لمن يملك الباترول الربع من 2005 فما فوق " إستفسار"

[عبدالله العواجي]

السلام عليكم :

السؤال الأول / هل هو مريح في البر أو الديره وو شلون صرفيته للبنزين ؟

السؤال الثاني / هل يتحمل البران والحصى والنفود والوعر والجبال أو يخرب بسرعه ؟

السؤال الثالث / وهو الأهم هل البخاخ والكمبيوتر يتلفان بسرعه مع الغبار والرمال أم لا ؟

السؤال الرابع / هل هناك مشاكل من المصنع في أحد الموديلات من 2005 فما فوق ؟

السؤال الخامس / أسعاره تتراوح من كم إلى كم النظيف بدون صدمات ومحركات سليمه ؟

((لكي تعم الفائده لجميع الأعضاء لهذا المنتدى العزيز الإجابه تكون من أصحاب الخبره ومن إستخدم هذا النوع))

[سفير الصمان]

الموتر موتر بر وصرفيه البنزين والله يصرف بالحيل
واكبر عيب فيه أنه صغير ماياخذ شيء يعني مايشيل لا ناس ولا قش
خذ لك باترول صالون أزين وأريح وأوسع

[خشيمان]

بسم الله الرحمن الرحيم

السلام عليكم ورحمة الله وبركاته

ابجاوبك اخوي من واقع تجربة لموديل 2008

السؤال الأول / هل هو مريح في البر أو الديره وو شلون صرفيته للبنزين ؟
بالنسبه للراحه فهو مريح مقارنه بالجيوب نفس اللاند والسوبر سفاري
وبالنسبة للصرفية
زي الجيوب الثانيه الفل بــ 36 يمشيك حدود 350 -400 كيلو (بنزين 91 )
-------------------------
السؤال الثاني / هل يتحمل البران والحصى والنفود والوعر والجبال أو يخرب بسرعه ؟
الله العالم انه أفضل السيارات من ناحية التحمل وهذا الكلام ليس مني فأنا جديد عهد بالباترول
ولكن هذا كلام مدير التموين لوزارة الداخليه
يقول: ما يتحمل الحكومة مثل الباترول لا الربع(التايوتا) ولا الباجيرو (وليس إنقاص من حق التايوتا ولكن هذا كلام الرجال والله أعلم)
------------------------------
السؤال الثالث / وهو الأهم هل البخاخ والكمبيوتر يتلفان بسرعه مع الغبار والرمال أم لا ؟
إذا كنت تشيك على فلتر الهواء دايم فما أظن انه يبي يخرب اضافه الى اني لم اسمع بأحد يشتكي من البخاخات
-----------------------------
السؤال الرابع / هل هناك مشاكل من المصنع في أحد الموديلات من 2005 فما فوق ؟
ما فيه مشكله محدده
أنت وحظك
بالنسبة لي كان معي قبله نفس الموديل مشى 15 الف زي الحلاوة
هذا الثاني قدر الله انه صار يطلع دخان اسود مع الشكمان اذا دبلت الدعسه وهذا انا اطارد ورى الوكاله والله يعين
----------------------------
السؤال الخامس / أسعاره تتراوح من كم إلى كم النظيف بدون صدمات ومحركات سليمه ؟
على حسب الموديل
يعني 2005 من 60 الى 65
2006 من 65 الى 72
2007 من 72 الى 80
2008 80 وفوق
(الأسعار تقريبية )

وأي سؤال أنا حاضر
خشيمان

[المميـز]

بسم الله الرحمن الرحيم

السلام عليكم ورحمة الله وبركاته

ابجاوبك اخوي من واقع تجربة لموديل 2008

السؤال الأول / هل هو مريح في البر أو الديره وو شلون صرفيته للبنزين ؟
بالنسبه للراحه فهو مريح مقارنه بالجيوب نفس اللاند والسوبر سفاري
وبالنسبة للصرفية
زي الجيوب الثانيه الفل بــ 36 يمشيك حدود 350 -400 كيلو (بنزين 91 )
-------------------------
السؤال الثاني / هل يتحمل البران والحصى والنفود والوعر والجبال أو يخرب بسرعه ؟
الله العالم انه أفضل السيارات من ناحية التحمل وهذا الكلام ليس مني فأنا جديد عهد بالباترول
ولكن هذا كلام مدير التموين لوزارة الداخليه
يقول: ما يتحمل الحكومة مثل الباترول لا الربع(التايوتا) ولا الباجيرو (وليس إنقاص من حق التايوتا ولكن هذا كلام الرجال والله أعلم)
------------------------------
السؤال الثالث / وهو الأهم هل البخاخ والكمبيوتر يتلفان بسرعه مع الغبار والرمال أم لا ؟
إذا كنت تشيك على فلتر الهواء دايم فما أظن انه يبي يخرب اضافه الى اني لم اسمع بأحد يشتكي من البخاخات
-----------------------------
السؤال الرابع / هل هناك مشاكل من المصنع في أحد الموديلات من 2005 فما فوق ؟
ما فيه مشكله محدده
أنت وحظك
بالنسبة لي كان معي قبله نفس الموديل مشى 15 الف زي الحلاوة
هذا الثاني قدر الله انه صار يطلع دخان اسود مع الشكمان اذا دبلت الدعسه وهذا انا اطارد ورى الوكاله والله يعين
----------------------------
السؤال الخامس / أسعاره تتراوح من كم إلى كم النظيف بدون صدمات ومحركات سليمه ؟
على حسب الموديل
يعني 2005 من 60 الى 65
2006 من 65 الى 72
2007 من 72 الى 80
2008 80 وفوق
(الأسعار تقريبية )

وأي سؤال أنا حاضر
خشيمان





أوافقك الراي بكل ماقلت اخوي :good:

ماعدا صرفية البانزين

صرفية البانزين تعتمد على السرعه ااذا كنت تمشي بالخط 160

مايمشيك اكثر من 300 كيلو

هذي تجربة واحد من الشباب معه واحد

وبالنسبه للعزم

تراه ماشاء الله عزم

بس ركب له مروحه كهرب وفرارات وهدرز اماراتي

وتبي تشوف الوناسه

وبالاخير ما اقول الا توكل على الله

وعليك
بالاستخاره بعد الاستشاره

[عاشق الرفاليو]

الموتر مافيه كلاام في البر لكن عندنام 2006 يلااحظ عليه العزم ثقيل خصوصا مع دخول الصيف وتشغيل المكيف ويطلع صوت للمكينه يمكن عشان المكينه 12 بلف نظام العزل الصوتي الخارجي للهواء ضعيف صرف البنزين مرتفع نوعا وضع الجلوس داخل كبينه السياره مرهق قليلا في حالة السفر لمسافات طويله لاانه ينقصه كثير من التجهيزات الداخليه والسياره جباره للاستخدام الصحراوي

[معاند الريح]

انا فكيت باترول ربع 2006 وكاله << غلطة حياتي ,,

1- صرفية بنزين خرافيه ,,

2- عزم << لا توجد هالكلمه في قاموس الباترول الربع الجدد ,, << مع اني حطيتله هدرز وكل شي ولا فاد الا شي بسيط

3- قطع نااار ..

4- وكيل << اعوذ بالله ( خايس بما تعنيه الكلمه ) .

على فكرهـ انا والله اكتل من واقع تجربتي انا شخصيا فقط ..


وبعته هالابام وشريت ربع تايوتا .. << ندمت ع الايام الي كان معي باترول ,,


الباترول غير 4800 لا تقربه انتبه


دامك شاري ربع اشتر تايوتا وترى الاستخاره زينه وعسى ان الله يوفقك

[يوسف 206]

السلام عليكم
انا اوافق كلام اخوي خشيمان بكل اي قال ماعدا احس ان عزمه ضعيف شوي وبالجط مايعدى 160 والباقي ماله مثيل موتر 2005 يوم اشريه ماشي 15000 وهالحين ماشي 110000 ولله الحمد ماعانيت من اي مشكله

[طارق الحربي]

السؤال الرابع / هل هناك مشاكل من المصنع في أحد الموديلات من 2005 فما فوق ؟



واحد من الربع معه 2006 ماشي حدود ال 30 الف وقام الموتر يتفتف ويطفي

وللحين هو والوكاله مشاكل

وكالته سيئة مع احترامي

والموتر نادر بالمعارض وغالي

وحاليا هو افضل جيب بسعر معقول

[عبدالله العواجي]

مهاوش
(( نصيحك على راسي بس أنا ما أحب الصالون أبد , شرفنا مرورك ))

خشيمان
(( ألف ألف ألف شكر أخوي على هالتعاون والحضور القوي والإجابه بالتفصيل ونتشرف بردود مثلك من الأخوة , سؤال ممكن :j الكمبيوتر ماجاوبت عليه يقال إذا خرب خلاص إنتها الموتر :confused: ))

المميز
(( مشكور على الرد المميز كصاحبه :D والإستخاره لابد منها ة شرفنا مرورك))

عاشق الرايفلو
(( صحيح سمعت إنه ثقيل إذا كان شد بلد , يكفين الإستخدام الصحراوي , شرفنامرورك ))

معاند الريح
(( نفس كلامي لأخوي نصيحك على راسي بس التايوتا لاينفع لي بكل ماتعنيه الكلمه من معنى وخدمات الوكيل جيده في التايوتا والنيسان خايسه جدا أعلم لكن الشكوا لله , شرفنا مرورك))

يوسف 206
(( الثقل سمعت عنه لكن له بعض الحلول , شرفنا مرورك ))

طارق الحربي
(( هذا ألي خايف منه والمشكله الحض دمار , الله يستر بستره , شرفنا مرورك ))

[خالدعبدالعزيز]

توكل على الله ولا عليك ان شاء الله الله يوفقك الموتر شيخ من 2004 وفوق
معي ربع باترول موديل 2000 عزمه زين بس مركبه يكسر الظهر
ويوم سقت الفين وسبعه ما بغيت انزل منه الله يهني راعيه فيه يارب

[مدور الخيرة]

بالنسبة للبنزين

اذا كنت مسافر على سرعة 140 انا اضمن لك بعد الله 430 - 450 كيلو

بشرط نظافة البخاخات


الموتر مريح جدا ولا تمل سواقته لا بالبر ولا بالسفر


عسى الله يكتب لك اللي فيه الخير

[المميـز]

الصراحة انصدمت من ردود الاخوان !!!!

اللي يقول يتفتف وهو ماشي 30 الف
واللي يقول مافي عزم
واللي يقول مايتعدى 160 !!
والقطع ناااار !!!

والله اعرف الحين 3 من الشباب معهم هذا الموتر ماخذينها وكاله
ماشاء الله عليهم وماعمرهم قالوا فيه شي مرررررررررررررره

وبالعكس يمشون عليه بالخط من 160 الى 180 بالراحه

وانا سايق موتر واحد منهم سواقته فللللللللللللللله وهذا انا افكر اخذ واحد بعد

على العموم الله يكتب اللي فيه الخير للجميع

[خشيمان]

خشيمان
(( ألف ألف ألف شكر أخوي على هالتعاون والحضور القوي والإجابه بالتفصيل ونتشرف بردود مثلك من الأخوة , سؤال ممكن :j الكمبيوتر ماجاوبت عليه يقال إذا خرب خلاص إنتها الموتر :confused: ))



حياااااك أخوي وما سوينا الا الواجب
وإن ما خدمناك يالذيب من نخدم؟؟
وبالنسبة للكمبيوتر ما عندي علم
ولا قد سمعت احد يشتكي منه
ويارجال السلقه كنه ددسن ما فيه الا مكينة وقير ودفرنس ;)
وبالنسبة للسرعه بعض الشباب يقول ما يجيب الا160 بالنسبة لي كل الموترين يجيبون 180-190 وكم واحد اعرفه مواترهم نفس الشيئ
والعزم حلو بس مب حق مهوبل ومراقى زي ربع التايوتا
يعني ما قد وقف معي طايح عزمه مع اني اعلكه علك

أتمنى أكون وضحت اللي عندي وننتضر آراء الاخوة

[عبدالله العواجي]

أهلا بكم من جديد :
خالد عبالعزيز
(( التوكل على الله شئ واجب , والله يوفقنا بالموتر الطيب , شرفنا مرورك ))

مدور الخيرة
(( الله يسلمك على هالمعلومه , آآآآآآآآمين , شرفنا مرورك ))

المميز
(( بالعكس لا تستغرب لأن المواتر تختلف من ناحيت الثقل مثلا ناس ماتنزل أغراضه من السيارة ويبي الموتر يطير وناس فاضي دايم وزين ممشاه وناس متعود على سواقت غيره من السيارات كالصغار من راحه وسرعه وأهم شي عندي الموتر بالبر يكون مريح وعزمه مرضي منب طاير عن الأرض:D :D والصرفيه الجيده ,شرفنا مرورك المتجدد))

خشيمان
(( خشمك يالذيب :D :D ههههههههه , ماجا منك إقصور وضحت وكفيت والموتر ممتاز ولا فيه موتر كامل المواصفات أبدا لكن فيه عيوب تمشي وفيه عيوب تكرهك بالموتر , شرفنا مرورك المتجدد ))

[طارق الحربي]

اخوي المميز

مدري انت مكذبني بقولي انه يتفتف وممشاه 30 الف ؟

اتمنى انك منت مكذبني

اذا تبي تجي وتشوف الموتر مع الرجال حياك الله وصدق بعينك


انا ماقلت ان الموتر سئ وراجع كلامي

بس انا ذكرت مشكله سبق وان صارت بناء على اسئلة الكاتب وطلباته

كان مع نفس الرجال اللي ذكرت 2005 كرفه كرف ولا جاه اي شي ماشالله

بس هذا صارت معه هالمشكله فيه

يعني توافيق

ولو تلاحظ اني كتبت انه افضل جيب الان بسعر معقول

[المميـز]

اخوي المميز

مدري انت مكذبني بقولي انه يتفتف وممشاه 30 الف ؟

اتمنى انك منت مكذبني

اذا تبي تجي وتشوف الموتر مع الرجال حياك الله وصدق بعينك


انا ماقلت ان الموتر سئ وراجع كلامي

بس انا ذكرت مشكله سبق وان صارت بناء على اسئلة الكاتب وطلباته

كان مع نفس الرجال اللي ذكرت 2005 كرفه كرف ولا جاه اي شي ماشالله

بس هذا صارت معه هالمشكله فيه

يعني توافيق

ولو تلاحظ اني كتبت انه افضل جيب الان بسعر معقول


ماعاش من يكذبك يالغالي

بالعكس انا مصدقك

بس ابسألك سؤال ؟

خويك ماقد ركب عليه فتر رياضي او لعب بحساس الهواء ؟؟؟

لانه عندنا فتك وصارت لنا نفس المشكله يتفتف ويطفي

ويديناه للوكاله وقالوا حساس هواء

ياليت لو تسأل وتجيب لي الخبر

ولا تفهمني غلط مره ثانيه :D

انخرشت يوم شفت ردك بالبدايه ( مكذبني ) قلت بس هوشه الله يستر :D

[ي ح ق 517]

السؤال الأول / هل هو مريح في البر أو الديره وو شلون صرفيته للبنزين ؟
اما عن الراحه فهو مريح الى اخر درجه وصرفية البانزين جيده انا معي 2008 فاكه وكاله اعبيه من بريده وادخل الرياض والتانكي بين النص والربع طبعا 91 ممشى 140

السؤال الثاني / هل يتحمل البران والحصى والنفود والوعر والجبال أو يخرب بسرعه ؟
من ناحية التحمل يتحمل تحمل عجيب وانس الخرابات لاني مجربه بالوعر وبالنفود ممتاز...
السؤال الثالث / وهو الأهم هل البخاخ والكمبيوتر يتلفان بسرعه مع الغبار والرمال أم لا ؟
لا ابد اذا كنت تنظف فلتر الهواء مع كل تغييرة زيت..

السؤال الرابع / هل هناك مشاكل من المصنع في أحد الموديلات من 2005 فما فوق ؟
فيه مشكله واحده واجهتني يوم مشى 5000 عيا يشتغل وجبتلي مبرمج كمبيوتر وزينه ب300 فقط

السؤال الخامس / أسعاره تتراوح من كم إلى كم النظيف بدون صدمات ومحركات سليمه ؟
يفيدونك الشباب..

[طارق الحربي]

اخوي المميز

انت اخوي الكبير

مابيني وبينك ان شاء الله هواش

واعذرني

الرجال ماركب عليه اي شي

يعني ستوك اللي يقولون راعين الترهيم :)

3 مرات يدخله الوكاله ويقولون له مافيه شي ويطلعونه ومايدفع لهم شي

المشكله ترجع المشكله

الحين راحت المشكله وانا ماشفت الموتر عقب التصليح وخروجه للمره الثالثه لان الرجال يقول ماصلحوها زين يعني كنه يتفتف شوي

طبعا التفتفه كانت ان الابنص ينزل تحت 1 ببطئ مع تفتفه ويطفي وانت واقف

للمره الثالثه اقولك الموتر شيخ ولا يعيبه شي وانا من المعجبين فيه بس حبيت احكي لكم تجربه لا غير


يخليك ذخر ويسلمك اخوي

[انتيفا]

انا معي باترول ربع 2006فاكه وكاله ماشي 60000الف ماخليت مكان مارحت له كل خميس وجمعه في الشتا اطلع من الرياض وهجوله في هالبرانوفي الصيف اسبوعيا للقصيم ولله الحمد ماطلب مني شي بس يقولي عب بانزين وزيت والتكل على الله وعفشي وتانكي المويه ماكد نزل ولافضى واريح من التويوتا الف مره لافي البر ولافي الخط هذا رايي الشخصي ولولا اختلاف راي الناس لبارةالسلع

[أ ب و ع ل ي]

عيب الباتروول طبلونه مترفع والمرتبة نازله ماهو مثل الربع التويوتا

[المميـز]

اخوي المميز

انت اخوي الكبير

مابيني وبينك ان شاء الله هواش

واعذرني

الرجال ماركب عليه اي شي

يعني ستوك اللي يقولون راعين الترهيم :)

3 مرات يدخله الوكاله ويقولون له مافيه شي ويطلعونه ومايدفع لهم شي

المشكله ترجع المشكله

الحين راحت المشكله وانا ماشفت الموتر عقب التصليح وخروجه للمره الثالثه لان الرجال يقول ماصلحوها زين يعني كنه يتفتف شوي

طبعا التفتفه كانت ان الابنص ينزل تحت 1 ببطئ مع تفتفه ويطفي وانت واقف

للمره الثالثه اقولك الموتر شيخ ولا يعيبه شي وانا من المعجبين فيه بس حبيت احكي لكم تجربه لا غير


يخليك ذخر ويسلمك اخوي


وش دعوى اخوي طارق

مابينا فرق وكلنا واحد

على العموم مشكلة خويك شكلها بحساس الهواء

خله يغيره ويبي يرتاح من المشكله

مرت علي بالفتك نفس الحاله هذي بالضبط

الكمبرشر ينزل عن الواحد ويتفتف ويطفي

[طارق الحربي]

اخوي المميز

الحمد لله جيت الرجال وجربت الموتر ماعاد فيه هالمشكله بس يقول الوكاله الى الان مصرين ان مافيه شي من اول مره ورغم هذا ياخذ عندهم وقت بعدين يقولون تعال خذه

لك تحياتي ومشكور على ادبك وحسن اخلاقك

[خوي عليان]

ان دايم اردودي مختصره


تويوتا وبس

المثل يقول

التيوتا اولده النيسان

هههههههههههههههههههههههههههه

[المميـز]

اخوي المميز

الحمد لله جيت الرجال وجربت الموتر ماعاد فيه هالمشكله بس يقول الوكاله الى الان مصرين ان مافيه شي من اول مره ورغم هذا ياخذ عندهم وقت بعدين يقولون تعال خذه

لك تحياتي ومشكور على ادبك وحسن اخلاقك


يقولون العله اللي ماتلقالها حل

افتح كبوت الموتر واقر عليه

ورش عليه ماء مقري فيه

وان شاء الله مايشوف مكروه

وتشفرنا بالنقاش معك اخوي طارق ,,,

[عبدالله العواجي]

يشكر الجميع على التفاعل في الموضوع وأتمنى أن تكون الإستفاده جماعيه