الغريبه ((حائل )) مالها كرت هنا

[مربط القعاسي]

بسم الله الرحمن الرحيم
انا ناوي ااسافر الى حايل اول شي لنها بلدي الاصلي وهي ديرتي (( الاخ شمري)) المهم انا ناوي اروح ومن اليوم ابحث احد رايح لحايل شي مالقيت انا ودي استفسر عن المناطق الحلوة في حائل والمناطق القديمة والبرية والمنتزهات الشبابية لن احنا بنسافر شباب على فكرة ترانا ناس بريين الله يجزاكم خير وغير كذاء مطاوعه يعني مايلزمنا مكان فيه (( نساء كثير )) المهم ابي الاماكن الحلوة ولكم جزيل الشكر والتقدير

[دغيم1]

السلام عليكم ورحمة الله وبركاته
حياك الله أخوي
الله يسامحك مانقدر على تجاهل عروس الشمال
حائل لها نصيب طيب في مكشات
على الروابط أدناه تجد مايفيدك


رحلتي إلى حائل و تيماء والعلا (( ثعل البرد)) - (http://www.mekshat.com/vb/showthread.php?t=99435)

احداثيات خاصة بمنطقة حائل (http://www.mekshat.com/vb/showthread.php?t=5467)

أهل حايل ممكن تعرفونا بحايل (http://www.mekshat.com/vb/archive/index.php/t-18404.html)

رحلتي لحائل،،، طبيعة خلابة، تقرير، صور، إحداثيات،،، (أبو الحارث ... (http://www.mekshat.com/vb/showthread.php?p=1586235)


تقبل تحياتي

[ناصر التميمي]

اخوي مربط القعاسي
حياك الله وحائل واهل حائل تحت امرك
حائل كله شعبان من اوله لاقصاه بعد حيي
1/ مشار منتزهات على كيفك ماينقصك غير العزبه
2/ عقده وشخصيا اعتبره عروسة حائل للطبيعه الخلابه فيه
3/ مرتفعات السمراء وهي رائعه بس تحتاج موتر محترم
4/ لاتنسى تجيب معك ملابس شتويه لان حائل بالليل تميل الى البروده اكثر خصوص اذا اتجهت شمال يم النفود ويم المزارع
واي حاجه انا بالخدمه
وتلقاني بمكشات على مدار الســــــــــــــــــــــــــــــــــــــــــــ24ـ ــــــــــــــــــــــه.....
اخوك من قلب حائل
خشوم السحاب

[السد الغزير]

أنا رحت لحايل قبل سنة .. ومدينة جميلة جدا .. كلها جبال وجبال منورة من البلدية .. ومعطينها شكل ثاني

طبعا أعرف لي صديق من حايل .
رحنا (جبل يسمونه السمراء)جبل بارد من فوق ومرتفع إلى درجة إنك تشوف حايل بأكملها. ولازم يطلع له موتر نشيط .
رحنا(منتزهات مشار)ماتعمقت فيها لكن .. دخلنا زي المدينة الترفيهية .. وفيه حق العزاب
رحنا(منتزة المغواة)منتزه جميل جدا .. وهو جبل كبير ومنور وفيه اماكن ترفيهية
رحنا لـ(قنا)في ذاك اليوم كان فيه تطعيس شباب
وشفنا(دوار القربة)وهو من اجمل الدوارات بصراحة .. دوار لافت للنظر
وبعد هذا كله يكفيك أهلها .. والله يستاهلون .. ومعروفين بسعة الخاطر وكرمهم وابتسامتهم..الله يكثر من امثالهم .

[كاشخ 24 ساعه]

ترا فيه منطقه حلوه زرتها هناك أسمها طابا

انصحك بزيارتها