فزعة يالحبيب [الأرشيف] - منتديات مكشات

رحال 999

04/07/2008, 04:32 PM

السلام عليكم ورحمة الله وبركاتة
مساكم الله بالخير
اخواني عند مشكلة في الباث ينقص موية الإديتر وفحصت الاديتر ولقيتة سليم وكذلك الخراطيش حقة الموية ولا ادري وش المشكلة

ارجو من الاخوان اللي عندة خبرة في هالمشكلة لايبخل علي
وفق الله الجميع لكل خير ،،،

:confused:

عاشق السيل

04/07/2008, 08:27 PM

وعليكم السلام ورحمة الله وبركاته ،،

نقص موية الأديتر لها عدة أسباب ومنها :
1 ـ تهريب بأطراف الديتر قد لايلاحظ إلا بعد الفك والفحص الدقيق ،،
2 ـ تهريب بأطراف الخراطيش وتحتاج إنك تدعس على المكينة ويبان التهريب ،،
3 ـ تهريب بليات المكيف الحار وممكن تكون اللي داخل الطبلون وماتقدر تشوفها إلا بعد فك الطبلون ،،
4 ـ تهريب في طبات المكينة ( دوائر معدنية على جوانب المكينة ) ،،
5 ـ إذا ارتفعت الحرارة الهواء يضغط على غطاء الأديتر وإذا صار خربان ممكن يهرب الماء ،،
6 ـ بعض الأديترات فيها صرة بالأسفل لتفريغ الماء ممكن تكون خربانة وتهرب ،،
7 ـ القربة الجانبية ممكن تكون مكسورة من الأسفل ،،
8 ـ تهريب من طرنبة الماء إما تكون خربانة أو تحتاج لتغيير وجه ،،

ملحوظة مهمة : أحيانا يكون بالأديتر تهريب خفيف ويمشي بين الريش ومع هواء المروحة يتبخر وبالتالي لايمكن تشوف الماء نازل للأرض ولاتتوقع التهريب !!!

هذا اللي عندي وانتظر أهل الخبرة بيفيدونك أكثر مني إن شاء الله وتقبل مروري يالغالي ...