زودتوها ياأعضاء مكشات .. تفاوضوا أو عليكم بـ( هدنة ) فك اشتباك

[حفرلوجيا]

سلام يالربع
كتب أخوي ( الحر ) موضوع ( وش علم أم العوف رقي الطوايا .. هدية لأخوي حفرلوجيا (http://www.mekshat.com/vb/showthread.php?s=&postid=96030&t=6303#post96030)) وحط كاركاتير للهليل ( يتمسخر) بجنس بشري أو مايعرف بـ( الخكاريه ) في منظر مضحك لكيفية طقهم خيمتهم بالبر :mad: .. وقال الحر ان ذلك هديه وتكملة لموضوع حفرلوجيا ( لاتحككون بالصمان يامطاريس الثمامة (http://www.mekshat.com/vb/showthread.php?s=&threadid=14079) ) اللي فيه تعليق قريب من نفس الموضوع .
----------- أخوي الحر : أقبل هديتك ( متردد ) لأني متوقع اننا ( زودناها ) على ها( الضعوف ) .. وبعدين وش فيها اذا طقوا الخيمة بالمقلوب .. ( حركة .. وفيها تجديد ) ;)
وعليه اتوقع ان المشرف يبي يقول ترفقوا بهالقزاز لايتكسر .. لكني أكتب :
أشوف ردودكم على الموضوعين يالمكشاتيين ( بأسبابي ) فيها إجحاف .. وش جاكم على هالمساكين ؟!:mad:
تلفت وإلا هالنوعيهة في بعض المدن صاروا من كثرتهم مثل الهم على القلب ! ومادام كثروا ليش مانسمع وجهة نظرهم ؟!
تحمدت من أشواري .. وطبعت موضوع أخونا ( الحر ) ناصي شارع التخصصي وشارع الثلاثين بالعليا بالرياض حيث مرتع ( الحبايب ) .. وصلت سوق العزيزية .. واضطريت وأنا نازل من السيارة أسوي مثل مايسوون أباؤنا إذا مروا من عند ( بنات ) كاشفات .. مديت شماغي أمنع ( نظري ) عن مجموعة لمحتها على شمالي .. لكني تفاجأت بهم يضحكون باصوات مرتفعة ( متغنجه ) تشبه صوت الحريم ولا هي رجال :no::looney:.
بس .. وقف عندك .. هذولا هم ( الصيد ) !:mad:
سلام يالربع ... قالوا : هاي
قلت جيتكم من ( مكشات ) !!
وعلى شان تعرفون وش صار ؟! أرد لكم...
----------- يتبع

[حفرلوجيا]

مجرد ماسمعوا كلمة مكشات تعالت أصواتهم .. قالوا ( اوه لا لا ) ( اوريجينال ) ( واو ) .. ولا تسألوني وش معنى كلامهم .. بس أظنها مثل قولتنا ( بعدي ) ( سنايدي ) أو مثل مايقولون عدوانهم العرابجة ( ابوك يالطناخة ) ..:D .. ماعلينا خشيت بالموضوع قلت لهم : نيابة عن المكشاتيين أقدم لكم هذا ( المطبوع ) .. سألني ( أرجلهم ) بصوت يتقاطر دهن : من هو ( الحر ) ؟!..
قلت هذا أنعم أعضاء مكشات وجهه لافحته سموم البران من مطارد الصيد بصقوره .. وايديه تقل كرب من مشق المربعانية والكشتات لو غطيتهن بماء طلع لك ست طعش لون .. ورجليه من مطامر الشعبان والخباري حول ( المزاين ) تقل كومة مسامير محلية ( تمخش ) ;)
هنا عينك ماتشوف إلا النور اللي انصرع .. واللي طلع منديل ويشاهق .. واللي صار ( يتحقرص ) تقول مبشر بشي ( ويتقصع ويتهكع ) بمشيته .. والبقية الصاحين يتناخون ( ياي .. ياي ) .... ( شفتوا انهم رقيقين والظليمة شينة ) :p
قلت : ماعليكم مادام هذا علمكم .. ابشروا بالعوض .. وأتسرع بطرح رأيي عليهم , قلت : تراي جايكم من المكشاتيين اللي يبي يحطون لكم خيمة ( منتدى خاص ) وإن بغيتوا( نستره برواق ) :D بس تسنعوا.. ولا راح تسمعون بعدها منا ( كلمة مطاريس أو بقر ) ..
بيني وبينكم حسيت اني تسرعت .. وش يفكنا من أخونا( ابو تركي ) .. لو وافقوا هالحلوين ودخلوا مكشات .. خوفتي ان السمح والمري والبقية يبي يتوهقون يطلعون صقورهم ويهدونها عليهم بزعمهم ( طيور تنصاد ) .. والمشكلة بهالحالة .. الصقور ياإنها تبي تجفل لأنها ماقد شافت صيد من هالنوع .. أو إنها تبي تحسبهم صيد وتتعود على طرحها .. وتصير ماتبي إلا الهدد عليها وبس .. وتصير صقور المكشاتيين ( إما وحش أو خـ......) :p .. ( حتى الصقور ماتسلم من هالحبايب ) .
ماعلينا .. طلعوا علي كل واحد بسالفة الخلاصة يقولون : انتم متوحشين ياراعين الكشتات .. بركم مافيه ايسكريم ولا همبرقر ولا حمامات .. مافيه إلا عقربات وحيات وضبانات .. قلت لهم سلامات .. وتركتهم أبي شارع الثلاثينات ..
وأول مادخلت الثلاثين لقيتهم مجتمعين عند( رانديفو كافيه ) ( مكشاتهم ) حيث مواعيدهم :mad: ومسوين تجمع ورافعين لافتات منها : ( يسقط مكشات منتدى المتوحشين ) ( تشهد يالحر عل روحك نبي نفحط بحارتكم ) ( احذف الهجوم علينا ياشقردي وإلا نطشر ملعقة ايسكريم على سيارتك ) ( الثمامة وبس والصمان لمتوحشين مكشات .. اللي يكشتون بدون مكيفات ودفايات ) ..
أمام هذا ( التهديد والوعيد ) أحذر : تراكم تورطتوا ياأعضاء مكشات وخلونا نفتك ونتفاوض معهم .. لكن المشكلة من يتفاوض معهم :
صقر : اللي يبي ياخذ المسألة ( تحقيق ) ويبحث تاريخهم وظروفهم الإجتماعيه و( يعقدهم ).
أو نفل : اللي يبي يطلع لهم صور يخليهم ( مسخره ) ..أو نقا هشال : يمكن يطامربهم الشعبان كل خميس وجمعه ويعقدهم من كل المكشاتيين..أو خشم الحصان : اللي من اسمه مبين إن ابسط طريقة لتفاهمه معهم بالمشعاب يوسطه بالخشم .. أو المرصاع : اللي الاسم ( بدون شرح ) يدلك على نوع التفاهم ..:looney:
الحقيقة مشكلة .. ماحنا لاقين أحد يتفاوض معهم .. تدرون ؟؟ :) أفضل شي ( هدنه ) .. وعلى شان ( اثبات حسن النوايا ) .. هاأنا أبادر بهذا الموضوع ( الخالي ) من المسخرة بهم . ;):cool:
وسلامتكم

[الشقردي]

موضوعك اقلاع وكلامك منتاز بس ما نقول الا الله يعين أهلهم عليهم.

أنا ما أدرى هالشباب (المايعين) تكرمون, وشلون يتحملون المسؤلية اذا كبروا !!!!

ولا من بيرضى يتزوجهم ....
والله اني يوم قريت الموضوع فطست ضحك ويالله اني قويت أكتب
============ (بعد اذنك يا حفرلوجيا)

يا جماعة برأيكم هل توجد بيئة تخلى من هالنوعيات ؟
لابد اننا نطرح الموضوع بإيجابية شوي .. ونفكر باصلاحهم قبل ما يتفشى المرض ...
وترى كل جيل أردى من اللي قبله... ويالله صلاح العطى وما عطى.

[صقر]

هاهاهاها

الله يقطع ابليسك ياحفرلوجيا.... والله هالموضوع روعة ودرة من دررك ..

اجل ... هدنة احسن مع هذولا ... ياحسن النوايا...ورطتنا بهم ورحت يم الجنادرية تغطي فعالياتها.

جزاك الله خير وبارك الله فيك...

[laith]

السلام عليكم ورحمة الله وبركاته

الله المستعان ...

http://www.mekshat.com/pix/upload/images3/e3lamiat-1070954133[1].jpg

يابو سليمان ترفق شوي صحيح ان قلبك حنين ...!! لكن على هالنوعيات ماغير المشعاب ياصاح .. الا ان كانهم خذو بالنصيحه واعقلو فالله يهديهم.

اللهم اهد شباب المسلمين واصلحهم..

[عاشق الشروكي]

الاخ العزيز حفرلوجيا سبق وقلت لك تحملهم وش غيرك اليوم بتعمل هدنه معهم
لكن فعلا تراهم كثروا الله يصلحهم اللهم لا شماته يالله تصلح العطا

[كشات]

بسم الله الرحمن الرحيم

السلام عليكم ورحمة الله وبركاته

ياهلا والله ومسهلا بابو سليمان

ياخوي ليش تتعب نفسك وتروح تدورهم

شغل شريط اجنبي والا حدى اغاني هالعروس وتلقاهم يجونك يدبون دبي ويتكومون عليك مثل الفراش على الضو بايام الربيع

انا عجبتن فكرة الهدنه
بس نبيه بمنطقه محايده
وبالبر بعد
نبي نجيب لهم (موترهوم) بيت على كفرات ونحط به كل ادوات الميك آب(ماهوب يقرب لسفن آب)ونسوي لهم شطرنج على حدى هالطعوس ونخليهم هم الجنود والقلعه والحصان(بدون خشم ;) ) خشم الحصان تبعنا
وكود ربك يكز لنا هبوب يحوس رقعة الشطرنج اللي بالطعس ويتسثح عليهم من هالتربات لين تمتلي مخابي بناطلينهم يااااااااااااي
وناخذهم بجوله قصيره بصندوق حدى هالشواص لم الحجره اللي حول لينه يازينه مابه ولااااااا مطب واحد :confused:



تسلم ايدياتك يابو سليمان
اما المرصاع :eek: يازينه لو يطيعن ويتولاهم على دمايجهم دميجتن دميجه
كودهم يسترجلون شوي

[المربد]

على اي شيء اعلق على الكاتب أو الكتابة....؟؟

اما الكاتب فلم يعد يخفى ابداعه على احد والدليل اننا كنا بانتظار موضوعه على احر من الجمر والشاهد كثرة الردود في خلال ساعتين..!!

واما الموضوع فسبق وان قلت لك يا اخي ابوسليمان (ولايهونون القراء) بان في الشباب طاقات ولكنها تحتاج الى التوجيه. وللأسف فهولاء تم توجيه طاقاتهم وعلومهم الى الاهتمامات النسائية (العطورات والموضات والمظاهر....)

وفكرة الهدنة والمعاملة بالحسنى من احسن ما يمكن ان يتم معهم..

اسال الله ان يحفظ لنا ولكم الذرية ويصلحهم انه سميع مجيب

وكالعادة يابو سليمان 10/10

[المسفهل]

الله يهديك يا أبو سليمان ! وش لون تجمع الضب بالسمك ؟ !

ما ترهم الموجة ، ولكن أصرف لنا تخليهم بشارعهم وحنا خلنا بالصمان .

[فـ(الجـوف)ـتى]

Originally posted by صقر
هاهاهاها

الله يقطع ابليسك ياحفرلوجيا.... والله هالموضوع روعة ودرة من دررك ..

اجل ... هدنة احسن مع هذولا ... ياحسن النوايا...ورطتنا بهم ورحت يم الجنادرية تغطي فعالياتها.

جزاك الله خير وبارك الله فيك...

[عاشق الصفاري]

Originally posted by المسفهل
الله يهديك يا أبو سليمان ! وش لون تجمع الضب بالسمك ؟ !

ما ترهم الموجة ، ولكن أصرف لنا تخليهم بشارعهم وحنا خلنا بالصمان .
:good:

[السمح]

أجل إيديه تقل كرب من مشق المربعانية !!!!!!!!!!! :D :D
شوي وأطيح من الكرسي .. الله يخزي شيطان سموكم ياشيييييخ :good:
بعدين ياحفرلوجيا أي هدنة تتحدث عنها .. لا لالالا أنا بعكسك أقول عليهم .. ترى إن شافوا تهاون والله يتهورون ويجون يقبصون شقردي ، ويكشون على شقران ( على قولة راعي عنيزة الله يذكره بالخير ) ، وأنت يبي يقولون لك يالجلف ما نحبك ...:p :D
وترى ياعيوني هم البادين بمحاربتنا .. قبل سنة من الآن رئيسهم مرسل لنا رسالة .. تعال شف هالموضوع (http://www.mekshat.com/vb/showthread.php?s=&postid=29855&t=8503#post29855)
ومن أنذر فقد أعذر

أحلى تحية

[((( الحر)))]

الفزعه يالربع الفزعه يالنشاما....... الخكاريه نفذو تهديدهم...!!!

ابو سليمان الله يحوس العدو ويقطعه وش سويت في من اليوم وانا جالس مقابل شاشة الجهاز ماقدر اشوفها غبار غبار غبار غبار الفزعه يالربع يالنشاما الخكاريه نفذو تهديدهم ومن الساعه اربع العصر وهم تفحيط عن بيتنا وبحارتنا بسياراتهم الكوريلا والصني...!!!

وانا قاعد اكتب هالمقال وبعضهم يفحطون وبعضهم ماسك الشجر الي عند بيتي ويقبصونه...!!!
ابو سليمان وابو تركي اعلنو الهدنه احسن لهم قبل تصير مذابح ويصير عام 1424هـ (( سنة ذبحة الخكاريه على يدين الحر)))........!!!
وعلموهم من انذر فقد اعذر...!!!
وسلامتكم......

[حفرلوجيا]

أخوي الشقردي : شكرا .. وعلى خلفية قولك ان كل جيل أردى من اللي قبله قد يصبح السؤال ( كيف يتحمل المائعون المسؤلية ) آخر الأسئلة ( الله يستر ).
أخوي صقر : شكرا .. على طاري الجنادرية .. ليت المسؤولين يفكرون بإستغلال ( معسكر ) الجنادرية في إعادة تأهيل من ( ماع ) .
اخوي laith : شكرا .. صدقت .. اللي مايتسنع منهم يمكن ماله غير المشعاب .
أخوي عاشق الشروكي : شكرا .. نقول معك الله يصلحهم .
أخوي كشات : شكرا .. إما تأخذهم بجولة بشاص الجيب للحجرة ( تخيلت الموقف وضحكت من الأعماق ) :D:D:good:
أخوي المربد : شكرا .. عز الله انك جبتها .. طاقات .. بس وين اللي يوجه في ظل الأنانية الجماعية وترك هالسرطان يستشري .
أخوي المسفهل : شكرا .. وأدع الله ياريس مايجينا ( طوفان ) يخلي السمك ( ينخر ) جحور الضبان الصغيرات و( يسمكها ) .. اللهم لطفك .
أخوي فتى الجوف : شكرا .. وجزيت بمثله .
أخوي عاشق الصفارى : شكرا .. بس شوارعهم كثرت مؤخرا .. للأسف .
أخوي السمح : شكرا .. توني دريت بالموضوع اللي من سنه .. لذلك قطعت الهدنة وأعلنت حالة التأهب والإستنفار يإنتظار أخونا ( راعي عنيزه ) ( يعود ) ونوريك بهم .:mad:
أخوي الحر : شكرا .. لايهمك ذي غبرة رجليهم فركوا يوم عرفوا انك صحيت من قيلتك .:p

[حفرلوجيا]

أخوي الشقردي : شكرا .. وعلى خلفية قولك ان كل جيل أردى من اللي قبله قد يصبح السؤال ( كيف يتحمل المائعون المسؤلية ) آخر الأسئلة ( الله يستر ).
أخوي صقر : شكرا .. على طاري الجنادرية .. ليت المسؤولين يفكرون بإستغلال ( معسكر ) الجنادرية في إعادة تأهيل من ( ماع ) .
اخوي laith : شكرا .. صدقت .. اللي مايتسنع منهم يمكن ماله غير المشعاب .
أخوي عاشق الشروكي : شكرا .. نقول معك الله يصلحهم .
أخوي كشات : شكرا .. إما تأخذهم بجولة بشاص الجيب للحجرة ( تخيلت الموقف وضحكت من الأعماق ) :D:D:good:
أخوي المربد : شكرا .. عز الله انك جبتها .. طاقات .. بس وين اللي يوجه في ظل الأنانية الجماعية وترك هالسرطان يستشري .
أخوي المسفهل : شكرا .. وأدع الله ياريس مايجينا ( طوفان ) يخلي السمك ( ينخر ) جحور الضبان الصغيرات و( يسمكها ) .. اللهم لطفك .
أخوي فتى الجوف : شكرا .. وجزيت بمثله .
أخوي عاشق الصفارى : شكرا .. بس شوارعهم كثرت مؤخرا .. للأسف .
أخوي السمح : شكرا .. توني دريت بالموضوع اللي من سنه .. لذلك قطعت الهدنة وأعلنت حالة التأهب والإستنفار يإنتظار أخونا ( راعي عنيزه ) ( يعود ) ونوريك بهم .:mad:
أخوي الحر : شكرا .. لايهمك ذي غبرة رجليهم فركوا يوم عرفوا انك صحيت من قيلتك .:p

[المترو]

السلام عليكم جميعا
القصه من خيال المبدع وياخوفي انها يسويها فعلا وينشبنا بهالوراعين اللي النفس عليهم شينه
بس عندي بعض التعليمات بما ان الحر نشبهم والدور على مبدعنا حفرلوجيا
اولاً مواصفات سيارتهم جيوب لكسززات فيها جميع الاجهزه والاناتل تقول انها محطة عربسات اللي بديراب وكفراتها تلمع مثل الكزاز وهذه النقطه اتوقع والله اعلم يستغلونها ضد المهاجمين حفرلوجيا وحرنا لايغركم الجيوب تراها كلها تماتيك ومبرمجه تطفي اذا ضربت اكثر من 10 مطانيج لسلامة الراكب والسياره (موصفات خاصه فيهم)

ثانيا ً اشوف عربات قلص مربوطه بالسيارات ترى ماهي عدة بر لكن عدتهم الخاصه لا توهق يا الحر ويا مبدعنا وتحسبهم شقرديه على وشك يطلعون البر وتنشب معهم بسؤال والا شطحه من شطحاتك الجميله تدور علوم رجال

ثالثا يوجد بهذه الجيوب والسيارات اللي يمغطون فيه بشوارع العليا والتخصصي صندوق كبير يوازي اكبر شنطة عزبة للبر لا توهقون ترى كل اللي تشفونه سمعات للمسجل والسي دي واجهزة امبلفيرات صوتيه

رابعا اجهزة القارمن للمواقع اللي تشوفونها على طبلونات سيراتهم ترى مبرمجه فيها احداثيات اقرب مراكز الشرطه بالديره ومراكز الكوفي شوب عاد ماني مثل مبدعنا ما عرف اسميها اعرف ام الشفلح وخثال وانت ماشي
خامسا
خامسا هذه بعض والوسائل التي يمكن يغرون فيها المهاجمين احذر احذر امامك جيب عليه انوع الاناتل والاجهزه فقد يكون خـــــــــ

وسلمت يا مبدعنا ولا يهون الباقين
وسلامتكم الرحال2003

[حفرلوجيا]

أخوي الرحال 2003 : شكرا .... :D :D :D :good:
الله يضحك سنك ... حلوه الإحداثيات اللي مسجلة يالقارمن حقهم .. بس تعال :
انت كاشت الخميس .. وإلا قاعد تفرفر بالتخصصي تشخص حالتهم :p

[جاروود]

بسم الله الرحمن الرحيم
السلام عليكم ورحمة الله وبركاته

الله يعطيك العافيه
والله ياخوي جلوبستار انهم فاقعين بطني ومرارتي والله لو ان عندي سلطه لوريك وش السواة فيهم
بس فكنا منهم تكفا ليجون مكشات ولا يعرفونه بعدين إذا بغيت توصف لهم بر ولا شي دلهم تكف على الحاير الجاري فكنا منهم يشيخ

[حفرلوجيا]

أخوي جاروود : ياليت كل اللي عندهم سلطة يكونون دائما كما تفكيرك ..
وبعدين انت ذكرت ( جلوبستار ) هذا من ربعي بمكشات .. أما ( مراددك ) فهو أخوه من رضاعة مكشات ( حفرلوجيا ) .:D

[المرصاع]

بسم الله الرحمن الرحيم:::

حيا الله أبو سليمان ويامل العافية وتسلم ايدياتك:::

الصراحة والحقيقة أنا صدقت روحي وقلت أروح أسوي تفاهم:)

المهم قابلت الأول قلتله معك المرصاع من مكشات ما دريت إلا يوم انحاش ما تشوف إلا غباره وهو يصارخ (( ياي يبغى يرصعني ذا الوحش ياااااااااي:D))

تعوذت من الشيطان وفكرت بحيله وش أسوي وش أسوي.................

تمام جت لمي الفكرة تركض:::

رحت لحداهم وقلتله : ياي
رد وقال : هاي ======>اي والله رد:)

قلت : كيفك
قال : OK
قلت : ياي أنت سمعت بمكشات!!
قال : هاي يووووو تقصد الوحوش!!
قلت : بس والله طيبين...
قال : ما أصدق ذولا يخرعونني وأخاف يجونني بالليل وأنا نايم!!:D

الصراحة مسكت روحي بغيت أضحك بوجهه وتفشل الخطه:)
قلت : أنا الصراحة مليت من الديرة ومن اللجة والصجة والكشتات لابد منها :::
قال : وش فيك أكيد سحرك اللوجيا===>يقصد أبو سليمان;;;
قلت : لاتغلط ولا تحدني أرميك بالمنديل يغمى عليك:D

الرجال آآآآقصدي البنية هج ( انحاش ) وهو يقول (( يوووو وحش متنكر:D))

-.-.-.-.-.-.-.-.-.-.-.-.-.-.-.-.-.-

وش رايك ياأبو سليمان وأنتم يالربع وش السوات حاولت وعجزت عنهم اتهموني بالوحش المسحور:o

أخوي كشات::
اقتراحك حلو لكن هذولا لو تلمسه بأطرف ظفرك تقطع::::)

خاطرة: الصراحة ودي أذكركم بقصة الخكاريا اللي كشتو عند رجال نشاما مثلكم وقالو: ماعندكم سفاح يقتل الذبيحة ويقشرها:D

أكيد ذكرتوها وهي موجودة بشريط المقناص لحامد الضبعان :::


تقبلوا مداخلتي:::

[ابو شكاع]

رايقه


رااااااااااااااااايقة


ممكن يسوون مسيرة احتجاج ويكتبون عليها

مالكم داعي يالمكشاتيين

او ممكن يكتبون فيها

يع عليكم يالمكشاتيين يالبايخين ههههههههههه

تسلم

[حفرلوجيا]

أخوي المرصاع : شكرا .. حسبي الله على بليسك خوش تهديد :

قلت : لاتغلط ولا تحدني أرميك بالمنديل يغمى عليك
:D:D

أخوي أبو شكاع : شكرا .. مسيرة إحتجاج .. يبشرون بقرادتهم .. هالأيام اخونا راعي عنيزه ماهو بعيد عنا .. حولنا .. عندي احساس انه أشد واحد يبي يكشر عن أنيابة ويتولاهم ..