توني شاري باثفندر 2005 وطلعت لي مشكلة في الحرارة.

[لاندكروزر-83]

السلام عليكم ورحمة الله وبركاتة
حياكم الله يا اعضاء منتديات مكشات اخباركم عساكم تزقحون :D ندخل سيدة في الموضوع انا توني شاري باثفندر 2005 وحرارتة ممتازة اذا كنت واقف او امشي 130 -140يكون الانبير فوق خط الربع بشوي. لكن اذا مشيت 160-170-180 ترتفع الحرارة الى الثلث تقريبا .ما ادري هل الحرارة طبيعية كذا ولا لا وهذي هي الصورة
هذي وانا امشي 160 الظهر
http://www.mekshat.com/pix/upload02/images73/mk45047_image(127).jpg
.
وهذي الصورة الثانية وانا امشي 180
http://www.mekshat.com/pix/upload02/images73/mk45047_image(126).jpg
ارجو الاجابة ممن لديهم خبرة او تجربة مع السيارة

[نمر بن حثلين]

ليتك حاط لنا صورة للحراره وانت تمشي 200 وعلى كفرين علشان نقدر نحكم :no:


ياخوي ارحم نفسك ولا تلقي بنفسك الى التهلكه
هذي سيارة دفع رباعي ما صممت للسرعة ولو ضرب عليك كفر الله يستر عليك

وبالنسبه للحراره عادي مع مس الموتر توصل للنص لكن اذا رجعت للسرعه الطبيعيه يصير فوق الربع بشوي

[لاندكروزر-83]

ليتك حاط لنا صورة للحراره وانت تمشي 200 وعلى كفرين علشان نقدر نحكم :no:


ياخوي ارحم نفسك ولا تلقي بنفسك الى التهلكه
هذي سيارة دفع رباعي ما صممت للسرعة ولو ضرب عليك كفر الله يستر عليك

وبالنسبه للحراره عادي مع مس الموتر توصل للنص لكن اذا رجعت للسرعه الطبيعيه يصير فوق الربع بشوي

مشكور اخوي على الرد لكن انا توني شاري السيارة وابي اجربها هل هي فيها بلا ولا ممتازة قلت ابي اشوف اكرشلة وابي اشوف الحرارة هل هذا شي طبيعي ولا مب طبيعي. ولا انا مب راعي سرعة:p . وانا كان معي هايلكس دفرنسين 2007 تمشي 100 ولا 180 الحرارة ثابتة على شان كذا انا حسيت بالفرق بين السيارتين . وطرحت الموضوع لاني متعود على الهايلكس

[واقعي وعقلاني]

حرام عليك والله انك أنتحاري في عز هالحر الله يستر عليك والله الكفرات تموع من هالزفلت ...
انتبه وأنا أخوك الروح غاليه على أهلك وربعك
الله يحفظك

[Black VTC]

شبوا عليك الشباب :p يا ناس الرجال يسألكم هل حرارة الباث ترتفع في هالسرعات والا لا والرجال توه شاري الموتر ويبي يجربه بعدين قالكم انه مهوب راعي سرعة والدليل انه كان معه هايلكس دفرنسين وكان يمشي 180 والحرارة ما تفرق عن ممشاه 100:D ...

شف وانا اخوك المشكلة والله مهيب بالسرعة المشلكة بالتصوير وانت مسرع :no2:

تدري ان كثير من الحوادث تصير في سرعة 140 و اللي صار عليه الحادث كان يدرو كرتون المناديل :confused: موب يصور و يركز الصورة على الحرارة


الله يحفظنا واياك ....

[راعي هوى]

ياخوي تراها حديد والجو حر شديد والحراره طبيعيه والله يعطيك من خيره ويكافيك شره يارب

[لاندكروزر-83]

حرام عليك والله انك أنتحاري في عز هالحر الله يستر عليك والله الكفرات تموع من هالزفلت ...
انتبه وأنا أخوك الروح غاليه على أهلك وربعك
الله يحفظك

الله يجزاك خير على النصيحة
لكن حتى لو اشرح وش الغرض من السرعة تبون تنصحون ( يا ناس الغرض من السرعة التجربة )

[لاندكروزر-83]

شبوا عليك الشباب :p يا ناس الرجال يسألكم هل حرارة الباث ترتفع في هالسرعات والا لا والرجال توه شاري الموتر ويبي يجربه بعدين قالكم انه مهوب راعي سرعة والدليل انه كان معه هايلكس دفرنسين وكان يمشي 180 والحرارة ما تفرق عن ممشاه 100:D ...

شف وانا اخوك المشكلة والله مهيب بالسرعة المشلكة بالتصوير وانت مسرع :no2:

تدري ان كثير من الحوادث تصير في سرعة 140 و اللي صار عليه الحادث كان يدرو كرتون المناديل :confused: موب يصور و يركز الصورة على الحرارة


الله يحفظنا واياك ....


الله يجزاك خير .
اقول والله انك رااااااااااااااااايق قلت في البداية فزع معي الرجال الله يسلمة:) ما دريت الا وانك تستهبل :(
(الغرض من السرعة التجربة)

[لاندكروزر-83]

ياخوي تراها حديد والجو حر شديد والحراره طبيعيه والله يعطيك من خيره ويكافيك شره يارب

الله يجزاك خير.
والله انك كذا :good:

[أبو فهد11]

أخوي العزيز هذه الحراره طبيعيه

وأكيد موتركـ تماتيك ولا تقلق

وازيدك من الششعر بيت

إذا دخلت النفود ترتفع إلى النصف

بالنسبة للتماتيكــ أمــا العايدي ما ترتفع

اتمنى أني افيدك

[راعي هوى]

:good: والله انت اللي كذا:good:

[شامخ ألهيلا]

الرجااال يستفسر يعني كلمه ورد غطاها :eek:
وانتم فتحتوا موضوع عن السرعه :confused:

اخوي امش طبلون السياره ولا عليك بس شيك الكفرات زين ولي بيحصل ماعنك وعنه :D :D :D :D

ياليت تستفسر من صاحب باث فاندر شخصياً هو الي رااح يفيدك

اخوك شامخ

[adkmz]

الرديتير لابد يتنظف ...... واجهت المشكلة سابقا

[كاشخ 24 ساعه]

ماتنلام السياره

ترا السنه هذي يالربع غير


اليوم كانت الحراره 46 مع ان الجو مليان غبار وبكره بتصير السماء صافيه اتوقع الحراره توصل 55 بالراحه

[راعي الخطوط]

أخوي الحبيب لاندكروزر 83 المشكله قد يكون سببها وهو نقص زيت الماكينه وقد تستغرب من ردي لكن هذا اللي يحصل معي السياره يوم جيت أغير الزيت آخر مره كانت منقصه علبتين وهذه خطيره على الماكينه وسبب ارتفاع الحراره وكنت أسمع أن الباثفندر ينقص زيت بس ما توقعت توصل لها الدرجه
علشان كذا شيك على الزيت لا يكون ناقص
أتمنى أني أكون أفدتك

[بواسامه]

عادي
بس ثاني جرب الموتر قبل تشتريه وانا اخوك
الله يعطيك خيره ويكافيك شره

[أبو بندر 2005]

الله يعطيك خيرها ويكفيك شرها ,,
انا عندي الحرارة كذا بالخطوط بس نصيحة لا تصيخ الرديتر لأني العام الماضي رحت اصيخة ويوم فكوة لقوة يلقلق من النظافة ما فية ولا ذرة غبار بعد لكن شيك على الموية ولا غيرها مرة وحده, و بالتوفيق.

[ابوحماد]

خذ العلم الوكاد

أذا مشية فوق 140 و الحرارة ترتفع الى النصف

أول شي طف المحرك وامسك المروحه وفرها بيدك اذا اهي تدور بسهوله وخفيفه

على طول غير تماتيك المروحه بسعر 520 ريال ولا تنشد احد وراح تقول صدق أبو حماد

[لاندكروزر-83]

أخوي العزيز هذه الحراره طبيعيه

وأكيد موتركـ تماتيك ولا تقلق

وازيدك من الششعر بيت

إذا دخلت النفود ترتفع إلى النصف

بالنسبة للتماتيكــ أمــا العايدي ما ترتفع

اتمنى أني افيدك

صحيح الموتر تما تيك الله يجزاك خير على المعلومة

[لاندكروزر-83]

الرجااال يستفسر يعني كلمه ورد غطاها :eek:
وانتم فتحتوا موضوع عن السرعه :confused:

اخوي امش طبلون السياره ولا عليك بس شيك الكفرات زين ولي بيحصل ماعنك وعنه :D :D :D :D

ياليت تستفسر من صاحب باث فاندر شخصياً هو الي رااح يفيدك

اخوك شامخ

يا فا همني :cool:

[لاندكروزر-83]

الرديتير لابد يتنظف ...... واجهت المشكلة سابقا

السيارة ما جاها كرف يعني نضيفة حتى الموية صافية

[لاندكروزر-83]

ماتنلام السياره

ترا السنه هذي يالربع غير


اليوم كانت الحراره 46 مع ان الجو مليان غبار وبكره بتصير السماء صافيه اتوقع الحراره توصل 55 بالراحه

والله الجو متقلب وما ينلام الموتر اجل :(

[لاندكروزر-83]

أخوي الحبيب لاندكروزر 83 المشكله قد يكون سببها وهو نقص زيت الماكينه وقد تستغرب من ردي لكن هذا اللي يحصل معي السياره يوم جيت أغير الزيت آخر مره كانت منقصه علبتين وهذه خطيره على الماكينه وسبب ارتفاع الحراره وكنت أسمع أن الباثفندر ينقص زيت بس ما توقعت توصل لها الدرجه
علشان كذا شيك على الزيت لا يكون ناقص
أتمنى أني أكون أفدتك

الزيت فل الفل:good: مشيك علية يومها

[سحابه]

أنا مع ابو فهد
الله يطعمك من خيره ويكفيك شره

[لاندكروزر-83]

عادي
بس ثاني جرب الموتر قبل تشتريه وانا اخوك
الله يعطيك خيره ويكافيك شره

الله يجزاك خير

[لاندكروزر-83]

الله يعطيك خيرها ويكفيك شرها ,,
انا عندي الحرارة كذا بالخطوط بس نصيحة لا تصيخ الرديتر لأني العام الماضي رحت اصيخة ويوم فكوة لقوة يلقلق من النظافة ما فية ولا ذرة غبار بعد لكن شيك على الموية ولا غيرها مرة وحده, و بالتوفيق.

الله يجزاك خير الظاهر اني ابغير الموية على قولتك

[لاندكروزر-83]

خذ العلم الوكاد

أذا مشية فوق 140 و الحرارة ترتفع الى النصف

أول شي طف المحرك وامسك المروحه وفرها بيدك اذا اهي تدور بسهوله وخفيفه

على طول غير تماتيك المروحه بسعر 520 ريال ولا تنشد احد وراح تقول صدق أبو حماد

ما يحتاج تما تيك المروحه شغال تسمع صوتة يهوش

[escape_man]

اخوي لاندكروزر

موترك زي العسل

موتر 2005 شبه جديد ماشاء الله تبارك الله ومامشى شي

ونفس كلامك اذا طلع فوق 140 توصل النص واحيانا وانا راجع من الدوام بسرعة عادية وبمثل هالايام

توصل النصف.

اهم شي لاتوصل الثلثين

[عاشق البسمه]

يحتاج الإديتر تسييخ عند واحد مظبوط تاقف على راسه .... والله يعطيك خيره ويكفيك شره

[لاندكروزر-83]

اخوي لاندكروزر

موترك زي العسل

موتر 2005 شبه جديد ماشاء الله تبارك الله ومامشى شي

ونفس كلامك اذا طلع فوق 140 توصل النص واحيانا وانا راجع من الدوام بسرعة عادية وبمثل هالايام

توصل النصف.

اهم شي لاتوصل الثلثين

الله يبشرك بالخير اتمنا انها تكون طبيعية وما ادري هل تركيب المراوح يفيد

[Black VTC]

الله يجزاك خير .
اقول والله انك رااااااااااااااااايق قلت في البداية فزع معي الرجال الله يسلمة:) ما دريت الا وانك تستهبل :(
(الغرض من السرعة التجربة)


شف وانا اخوك انا تراي فزعت معك بس باسلوب رايق و بطريقتي بالمزاح :) يعني جالس اتعير معك ;) وقصدي والله مصلحتك لان السرعة ما فهيا خير ...

وان كنت ضيقت صدرك بشي فتراي آآآآآآآآسف واقدم لك اعتذاري و آمل منك السماح :(

[أبو أسامة]

أخب الكريم:

على البركه الموتر والله يعطيك خيره ويكفيك شره ......

تأكد من الخراطيش حقت الرديتر يمكن تكون مع السرعه تنسفط............

[لاندكروزر-83]

بلاك فتك
يا رجال وانت مصدق حتى انا اتعير يا بعدي وما جا منك الا الخير

[لاندكروزر-83]

أخب الكريم:

على البركه الموتر والله يعطيك خيره ويكفيك شره ......

تأكد من الخراطيش حقت الرديتر يمكن تكون مع السرعه تنسفط............

تسلم يا ابو اسامة ابروح اشيك عليها

[حبنان]

المشكله صارت معي وبنفس السيارة والموديل كنت اسافر بالمكيف وامشي 200 والحرارة راكده على الربع لاكن بعد ماوصلت السيارة عداد 50 الف اصبحت المشكله تظهر مثل ماذكرت والسبب اتوقع لازم تغير رديتر لان فيه عيب ب 2005 تدري ويش سويت على شان احل المشكله وردته المعارض ومن اول سومه وقلت للمشتري بالسبب وفكيت اكستيرا

[ابوحماد]

ماراح يظرك شي أمسك المروحه وفرها وشف اذا اهي تدور بسهوله فهذا يدل على فيه فضاوه في تماتيك المروحه

وليس لها علاقة بصوت انت جرب

[راعي طويلات]

الحرارة طبيعيه جدا ولاتشيل همها اذا كانت ماترتفع الا مع السرعات العاليه وفي مثل اجوائنا الحين
أما إذا كانت مستمره كذا طول الوقت حتى لو ماسرعت هنا بقولك عندك مشكله
ترى عندنا حر غير طبيعي ماتنلام المواتر اذا احترت والمكيفات مابردت

[لاندكروزر-83]

الحرارة طبيعيه جدا ولاتشيل همها اذا كانت ماترتفع الا مع السرعات العاليه وفي مثل اجوائنا الحين
أما إذا كانت مستمره كذا طول الوقت حتى لو ماسرعت هنا بقولك عندك مشكله
ترى عندنا حر غير طبيعي ماتنلام المواتر اذا احترت والمكيفات مابردت

الله يجزاك خير
صحيح الحرارة مع السرعات العالية

[escape_man]

الله يجزاك خير
صحيح الحرارة مع السرعات العالية

اجل ارقد وآمن

عادي جدا ونفس سلوك سيارتي بالضبط

سرعة عادية الربع او احيانا فوق الربع اذا اشتدت الحرارة واذا اسرعت فوق 140 توصل النص

الا بايام البرد توصل الثلث

[سوسة حطب]

طبيعي من واقع تجربة

[C_J_O_JI]

عليك برابطة الباثفندر الجيل القديم

يفيدونك

[الليث الذهبي]

السلام عليكم ندخل فالموضوع دغري
انا من ملاك الباث سابقا لقرابت 5سنوات وراعي فك وتركيب بس لا فكيت ورجعت ابركبه تزود صاموله او مسمار يعني شغل بيت وانت عارف
المراد انا من الي عانيت من الحراره ونقص الزيت
اول شي اعرفك بنفسي وسواقتي لا مسكت الخط 220 تستغرب وشلون جابها مع ان الموترستوك و تماتيك لكن هذا سر المهنه اما النفو؟؟؟؟؟؟؟؟
تراي ياخوان اهتديت معاد امشي الا100 لا يطبون عليك الحين هالشيبان ههههه مشكلتي ضريف
1-الحراره وما ادراك مالحراره
بالنسبه للحراره جربت كلشي يخطر في بالك الا راس المكينه ما قربته اما تماتيك المروحه والبلوف( للمعلوميه ترا له بلفين) وغيرها من الي تكون الاحتماليه منه الحراره
لاكن اخر شي بعد ماخسرت قرابت 5000 ريال اكتشفت ان الرديتر الالمنيم ما يتحمل واجد يعني فتره بصيطه وتعفط مواصيره بسبت الحراره والمطامر به وغير كذا مواصيره صغيره والامر الثاني الرديتر كله صغير طبعن خطاء مصنعي مكينه بهالحجم حاطين لها رديتر اقرب ماله الددسن والعلاج الله يطولك في عمرك تلقا عند ابو براهيم رديتر رصتين لا تقرب غيره رخيص تلقاه ب400 وفيها وحق الوكاله حط الف مع الاربع لاتبزع مثلي تقول الاصلي ازين هذا اطلق منه بمليون مره ولوه صيني ينزلك الحراره بشكل مقبول وتلقا ورشت ابو براهيم في صناعية الدايري واذا تبي رقمه عطيتك اياه على الخاص
اما بالنسبه للمراوح انا ركبت 4 مراوح حبتين قدام الرديتر وحبتين وراه وما حسيت ان فيه فرق فالحراره الي فرق معي نشاط الموتر وراحت حنته لكن اذا تبي تركب مراوح لاتركب الا كبار لا تقربك الصغار انتهينا من موظع الحراره .
2- نقص الزيت يبيلك توظب المكينه فيه واحد يوظبها ويركبلك قمصان علشان ماترجع تنقص ثانيه ورشته في صناعية الشفاء يقله ابو فهد واذا تبي رقمه ارسلته لك على الخاص
اي مشكله تواجهك اسالني يمكن تكون ماره علي وابشر بعزك
اتمنا اني اكون افتك ولا تنسانا من دعاك يابعدي

[صقر الري]

اخوي الكريم..تاكد من زيت المكينه ,وترى الحررررررررراره طبيعيه جدا افتح الكتلوج وراح تتاكد صاحب باثفندر 2004 سابقا توكل على الله

[خالد العمراني]

أخوي
أولا الله يابارك لك بموووترك

صراحة انا كان عندي نفس المشكلة وصيخت الأديتر وراحت
وبعد حدود ست اشهر رجع

المهم غيرت الأديتر بواحد صيني
وهالحين ولله الحمد ماتتعدى الربع

[المنيعي1]

الظاهر انهم غثوك في بعض الردود وهذي مشكله الرجال يبي حل النصيحه لابأس بها ولكن يجب ان تكون ثنوية أما الأساس فهو الحل وكذلك بعض الأخوان الي ماعنده تجربه وغير متأكد لايرد توهقون الرجال وتخسرونه بدون سابق معرفة أو تجربه .

الحل من واقع تجربه شغلتك بسيطه ان شاء الله ومرت علينا وحله برضو بسيط :
1- تسييخ الرديتر الأصلي ولكن حل مؤقت لأنه بعد سنة راح يرجع وترتفع الحرارة لاتقولي الماء صافي هوصافي بس المشكله عيب مصنعي من الوكالة الله لايوفقهم فتحات الرديتر صغيرة جداً وتسكر بسرعة .
2-تركيب رديتر رصتين أردني وهوالأفضل أو صيني وهذا أن شاء الله حل جذري للمشكلة.

وأي أستفسار عندك الرابط هذا http://www.mekshat.com/vb/showthread.php?t=156827 (http://www.mekshat.com/vb/showthread.php?t=156827)

[الصحافة 15]

صارت معي نفس مشكلتك أذا مشيت 160 ترتفع الحرارة واذا هديت ترجع طبيعيه وفي وقتها كانت السيارة على الضمان وصلحوها وضبطت ويقولون أنهم غيرو لي شكمان كامل من بدايت القزوز وما دخلت في راسي أن الشكمان له دخل في الحرارة لكن تـأكد من الشكمان منت خسران شي

[السليطين]

ياجماعه ....
المشكله بسيطة جدا ... الباث اديتره صغير جدا ... واذا انسد سيخ واحد فقط على طول يحتر الموتر ...

الحل ::

غير الاديتر بواحد صيني المنيوم او اردني .. والله العظيم انه افضل من حق الوكاله ...

وباذن الله تبي تروح الحراره ...


لاتقرب شئ ثاني غير الاديتر ... نصيحه اخ محب لك ...

[باترول 4500]

ياشباب الموضوع قديم عام 2008

وان شاء الله يكون الرجال حل المشكلة

[المنيعي1]

عليك برابطة الباثفندر الجيل القديم

يفيدونك


ألله يهديك رافع لنا موضوع له أكثر من ثلاث سنين
وحنا متجهَدين وخذ نصائح ,

لاله عاده ترفعون موضوع أستفسار قديم وتشغلون الأعضاء بدون فائدة.
وكذلك مشرفينا الكرام أقترح عليكم أغلاق اي موضوع أستفسار له أكثر من ستت أشهر.

[رسيس نجد]

موضوع قديم 0كل عام وانت بخير يا مكشاتيين 0

[الليث الذهبي]

الله يثيبني متحمس ولا شفت التاريخ يا حسوفت الرد ههههههه

[مركز حراره]

لطلب الرديتر الاردني ارسلي على الخاص
لانه هو علاج الباثفندرومضمون

[ابو طلال 99]

مساء الخير جميعا
صحيح انه الموضوع قديم شوي لكن مافي مانع انه يستفيد منه المشتركين بالموقع حديثا مو كل من يدخل على الموقع مسجل له فتره بعضهم توه جديد
مجرد رآي فقط تحياتي لكم جميعا اخوكم / ابوطلال

[alimuhammed]

ألله يهديك رافع لنا موضوع له أكثر من ثلاث سنين

وحنا متجهَدين وخذ نصائح ,


لاله عاده ترفعون موضوع أستفسار قديم وتشغلون الأعضاء بدون فائدة.

وكذلك مشرفينا الكرام أقترح عليكم أغلاق اي موضوع أستفسار له أكثر من ستت أشهر.



اخوي ما يضر الرد على موضوع قديم

لأن فيه ناس لازالت تمر عليهم المشكلة وهي عندهم جديدة

ثانيا:
ليت صاحب الموضوع يجيب لنا وش صار معه بعدين