إفضل مكشات في الرياض

[هاوي برالصمان]

وين أفضل مكان مكشات في البر في الرياض
وشاكراً لكم

[ديم الليل]

مافي الا الثمامه !!

[سحابه]

فيه اكثر من مكان
اطلع جهة الغرب يم المزاحمية في الطعيسات جهة المحلية طريق نساح الجو رائع في الليل
انزل مع القدية امش تقريبا خمسة كيلو يجيك مخرج يقول ديراب اتجة معه غرب تقريبا سبعة كيلو ثم يجيك طريق على اليمين يقول نساح اتجة معه لين تجيك الطعيسات على اليمين والشمال

[الخادم]

اخوي
ما مثل الطعوس عند مفرق الطوقي مع الثمامة

[الدعساوي]

الثمـــــــــــــامة

[عبد المجيد]

نساح حلوه
وعندك الخرارة أزين من الثمامه بألف مره وطعوسها نظيفه ولا فيها إزعاج

[speed 557]

1- الثمامة
2- الخرارة

[راعي الصطحه]

الأخوان ماقصرو وتقبل مرووووري

[عاشق الحوض]

الزويليات : منطقة رملية جميلة ليست بالرفيعة
الوصف : بعد تفتيش الرياض من جهة الخرج " بعد شاليهات اليمامة " أول ملف يمين وادخل مسافة 10 ك تقريباً ... تجيك على اليمين .
ملحوظة : المنطقة منعزلة قليلاً .. خذ أغراضك من محطة البانزين أللي عند التفتيش .
وسلامك ؛؛؛

[العمدة ابو صالح]

فيه بعد روضه الخفس تخليه على يمينك 7 كيلو اي بعد الشعيب الي يقطع الشارع تجيك على اليمين بقاله صغيره دينا وراه رمث هناك البل وتدخل السياره الصغيره وحياك الله

[أبوتركي الخالدي]

ماقصروا الأخون
أما بالنسبة للثمامة فإن كان معك جيب فالمكان الي أفضله هو الطعوس مقابل بوابة المطار الجانبية


وخاصة في الأرض المشبوكة أمام البوابة


أما الخرارة فيوم الخميس زحمة


تجد الأماكن الزينة بعد ملف الخرارة بكيلو


أو خلف محطة زمزم الواقعة على الخط العام بالقرب من أبراج الكهرباء


كذلك روضة المحلية


أوالأوسط والأويسط

[همّام]

قالوا نصيف بين لندن ومدريد = وانتة خوينا وين ناوي تصيف
قلت اسمحوا لي بالعذر والتناهيد = الله يخلي غرفتي والمكيف

منقول بتصرف

[اح ب2267]

عندك يالغالي اولا
الثمامه
الطوقي
طريق الخرج
والله الموفق

[ابن ضعيان]

ممكن واحد من الاخوان يحط صورة لموقع الثمامة ببرنامج قوقل إيرث

[رمال النفود]

يتكرر هذا السؤال ، لكن الاجابات الثمامة ونفود قنيذة ،، كأن ما حول الرياض أي مكان مناسب للطلعات ..
أتحفونا يا أهل الطلعات ..

[°¤ ابوزياد ¤°]

السلام عليكم
تطلع من الرياض باتجاه المزاحمية وقبل مخرج 7 على اليسار الطعوس وتسمى المطل .

[السنع كله]

افضل مكان افضل مكان افضل مكان كان ياماكان ذاك الزمان يوم الانسان يحترم الانسان

[النديم111]

لوتكرمتوا ياشباب موقع الخراره وين

[أبو أمين]

عندك ملهم حلوه

[برق الحيا 55]

لوتكرمتوا ياشباب موقع الخراره وين

بعد ما تنزل من القدية وانت رايح لمكة تجيك الخرارة بعد يمكن سبعة كيلو على اليسار خلف محطة بنزيم لونها غريب

[ابومدين]

فيه بعد روضه الخفس تخليه على يمينك 7 كيلو اي بعد الشعيب الي يقطع الشارع تجيك على اليمين بقاله صغيره دينا وراه رمث هناك البل وتدخل السياره الصغيره وحياك الله

كأني لامحك هناك يابو صالح
نعم رمث عليه فنجال اقهوه ايخلي الهواجيس بلاقيد

[وبل نجد]

السلام عليكم ورحمة الله وبركاته :

بالنسبه للشعبان :

*شعيب صلبوخ
*شعيب غيانه
وصفها: مع الطريق الملك خالد بالرياض اتجه شمالا ثم تجيك قرية سلطانه ثم نقطة تفتيش بعد التفتيش بحوالي 50 كم تقريبا تأتييك قرية صلبوخ على اليسار ادخل الديرة باتجاه مستقيم يأتيك الشعيب,,
أما بالنسبه لغيانه فهي بعد قرية صلبوخ بـ 20كم على اليسار
*شعيب حريملاء وهو معروف لايحتاج للوصف

بالنسبه للنفود:
*الخراره
*المحليه
*جو
*نساح

أتمنى أخوي أن قد أفدتك

تقبل مروري أخوكـ:وبل نجد

[السراب8010]

السلام عليكم ..
هلا فيك عزيزي ..
بالنسبة للمكشات حول الرياض كثير وبعيد بنفس الوقت

الثمامة زحمة وقرف
الزويليات قريبة وحلوة لكني شخصياً ما احبذها
عند طريق الدمام كيااااااااااااااااااااافه بمعنى الكلمة
ووصفه:
تمسك طريق الدمام كنك رايح لسعد يجيك مخرج سعد لف معه يسار تشوف النفد على يمينك
نفد نظيف ولاهو بعيد وبراد وبعيد عن الازعاج

اتمنى اكون افدتك ..

~تقبلني~

[العمدة ابو صالح]

بعد ما تنزل من القدية وانت رايح لمكة تجيك الخرارة بعد يمكن سبعة كيلو على اليسار خلف محطة بنزيم لونها غريب
حياك الله العشاء اليوم هناك في المخيم ومالك الابياض الوجه وبشر بعزك

[كن كان]

الخراراه طال عمرك وانت طالع للمزاحمية
يجيك مخرج 7 ارجع معه كنك راجع للرياض
تجيك محطة زمزم على اليمين بجنبها طريق يخليها على يدك اليمن
اتجاهك جنوب تروج طريق زفلت طلعات نزلات لفات لين تجيك الخراره

تقبل شرطتي قصدي مروري

[ابوالنادر]

لا تفوتك المشاعله على طريق مكه بعد جو

[راحة باال]

والله يخوي مع إحترامي لجميع الأخوة الي قالوا الثمامة أو الخرارة أنت تبي مكان تاخذ فيه راحتك ولا تبي إزعاج يعني لا الثمامة ولا الخرارة أحسن مكان الزويليات أو الشعبان الغربية تراها حليله وش زين جلسة الشعيب عقب الغداء وبيالة الشاهي الي تركد الراس (أكرر أنا أحترم جميع الأراء المطروحة)

[القطاوي 2008]

الأخوان ماقصرو وتقبل مرووووري

[ابو عبدالملك 2]

عندك ياطويل العمر نخرج العمارية براد وحاول تدخل عن الشارع ادخل من جهت الغرب المناطق اللي على يسار حلوه ارض جلد وحليوه وقريبه للعزاب فقط اما العوايل زينه بس لاتبعد وان قربت من الخط بتشوف العالم والطق بالطبول اللي تزعج الواحد اما الخرارة فانتبه لاتكون لوحدك انت وعايلتك بين هالعوس لانه يكثر فيها اهل السكار وقد حصل لي موقف انا وشباب مع سكران في ذاك المكان وغير اللي قال الشباب ما اذكر الان

[مهبوب نسايم]

الرياض معروف بأن اماكن الكشتات بعيدة وذلك بسبب أن الشبوك والمزارع الكبيرة والمناطق الحكومية في كل مكان .




هناك منطقة رائعة لم أشاهد مثل جمالها رغم صغرها وهي خلف كلية الملك خالد ارض رملية نظيفة ومرتفعة جداً تعانق بروعة خشم العان , وفي الربيع قمة الجمال .







إما الثمامة ياطويل العمر حقت شباب فقط واللي يروح بعائلة أعتقد أنه مجنون .

زحمة غير طبيعية وماتصلح لمن يحب الجو الهادئ .



فيه حالياً منطقة شرق مطار الملك خالد لابأس بها فيها طعيسات والزحمة وسط .



أما اذا حبيت تطول لازم تبعد وفيه الدهناء عند منتزه سعد يمكن 100 شرق الرياض .


وشعيب غيلانه في الربيع جنوب رماح .


والعيينة فيها شعبان وطلح .




هذه المناطق اللي أعرفها قريبة من الرياض .

[لعّاب المنايا]

صياهد الحفنه حول المدعى ,,

[بر الوالدين]

والله يخوي مع إحترامي لجميع الأخوة الي قالوا الثمامة أو الخرارة أنت تبي مكان تاخذ فيه راحتك ولا تبي إزعاج يعني لا الثمامة ولا الخرارة أحسن مكان الزويليات أو الشعبان الغربية تراها حليله وش زين جلسة الشعيب عقب الغداء وبيالة الشاهي الي تركد الراس (أكرر أنا أحترم جميع الأراء المطروحة)


فعلاً أفضل مكان لمن يبحث عن الهدوء ، فهو جداً مناسب

[العودالازرق]

مطار الثمامة
http://wikimapia.org/1464112/ar

[الابراطور1]

اخوي مالك الا الثمامة

[قاهر الشعبان]

لاهنت ياغالي

[ابرق آلريش]

ان كنت تبي هدوء ولا فيه ناس الخراره ولا المحليه اما الثمامه مالك محل

[رفيع]

الي يقول خرارة .. والي يقول ثمامه .,

ترى بينهم سفر ,

يعني حدد الله يحييك..

اذا انت جنوب الرياض .. فإتجه جنوب.. واذا انت شمال اتجه شمال .. واذا انت شرق اتجهه غرب:) اتجه شرق يا مال العافيه , .. واذا انت غرب اتجه غرب واذا انت في وسط الرياض فعندك منتزه سلام :)

كل ما ابعدت عن الرياض تلقى الجو الزين ..

كل الكشتات هاليومين للبحث عن البراد وتغيير الجو .. لا ربيع ولا سيل الله يرحمنا برحمته ,

بالنسبه لي انا شمال الرياض .. وعندنا الشعبان واجد شمال وكل الشمال مناطق زينه ..
.. واذا خربناها رحنا للثمامه بس مهوب ثمامه المراهقين ..
مثل ما تفضل احد الاخوان قبل المفرق مفرق طويق يعني من بعد تفتيش الثمامه بـ 5 كيلو الى المفرق عندك هالطعوس الي يسار من انظف ما يكون ..

ولا بعد ترى فيها((( صيد زين ;) ))... بس لا تعلم احد :no2:

بالتوفيق للجميع ,