المساعد الشخصي الرقمي

مشاهدة النسخة كاملة : تانكي بنزين لو سمحتوا


الوديّ
30/06/2008, 01:18 AM
السلام عليكم ..اخواني موتري باترول باب واحد موديل 91وابي اركب تانكي بنزين بدلا من شد البلد ابي شئ يمشيني 600كيلو وين اركبه فيه لو تكرمتوا؟ ابي محل او ورشة مظبوطة - مع سعر التكلفة تقريبا - ولكم جزيل الشكر ..
خيام الندم
30/06/2008, 02:00 AM
السلام عليكم .. هلا بالودي
حبيت افيدك عن الموضوع .. بالمختصر .......
أنا مركب تانكي حديد جبته من الامارات بسعر 1300 ريال .. 150 لتر .. يركب على جميع موديلات وانواع الباترول نفس الصواميل بالضبط ... ويوجد مثله عند الرمايه بس 130 لتر الان بسعر 3700 ريال !!!
وأنصحك كانك بتسافر لدبي جب لك مثله أكبر من تانكي الرمايه وارخص .......
الامـــــــــــــ2ـــــــر الثاني : كانك بتفصل تانكي .. الشغله متعبه وتحتاج دقه بالمقاسات لاني اشوف اللي ركبت فيه زوايا كثيره جدا .. ورأيت بعض الربع مركبين تانكي مفصلينه في الصناعيه لكن مع الاسف وضعو لهم حديد قووووووووي جدا وثقيل .. والحديد اللي استخدموه هو نفس سماكة الحديد اللي يجي بواجهة الونش وقاعدته .. وسبب ثقل شديد بوزن السياره ومابالك وهو مليان بنزين !!!!!!!!!!
زياده على ذلك فهو غالي .. جدا والحديد غالي ووووو والورش عندنا بالمنشار .
الامــــــــــ3ــــــــــــــر الثالث والذي يعتبــــــــــــــر الأهم ....................
عندي لك نصيحه : صديق لي ركب كلبليتر ياباني من ورشه متخصصه بالترهيم وهذا الكلبليتر إقتصادي .. وعلى كلامه يعبيه من مخرج 15 بالرياض ويدخل البكيريه بنصف تانكي الباترول مع تركيب الفرارات
(((( الفلنجات )) مع الضمان يعني اتوقع يوصله التانكي ككامل 600 او اكثر وسعر الكلبليتر فقط 800 ريال ؟؟؟ وأنا اشوف انه افضل من تركيب تانكي والله اعلم
بيبسي
30/06/2008, 02:07 AM
اخوي تانكي البنزين مصنوع من معدن خاص بمواصفات معينه بحيث انه يمتص الصدمات وماينشق والحديد مايصلح وخطيررررر .... شوف تانكي سياره من التشليح ويكون يركب
ابا الأفلح
30/06/2008, 04:33 AM
اظف على ذالك انتبه هذه النقطه مهمه الزوايا الي بالتانكي لازم تنتبهلها اذا كنت بتفصل اظن السالفه فيها فيزيااء علشان ما ينفجر التانكي
الوديّ
04/07/2008, 02:35 PM
اسف على تاخر في الرد ... الله يعافيك اخوي دوار العويضة .. وينا وين الامارات ..الظاهر نبي نهون عن التانكي مدام هذي تكلفته ..الكلبليتر التي تقصد كم له خويك مركبه ...وهل يأثر في عزم الموتر ؟ فيه واحد من الربع معه صالون باترول 93 وداه لبريده عند واحد في استراحه على ورشه غير الابر حقت الكبيليتر ويقول انه راح يفرق في الصرفيه ..ويقول خوي انه مهنا ذاك الفرق الواضح بعد تغيير الابر وعزم الموتر تغير ..اسف الاطالة .. وما انسى اخواني بيبسي وابا الافلح لكم الشكر على المشاركة