طلبكم المساعده بخصوص الكرونه

[العقارب]

عندي صوت فيها اذا وصلت 100 وتزيد اذا تعديت 100
طبعا الصوت مايجي الا اذا رفعت رجلي عن الدعسه او او تساوت السرعه مع الدعسه
وديت الموتر لم مكنيكي ورفع الموتر ومشيت به وهو معلق وماطلع شي قل يمكن الرمانات عندك يبيلها تغييير فقط وهو مهو متاكد منها يمكن تكون الكورنه ،،،،،،،،،،،،
طالبكم ابي ورشه مظبوطه يفهمون فيها ................... وشكرا

[شروكي ربع]

أكيد بيعطونك الشباب الخبر الأكيد اذا اعطيتهم نوع السيارة والموديل :confused:

[عاشق z71]

شف يالغالي تاكد من الكفرات انا مره ركبت كفرات نقشتها خشنه اذا وصلت ميه ورفعت الدعسه يطلع صوت اشبه بصوت الكرونه


تقبل مروري

[فارس مكشات]

هلا اخوي العقارب شيك على الدفرنس الامامي ولازم تفك العامود وتمشي على السيارة طبعا اذا صار المشكله بالدفرنس الامامي ترى الفرارات مجدية

[سوبر152]

تأكد من العرموطة لاتكون حالة

[بدوي جنوبي]

عندك فضاوة بسيطة

داخل الكرونه بين ترس التاج والبنيون

نصيحتي لك اتركه كما هو

http://img216.imageshack.us/img216/2706/pic13gv9.png

[بيبسي]

انا صارلي مثلك مع باترول 99 طبعا كنت مركب فرارات والصوت كان من الدفرنس الخلفي... اول شي غيرت زيت الدفرنس قلت يمكن يكون فيه رايش (( اللي هو الناتج من احتكاكا الحديد )) لكن مامشى الحال وبعدها رحت لميكانيكي فلبيني قي صناعيه الشفا في ورشة ولد الديره (( هالكلام من اكثر من 6 سنوات)) وغيرلي رومانات الكرونه وعقبها صار تمام... احرص على الورشه واشرط عليه التجربه ومو مهم السعر لان الكرونه قليل اللي يظبطها

[سطام vip]

لا تستعجل على الكرونه وشوف لك مهندس مضبوط
واذا احد قالك الكرونه قوله غيرها على الشرط
واذا ماهي منها ما راح اعطيك ولا ريال
وانا شاك انها الرومانات لانها تسوي اكثر من كذا
وياليت تستعجل اخوي ترا الاصوات في الدفرنس خطره

يمكن يكون الرمان متاكل وياكل عليك العكوس والله يستر لا ينقطم عليك

انتبه والله يستر على الجميع

دمت بخير

[العقارب]

الله يجزاكم خير ماقصرتو وبيض الله وجهكم
مشكور عشق ربع.
فارس مكاشت: يخصوص الصوت من الدفرنس الخلفي غيرت الزيت 140 الثقيل ولاتغير شي حطيت معالج حق الشروكي ونفس الشي ماتغير شي ...........
عاشق:الكفرات جديده وعستها ناعمه وبعدين الصوت اذاخليت الدعسه مره يروح يكون اول ماتخلي الدعسه واذا دعست راحت.
سوبر:العرموطه ولله مشكوك فيها بس وشلون تكون حاله ممكن تكون فضاوه فيها وش الحل بظبط.
بدوي جنوبي :الفضاوه في التروس ملها حل يعني طيب اذا كان من فضاوه التروس يعني لازم تغير كرونه . لو اعبيها شحم وش الراي . اذكر الهيلوكسات القديمه اذا طلع صوت الكرونه يعبونها شحم .
بيبسي وسطام: الرمانات هي الهقوه بس اخاف تكون الكرونه معها ثم اخسر فك وتركيب الان الكرونه والدفرنس كامل مابينم فرق في السعر طبعا في التشاليح.
مشكرو على تفاعلكم معي ......... ويليتكم توجهوني لورشه ممتازه يكشف عليها ويبين العله بضبط هي من الرمنات او التروس .

[المميـز]

اخوي العقارب الله يهديك مابينت لنا نوع موترك

ولكن اذا كانه جيب باترول سلقه ورافعه من ورا ( مركب عليه ياي او مساعد )

ارررررفع من حق الوكاله فهذا هو السبب

واذا تبي التفاصيل قلي

بس ياليت تقول لنا الكارونه اللي قدام والا اللي ورا ووش نوع الموتر ؟

[شامخ ألهيلا]

اخوي صارت معي نفس المشكله

وغيرة الكفراات وراحت
اقل شي قبل تفك الدفرنس
لو تبدل الكفرات الخلفيه مع الاماميه
وترصص
وجرب

[العقارب]

السياره تروبر اسيزو طبعا جيب ربع
الصوت من الدرفرنس الخلفي
انا رفع الموتر 4سم بكعكه بس الصوت كان قبل ما ارفعه وزاد عقب فتره من الرفع
هل فيه مشكله الرفع بحد ذاته
ابشوف الكفرات ابدلها وارصصها بعد مع ان مافيها رجه ولاشي

[المميـز]

السياره تروبر اسيزو طبعا جيب ربع
الصوت من الدرفرنس الخلفي
انا رفع الموتر 4سم بكعكه بس الصوت كان قبل ما ارفعه وزاد عقب فتره من الرفع
هل فيه مشكله الرفع بحد ذاته
ابشوف الكفرات ابدلها وارصصها بعد مع ان مافيها رجه ولاشي


اخوي العقارب ما ادام ان الموتر دبل

رح لأقرب ميكانيكي وخلف يفك لك عمود الدوران حق دفرنس ورا

وامش على الدبل الصغير وشف هل فيه الصوت اللي تقول او لا ؟؟؟؟

اذا الصوت رااااح معناته من العمود ضاغط على الكارونه !!!

بس مادامك تقول الصوت موجود قبل الرفعه فمعناته في مشكله داخل الكارونه بعد

بس مايمنع من التجربه فك العمود وشف الوضع وعلمنا ننتظرك ...

[نيشان نجد]

اخوي العقارب نفس المشكله عندي ولا زالت ونصيحتي خلها مب ضاره انا صارلي على هلمشكله حول 40 ألف كيلومتر ومافي مشاكل ونفس الشي لأحد الزملاء مشى عليها حول 70 ألف ولا قال الموتر لا ... فوجهت نظري خلها لأني أنا رحت لمكانيكي قالي خلها ماتضر بس الصوت يطلع.يعني مامنها مشاكل بإذن الله .والله يكون بعونك وعون الجميع

[العقارب]

السلام عليكم
رجعت لكم
واسف على التأخير ......... العلم اني رحت لصناعيه وحست فيها وطحت لي في هندي شغال في ورشه وقطع غيار امريكي وشيك على الموتر وقال ان الصوت من الكرونه واكيد وقال لازم تغيرها او تغير الدفرنس ان كانه حول السعر احسن لك .
قلت له ان خليت الوضع سنه مثلا . قل يمكن تجيم عليك في اي وقت .
قلت ابحط شحم فيها قل مايروح الصوت .
عاد اقول وش رايكم في كلامه وعطوني رايكم لان الصوت مسوي قلق اذا وصلت 140 يصير قوي مره
واذا تعديت140 يروح يعني على160 .
احط شحم ؟

[بدوي جنوبي]

عليكم السلام

انت ما ذكرت اول الموضوع ان الصوت يصير قوي علي سرعات عاليه

عموما الدفرنس يحتاج الي توضيب

قد يقتصر التوضيب علي تغيير رمانات فقط

او تروس صغيرة

لكن تبقي المشكله عند الانتهاء من التوضيب وهي الوزن الصحيح للكرونه

لذا انصحك تدرو علي واحد مستعمل مع الشرط

مع احتساب الرجيع

والله يعينك علي المرمطه

[العقارب]

جزاكم الله عني الف خير

[هاوي صيد]

عندك فضاوة بسيطة

داخل الكرونه بين ترس التاج والبنيون

نصيحتي لك اتركه كما


مشاء الله عليك تبارك الله دكتوراه بالمكينيكا وصف دقيق وتوضيح بالصوره

الله يحفظك ويزيدك من العلم بالدين والدنيا

اخوك هاوي صيد