مشكلتي في الباترول مع التانكي الاضافي

[ضرماوي مووت]

بسم الله الرحمن الرحيم
السلام عليكم
التانكي الاضافي في الباترول 2000
سوبر سفاري
لمبة التانكي في الطبلون شغاله و ما يسحب من الاضافي للاساسي


وش الحل ؟؟

[شامخ ألهيلا]

اتوقع

قسام التانكي

[هاوووووي صيد]

هلا بك أخوي 00

مشكلتك بسيطه إن شاء الله بس بشرط عشرررره على الخاص00

وحلها إن تشغل السويتش لين تولع لمبات الطبلون بعدين تروح للبطاريه وتفك

إصبع الموجب أو الكهرب (+) وبعدين ترجعه كما كان وبس

والطريقه هذي تسمى إعادة البرمجه وتصير كثير بالأمريكي

وأي سؤال بخصوص (غزال الصحراء)الباترول أنا حاضر00

بس لاتنسى العشرررررررررررررره

[ابونايف الروقي]

الشباب قبل فتره تناقشو في الكتاوت حق التانكي يمكن تلقى حل في هذا الرابط
http://www.mekshat.com/vb/showthread.php?t=136877

[المميـز]

الشباب قبل فتره تناقشو في الكتاوت حق التانكي يمكن تلقى حل في هذا الرابط
http://www.mekshat.com/vb/showthread.php?t=136877



هذا الرابط ماله دخل بمشكلة التانكي الاضافي

التانكي الاضافي اتوقع والله اعلم انه لم يجدوا له حل

والخبر الاكيد تلقاه عند اخونا بلاك فتك لانه كان يبحث عن حل

ان شاء الله يدخل على موضوعك ويعطيك الحل ان كانه لقا حل

والله يكون بعووووونك

[ضرماوي مووت]

مشكووووووووووووووووووورين اخواني وجزاكم الله خير

هاوي الصيد ابشر والله بس عطني رقم حسابك وقلاي تبيها بالدولار ولا الريال<أمزح:cool:

[Black VTC]

هذا الرابط ماله دخل بمشكلة التانكي الاضافي



التانكي الاضافي اتوقع والله اعلم انه لم يجدوا له حل


والخبر الاكيد تلقاه عند اخونا بلاك فتك لانه كان يبحث عن حل


ان شاء الله يدخل على موضوعك ويعطيك الحل ان كانه لقا حل


والله يكون بعووووونك



انا على الريحة اجي :D

اشكرك اخوي المميز انك جبت سيرتي :p وهذا دليل انك متابع للمشكلة اللي يعاني منها موتري و متحمس للحل ودليل فعلي على طيبة في قلبك و حب للخير فتسلم و عسى الله ما يوريك مكروه في حبيب لك ولا في حلال اللهم امين ....

موتري لا يزال فيه نفس المشكلة و اصبحت المشكلة جزء من الموتر اعتقد لو تنحل راح افقد شي عزيز على قلبي :D

قبل امس اتصلت على الجابري و سألت هل لديهم حل للمشكلة وسويت نفسي دلخ ابي احصل معلومات منهم عبر الهاتف وقلت صارلي مشكلة في سيارتي باترول كذا وكذا ... قال جبها للفحص قلت توه صايره المشكلة لا تصير كايده قال لا هذي ممكن من القسام بس جبها السبت لاننا مشغولين ... قلت انا ما عندي دراهم هالحين اجيكم عقب الاجازة ;)

عموماً ما تركت شي في الحلول والله يجيب الحلول واعتقد انها مشكلة كهربائية معقدة ... والله ولي التوفيق ...


اكرر شكري لك اخي المميز و اعتذاري لاخي ضرماوي موووت لاني ما لقيت حل ...

[ضرماوي مووت]

بلاك فتك
مشكوور على المرور
بس نصيحه لا تجي الوكاله والله شفط فلووس ويرجعونها اردى من حالتها الاولى
لاتقرب الوكاله الا اذا بتشتري قطع غيار

[الخادم]

مشكووووووووووووووووووورين اخواني وجزاكم الله خير




هاوي الصيد ابشر والله بس عطني رقم حسابك وقلاي تبيها بالدولار ولا الريال<أمزح:cool:


لاتخربة علينا نعامل بالريال
تراة بعدين يطمع و يطلب اليورو ( امزح معكم )
;) ;) ;)

[المميـز]

انا على الريحة اجي :D

اشكرك اخوي المميز انك جبت سيرتي :p وهذا دليل انك متابع للمشكلة اللي يعاني منها موتري و متحمس للحل ودليل فعلي على طيبة في قلبك و حب للخير فتسلم و عسى الله ما يوريك مكروه في حبيب لك ولا في حلال اللهم امين ....



اكرر شكري لك اخي المميز و اعتذاري لاخي ضرماوي موووت لاني ما لقيت حل ...


آآآآمين الله يجزاك خير وانت دوم على البال

وعسى الله ييسر لك امرك وتنحل مشكلة موترك

بس ضحكتني يوم قلت اذا انحلت ابفقد شيء عزيز على قلبي :D

[سوبر VTC]

هلابك اخوي


انا كلمت الكهربائي محمد العثيم و سالته عن الباترول فقال الباترول من 2002 و طالع اكثر خرابات من القديم و قال امبير البنزين من 2002 و طالع اذا بدا يلخبط الامبير بمعنى اذا وصل الامبير النص يقطع الموتر تكون المشكلة من داخل الطبلون لان معالج البيانات او الحساس اللي داخل الطبلون يبدا يعطي قراءة خاطئة للامبير لذلك يتم تغير هذه القطعة على شكل (ايسييه) زي حقت الكنود او الايكوم و قال تكلف من 500 ريال و طالع على حسب نوعية و تعدد المشاكل

اما الباترول من 2001 و نازل فاذا ما اشتغل التانكي الاضافي فمعنى هذا ان طرمبة الاضافي خربانه و طبلونه ما يخرب بالغالب

اما الجمس من 2000 و طالع اذا بدا يلخبط الامبير فان المشكلة من حساس الامبير اللي داخل الطبلون و يكلف من 300 ريال و طالع طبعا يركب حساس او قارئ جديد (انتهى كلامه)

اما عن نفسي معي جمس 2001 و خربت الطرمبة و لقيت فيش الطرمبة بداخله كربون و قمت بتنظيفه و حطيت شحم و ظبطت الطرمبة لكن بقيت مشكلة الامبير يلخبط عندي و سبق غيرت الطرمبة و لا ضبط امبير البنزين


تحياتي لكم