..باترول ولا لاندكروزر

[2000005]

السلام عليكم
الاخوه الاعزاء............انا ناوي باذن الله اشتري جيب.......بس محتار بين الباترول( الفتك ) ولا لاندكروزرvxr
ياليت تفيدوني الباترول موديل 2003 الى 2005 واللانكروزر99 الى 2001
ياليت تفيدوني وبكم اسعارها ...فضلا وليس امرا
واللي يخبر شي نظيف يذكره لي ....

[شامخ ألهيلا]

اخوي ياليت الموضوع هذا يقفل مع الاعتذار لك لان راح يكون فيه بعض المشاكل في المنتدى من شدة الحماس لبعض الاعضاء

[شامخ ألهيلا]

http://www.mekshat.com/vb/showthread.php?t=143391

[ملاحق السيول]

أنا أنصحك بالفكسار لأنه أقوى وأفخم شكل وترى الفكسار2001 تلقاه بحوالي 90 إلى 100 ألف ريال وترى السعر منيب متأكد منه إن شاء الله الإخوان مايقصرون بالأسعار وترى هذا مجرد رأي أتمنا إني مازعلت أحد لأن في بعض ا***** يدور الشر يبغا الهوشه والله يرزقك الموتر الزين



تم تحرير الرد بواسطة المشرف

[راعي المقانيص]

كلها وانا اخوك سيارات يابانيه ومكاينها 4500 ومابينها فرق لا في مركب ولا فخامه ولا قوة

لكن انت دور الارخص والانسب واحفظ فلوسك لانك تبي تلقاها ان شاء الله فيما بعد بكل خير الله لايحيجك لها من شر يارب

[gsb]

1-إذا كنت ناوي تنزل دايم صحراء والنفود خصوصاً عليك بالفتك دور سوبر سفاري 2005 عاد شف اللون المرغوب ولا اللون الي تحب بعد نظافة الموتر بدي ومحركات وكهرب (الأجزاء الكهربائية)

2-منت راعي نفود دايم وراعي خطوط وتكشيخ وتحب علامة تايوتا تكون ملزقه على موترك(مثقف ..ههههه) دورلك Vxr ولي والله يمدحونه من 2003>

@ والنصيحة خلك على الخيار الأول .

[مفخرة الارض 0666]

تويوتاوبس


كانت تكتب على الزجاج الخلفي لكرسيدا والقراندي عام 1990م

[المميـز]

الباترول من موديل 2002 مكينه 4800 وسعر الفل كامل
موديل 2003 يوصل الى 77000ريال للنظيف سوبر سفاري
ااما موديل 2005 تغير الشكل فلذلك سعره يوصل 100.000 ريال للسوبر سفاري النظيف

وعليك بالاستخاره بعد الاستشاره

والله يكتب لك اللي فيه الخير

[سفير الصمان]

كل يمد حاله على قدر فلوسه
إذا كان دراهمك تكفي خذ لك تويوت
وإذا لم تكفي خذ لك باترول
ونصيحتي لك تويوتا يمسك سعرة إذا بغيت تبيعه

[2000005]

جزاكم الله خير وشاكر ومقدر لكل من رد
وبيض الله وجيهكم وما قصرتم

[ابوعقل]

انت محتار بين سيارتين الله يعينك

الجيب مديل 2001

والباترول 2005

لو كلهم 2005 ابي اقولك خذ الجيب التويوتا

بس الباترول 2005 اجدد توكل على الله وخذه

نصيحه اذا الباترول او الجيب بدون دوفليك لا تاخذه

موفق ان شاء الله

[الذيب المغترب]

اخوي ياليت الموضوع هذا يقفل مع الاعتذار لك لان راح يكون فيه بعض المشاكل في المنتدى من شدة الحماس لبعض الاعضاء
اوفقك الراي

[عاشق السيل]

وعليكم السلام ورحمة الله وبركاته ،،

اللاند : متماسك أكثر ومرغوب عند البيع وأحلى شكل ،،

السفاري : أفضل مواصفاتوخاصة الدفلك وأرخص سعر إذا تعادل الموديل وأخف نفس وأريح مركب وأقوى مكينة وأنشط بالنفود وأقل صرفية بالبنزين ،،،

وأنا أرشح السوبر سفاري وبقوة والاختيار لك وتراك منت خسران هذا أو ذاك وعسى الله يوفقك للي فيه الخير ....

[غالي]

نصيحه اذا تبي موتر ارخص منهم
وبتلقى انظف عقب سواقين ولا طب بر بحياته

دور لك يوكون 2004 - 2006

وخل عنك هالسيارتين نصيحه ترا السنه الجايه بتطيح طيحه وتذكر كلامي

العالم بتتجه للاندكروزر 2008 المستعمل عقب مايطيح من قيمته

والباترول والله اعلم بيتغير 2009 وبيطيح قيمه 2008 وتحت

هذا الكلام من توقعي الخاص

وانا مثلك ناوي اشتري 2008 جديد بس امس رحت على هالاسعار هونت اواستنيت ينزل 2009 ونشوف المستعمل


وركز بهالكلام: هالوقت هذا وقدام كم شهر انت في غلا فاحش بسبب العطله الصيفيه واقبال الاهل على سيارات العوائل للسفر وثانيا مانزل 2009

اذا فيك صبر ماعندك ظروف نصيحتي تدخل السوق في اخر العطله او بعد ماتبداء الدراسه على طول
والله اعلم ان الشتاء بيتأخر هالسنه مثل الي قبل وبتنزل سيارات 2009
فا اتوقع بتطيح اسعارها

[abuktab]

خذ لك باترول أوذف وأخف وأنشط وأرخص وأكثر مميزات وأجدد

[السارب]

اذاودك بvxr2003 لون رصاصي ماشي 90000 تماتيك ارسلي رسالة

[لعّاب المنايا]

أنصحك بفتك 2003 او 2004

وإذا امورك زينه خذ 2008 فتك سفاري 2

[العمدة ابو صالح]

نصيحت اخو مجرب فتك وجي اكس ار و فكسار و هدد
لاتاخذ الا في اكس ار لانه يصلح بر وسفلت ويجيب في البيع مكسب انا الحين بعت الفكسار بمكسب ودوره غيره ولم احصل وشريت هدد وتوهقت لان القومه تختلف ولاتشري الا فكسار وغيره لايهمك اشتر من 3003 وفوق لان القير اختلف وسوف تدعيلي

[سيف الظفير]

أنصحك بفتك 2003 او 2004

وإذا امورك زينه خذ 2008 فتك سفاري 2




كلامـــــك OK

[فارس الفرسه]

اسمع يا الحبيب عليك ب vx-r من 2003 ,وانت طالع موتر هيبه

[مواسي الطعوس]

اذا كنت راعي بر عليك: بالفتك........وان كنت ماتعرف البر كلهن حول بعض وحسب مزاجك......والقوه والصرفيه للبنزين الفتك الافضل

ولا تاخذ كلام اللي مجربين الموديلات القديمه 94 و95م و99م مافيه مقارنه معها ....لايقول لك الفكسار اشمخ تراه اكمخ

وبعضهم ماجرب ابد ولايعرف السيارات تلقاه يقال له(بديرته القرعه)لانه مايعرف شي........سعر الفكسار 2001م 85000الف..........ةالسفاري لاتاخذ خليجي تراه يصير مدخل عليه ترهيم ومنتهي.......شف اللاند 2008م ال8 سرندل اشتراها ناس من الخليج وحصلوها تنقص .

[ملاحق السيول]

بارك الله فيك وهذا الرد تسكيته للذي ليس له عقل وأرجو من الإداره توقيف البزران من الردود الكبيره عليهم وأقول إذا خاطبهم الجاهلون قالوا سلاما وما أقول إلا الله يهدي بابا إلي شرالك كمبيوتر بس ترى يحسبك تلعب فيه مايدري إنك تدخل منتديا ت إكبار وأرجوا من ألإخوان إلي بالمنتدى أن بعذروني لأن الرجال تكلم علي وإلا متى أسكة وشكراااا لكم

[راعي بيشة]

والله لوك لاقي لاند 99 ما يلحقه كلام ونظيف

مش حتندم أبداً

بس بحسب استعمالك

إذا كنت راعي بر باستمرار فان كان برك جبال فتايوتا وان كان نفود فباترول

وان كنت تستخدم للعائله وغير ذلك فاللي قلت لك

[أبو فهد العيد]

يا راكب الجيب الجديد المقرطس***جيب(ن) جديد ماحصل فيه وني
نيسان مايرهش ولابان به حس***جميع مواصفاته بالجمال اكملني.

[خوي عليان]

خذلك تويوتا وبس

منيقول ان النيسان زين مهو زين الي يقوله مين

























امزح تراااااااااا


ههههههههههههههههههههههههههههه

[شامخ ألهيلا]

مواسي الطعوس ياليت تحترم اسلوبك في الرد

وسبق ونصحتك اي موضوع فيه مناقشه عن الاند والباترول لاتدخله

لانك لاتملك الاسلوب لنقااش

لاكن اقولك اخوي راعي الفرعه

لاتجادل بليغاً يغلبك ولا سفيهاً يوذيك

[مواسي الطعوس]

انا ماجبت لكم طاري انا اسال صاحب الموضوع هو راعي بر والا لا؟؟؟؟؟

المثل يقول (كاد المريب ان يقول خذوني) وهنا (قال المريب خذوني) انا قلت (القرعه)يعني اللي مايعرف شي....انا ماجبت طاري (الفرعه) وانا والله العظيم اني مادريت انه يقال له((القرعه))الايوم رد...........اللي اعرفه ان كلمة القرعه تقال للشخص اللي مايعرف.....وانا آسف مادريت انه يقال له القرعه................اجل لو يروح لسوق الخضار ويشوفهم كل شوي يقولون قرعه كان لازم ياخذ عصى ويضربهم كل دقيقه ويقول لهم غيروا اسمها.

وهذه كلمة دارجه اللي مايعرف يقال له قرعه...وليس الفرعه (كل اللي قلته انا القرعه) بنقطتين وليس نقطه في الرد اعلاه.

شامخ نفس المثل ينطبق عليك ....وكذلك مافيه غيرك ساق الباترول الاول كل الناس ساقوها وماقالو شي؟؟؟؟؟


*المنتدى ابدخله ان شاء الله وذا فيه مقارنه انت اللي رايح تزعلك الحقيقه فلا تدخل .....ولا متعود الدكتاتوريه كل الكلام لك وهو الصح بعد
في حاله واحده مارايح ادخل المنتدى اذا تغير اسمه من (موقع مكشات)الى (موقع شامخ الهيلا)في هذه الحاله ابشر بسعدك.

والان انا اكتب باكثر من اسم.

[ملاحق السيول]

مثل الأطفال يسوي شي ثم يحلف إنه ما سواه أقول على اللي شرالك كمبيوتر الله يهديه لعبه تكفيك يأخوان سامحوني على هذا الرد ولاكن وش أسوي (حسبنا الله ونعم الوكيل على المتسبب) بهذا الرد

[الذكرى الحلوه]

اخوي اذ حصلت فتك ماشي شوي خذه موديل 2003 اسعاره النظيف من 70 إلى 80 وال 2004 من 80 إلى 85 امس بمعارض النسيم سفار 2 2005 مسيوم 91 نظيف عودي ماشي 74 الف وفي بالموقع سوبر سفاري 3003 ماشي60 مسيوم 80 والب فيه رعيه 83 شفة السياره انا صدق نظيفه

[عاشق السيل]

يا أخوان أذكروا الله ،،،،

مهب هذولاء أعضاء مكشات اللي أعرفهم !!

شامخ الهيلا : وسع صدرك وخل العتب يجي من المشرفين والإدارة وقل لاإله إلا الله ،،،

ديرتي الفرعة : وسع صدرك والرجال مايقصد وإن كان يقصد فالسكوت من ذهب وقل لاإله إلا الله ،،،

مواسي الطعوس : والله إني متابع ردودك بكل موضوع ماشفت منها إلا كل خير وأدب واخلاق عالية ،، وش جاك اليوم على الرجال ؟؟ وإذا كان بينكم شي أنصحك تتنازل وتسامح وإذا القلب شايل بالحيل خلوا نقاشكم على الخاص ،،،، رغم إني متأكد إن قلبك أبيض ومافيه شي ،،

أتمنى منك ومن كل الشباب إنكم تقولون لاإله إلا الله وخلوا هالسوالف تراها مهيب لأعضاء مكشات !!!!

[ملاحق السيول]

لا إله إلا الله وجزاك الله خير والله يذكرك الشهاده كما ذكرتني ذكر الله(ألا بذكر الله تطمئن القلوب)

[هـدد]

خير الكلاام ماقل ودل (فتك)

[الحلطاني]

أن عودت للصحيح تراى كلها حديد ,
والمواتر تفرق والاندكروزر فيه عيوب وحسنات والباترول فيه عيوب وحسنات .
والله يهديكم ويغفر لكم .

[2000005]

جزاكم الله خير وبيض الله وجه كل من رد..........
حقيقة شاكر ومقدر لتفاعلكم ونصايحكم اللي على الراس وبيض الله وجيهكم
وانت يا اخوي.غالي....كلامك ولا يهون باقي الاخوان في الصميم بالنسبة لي
وجزاك الله خير

[شامخ ألهيلا]

اخوي راعي السيل

سبق لهذا الشخص مواسي الطعوس

في موضوع لي انعتني بشامخ الهبلا من اجل سيارات وقل ادبه ويقول لايوجد بها شي هذه الكلمه وطلبت من الاداره حذف الموضوع واناالي منزله

والان يدخل هذا الموضوع وينعت الاخ ديرتي الفرعه براعي القرعه

نحن نعرف ان نجرح ونتكلم ولا كن احترامنا لرجاال ومجالس الرجال والاخوان في مكشات

وللعلم سبق وخاطبة الاداره في اسلوب وردوود مواسي الطعووس ولاكن لافاايده

واقول لللاخ مواسي الطعووس المنتدى لكل انسان شاامخ بفعله وادبه واحترامه لرجااال

[ملاحق السيول]

اخوي راعي السيل

سبق لهذا الشخص مواسي الطعوس

في موضوع لي انعتني بشامخ الهبلا من اجل سيارات وقل ادبه ويقول لايوجد بها شي هذه الكلمه وطلبت من الاداره حذف الموضوع واناالي منزله

والان يدخل هذا الموضوع وينعت الاخ ديرتي الفرعه براعي القرعه

نحن نعرف ان نجرح ونتكلم ولا كن احترامنا لرجاال ومجالس الرجال والاخوان في مكشات

وللعلم سبق وخاطبة الاداره في اسلوب وردوود مواسي الطعووس ولاكن لافاايده

واقول لللاخ مواسي الطعووس المنتدى لكل انسان شاامخ بفعله وادبه واحترامه لرجااال
كلام الأخ شامخ في محله وترانا ما غلطنا عليه تكلم علي أكثر من مره وعذرته ولاكن لم أستطع مسك أعصابي وتكلمة عليه في هذا الموضوع وأرجوا من جميع الأعضاء أن يسامحوني على ما ردية عليه من كلام سيئ وأقول حسبيا الله ونعم الوكيل على المتسبب والله يهدي الأخ مواسي الطعوس وأقوله تعوذ من الشيطان وإحترم الرجال (عامل الناس كما تحب أن يعاملوك)

[gsb]

أطب من إدارة المنتدى حذف ردود الأخوان

ونطالب بالتعقل ولأحد يرد على الأخر أو يشكك في كلام الأخرين فقط ضع ردك

مقرون بالأدلة والبراهين اذا احتاج الأمر في اي موضوع او رد .

ودمتم بحفظ الله أخوانا متحابين.

[أبو فهد العيد]

(ديرتي الفرعه)و(شامخ الهيلا)و(مواسي الطعوس) وباقي الاعضاء

(السلام عليكم ورحمة الله وبركاته),,,

يااخوان انا لست ممن يزور هذه الخيمه
باستمرار((خيمة السيارات وتجهيزاتها))
او بالاحرى هذه اول مره ازور فيها الخيمة..
وانه والله اسائني,ماقرأت من بعض الردود,اللتي لاتناسب هذا المنتدى.. ويعلم الله ان سبب اشتراكي في الموقع,والمشاركه في المنتديات,, انني احسست ان رجال هذا المنتدى(منتدى مكشات) كالاخوه,,
في بيت واحد..
فليس هناك داعي لمثل هذه المشاكل والردود اللتي لاتصدر من اشخاص عقلاء... لندع هذه التفاهت والحماقات والجدالات العقيمه لغيرنا ولنرتقي بانفسنا الى اسلوب الرجال الحكماء العقلاء,,
حتى وان صدر من بعض الاشخاص في بعض الردود اخطاء متكرره,, فعلاجها الصمت,,
واحب ان اذكر اخواني بحديث الرسول صلى الله عليه وسلم.<انا زعيم بيت في ربض الجنه , لمن ترك المراء ولو كان محقا>
والمراء هو الجدال ,,
فكيف اذا كان الجدال عقيم..
من الاولى تركه,
آسف على الاطاله, ولكن احببت ان اذكر الاخوه, لعل الله ينفع بكلامي.

[سيف2008]

يا جماعه والله عيب الي يصير رجاجيل وعلي مواتر يتهاوشون

ترا الباترول والاند بفلوسك تشتريه وبكيفك تبيعه حديد في حديد حتي الي مايسوا جرت نعال يشتريه

لكن الجماله والعلوم المرتبه ماهي بلفلوس ولافيه وكاله ومعارض تشتريها منها

أتمنى من الإخوان الغالين والي لهم تقدير ومكانه لدي المنتدي شامخ الهيلا ومواسي الطعوس وديرتي الفزعه أن يخلون هلموضوع السامج عنهم وتراه مهو قدركم

[عاشق السيل]

أخوي شامخ الهيلا وأخوي ديرتي الفرعة :

هذا العشم فيكم وأنتم أرفع من كذا حتى لو زادت عليكم الردود اللي ماترضيكم لاتردون عليها والله ثم والله إن الموضوع ينتهي بوقته لأن الرد الثاير يجيب أخوه وتستمر الشغلة والقهر إنها في أحلى خيمة وفي أرقى منتدى !!!




أخوي ولد حنيظل :

لازال المنتدى عند حسن ظنك وتراها وافقت دخولك لهالموضوع ولو دخلت باقي مواضيع الخيمة تبي تغير رايك ،، وأتقدم لك بكل الشكر والتقدير والامتنان على ردك وكلامك الرائع جعله الله في موازين حسناتك ،،،




أخوي سيف :

كلامك من ذهب بيض الله وجهك ....

[شامخ ألهيلا]

اخوي عاشق السيل

مادام الرجاال الي مثلك وشروواك في مكشات مازاالت الدنيا بخير وانا اخووك

والموضوع بالنسبه لي بسيط ومايحتاج تكبير وتحجيم

وبارك الله فيكم جميعاً اخواني

وانا اعتذر لو حصل مني اي رد فعل وحتى اعتذر من الاخ مواسي لو حصل مني اي شي

[سنافي نجد]

..



مشكور اخوي ولد حنيظل على هذه النصائح .. وإن شاء الله يكونون الشباب عند حسن ضنك .. وكلن لازم يخطي .. بس الحمد لله انحلت المشكله إنشاء الله .. الله يعطيك العافيه .. والله يجعلها في ميزان حسناتك .. وماقصرت



..

[عاشق السيل]

اخوي عاشق السيل

مادام الرجاال الي مثلك وشروواك في مكشات مازاالت الدنيا بخير وانا اخووك

والموضوع بالنسبه لي بسيط ومايحتاج تكبير وتحجيم

وبارك الله فيكم جميعاً اخواني

وانا اعتذر لو حصل مني اي رد فعل وحتى اعتذر من الاخ مواسي لو حصل مني اي شي


شرواك الطيب يالذيب ،،،


وهذا العشم والله ..............

[إعصار]

الله يهدي الجميع ..



آآآمين ..



والله الفتك يالذيب يطربك ..



استبنه علاق .. ومكينة جبارة ..




موتر القناصة من سالف الازمان ..


اما الفكسار كشخة مع احترامي .. يعني تبي جلد في البران لاتأخذ الا الفتك ..


انا معي هايلكس .. تويوتا ..



بس لو بشتري جيب .. يافتك ..
أو


ولا هدد استبنه علاق زين وخفيف ..




ولاتنمسى الاستخارة وانا اخوك ..




والله يوفقك دنيا واخرة ..