبة ايضاً وكيله وبعض قطع غيارة وللمعلومية السيارة مع الصيانة تدوم وتدوم وتدوم بأذن الله.

الخيار الثالث فورتشنر

صحيح انه تويوتا لكنه الابن الذي لم تنجبة العائلة .. رفيع وخطر ومهنا رساوة وضيق من الداخل ووجهيتة كنها وجه وبر ومركبة جداً مزعج لكن الـ 6 سلندر منه نشيط واداءة رائع بالنفود والشعبان والمراقي الرملية والحجرية. يطلق عليه البعض هايلوكس مصندق وياليت تويوتا يوم طورته سارت على خطة نيسان بالباث فايندر.

الخيار الرابع تم استبعاده

[الناصح1]

أما بالنسبة للفورتشنر اكبر مشكلة تكمن ( حلوة تكمن) في الفرامل وسألت غيري فوافقني الفرامل تفشلك مرة وتخونك( تزحف).
وكذلك مافيها متانة الصدام والرفارف أدنى لمسة تنطلق المشكبيات.
مافيها فخامة
وغير ذلك ....

[gsb]

انا اقول خلك مع تويوتا ولا تضيع ان شاء الله


الفورتشنر وبس

ابعد عن الامريكي الباثفاندر تراه عله


والله يوفقك


ألأمريكي العلة كلزلر ثم جنرالموترز وفورد

مادخل النيسان من عام 2006 بالسعودية ولا أحد اشتكى إلى الأن

على أي أساس حكمت أنه علة ؟؟؟؟؟

والتويوتا طيب ما أختلفنا بيع وصيانة وقطع غياروقليل الأعطال مثله مثل غيره من الشركات اليابانية خصوصا إذا كان جديد وراعيه محافظ عليه لكن الباقي ....... .

[Magellan]

ألأمريكي العلة كلزلر ثم جنرالموترز وفورد

مادخل النيسان من عام 2006 بالسعودية ولا أحد اشتكى إلى الأن

على أي أساس حكمت أنه علة ؟؟؟؟؟

والتويوتا طيب ما أختلفنا بيع وصيانة وقطع غياروقليل الأعطال مثله مثل غيره من الشركات اليابانية خصوصا إذا كان جديد وراعيه محافظ عليه لكن الباقي ....... .


أعتقد أن الأمريكي ناجح في السوق السعودي وبتفوق ولغة الآرقام هي التي تحكم
والدليل شعبية اليوكن والتاهو التي تفوق شعبية الارمادا والباثفيندر
إطلالة سريعة للسوق السعودي تجد أن السعوديين يثقون بجنرال موتورز أكثر من نيسان
تحياتي :)

[مواسي الطعوس]

المركز الاول : الفاندر بلا منازع من المواصفات(القوه/الاقتصاد/الراحه/السعه الكبيره بسبب طي المراتب ونزولها تحت/الديكور الداخلي الرائع/الشاشه....الخ)

الثاني: الباجيرو 2007م فما فوق بعد عملية الشد اللي حصلت له


الفورتنر فيه القوه فقط الرساوه اللي اهم شي يخلف الله وبالبر لاتدور موتر...

[مقلع الرمث]

اخوي والله كانك تبي تاخذ باجيروا المحرك الجبار 3800Cc فاتوقع انك مااارااح تندم ابدا لانه فيه مميزات ولافيه فرق عن الاند الجديد من الداخل لكن انصحك تشري الفل بدون جلد

[معدي المرقاب.]

بعد الاستخارة..
1/فورتشنر6سلندرفل كامل..
2/باجيرو(قطع نار)فل كامل
3/باثفايندرفل كامل...

[gsb]

أعتقد أن الأمريكي ناجح في السوق السعودي وبتفوق ولغة الآرقام هي التي تحكم
والدليل شعبية اليوكن والتاهو التي تفوق شعبية الارمادا والباثفيندر
إطلالة سريعة للسوق السعودي تجد أن السعوديين يثقون بجنرال موتورز أكثر من نيسان
تحياتي :)

لم أتكلم عن الأرقام معروف شعبية اليوكن وتاهو لكن فقط في سوق السيارات العائلية

الرجل تكلم في موضوعة عن إستشارة عن سيارات دفع رباعي يعني رجال يطلع بر دائماً

وسر تفوق جنرال موترز في سيارتها الجي ام سي يكن أو سوبر بان أو شفرولية تاهو هو المواصفات مقابل السعر والراحة وكذالك السيارة إقتصادية لسفر ... ولكن راعي البر لا اتصور انه راح يشتري يكون أوتاهو

مع أن السيارتين فيهن خيار الدفع الرباعي ... لكن اسمحلي من ناحية الإعتمادية في هذا تعطل حساس الدبل يمكن يخرب عليك وانت بالنفود !!!!!!!؟؟؟؟؟ كذالك خراب طرنبة البنزين المتكرر مجهول السبب وبدون اشعار مسبق هل سوف ينا سبك هذا العطل في البر او في احد الطرق البعيدة مع العائلة. لذلك هو علة رداً على أخونا

[فارس العمور]

ماقارناتكم فيها خلل ..

اخوي انا الباجيرو ما اعرفه بس يمدحونه

الفور تشنر خالي شراه بعد يومين من شرائي الباث فندر

ووقفناهم جنب بعض والله ثم والله تضحك على نفسك اذا قارنتهم ببعض فرق كبيررررررررررررر

من كل النواحي فعلا من كل النواحي وانت جرب وتعرف بنفسك
1- المظهر
2- القوة
3- المكينه
4- القير
5- الفخامه
6-الرحابه
7- الثبات والرساوة
8- الممشى والعزم
9- الراحة والامان
10-التجهيزات الداخلية والالكترونيات من شاشه وظغط هواء الكفرات ونفقيشن ومدخل اي بود وودي فيدي وبلوتوث ومفتاح ذكي ونظام صوتي و3 مكيفات مركزي ...الخ

انت شوف الصورة بتوقيعي (هذا 2008 نص فل !!) هل تقارنه بطبلون هايلكس ؟

مافيه غير حاجه وحده لصالح التيوتا تدري وش هي ؟
الاسطورة الكبيره الي تقول التيوتا يتحمل وقطع غياره ارخص وهذي خرررررررررررطي