مشكلة في الباترول لا صحاب الخبرة - عاجل

[واحد بري]

اخواني اعضاء منتدى مكشات
بدون مقدمات واختصاراً للموضوع
المشكلة تتلخص في عداد البنزين للسيارة باترول سوبر سفاري موديل 2004
العداد منذ شهر لا يعطي القراءة الصحيحة يعني تلقى العداد على موشر الثلاث أرباع بينما الفعلي موجود فيه الربع
في اول شي وديته إلى ورشة وفحص العوامة وقال إن العوامة سليمة والمشكلة عندك في طبلون السيارة
وبعدين وديته إلى ورشة ثانية وفحص العوامة وعدل فيها بعض التعديلات
ادى إلى إصلاح من 70% إلى 80% من المشكلة يعني الان الطبلون يعطيك تقريباً القراءة الصحيحة لكن في بعض الاحيان يقعد يلعب
يعني تلقى القراءة الصحيحة على الربع لكن أول ما تشغل الموتر يجي على النص ومن ثم يرحع على الربع أو وانت واقف فترة طويلة تلقاه يلعب بنفس الطريقة السابقة
احد الحلول اللي طرحها عليها بعض الزملاء وبعض اصحاب الورش لحل هذه المشكلة هو تغيير الطبلون كامل وسعره عند الوكالة في حدود ال 4000 ريال
والبعض قال غير العوامة وأنا الأن محتار ابي رايكم ومشكور مقدماً

[رقاب الضرابين]

الاخ العزيز واحد بري عندي واحد من الربع يقول الخلل الي عندك
في الواير البارد حق العوامه تبعه يمكن مقطوع او فيه عازل عن الحديد
وسلامتك ودمت سالم

[مقلع الرمث]

والله انا شريت السياره واللى يومك وهو خربان العداد لكن ماشي وماعندي مشكله عرفت وين ينتهي وخلاص

[Black VTC]

والله انا شريت السياره واللى يومك وهو خربان العداد لكن ماشي وماعندي مشكله عرفت وين ينتهي وخلاص


نفس التصرف طنش تعش تنتعش انا مثل اخوس مقلع الرمث ...

عموماً اخي واحد بري اكيد موترك الطبلون زنون ونص سيارات نيسان اللي طبلونهن زنون خربانات و النصف الثاني ماسكات سرا على الخراب :D يعني يضيق صدرك وسع صدرك وربعك واجد ...

و ما ودي اضيق صدرك لان متوالية الخراب تقول 1 - يخرب عداد البنزين 2- يخرب sub tank:cool:

وعليك بمعرفة كم يمشيك موترك و تعبي كل ما توقعت انه باقي ثلث التانكي :rolleyes:

[لعّاب المنايا]

عادي محاتسيك معه 2008 سفاري 2
وطلعت عندي لمبة سبير التانكي
ورحت الوكاله وقالوا لي انت تشبك السبير قبل الاساسي مايوصل الربع وهذا أكبر غلط

[حرب]

قد احصلت عندي نفس المشكله بعدين وديته المكانيكي وفك الغطا الي تحت المرتبه الاخيره حق العوامه وقعد يوزنها لين ظبط بس بدون مايفك التانكي . وتأكد من جلبه العوامه .. وعسى الله يوفق ،،،

[المميـز]

والله المشكله غريبه بالنسبه للباترول واول مره تمر علي عساها ماتجينا

المهم من المعروف ان هذي المشكله تكون موجوده بالجموس من موديل 2000 ورايح

القراءه غير صحيحه وبعض الاحيان صحيحه واغلب الاحيان يكون طااااااااافي

ولمبة البانزين وااااااااااااالعه

وحلها بالنسبه للجمس طرمبة بانزين جديده وعوامه جديده

ولكن هل تتوقعون ان المشكله اللي بالاباترول نفس الشيء ؟؟

تنبيه ان طرمبة البانزين تبي تخرب

؟؟

[سوبر VTC]

هلابك اخوي


انا كلمت الكهربائي محمد العثيم و سالته عن الباترول فقال الباترول من 2002 و طالع اكثر خرابات من القديم و قال امبير البنزين من 2002 و طالع اذا بدا يلخبط الامبير بمعنى اذا وصل الامبير النص يقطع الموتر تكون المشكلة من داخل الطبلون لان معالج البيانات او الحساس اللي داخل الطبلون يبدا يعطي قراءة خاطئة للامبير لذلك يتم تغير هذه القطعة على شكل (ايسييه) زي حقت الكنود او الايكوم و قال تكلف من 500 ريال و طالع على حسب نوعية و تعدد المشاكل

اما الباترول من 2001 و نازل فاذا ما اشتغل التانكي الاضافي فمعنى هذا ان طرمبة الاضافي خربانه و طبلونه ما يخرب بالغالب

اما الجمس من 2000 و طالع اذا بدا يلخبط الامبير فان المشكلة من حساس الامبير اللي داخل الطبلون و يكلف من 300 ريال و طالع طبعا يركب حساس او قارئ جديد (انتهى كلامه)

اما عن نفسي معي جمس 2001 و خربت الطرمبة و لقيت فيش الطرمبة بداخله كربون و قمت بتنظيفه و حطيت شحم و ظبطت الطرمبة لكن بقيت مشكلة الامبير يلخبط عندي و سبق غيرت الطرمبة و لا ضبط امبير البنزين


تحياتي لكم

[مواسي الطعوس]

اللي يضبطه صح الفلبيني (فيلب) اللي برياض الخبراء............راعي المثبتات

[سوبر VTC]

اللي يضبطه صح الفلبيني (فيلب) اللي برياض الخبراء............راعي المثبتات


هلا بك يا مواسي

لكن كم يكلف شغله كامل للجمس او الباترول

انتظرك تحياتي