مشكلة رمان الهوب باليوكن

[ابو منار22]

السلام عليكم

ياشباب عندي مشكله في سيارتي يوكن 2004 بدون دبل
صوت في الكفر الامامي يمين ويوم رفعت الكفر بالعفريته الا وهو يتحرك فوق وتحت

عرفت ان المشكله برمان الهوب رحت لقطع الغيار ولقيت سعر الرمان 550 ريال وتركيبة بالورشه 60 ريال
لان الرمان يجي بفلنجة (كامل )


المطلوب لاهنتو :
هل يمكن تغيير الرمان لوحدة يعني اغير رمان مكان رمان وماله داعي اغير فلنجة
هل هناك طريقة اخري
امل منكم افادتي ولكم دعوة فى ظهر الغيب

[راعي الرجم]

انت متأكد انه رمان

ماهو الركب ترى الركب نفس الطريقة تحرك الكفر

[Magellan]

فيه مخرطة بالصناعية القديمة بالرياض إسمها عالم الرمان
يحكرها لك مثل شد البلد والسعر رخيص

[ابو منار22]

لا ماهي ركب اليوكن مافية ركب على حسب علمي

والصوت واضح جرش رمان

اخوي ماجلان
لكن انا بالمدينة
وهل جربتها بالمخرطة يعني يغير الرمان فقط
ياليت ترد علي بسرعة وبالتفصيل
لأنة اذا فيه حل ياكثر المخارط عندنا بالمدينة يمكن اشرحله الطريقة ويسويها

[ابو منار22]

للرفع ...............

[Magellan]

الركب ماعاد فيه ركب الله يسقي أيامك بالخير ياكابرس الصابونة
وأنا ماجربت خراطتها لأنه لم تستدعي الحاجة لذلك ، لكن كان نقاش مع أحد الزملاء وذكر المحل المذكور يقوم بتطبيقها بالملي ،،
والمخرطة ياعزيزي على إسمها ، يعني جب لهم الحاجة نفسها ويخرطها لك ، والمدينة ما أقدر أفيدك فيها لأني ماقد جيتها طال عمرك على طاعته
المهم قد يكون التشاليح خيار آخر لك
والله يوفقك

[ابو منار22]

اخوي ماجلان بارك الله فيك
وعسى ان يكون لك نصيب من اسمك وتزور المدينة ونتشرف بزيارتك

اليوم بوديها ورشه ثانية واشوف ويش يقول يمكن عندة حل

[لن أمل من العطاء]

نصيحة اشتريها كاملة فلنجه وركبها فلنجه كاملة افضل

المخرطه مهما كان شغلهم مضبوط ما يجيك راحة


ومجرب التغيير ولا فائده قمت وغيرت فلنجه كاملة



اخوي اجلان

نفسي اعرف اش هي الركب بالضبط

[Magellan]

أخوي لن أمل من العطاء
الركبة هي ممسك الإطارات الأمامية بالذراع وتكون عادة شبيهة بالدائرة ، ويحدث أنها حينما تتعطل أنها تنفرج وبالتالي ترى السيارة كأنها عامل فيها بنشر من الأمام ولاتتحرك ويطلع صوت إحتكاك

[ابو منار22]

صراحة بدون مجاملة منتداكم يدعوا للفخر ولذلك سجلت بالمنتدى

اشكر لكم حسن تعاونكم وبارك الله فيكم جميعاً

اخوي لن أمل من العطاء

ردودك دائما تأتي شافية ومرضية نظراً لما رائيت في المنتدي
ومعرفك يدل على معدنك الاصيل

شاكر لكم جميعاً

[ابو منار22]

ابشركم المشكله طلعت بسيطة جداً ومضحكة

المشكله كلها ان مسامير الكفر محلولة كله وطايحة في العلبة الخاصة بالجنط ولا ماسك الكفر الا مسمار واحد وبرضة محلول

اول شي الحمد لله على لطف الله

ثانياً ماعندك مهندسين اللى رحت له امس يوم رفع الكفر وشافة يتحرك قال رمان وخوفني واليوم رحت ابغا اغير رمان يوم فكيت علبة المسامير اللي في الجنط بانت المشكلة

وتم تربيط كل الكفرات ب خمسة ريال


شكراً لكم والله يعطيكم العافية

[لن أمل من العطاء]

أخوي لن أمل من العطاء
الركبة هي ممسك الإطارات الأمامية بالذراع وتكون عادة شبيهة بالدائرة ، ويحدث أنها حينما تتعطل أنها تنفرج وبالتالي ترى السيارة كأنها عامل فيها بنشر من الأمام ولاتتحرك ويطلع صوت إحتكاك



ان كان كما ذكرت فهي ما يطلق عليها الجوزات

واذا كانت هي فلا غنى لاي سيارة عنها


اخوككم


لن امل من العطاء

[ناوي نيه]

كيف مافيه ركب وانا مغيرها

[ff-19]

الحمد لله على سلامتك اخوي ابو منار وان شاء الله يكن هذا درس لنا لتفقد السيارة

[راعي هوى]

الحمدلله على السلامه وماتشوف شر

[سطام vip]

ههههههههه الحمد لله على السلامه

وكنت ابقولك لا تغير رمانات الين تشخص المشكله مضبوط

وعساك شيكت على المسامير كلها؟؟

والحمد لله ان المشكله بسيطه

[البدائع ديرتي]

ماجلان رد على حرارة اليوكن