وش افضل للخط فيري ولا رشة ولا شحم ولا برقع

[aahhhh2]

ياشباب موتري لونه اسود وابي امسك خط هل ينفع الفيري علية و وش تنصحوني احط عليه رشة
لاني اشوف الي يحطون رشة بعد فترة ينعدم عليهم الوجه واعتقد لو ما حطو رشه كان افضل
لان الرشه تختلف فية ورش تحط معها تنر

افيدوني بالي تعرفون

[صصعفق]

ياشباب موتري لونه اسود وابي امسك خط هل ينفع الفيري علية و وش تنصحوني احط عليه رشة
لاني اشوف الي يحطون رشة بعد فترة ينعدم عليهم الوجه واعتقد لو ما حطو رشه كان افضل
لان الرشه تختلف فية ورش تحط معها تنر

افيدوني بالي تعرفون

السلام عليكم
افضل الموجود 100%
هيا طريقه الفلم
يعني زي التضليله شفافه ما تبان على الوجه كامل مع المرايات والعوارض الاماميه ولا تنسى يرشون الي تحت
ومحلات واجد يسوونها انا اعرف التلميع الساطع الي في العروبه بعد العليا العام متجه شرق
ضمان 5سنوات
الله يوفقك

[ابوعمر1397]

البرقع وبس
واحسن محل تفصيل السماعيل

[سيف الظفير]

استعمل فيري ابو ريالين لأن الفيري الاصلي يعدم السيارة احياناًً

[عاشق السيل]

الفيري : ممتاز وسهل تنظيفة وسعره رخيص لكن العواصف الشديدة مايسوي شي معها ،،

البرقع : حماية حقيقة ويدوم لسنوات متى ما احتجته تلقاه لكنه يظهر حدود على الرفارف والكبوت ،،

الرشة : ماجربتها لكنها حماية حقيقية بس تنظيفها يأثر على البوية ،،

الشحم : عملي جدا وحماية ويعادلها شي وغسيله عند أقرب بستم لكنه يوسخ الملابس والأيدي يعني لازم تبعد عن وجه السيارة متر على الأقل !!

التجليدة الشفافة : هي الأفضل لأنها عملية جدا ومافيه أي تأثير على البوية وتدوم لسنوات وشكل السيارة مايتغير لكن يقولون إنها غالية شوي والله أعلم !!

هذا اللي عندي والاختيار لك وتقبل مروري يالغالي ....

[ابوعقل]

الفيري: يخرب الشبك اذا كان نيكل او ذهبي ((هذي صارت وشفته بعيني ))

البرقع :فاشل خرب بويت جيب واحد من اخوياي

الرشه:مره وحده حطيته على الجمس ممتازه ومع الغسيل راحت على طول ((بس فيه محلات تبقا بأماكن مثل الزوايا))

الشحم: معروف انه يخرب لمعة البدي

[نبع الدموع]

الفيري وانا اخوك ياكل البدي و يطفي اللمة الي فية اذا انة طول و في الحر
يسيح و يطير على المرايات

نصحني رجال بالفازلين و بارك الله فية عز الله انة عطاني الشور السليم
خذ الفازلين و المكينة حارة او الظهر و هو سايح و حطة على الموتر ولا
تمسك الخط لين يجي المساء و يجف الفازلين و يتماسك لا تماسك لو يجلس
شهر ليل و نهار ما يجية شئ ولا يسيح مرة ثانية
انا امسك خط الشرقية ينبع بالقليل اربع مرات في السنة ما احط غير الفازلين

[حزام الامان]

الفيري لايقربك نصيحه :no2:

[السنع كله]

الرشه الشفافه كل يمدحها

[Abu-Reem]

انا جربت شامبو حق الشعر و الله ابن حلال
مع اني اشوف ان طريقة التجليد الشفاف هي الافضل و عمليه اكثر
و ترا مهب غاليه زي ما ذكرو الاخوان
عند زيبارت الي هو افضل واحد بـ600 ريال مع ضمان كذا سنه

[صصعفق]

انا جربت شامبو حق الشعر و الله ابن حلال
مع اني اشوف ان طريقة التجليد الشفاف هي الافضل و عمليه اكثر
و ترا مهب غاليه زي ما ذكرو الاخوان
عند زيبارت الي هو افضل واحد بـ600 ريال مع ضمان كذا سنه

انت
100
%
100
مع احترامي للجميع

[shababi]

طيب انا عندي الدفرنس راحت بويته من العج وغدا مصدي وش الحل

[محمد الصرير]

الله يعافيكم على هالاجابات عز الله راعي السؤال سئل والمستفيدين كثر ، ما شاء الله عليكم افدتم وأجدتم ، لكن أنا أقول لا تتعدون التجليد الشفاف والمضمون لمدة زمنية معقولة ، لأن عندنا سافي يشرط المشرط ، ودمتم سالمين

[صصعفق]

طيب انا عندي الدفرنس راحت بويته من العج وغدا مصدي وش الحل

السلام عليكم
شف عند المحلات
زي
زيبارت
ف كول
والتلميع الصاطع
يرشون الدفرنس والي تحت كله ويحطون مانع الصدى ويرشونه علشان الرمل ومويه البحر
يعني حجامين وقلاعه ضرووووووووس
بس الله الله بالمكاسر تراهم ناااااااااااااار:hot:
الله يوفقك:good:

[المحترف800]

انا جربت شامبو حق الشعر و الله ابن حلال
مع اني اشوف ان طريقة التجليد الشفاف هي الافضل و عمليه اكثر
و ترا مهب غاليه زي ما ذكرو الاخوان
عند زيبارت الي هو افضل واحد بـ600 ريال مع ضمان كذا سنه


اللي عند زيبارت يحط على الأسطبات فقط .. يعني الأنوار ..بس ...

[المحترف800]

ابعد عن الفيري والرشه الرشه بعد فتره تغير لمعة الموتر ويبقى على الجوانب بعد انا جريت الرشه والله ان المغسله قعدوا حدود ساعه يغسلونها هي لحالها قعدوا حدود ساعه مو السياره كامله ..
والتجليد الشفاف ممتازه وانا حطيتها على موتري ولاهي باينه وعليه ضمان 5سنوات بس يمكن مع الوقت
والاجواء الحاره يكون لونها قريب من الاصفر بس بعد فتره ...

[باترول03]

انا ما احط شي و امسك خط الشرقية تقريبا كل اسبوع و السرعة 190 و قبل ما ابيع السيارة المعها مع الانوار ولا تفرق في البيع عن غيرها بالكثير 1000 ريال ما تسوى التعب والهم والتنظيف

[Black VTC]

الفيري وانا اخوك ياكل البدي و يطفي اللمة الي فية اذا انة طول و في الحر
يسيح و يطير على المرايات

نصحني رجال بالفازلين و بارك الله فية عز الله انة عطاني الشور السليم
خذ الفازلين و المكينة حارة او الظهر و هو سايح و حطة على الموتر ولا
تمسك الخط لين يجي المساء و يجف الفازلين و يتماسك لا تماسك لو يجلس
شهر ليل و نهار ما يجية شئ ولا يسيح مرة ثانية
انا امسك خط الشرقية ينبع بالقليل اربع مرات في السنة ما احط غير الفازلين


هههههههههههههه فازلين يا مفتري :D .....

صراحة اول مره اسمع في هالشور وشكله هو اللي تمام 100% :good: على كذا الفازلين يبي يرتفع سعره زود عن اول .... كلن يستخدمه لاثار حفاظات البزارين الله يكرمكم و اخيراً للسيارات ... شكلي باخذ وكالته وابطرحها للاكتتاب العام مثل باقي الربع :p

تراااااااااي امزح وحبيت اغير جو على الشباب بس الفازلين دي حكاية يا رااااااااجل

[عاشق الفرفشة]

بالنسبة للفيري ترى ابعد عنه لأنو بيخرب عليك البويه ويعدمها

والبرقع ممتاز بس تكون نهاياته جلد مو بلاستك حتى لا يجرح البويه

الفلم او التجليد الشفاف بعد استخدامه بفترة لما تجي تشيله بيخلي السيارة لونين لون كان موجود تحت التجليد ولون اللي ما وصل عليه التجليد بسبب الشمس

طبعا الشحم وغيره من المواد كلها يتعدم السيارة وتبهت البويه وتدخل في الجلود والأماكن المزوية اللي ما تقدر تشيلها ابد وممكن بعض المواد مع الهواء الشديد تعمل معها زي الصنفرة على البويه يعني يخربها اكثر وأكثر

الأفضل ولكن شوي غالي هو الرشة الشفافة اللي يزول بالماء بس غالي لأنو اذا وصل عليه ماء بيخرج معاك وبترش ثاني

فيه بلاستيكات توضع امام غطاء المحرك وهي فعالة جدا وما تخرب السيارة وهي تقف في صف الدفاع الأول للسيارة ضد الرمال . ويعيش معاك للأبد ومرة واحدة تدفع ويجلس معاك حتى تطفش

ولو تخلي السيارة زي ماهي وتروح مكان ما تبغى و في اي وقت تبغى تبيع السيارة زي ما قال اخونا باترول03 روح ولمع السيارة كامل مع اللمبات وتطلع عروسة تانية امكن تبطل تبيعها .

[عاشق السيل]

هههههههههههههه فازلين يا مفتري :D .....

صراحة اول مره اسمع في هالشور وشكله هو اللي تمام 100% :good: على كذا الفازلين يبي يرتفع سعره زود عن اول .... كلن يستخدمه لاثار حفاظات البزارين الله يكرمكم و اخيراً للسيارات ... شكلي باخذ وكالته وابطرحها للاكتتاب العام مثل باقي الربع :p

تراااااااااي امزح وحبيت اغير جو على الشباب بس الفازلين دي حكاية يا رااااااااجل


تخيل محلات الزينة صافين الفازلين جنب التظليلة !!!!!!

وتكفى يابلاك فتك كثر الأسهم حقت الاكتتاب علشان نطلع بشي ينفعنا وأهم شي لاتتعدى 10 ريال للسهم !!!!!

[خشيمان]

والله من واقع تجربه مالك الا الشحم
ما يضر البوية ولو تصدم بعير ما يضر الوجه :p

[ابو نوره]

يمدحون شامبو الشعلان الاحمر ابو ريالين
ما ياخرب اللمعه وينغسل بسرعه

[KAYD]

التجليد الشفاف والمضمون أفضل حل بس غالي شوي

[aahhhh2]

اشكر من قلبي كل المشاركين بلااستثناء والذين نستنير بشورهم ونفخر بمشاركتهم

[بـدر]

الموضوع حلو وخاصة بوقت الصيف وتناثر الاتربة وكثرة السفريات ...

أما أنا توني شاري سيارة جديدة من اسبوع وقررت اني اروح عليها الشرقية وتحسفت بالوجهية والشمعات والصدام والقزازة...

فكرت في احسن طريقة لتلافي خراب وجهية موتري وتكشيرته وخاصة ان ممشاي كان الظهر وخط الشرقية ما يحتاج تسأل عن الجو

وبديت من محل تضليل قلت له ضلل القزازه الأمامية زيرو زيرو "شفافه جدا" لكي تستخدم كعازل للزجاج الأمامي من الترميل والتحفر وخلافه ...

وطاح هم القزازه وبقى الشمعات والأصطبات ومريت مكتبة وشريت لزاق عريض شفاف اصلي (5 ريال) ورجعت للبيت ولزقت الشمعات والاصطبات ومعي موس احدد اللزق على زجاج الشمعة فقط والاصطب

اواخيراً وجهية الموتر الباقية مليتها فيري ورحت 3 ايام للشرقية وجيت وغسلت الفيري ولا له ولا اثر وشلت اللزق عن الاصطبات والشمعات

الملاحظ اللي ترمل اللزق ويوم فكيته لقيته مترمل من الخط ...

والتضليليه الامامية تحسفت افكها لأنها ما تضر وتلزمني في السفريات

* ملاحظة: عدم وضع الفيري على الاصطبات والشمعات هو بحجة انه اذا جاء الليل تكون الأنوار ضعيفة.

واتمنى اني اكون اختصرت

هههههههههههههه < هذا وانا مختصر :d

[مايغرز]

والله يا اخوان انا جربت جلاد الكتب ابيض الماني اللي تشوفونه مرات على سيارات الوكالة الجديده ورخيص الرول يمكن دينارين قصيت منه وجلدت على قولتهم الاند كروز من جدام والمناظروالله نفعني بس عيبه اشوي لي بغيت تشيلة الصمغ يغلبك اما الليتات انصح بالبلاستك السميك شوي والاصلي الشفاف اما الدفرنس ففي صبع املشن حتى الطين ما يمسك فيه والماني ماركة 3 ام وسلامتكم

[الشقردي]

فيه بخاخ شفاف قد أعلنوا عنه قبل مده الواحد ب 35 تقريبا هذا طريقته زي البخاخ الطبي اللي يوضع على الجروح في المفاصل (الأماكن كثيرة الحركة ولا ينفع لزق)

يعني بعد ما تبخه وينشف يصير زي البلاستيك يعزل حتى عن الماء وتقدر تشيله بيدك بدون ما تتقشر البويه, وتقدر تبخ أكثر من طبقه لزيادة الحماية.

يمكن تلقاه عند محلات الزينه.
شكل علبته مثل ملمعات القزاز.

[الرسيفر]

ومع كثرة الحلول لا زلنا ننتظر الأفضل

[العمدة ابو صالح]

انا استخدم شامبوا الشعر حق الاطفال لادموع بعد اليوم وهوجيد من حيث انه مايتعبك في الغسيل ولا له اثر على البويعه

[صحن قلابة]

زيبارت وغيره لاتدور ياخيي

[عاشق الغضا]

لا تدور غير الفـــــــــــــــــــــــــــــيري

[تاهو2007]

التجليدة الشفافة في نظري هي الأفضل لأنها عملية جدا وليس لها أي تأثير على البوية او شكل السيارة وتدوم لسنوات ومايتغير لونها لكنها غالية بعض الشئ ... بس للأمانة حقها فيها ... والخيارات لديك متوفرة بين الرخيص والمتوسط والغالي ويحكمها نوع السيارة وموديلها ... ورغبتك في المحافظة عليها ........ هذا مالدي والله يوفق الجميع

[ناصر الدهمشي]

احلى شي انك ماتسرع في الاماكن اللي يجيك السافي فيها
اما انك تجي تمشي 200 والجو حار وانواع الغبار
ماينفعك اي شي

أو انك تحط فيري ولا فازلين :) ولا شامبو ولا شحم ولا شمع ولا نقاب
او برقع :) ..الخ
ولكن انه مايطول اكثر من يوم او يومين
يعني حق مسافة الطريق

[ابو ايمن]

أنا انصحك بالرشة .. جربتها وتنظيفها بسيط

اما الفير لايقربك مثل ماقالوا الربع .

تحية عطرة ..

[القلب المحروم]

يارجال غير الرشة لاتدور

[شامخ ألهيلا]

اخوي فيه تجليده بيضاء يحطونها الشباب على سيارتهم وهي تجي من الوكاله على بعض السيارات

[الفكتر]

السلام عليكم
الحقيقة اللي ينصحون بالرشة صادقين لكن انها غثيثة اذا دخلت بين البودي والصدام والا بين الشمعات والكبوت والله لها في موتري الحين يجي 7 اشهر ولا راحت واني غاسلها في نفس اليوم والي عنده نصيحة غير التلميع يقولي

:d لكن افضل شيء شامبو الاطفال لادموع بعد اليوم :d

[وقيان]

الفيلم الشفاف انا مركبه ب 800 ريال على الجمس... عمـــلي جــدآ جدآ..عازل تام ولايؤثر على مظهر السيارة اطلاقآ لأنه شفاف...من عيوبه انه مايركب على النيكل...وهو مازال تحت التجربة بالنسبة لي...

[العيسمود]

طريقة الفلم
مثل ماقال اخوي صصعفق

[احمد الدوسري]

يا اقرب جهاز ممكن مداخله ياشباب
نصيحه لافيري لابرقع لاتظليل شفاف
لاشفت عجاج امش من 60 كم الى 80 كم
جاك العلم وش انت عجل عليه تمغط بالعجاج
ترا السافي مايعدم الوجهيه وبس ترا يعدم اشياء داخل المكينه موتر اخوي مشى للرياض بالعج ومايسرع وصل للرياض مافيه بوري طااط طاااط مافيه ...
نصيحه بالعج خفف السرعه وبس ...

[vip4800]

الله يعافيكم على هالاجابات عز الله راعي السؤال سئل والمستفيدين كثر ، ما شاء الله عليكم افدتم وأجدتم ، لكن أنا أقول لا تتعدون التجليد الشفاف والمضمون لمدة زمنية معقولة ، لأن عندنا سافي يشرط المشرط ، ودمتم سالمين:no2: ياشباب نصيح لاتضعون الشحم :no2: مع حرارت الشمس وحرارة المكينه على الكبوت ورفارف ترا بيتغير الون الي وضع عليها الشحم يعني كذا التجليده :good: :good: ومشكورين

[أبو الحارث 4]

ما قرأت كل الردود ، لكن عليك بشنبوا الأطفال ( لادموع بعد اليوم ) يفي بالغرض ولا يضر البودي.

[Qosmio]

http://img296.imageshack.us/img296/8479/7094ha0.gif


كثير منا ممن يسافر بسيارته عن طريق البر يقع في حيرة من أمره
هل أضع شيئ على مقدمة السيارة أم لا وإن كان الجواب نعم
فماذا أضع الغطاء الأمامي المسى (البرقع) أو شحم أو فيري
أو أضع تغبيرة ترابية التي درجت مؤخرا فضلا عن تضرر
البوية من التغبيرة الترابية أو عدم امكانية ازالة الشحم بسهولة ,
وعند بحثي عن الحل لهذا فقد وجدت مواد جديدة وسهلة الوضع
والأزالة وسريعة الجفاف ( خلال 10 - 15 دقيقة ) وتزال بالماء
مباشرة وهي نوعان : -

1 - زيرو سكراتش ZERO SCRATCH


وعبارة عن محلول مائي يرش على مقدمة السيارة ثم يجف
وهو شفاف اللون ومقاوم للرمال ,
وهذه المادة جديدة ( لم يتجاوز عمرها 4 أشهر ) وهي صناعة أمريكية وتعبئ في لبنان

وقيمة العبوة 35 للعبوة الصغيرة و 60 ريال للعبوة الكبيرة 500 ملم.

ولديهم فروع في الرياض - جده - الدمام

2 - كار كير

CAR CARE


هذه المادة لا تختلف عن السابقة بشيئ سوى أنه في

حالة جفافها تكون كغطاء أو تظليل شفاف , هذه المادة صناعة سعودية
عمرها 4 سنوات قيمة العبوة 80 ريال

[mej]

http://img296.imageshack.us/img296/8479/7094ha0.gif




كثير منا ممن يسافر بسيارته عن طريق البر يقع في حيرة من أمره
هل أضع شيئ على مقدمة السيارة أم لا وإن كان الجواب نعم
فماذا أضع الغطاء الأمامي المسى (البرقع) أو شحم أو فيري
أو أضع تغبيرة ترابية التي درجت مؤخرا فضلا عن تضرر
البوية من التغبيرة الترابية أو عدم امكانية ازالة الشحم بسهولة ,
وعند بحثي عن الحل لهذا فقد وجدت مواد جديدة وسهلة الوضع
والأزالة وسريعة الجفاف ( خلال 10 - 15 دقيقة ) وتزال بالماء
مباشرة وهي نوعان : -


1 - زيرو سكراتش ZERO SCRATCH



وعبارة عن محلول مائي يرش على مقدمة السيارة ثم يجف
وهو شفاف اللون ومقاوم للرمال ,
وهذه المادة جديدة ( لم يتجاوز عمرها 4 أشهر ) وهي صناعة أمريكية وتعبئ في لبنان


وقيمة العبوة 35 للعبوة الصغيرة و 60 ريال للعبوة الكبيرة 500 ملم.


ولديهم فروع في الرياض - جده - الدمام


2 - كار كير


CAR CARE



هذه المادة لا تختلف عن السابقة بشيئ سوى أنه في


حالة جفافها تكون كغطاء أو تظليل شفاف , هذه المادة صناعة سعودية
عمرها 4 سنوات قيمة العبوة 80 ريال

وين تباع في الدمام او الخبر وكيف اقدر احصل عليها وهل عندك رقم شركتهم؟

[رمح الندى]

يمكن انى جاى متأخر لاكن حبيت اشارك وخاصه اللى توه داخل على الموضوع تفضلوا



لمن يريد الحفاظ على مقدمة السياره من العج أثناء السفر براً





كثير منا ممن يسافر بسيارته عن طريق البر يقع في حيرة من أمره ,, هل أضع شيئ على مقدمة السيارة أم لا وإن كان الجواب نعم

فماذا أضع الغطاء الأمامي المسى (البرقع) أو شحم أو فيري أو أضع تغبيرة ترابية التي درجت مؤخرا فضلا عن تضرر البوية





من التغبيرة الترابية أو عدم امكانية ازالة الشحم بسهولة , وعند بحثي عن الحل لهذا فقد وجدت مواد جديدة وسهلة الوضع

والأزالة وسريعة الجفاف ( خلال 10 - 15 دقيقة ) وتزال بالماء

مباشرة وهي نوعان : -
1 - زيرو سكراتش ZERO SCRATCH وعبارة عن محلول مائي يرش على مقدمة السيارة ثم يجف وهو شفاف اللون ومقاوم للرمال ,
وهذه المادة جديدة ( لم يتجاوز عمرها 4 أشهر ) وهي صناعة أمريكية وتعبئ في لبنان






وقيمة العبوة 35 أو 60 ريال .. و للمزيد من المعلومات :

WWW.ZERO-SCRATCH.COM (http://www.zero-scratch.com/)

جوال 0554906057 - 0506605225
هاتف 026658413
ولديهم فروع في الرياض - جده - الدمام






2 - كار كير CAR CAREهذه المادة لا تخلف عن السابقة بشيئ سوى أنه في حالة جفافها تكون كغطاء أو تظليل شفاف , هذه المادة صناعة سعودية

عمرها 4 سنوات قيمة العبوة 80 ريال للمزيد من المعلومات :

WWW.CARCARE.COM.SA (http://www.carcare.com.sa/)
جوال 0505183733 - 0569715175-0500850082
هاتف 014323265 - 038891188 - 07073211313
ص . ب 301770 الرياض 11372
ولديهم فروع في الرياض - جده - الخبر - جازان

[احب البرواهله]

والله يا اخوان انا جربت جلاد الكتب ابيض الماني اللي تشوفونه مرات على سيارات الوكالة الجديده ورخيص الرول يمكن دينارين قصيت منه وجلدت على قولتهم الاند كروز من جدام والمناظروالله نفعني بس عيبه اشوي لي بغيت تشيلة الصمغ يغلبك اما الليتات انصح بالبلاستك السميك شوي والاصلي الشفاف اما الدفرنس ففي صبع املشن حتى الطين ما يمسك فيه والماني ماركة 3 ام وسلامتكم
اتفق معك بخصوص تجليد الكتب وانا مجربها اداوم بالكويت وارجع للرياض بعطلة الاسبوع لي ثلاثه أشهر على هالحال وكانت ناجحه وبالنسبة للشمعات فصلت لها غطاء بس مشكلتي بالجنوط والقزازة الأمامية انتهت من الترميل سيارتي تاهو 2007 جنوطها صارت كأنها موديل 97

[فريد2000]

سلام اخوان
يعني اللي انا شفته ان اغلب الاعضاء ينصحون باللصقه الشفافه... و بــ 600 ريال بس.. يالله دخيلك ..يعني كل مانويت السافر احط حساب خاص للتضليله؟؟؟؟:confused: .. او تبوني الصقها واخليها لين ابيع السياره ... ..مثل خوينا اللي فصل كنب لمجلسه وحط عليه تلبيسه بلاستك لين باعه :D وصار الضيوف من الحر يجلسون على الارض ...
لكن تدرون ..انا عندي الحل

اختر واحد من اثنين.

1-فك وجه السياره وخله في بيتكم لين تقرر تبيع ... عشان تحافظ عليه مثل خوينا راعي المجلس .وخل راعي السياره الجديد يتهنى وعليك انت التعب
2- كل ماسافرت حط فيري وارخص نوع وبعد تراه يخب... لابو السياره لابو اللي صنعها

[ابو شقط]

تبون النصيحة حطوا شامبو جونسن لللاطفال بلا فيري وبلا تغبيرة وبعدين يعطي طبقة قوية جدا جدا ضد السافي والغبار وراح تدعولي

[سوبر152]

اختر واحد من اثنين.

1-فك وجه السياره وخله في بيتكم لين تقرر تبيع ... عشان تحافظ عليه مثل خوينا راعي المجلس .وخل راعي السياره الجديد يتهنى وعليك انت التعب
2- كل ماسافرت حط فيري وارخص نوع وبعد تراه يخب... لابو السياره لابو اللي صنعها

[سوبر152]

سلام اخوان
يعني اللي انا شفته ان اغلب الاعضاء ينصحون باللصقه الشفافه... و بــ 600 ريال بس.. يالله دخيلك ..يعني كل مانويت السافر احط حساب خاص للتضليله؟؟؟؟:confused: .. او تبوني الصقها واخليها لين ابيع السياره ... ..مثل خوينا اللي فصل كنب لمجلسه وحط عليه تلبيسه بلاستك لين باعه :D وصار الضيوف من الحر يجلسون على الارض ...
لكن تدرون ..انا عندي الحل

اختر واحد من اثنين.

1-فك وجه السياره وخله في بيتكم لين تقرر تبيع ... عشان تحافظ عليه مثل خوينا راعي المجلس .وخل راعي السياره الجديد يتهنى وعليك انت التعب
2- كل ماسافرت حط فيري وارخص نوع وبعد تراه يخب... لابو السياره لابو اللي صنعها

[ابن الكرام]

لااااااااااااااااااااااااااااااا تحط شي .

[القناص]

افادكم الله يا Qosmio

و رمح الندى

وترى البخاخ موجود في محلات الزينة الكبرى ورخيص وغير مؤذي لوجهية السيارة

[ساري 111]

الرشه اذا هي خفيفه ماراح تفيدك بشي لأنه تطير بسرعه
وإذا هي ثيقيله صحيح راح تحمي وتصد بس مشكلتها ماتروح بسمحه نفس وتظطر انك تفركه عشان تروح وطبعاً هي رمل فراح تمخش بديك

الأفضل البرقع بس يكون مفصل صح ومركب صح لأنه اذا لعب مع الهواء راح يعدم عليك البويه
لاوم يكون مضبوط ومايلعب مع الهواء

[غضنفر]

يا رجال
ما مثل الفيري
اعني به الاخضر وليس الاصفر
رخيص بــ 6 اريل
وسهل عند الإزالة
ولا منه ضرر اذا ما طول على الموتر
مجربينه يجي 17 مره
والحمد لله وجيه مواترنا زينة ولا فيها ترميل او تقشير في البوية
بشرط ان تتوصى بالفيري وتفركه زين على وجه الموتر والشمعات والرفارف والتنده

[ذيب الزلفي]

بالنسبة للبخاخ اللي يقول أخونا بـ35 الصغير
و60 الكبير شفته عند ساكو ولكن ما جربته...

[سرهيد]

السلام عليكم

الدعوى فازلين وشامبو

حشى ما صارت سيارة هذي آدمي

بس سالفة الفازلين هذي صدق والا مقلب

وكم علبة بيحتاج وجه جمس :)

[aahhhh2]

ياشباب انا حطيت الرشه الشفافه الي معلنين عنها واشتريته ب60 ريال من محل زينة في العروبه في الرياض والنتيجة وسمت في السيارة ويقولون ماتطلع الا بعد ماتلمع الموتر
الي عندة حل لا يبخل علينا
لاني لمعت تلميعة خفيفة ولا راحت البد مبقع من الرشة................ الله لايربحهم

http://www.mekshat.com/pix/upload02/images77/mk1979_car3.jpg

[اديب بن صالح]

يارجال حط كل شي وريح عمرك

صدق شغله انا مو تري وقفته بالرياض ورحت على القطار على شان ما يخرب بويته

واستأجر سيارة هناك وانبسط

وبصراحة مالقيت اقرب حل واريح الا الفلم

الغالي حقه فيه يستاهل والسيارة تستاهل

[مسفر الاكلبي]

يا اقرب جهاز ممكن مداخله ياشباب
نصيحه لافيري لابرقع لاتظليل شفاف
لاشفت عجاج امش من 60 كم الى 80 كم
جاك العلم وش انت عجل عليه تمغط بالعجاج
ترا السافي مايعدم الوجهيه وبس ترا يعدم اشياء داخل المكينه موتر اخوي مشى للرياض بالعج ومايسرع وصل للرياض مافيه بوري طااط طاااط مافيه ...
نصيحه بالعج خفف السرعه وبس ...


هذا احسن حل


تحياتي للجميع

[مـدحـدر]

الفلم الشفاف انا مركبة على سيارتي الجديدة 2008م

ركبته على كل الوجة والقزاز الامامي وشوي من الكبوت والرفارف ركبته 1400 ريال

وامشي بالعج والامور تمام ولكن الجنوط جاة ترميل وراحت لمعتهم

فأ انتبهوا يا اخوان ترى حتى الجنوط تترمل وتروح لمعتهم


والله يخلف عليبنا

[سيف الظفير]

والله ثم والله ثم والله


لا العن والدين الموتر لين ابيعه


يا اخوان نحافظ على الموتر ونهتم فيه اكثر من العيال

وبعدين ياخذه مثل الجديد شريطي محتال ( الا من رحم ربي)


العمر مرة واحدة تهنا بعمرك وبشبابك وبموترك

قبل مماتك

ادفع 600 ريال على تجليدة

الى متى والشركات تحتال على عقول المتخوفين والمتخلفين !!!!!


والا طش وجة السيارة بفيري ابو ريالين التقليد لأن الاصلي يأثـر على السيارة

[صياد المها]

انا جربت الرشه والفيري
الفيري زي ما قال اخوي عاشق السيل مع اذا كان الطريق به عج خاصة زي طريق الشرقيه ما يسوي شيء حطيته على موتري يوم وصلت الشرقيه الا الصاجه والجزاء من الصدام رايحة البويه حقتها اما الرشه ( اللي هي التغبيره )انا جربتها وغسلت السياره بعدها ماكان لها تأثير
لكن على ما اعتقد ان الأفضل منها كلها هي االتجليده الشفافه وهذي نصحني بها واحد من الشباب كان يركب برقع ولعب في سيارته والحين مسوي تجليده ويقول ولا احلى منها
ودمتم وزادكم ارغداً

[ابونايف الروقي]

طق لك برقع بس شده زين ...

[بدوي جنوبي]

تم اضافته مع
๑×۩۞۩المواضيع المميزة في الخيمة๑ ๑×۩۞۩๑ (http://www.mekshat.com/vb/showthread.php?t=10218)

[راعي العشــه]

الزين مايكمل
لابد من العيوب

[الربذي]

الفيري: يخرب الشبك اذا كان نيكل او ذهبي ((هذي صارت وشفته بعيني ))

البرقع :فاشل خرب بويت جيب واحد من اخوياي

الرشه:مره وحده حطيته على الجمس ممتازه ومع الغسيل راحت على طول ((بس فيه محلات تبقا بأماكن مثل الزوايا))

الشحم: معروف انه يخرب لمعة البدي
ههههههههههه وش خليت 0
يعني سادة افضل 0

[( الزاهر )]

والله استفدت من مشاركاتكم ..... وشكراً للجميع

[mohd26]

المهم يا شباب اي سائل تنظيف ثقيل ماشي الحال بس انتبهوا لا يكون فيها شي
من الليمون
الليمون هو اللي يعدم الصبغ
علشان كذا شف لك اي سائل تنظيف ثقيل ولا ينظف زين

[أ ب و ع ل ي]

يارجال إذا مضى على السيارة سنين رشه الواجهة والرزق على الله

[بدر الجديد]

شامبو سن سيلك بالبيض وزيت الزيتون ممتاز جدا ومجرب ولطيييييييف على البويه

[الستانس]

شامبو سن سيلك بالبيض وزيت الزيتون ممتاز جدا ومجرب ولطيييييييف على البويه


هههههههههه حلوه لطيف خخخخخخخخخخ

مجرب البيض للشرقيه واحلى حلاوه

وانتبه من المنضفات لأن فيها مواد حارقه عشان الدهون تعدم البويه خلك على الملطفات هع

[كاشت الليل]

خلو الفازلين يصدي<<<<<<<<<معصصصصب بقوه

[نيسان 807]

http://img296.imageshack.us/img296/8479/7094ha0.gif


كثير منا ممن يسافر بسيارته عن طريق البر يقع في حيرة من أمره
هل أضع شيئ على مقدمة السيارة أم لا وإن كان الجواب نعم
فماذا أضع الغطاء الأمامي المسى (البرقع) أو شحم أو فيري
أو أضع تغبيرة ترابية التي درجت مؤخرا فضلا عن تضرر
البوية من التغبيرة الترابية أو عدم امكانية ازالة الشحم بسهولة ,
وعند بحثي عن الحل لهذا فقد وجدت مواد جديدة وسهلة الوضع
والأزالة وسريعة الجفاف ( خلال 10 - 15 دقيقة ) وتزال بالماء
مباشرة وهي نوعان : -

1 - زيرو سكراتش ZERO SCRATCH


وعبارة عن محلول مائي يرش على مقدمة السيارة ثم يجف
وهو شفاف اللون ومقاوم للرمال ,
وهذه المادة جديدة ( لم يتجاوز عمرها 4 أشهر ) وهي صناعة أمريكية وتعبئ في لبنان

وقيمة العبوة 35 للعبوة الصغيرة و 60 ريال للعبوة الكبيرة 500 ملم.

ولديهم فروع في الرياض - جده - الدمام

2 - كار كير

CAR CARE


هذه المادة لا تختلف عن السابقة بشيئ سوى أنه في

حالة جفافها تكون كغطاء أو تظليل شفاف , هذه المادة صناعة سعودية
عمرها 4 سنوات قيمة العبوة 80 ريال






أن مجرب النوع الاول وهو من افضل الحلول

[أبوفاطمة]

أن مجرب النوع الاول وهو من افضل الحلول


أنت متأكد لأنه فيه واحد مشتكي من نفس المنتج ويدعي عليهم!

[قطب 999]

جلاد الشفاف حق الاطعمه

[«نجم الخير»]

البرقع وبس

[هويدي]

اشكر صاحب الموضوع والاخوان اللي اثرو الموضوع بتجاربهم وردودهم المفيده

وابدلي بدلوي وتجربتي الفيري زي ما تفضلو الاخوان يحوس البويه والبرقع يمدا يصفق بالبدي مع الهوا ويمخش البويه اذا كانت راعي خطوط دايم سو اللي قالوه الاخوان طبقه زيبارت وان كان سفراتك قليله اشتر بخاخ الحمايه الشفاف اللي عند ساكو يروح مع المويه

[أبا مجاهد]

جربت الفازلين وهو ممتاز ويشكل طبقه عازله

بس اهم شيء يبغاله وقت بعد وضعه على السياره لكي ينشف

يعني اذا مسافر الصباح ضعه في اليوم اللي قبله بعد صلاة العشاء

[ابوياسمين]

خذ لك لفة تجليد الطعام حق السندويشات رخيص وحط طبقتين أوأكثر

[طرد الهوى]

والله كلها ماتسوى ومنها مضار

الفيري يحرق بوية السياره معى الشمس والي بيحطه بيندم

البرقع يرفع حرارة السياره ويخدش البويه معى دخول السافي بين البرقع والبودي

الشحم يطير على القزاز ومعى الهوى يدخل في الشمعات وداخل الوجهيه ويصعب عليك تنضيفه بعدين

الحل الوحيد ان الواحد يهدي ولا يسرع اذا شاف السافي عشان يحافض على موتره

[moon14moon]

الرشة يكون لها اثر وتروح لمعة البوية بعد الغسيل

[مون14]

حبيب قلبي في حركه اول ماشفتها في المغرب وصراحه عجبتني ولون سيارتي اسود وصاري سنتين وانا اصلحها ولا قلب لون البدي وانصحك فيها
(الفازلين)
جربه وماراح تندم

[الساهر1]

والله ماقصروا الشباب معلومات مفيده

[عبدالرحمن السالم]

والله شف عندك شيئين ..
الاول إلى هو التجليد الشفاف حق السندويشات فيه نوع يجي ثقيل شوي خذه ولفه على وجه السياره بس انتبه لا تقفل على شبك السياره عشان ماترتفع عليك الحراره
وفيه شى ثاني إلى هي .. انقز لاقرب محل تظليل وظلل سيارتك عشان اهلك وعشان يحميك من هالحر ولا فك التظليله مايطلع منه ورق شفاف .. جمعهن ورح للبيت وحطهن على وجهه السياره مع شطرطون شفاف حق الريالات عشان يمسك بهن وهذي جربته ولا اروع وابد ان شاء الله ماعليك خلاف

بس والله مامثل تخلي موترك وكاله وتوكل على الله والمكتوب يبي يصير بك

موفق خير

[ابويارا1001]

انحش من الفيري خلى موتر اشهب


انا جربت نوع ثاني من الصابون يقال له سوفت (soft) ارخص من الفيري واثقل منه


وفيه طريقة ثانيه جربتها ونجحت معي وهي انك تحط على الرشه بعد ما تنشف مريتو نشا حق الشمغ يخلي الرشه كنها صبه بعد ما ينشف


طبعا لا احد يستلمني على مريتو


بس يا خوي في وقت السافي لازم تخفف سرعتك الى 80 وتحت


وش عندك طاير تبي توصل اسرع بنص ساعه او ساعه


وبعدين تدخل موتر للتلميع يومين؟؟


تأخر بالطريق ساعتين وانبسط يومين بموترك بدل التلميع

[القلب المحروم]

عليك با الفازلين

[باترول.]

فيه بمحلات الزينه بخاخ لونه ابيض تقل ماء الظاهر سعرة 30 إلى 50 ومكتوب عليه طريقة الاستعمال

[ابو سمسم]

امس رحت زيبارت عشان اسوي الواجه عازل زاسوي رشه تحت السياره للصدا

المهم قاعد يقنعني الزول ليه ماتعلم تضليل للزجاج الحين هذا كله كلام مع السوداني حق زيبارت

والله ويحسب الزول وتطلع الحسبه 5300 ريال
الواجهه كامله ضد السافي 1600
الصدا 1550
والتضليل 2150

[GS5]

امس رحت زيبارت عشان اسوي الواجه عازل زاسوي رشه تحت السياره للصدا

المهم قاعد يقنعني الزول ليه ماتعلم تضليل للزجاج الحين هذا كله كلام مع السوداني حق زيبارت

والله ويحسب الزول وتطلع الحسبه 5300 ريال
الواجهه كامله ضد السافي 1600
الصدا 1550
والتضليل 2150

زيبارت كل اللي جربوه ذموه
التضليل عندك في كول , بطن السياره عن الصدأ اسئل اهل التريلات هم ابخص و اهل الخليج بعد :d

[خالد ...]

http://up.2sw2r.com/upfiles/rhf89934.jpg


جرب هذا وشف الفـــرق

عملي ولا يأثر

[اهل الردات]

اخوي حط زيت محروق احسن شي

[ولد وايل..]

ان ما ادري رديت او لا...هع

شف سلمك الله والجميع...

اللي يقول تغبيرة فأنا ابصم أنه ما جربها في سافي يمكن حطها ومسك خط إحتياطا...

لأنها ما اسرع ما تروح الا في حاله وحده !! إذا رشيت نشا (ميرتوا)

عموما

انا مجرب البرقع ممتاز بالحيل لكن يتعبك ويوذيك ركب وفك....

مجرب فيري ولله الحمد ما قد تغيرت علي السيارة لا بويه ولا شي..

جربت ارش نشا (ميرتو) مباشرة وأخليه طبقتين ثلاث وممتاااااااااازة بالحيل خاصه إذا كان السافي خفيف... أو ترشها إحتاطنا عن الترميل الناعم...!

وهذي افضلها الى الآن....

[AL.KNG]

ان ما ادري رديت او لا...هع

شف سلمك الله والجميع...

اللي يقول تغبيرة فأنا ابصم أنه ما جربها في سافي يمكن حطها ومسك خط إحتياطا...

لأنها ما اسرع ما تروح الا في حاله وحده !! إذا رشيت نشا (ميرتوا)

عموما

انا مجرب البرقع ممتاز بالحيل لكن يتعبك ويوذيك ركب وفك....

مجرب فيري ولله الحمد ما قد تغيرت علي السيارة لا بويه ولا شي..

جربت ارش نشا (ميرتو) مباشرة وأخليه طبقتين ثلاث وممتاااااااااازة بالحيل خاصه إذا كان السافي خفيف... أو ترشها إحتاطنا عن الترميل الناعم...!

وهذي افضلها الى الآن....


كـلام 100%

[قراند ماركيز]

جزاكم الله خير

[الكرنشاف]

مجرد رأى ....
بعد الأستخدام يوجد عند محلات الزينه بخاخ يسمونه تغبيره بالوان متعدده جدا طيب استخدمته في السفر للخطوط الطويله سهل في الرشه وسهل في الأزاله وكلما احتجت سماكة الطبقه المرشوشه استخدم عدد عبوات اكثر .....

[You Like Me]

السلام عليكم ورحمه الله

يخوي من وعينا على الدنيا وإحنا مانعرف الا الفيري
لا تغيرت البوية ولا ترميل ولا فيها الا العافيه
عليك بالفيري ياولد الشايب الـ 600 والـ 1500 اللي يقولون
احطها في بيتي وفي عيالي ابرك

[عبدالله بوعلي]

اجيل جايك يالفازلين هههههههه
ياخوان هذ الفازلين ماله حل
يشيل شقوق الرجل
ويشيل شقوق البراطم وقت البرد خخخخخ
ويحطونه للبزارين في الحفضات
ولاتخلو منه غرفة النوم خخخخخخ
وأخيرا عازل لواجهة السيارة ههههههههه
ماأعضمك يالفازلين
اخاف بكرة نحطه في الكبسات هههههه
ترو اليوم مسافر ....ورايح لم السوبر ماركت وشاري الفازلين بس اخاف الجيران يضحكون علي يوم يشوفوني ادهن واجهة السيارة بالفازلين

[تناهيت]

السلام عليكم ورحمه الله



يخوي من وعينا على الدنيا وإحنا مانعرف الا الفيري
لا تغيرت البوية ولا ترميل ولا فيها الا العافيه
عليك بالفيري ياولد الشايب الـ 600 والـ 1500 اللي يقولون

احطها في بيتي وفي عيالي ابرك



نفس الكلام :good:

الفيري وبس ..........منذو مبطي ;)وحنا ما انعرف الاهو ما شفنا منه الا كل خير

حتى تستفيد منه اثناء غسيل الموتر بعد الخط ويطلع الوجهه يلمع

[التل الصامت]

يرفع -يرفع -

[الكاااايف]

شامبو اطفاااااااااااااااال هو الافضل

لان غيره يكون فيه مركب كيميائي عشان التلميع مثل الفيري

اما شامبو الاطفال مافيه شي وهو الافضل

[zyarahmy]

شامبو اطفاااااااااااااااال هو الافضل

لان غيره يكون فيه مركب كيميائي عشان التلميع مثل الفيري

اما شامبو الاطفال مافيه شي وهو الافضل


انا اضم صوتي لصوتك لاني مجربها حط شامبو لا دموع بعد اليوم وانسا منه
لا تروح اللمعه ولا شي

[rigidman]

مجرد رأى ....




بعد الأستخدام يوجد عند محلات الزينه بخاخ يسمونه تغبيره بالوان متعدده جدا طيب استخدمته في السفر للخطوط الطويله سهل في الرشه وسهل في الأزاله وكلما احتجت سماكة الطبقه المرشوشه استخدم عدد عبوات اكثر .....


كلامك اخوي صحيح وهي رخيصة وهذي افضل لانها شغل مصانع وحماية اكيدة باذن الله

http://im1.gulfup.com/2010-09/12840642412.jpg (http://www.gulfup.com/)

http://im1.gulfup.com/2010-09/12840642423.jpg (http://www.gulfup.com/)

[شقران نجد]

علبة سفن اب يالغالي اذا كانت سيارتك يارس وعائليه اذا كان جيب :d


من جد جرب السفن اب

[zyarahmy]

علبة سفن اب يالغالي اذا كانت سيارتك يارس وعائليه اذا كان جيب :d


من جد جرب السفن اب


ينفع حمضيات؟

[ام صتمه 87]

http://img296.imageshack.us/img296/8479/7094ha0.gif



1 - زيرو سكراتش zero scratch


وعبارة عن محلول مائي يرش على مقدمة السيارة ثم يجف
وهو شفاف اللون ومقاوم للرمال ,
وهذه المادة جديدة ( لم يتجاوز عمرها 4 أشهر ) وهي صناعة أمريكية وتعبئ في لبنان

وقيمة العبوة 35 للعبوة الصغيرة و 60 ريال للعبوة الكبيرة 500 ملم.

ولديهم فروع في الرياض - جده - الدمام







هل هو اللي يبيعه العليان اللي شكله يشبه ملمع الزجاج ..

[فارس7]

البرقع افضل شي

[ولد وايل..]

اجيل جايك يالفازلين هههههههه
ياخوان هذ الفازلين ماله حل
يشيل شقوق الرجل
ويشيل شقوق البراطم وقت البرد خخخخخ
ويحطونه للبزارين في الحفضات
ولاتخلو منه غرفة النوم خخخخخخ
وأخيرا عازل لواجهة السيارة ههههههههه
ماأعضمك يالفازلين
اخاف بكرة نحطه في الكبسات هههههه
ترو اليوم مسافر ....ورايح لم السوبر ماركت وشاري الفازلين بس اخاف الجيران يضحكون علي يوم يشوفوني ادهن واجهة السيارة بالفازلين



هههههههههههههههههههههههههههههههههه

ما أعظمك يا الفازلين ..؟!!

خخخخخخخخخخخخخخخخخخخخ

[الرهيف1]

انا سمعت ايضا عن شامبو الاطفال الاصفر جنسون لأنه خالي من المواد الكيماوية التي تؤثر على لمعة السيارة وخصوصا في حال حرارة الكبوت والانوار وتفاعلها مع المواد الكيماوية

[نجم000الشمال]

موضوع رائع ..........وردود اروع .

[غاوي قهاوي]

وده للمشحمه

[ALBDRANE]

السلام عليكم ورحمه الله

يخوي من وعينا على الدنيا وإحنا مانعرف الا الفيري
لا تغيرت البوية ولا ترميل ولا فيها الا العافيه
عليك بالفيري ياولد الشايب الـ 600 والـ 1500 اللي يقولون
احطها في بيتي وفي عيالي ابرك


هذا الكلام الي الي ريحني من كل الردود

والي خايف من الفيري ياخذ الي لونه أخضر غير الليمون ولا الشامبو الاحمر حق الشعر

توني أكتشف سبب أرتفاع أسعار الفازلين في الأسواق !!

[ب د س]

آنـآ آقول آحسسسن شي آلشآمبو حق آلآطفآل آللي مكتوب عليه آلنونو

[همس الغدير]

صراحه من خبرتي القليله افضلها حتى من ناحية المحافضه على البدي الشحم صحيح مزعج بس حصل فني جيد الف شكرلك مشاء الله تبارك الله

[sgl2002]

تجليدة الحماية حلوه لكن ماتنفع مع الشمعات ...
أنا مركبها وجاء عج وغبار في الخط ويوم وصلت لقيت الشمعات باهته مره مع أن عليها تجليدة حماية...
بس لمعتها عند الزينة ورجعت ..

[zayedx]

انا جربت شامبو حق الشعر و الله ابن حلال
مع اني اشوف ان طريقة التجليد الشفاف هي الافضل و عمليه اكثر
و ترا مهب غاليه زي ما ذكرو الاخوان
عند زيبارت الي هو افضل واحد بـ600 ريال مع ضمان كذا سنه



تعدييل بعد اذنك .. عندناا بالشرقيه .. تركيب التجليد الشفاف بـ 300 ريال
وضمان 3 سنوات .. ولو تحكهاا بالسكين مااتطلع .. ^^

[أبو عقيل النجدي]

هههههههههههههههههه الأخوان كل واحد طالع لنا بشيء جديد

اخاف واحد يجي يقول خل التفاح ما مثله

[أبو عقيل النجدي]

والله ثم والله ثم والله


لا العن والدين الموتر لين ابيعه


يا اخوان نحافظ على الموتر ونهتم فيه اكثر من العيال

وبعدين ياخذه مثل الجديد شريطي محتال ( الا من رحم ربي)


العمر مرة واحدة تهنا بعمرك وبشبابك وبموترك

قبل مماتك

ادفع 600 ريال على تجليدة

الى متى والشركات تحتال على عقول المتخوفين والمتخلفين !!!!!


والا طش وجة السيارة بفيري ابو ريالين التقليد لأن الاصلي يأثـر على السيارة


:good2::good2::good2::good2::good2:


صدقت يارجال وحنا الواحد يلبس المراتب والارضيه....إلخ :D

[الساعدي مكشات]

كل طريقه فيها عيوب
ولا في حل سليم

[مغلي]

هذا تاثير للفلم الشفاف

يمكن تجاري او اصلي

المهم ... الحذر واجب
http://im67.gulfup.com/dk5yNF.jpg

[alharbi15]

البرقع للأسف هو من أقواء الحلول ويحافض على السياره ومشكلته بوقت الحر
ماينفع بسبع المذاهب تحتر السياره عليك
الفيري زين للغبار الخفيف بس العج القوي والله ماينفع وتختفي البويه والفيري معها

تبي تحافظ على سيارتك أختار الوقت المناسب للي تسافر فيه أو تضرب مشاوير يا الفجر أو بالليل
وأذا الفلوس واجد ركب فلم وكل ست أشهر يسوون لها تلميع
اذا على ال 1000 والله أوقات نحطها بشي ما ينفعنا بريال

[مميز11111]

يا رجال الفلوس اللي بتدفعها في منظفات أو لصقات أو برقع أو غيره (( أنصحك تصدق بها وربي بيحفظك في سفرك من ترميل وغيره ))

[FJ3230]

عليك بشامبو الاطفال لادموع بعد اليوم الاصلي
عز الله انه ممتاز وانا مجربه وتغسل الموتر بعده ماجاه شي

[anas_3li]

موتري عليه الجلادة الشفافة.. ما فيه مثلها ابدا.. لا تخرب شكل ولا تطفي لمعة لك وللزمن.. عند 3M بحول ثلاث الاف لك وللزمن وعليها ضمان خمس سنوات

[ابو شموع]

فيري لايقربك ابد
وزيبارت هج عنه مدى الحياة
انا اللي اسويه . . . .
اروح لأقرب مكتبه وآخذ تجليده شفافه حقت كتب
ب10 ريال والله لايخسر
ولزق تلزيق مش حالك المقصد
ان الموتر مايرمل
وضبطه على المرايات والصدام والأنوار
والشبك ملاحظه لازم تفتح تهويه للشبك
وإذا رجعت من السفر أقشع التجليده بشرط السياره تصير بارده
ولا يبي يبقى غراء
ولاتدري رح رح ادفع 600 لزيبارت
بكيفك لاتقتنع ابد;)
والله يوفق الجميع

[قيوط الصحراء]

انا بسراحه استعمل سفن اب ممتاز جدا

[حامي الحمى-]

بلا فيري بلا برقع بلا خريط عليك بالسفن اب رشة على وجه الموتر وكرمها وجه الله

[راعي الصنف]

مويه دافيه وسكر واخلطهم مع بعض ورش الوجهيه مرتين ووكل الله . ..

طبعا بأستخدام المرش المعروف ... رش مره وخلها تنشف ورش ثانيه وخلاص .

[سلمان الصفيان]

انا لي تجربة 12 سنه احط شامبو صانصلك بالبيض يسوي طبقه مثل الشمع حتى تحفظ البدي من الحصا المتطاير على الخط والرمل

[بن جويان]

اخوي فيه بخاخ الجل مخصص للوجهية يسوي طبقة علي مقدمة السياره وشفاف يعني مايشوه مقدمة السياره ويروح مع الغسيل ومضمون بعد الله انا جربته ممتاز موجود عند محلات الزينه

[أبو جابرر]

والله يا اخوان لاشفتوا العجاج ناصيكم

هدوا السرعه وممشى الركااااده زين


وعلى قولتهم ليت السلامه تنشري واشتريها

[foxpic.com]

افضل شيء التجليدة بشرط تكون اصلية مثل الي عند شركة 3m

http://www.foxpic.com/VnGYq2N3.jpg



http://www.foxpic.com/V1RMrrsd.jpeg

[المماتوس]

http://www.mekshat.com/vb/showthread.php?t=313362 (http://www.mekshat.com/vb/showthread.php?
t=313362)

عن تجربة عملية جدا
ملاحظة : يجب مراعاة طريقة تثبيت البرقع في الرفرف من الداخل وتطلب ذلك من محل التفصيل حسب شكل رفرف السيارة