أهل المنطقه الشرقيه او من لديه الخبره توجيهاتكم ونصائحكم ..

[أحمد 2020]

السلام عليكم ورحمة الله وبركاته ..


يالله حيهم :D كلن بإسمه


قررت السفر أنا والعايله الكريمة إلى المنطقه الشرقيه .. الدمام على الخبر .. إلخ ..


وعندي طلب إن شاء الله بسيط لأهل المنطقه أو من لديه الخبره بالمنطقه ..


ـ أماكن تصلح لجلوس العوايل ..
ـ أفضل السكن مع السعر المعقول ..
ـ جديد المنطقه ..
ـ مكان إلم تزره لم تذهب لشرقيه ..
ـ أفضل المطاعم طبعاً غير الأكلات البحريه لأني لم أرزق بحب هذه الأكلات ..
ـ أفضل الأسواق للعوايل ..
ـ إن حصل خرائط للمنطقه فحسن على حسن أو إحداثيات . .


منطقة الثقبه هل تناسب لسكن العائلي مع إني أذكر أنها للعزاب فهل تغيرت .. ؟



وفقكم ربي ..


بإنتظاكم ..!

[سوسة حطب]

شف مشرفنا الغالي أبا فيصل أبخص مني ولكنني أبتليقف :d

أبخذها نقطه نقطه
الأماكن التي تصلح للعائلات في الخبر هي :-
1- شاطئ العزيزية المعروف .
2- شاطئ نصف القمر الأماكن الجديدة منه .
3- فيه مكان ما أعرف وش أسمه لكن خل شاطئ نصف القمر على يدك اليسار وابتل بيجيك على اليسار بعد 20 كيلو تقريباً نظيف جدا وعلى الشاطئ مافيه وسخ مثل الهافمون
4- وإذا كانت سيارتك دفع رباعي فيه إللي على يسار الشبيلي هذا الشاطئ روعه في النظافة بحكم قلة زواره
5- الشبيلي بس لا تمره إلا بالليل أفضل .
6- كورنيش الخبر .
هذه بالنسب لجلسات البحر إللي في الخبر
( السكن )
من واقع تجربتي انت تبي شي جديد ونظيف الشقق إللي بجنب مجمع الراشد هذه مناسبة تتراوح أسعارها ما بين (120 إلى 350) تقريباً
( جديد الخبر )
إللي أعرفه إلى الآن لا جديد طبعاً أخر زيارة لي لمنطقة الخبر هي في 14/6/1429هـ
طبعاً أفضل شي في الخبر هو البحر + الأسواق الراشد وأسواق مقابلة لكورنيش الخبر
المطاعم فيه مجموعة مطاعم على الكورنيش وفيه بعد إذا خليت الكورنيش على يدك اليمين وجتك الإشارة رح يسار بيجيك على هالشارع مجموعة مطاعم والاسعار تختلف
فيه مجمع مطاعم في أول الكورنيش هذه حليوة بس ترها غالية نار وأكلها أغلبه بحري

[أحمد 2020]

5- الشبيلي بس لا تمره إلا بالليل أفضل .


نصحني الكثير به لكن ما أعرف الوصف .. !!

[سوسة حطب]

الشبيلي بعد ما تخلي الكورنيش على يسارك وتروح سيده بيجيك دوار خذلك نص دوره >>> أمحق تعبير بتجيك على يدك اليمين واليسار مصطحات خضراء والجلسة فيه نظيفه من وجهة نظري يصلح للشاهي والقهوة لإن ما فيه خصوصية

[كاشخ 24 ساعه]

من ناحيه الاكل والمطاعم لا يفوتك دارين


تراه رهيييييييييييييب بس غويلي شوي


شغلهم يخليك تفكر مره ثانيه بالعوده



رح للفرع اللى على كورنيش الدمام مقابل شقق همس وان حصل لك تاخذ في همس تراها جدا مناسبه وانا جربتها قبل كذا واعجبتني.

[سوسة حطب]

دارين مطعم زين بس غالي بجد ذكرتي بواحد رايح وعياله وطلب منه وطلع عليه الحساب 430 ريال ويوم وصل للشقة كلوه وما سد جوعهم وطلبوا من مطعم فطاير تصبيرة إلى بكرة