سبب مشكلة خراب امبير البنزين...الجمس...و...الباترول [الأرشيف]

مشاهدة النسخة كاملة : سبب مشكلة خراب امبير البنزين...الجمس...و...الباترول

سوبر VTC

05/07/2008, 06:22 AM

السلام عليكم و رحمة الله

انا كلمت الكهربائي محمد العثيم و سالته عن الباترول فقال الباترول من 2002 و طالع اكثر خرابات من القديم و قال امبير البنزين من 2002 و طالع اذا بدا يلخبط الامبير بمعنى اذا وصل الامبير النص يقطع الموتر تكون المشكلة من داخل الطبلون لان معالج البيانات او الحساس اللي داخل الطبلون يبدا يعطي قراءة خاطئة للامبير لذلك يتم تغير هذه القطعة على شكل (ايسييه) زي حقت الكنود او الايكوم و قال تكلف من 500 ريال و طالع على حسب نوعية و تعدد المشاكل

اما الباترول من 2001 و نازل فاذا ما اشتغل التانكي الاضافي فمعنى هذا ان طرمبة الاضافي خربانه و طبلونه ما يخرب بالغالب

اما الجمس من 2000 و طالع اذا بدا يلخبط الامبير فان المشكلة من حساس الامبير اللي داخل الطبلون و يكلف من 300 ريال و طالع طبعا يركب حساس او قارئ جديد (انتهى كلامه)

اما عن نفسي معي جمس 2001 و خربت الطرمبة و لقيت فيش الطرمبة بداخله كربون و قمت بتنظيفه و حطيت شحم و ظبطت الطرمبة لكن بقيت مشكلة الامبير يلخبط عندي و سبق غيرت الطرمبة و لا ضبط امبير البنزين

تحياتي لكم

راعي المقانيص

05/07/2008, 07:45 AM

وعليكم السلام ورحمة الله وبركاته

بيض الله وجهك ورحم الله والديك على التنبيه والمعلومات الهامه

ذيب صعافيق

05/07/2008, 08:49 AM

وبعض المرات يصير من العوامه الي داخل التانكي فأذا كان الفرق ثابت بين العداد والموجود فعلا بالتانكي بعدل وضع الكرة بطعج المسمار الحامل للكره 000000

سوبر VTC

05/07/2008, 09:11 AM

وعليكم السلام ورحمة الله وبركاته

بيض الله وجهك ورحم الله والديك على التنبيه والمعلومات الهامه

الله لا يهينك

جزاك الله خير

سيف الظفير

05/07/2008, 09:14 AM

ياااا كثر مشاكل السيارات في هالوقت !!!!!!!!!

سوبر VTC

05/07/2008, 09:17 AM

وبعض المرات يصير من العوامه الي داخل التانكي فأذا كان الفرق ثابت بين العداد والموجود فعلا بالتانكي بعدل وضع الكرة بطعج المسمار الحامل للكره 000000

مشكور على مرورك

انا سبق رفعت حامل العوامه و فتحت السويتش و لا ارتفع الامبير و قمت و فصلت البطارية و لا ضبط
ما رتفع الامبير لكن الحل و الله اعلم بحساس الامبير على كلام العثيم بحكم اصلاحه لسيارات سابقة

تحياتي

سوبر VTC

05/07/2008, 09:50 AM

ياااا كثر مشاكل السيارات في هالوقت !!!!!!!!!

هلا و غلا

تقصد انه عشان الوقت حار اعطيك معلومه الطرمبة لا يمكن تخرب بسبب الحرارة لان البنزين يبرد الطرمبة لكن معروف ان الطرمبة تحتمي اذا قل البنزين
لكن الطرمبة له عمر محدد ثم تخرب كما تعتمد على ايضا على جودة التصنيع
و عموما اكثر ما يخرب على طول السنيين الماضية الجمس و الباترول

طارق الحربي

05/07/2008, 01:16 PM

بيض الله وجهك

رجال معه 2002 يوكون غير الحساس اللي تقول بواحد جديد ب 250 ريال

ولا ضبط فتره ورجعت المشكله

المشكله من العوامه او الطرمبه

المميـز

05/07/2008, 01:37 PM

اخوي سوبر بالنسبه للجمس قد صارت معنا بجمس 2002
خرب الامبير حق البانزين صار دايما طايح تحت ولمبة البانزين
تولع على اساس انه فاضي وهو اصلا مهب فاضي ورحنا الوكاله
وقالوا هذا دليل ان طرمبة البانزين على وشك تخرب وطنشنا الوكاله
وفعلا بعد شهر تقريبا خربت الطرمبة ووقف الموتر فجأه وخلال الشهر
كان العداد يلعب ومايعطي قراءات صحيحه وبعض الاحيان يطفي مره
وهذي الحاله صارت معنا وصارت مع عمي سيارته يوكن 2001
اول مابدأ يلعب عداد البانزين غير الطرمبه والعوامه وضبط ولله الحمد

على العموم يمكن يكون لاخونا القدير محمد العثيم نظره ثانيه
لانه ماشاء الله عليه تبارك الله محترف بهذي الاشياء وعسى الله
يوفقه ويبعد عنه كل مكروه وسوء

واشكرك اخوي سوبر على هذا الموضوع الراااااائع

.

المميـز

05/07/2008, 01:38 PM

بيض الله وجهك

رجال معه 2002 يوكون غير الحساس اللي تقول بواحد جديد ب 250 ريال

ولا ضبط فتره ورجعت المشكله

المشكله من العوامه او الطرمبه

هلا اخوي طارق وكلامك اثبات لكلامي شكرا لك ,,, :good:

Black VTC

05/07/2008, 10:35 PM

الله يعطيك العافية اخو vtc واذا كنت تقصد ان المشكلة حقت امبير البنزين هي اللي تؤثر على التانكي الاضافي للباترول فوق 2002 المشكلة اللي هي sub tank فرجاء ولا عليك امر ترسلي على الخاص رقم العثيم ابي اتأكد من معرفته بالمشكلة وطريقة الحل عشان اعني له وانا على بينة ...

لاتنسى ارسل الرقم على الخاص ولك الشكر والتقدير ...

سوبر VTC

06/07/2008, 12:35 AM

هلا اخوي طارق وكلامك اثبات لكلامي شكرا لك ,,, :good:

اممممممممممممممممممممممممممممممممر

عجيييييييييييييييييييييييييييييييييييييييييييييييي ب

طيب انا غيرت الطرمبة و لا ضبط الامبير

و فيه ناس غيروا الحساس و ضبط الامبير
هذا الكلام بالنسبة للجمس

حقيقة شي محيييييييييييير

الشيخ قوقل

12/05/2010, 02:43 AM

مشكور أستاذي على هذه الإفادة المختصرة
ننتظر باقي خرابات الجمس :d وكيفيّة إصلاحها

4*4

12/05/2010, 05:02 AM

سوبر قل امين جعلك في الجنه ووالديك على كثر ماتبين علل وخرابات

rigidman

12/05/2010, 06:48 AM

الامر عجيب السيارتين هذي الجمس والباترول دايما يخرب فيها امبير البنزين بينما سيارات من شركات وموديلات كثيرة تعمر وتنتهي صلاحيتها ولا يجيها هذا العيب.

اعتقد والله اعلم ان العوامة لها دور وجزاك الله خير على الطرح الجميل.

pateeka

12/05/2010, 09:16 AM

السلام عليكم

انا من قبل كد خرب علي امبير البنزين في باترول 99 جلست حست في السياره شيكت الطرمبة وشيكت العوامه وشيكت كهرب السياره

المهم بعد معاناة اكتشفت شي بسيط جدا وهو كان السبب

كان سلك الارضي او الجراوند اللي في السياره محلول شوي وعليه رواسب

ابد حكيته بورق صنفره وشديت عليه والحمدلله الى اليوم الامبير سليم

مستعد للتضحية

12/05/2010, 07:50 PM

اخوي pateeka الله يعطيك العافية
وين مكان الجراوند الي تقول عنه بالضبط و اذا امكن بصور عشان نجربب يمكن تنحل المشكلة من دون حساس ولا طرمبة وخرابيط الكراجات .

مستعد للتضحية

15/05/2010, 11:15 PM

يا شباب نبي حل حق هذي المشكلة ,
انا اليوم خلص البانزين علي طفه فيني الموتر بنص الشارع و الله ستر علي وكان عداد البانزين على النص ,
نبي حل يا اهل الخبرة مع الشرح المفصل و الله يجزاكم خير ,
و آسف على الاطالة .

rpk

16/05/2010, 03:44 PM

نفس المشكله نبي الحل الله يعطيكم العافيه

ramisif

16/05/2010, 08:21 PM

سبق وأن طرحت مشكلتي مع أنبير الباترول في هذا الموضوع مشكلة عداد البنزين في الباترول (http://www.mekshat.com/vb/showthread.php?t=286566)

إن شاء الله أنكم تستفيدون من طرح الزملاء

علي الشهري

14/06/2010, 11:01 PM

أنا عندي نفس المشكلة في اليوكن 2001
أمبير البنزين دايم طايح على إنه فاضي
وغيرت الطرمب ونفس المشكلة؟؟؟؟

خوي الجمس

15/06/2010, 12:22 AM

اخوي سوبر فتك

انا من اشد المعجبين في مواضيعك وردودك التي تنم عن خبر ميكانيكية

اذا انت من سكان بريدة
عندي اشياء تفيدك
وعن اذن ألأداره رقمي لأن عدد مشاركاتي مايسمح برسائل الخاصة
0553177211

DARK2

15/06/2010, 01:05 AM

للاسف امبير البانزين أو بالاحرى عدادات طبلون الجمس
تعتبر من وجهة نظري من العيوب المصنعية وهي عبارة عن
مسننات صغيرة من الداخل عكس القديمة والتي كانت عبارة عن ملف كهربائي
والافضل قبل كل شي تفتح الطلبون وتحاول تعمل لها وزن بيدك مع الحذر بعدم دوران الامبير دورة كاملة
او الله يعينيك تبدلها بنفسك والعميلة سهلة جدا وتكلفك تقريبا من 50 الى 70 ريال
وذي صورة القطعة
http://www.mekshat.com/pix/upload04/images168/mk91665_p1080003.jpg

وهذي صورة لطريقة الوزن

http://www.mekshat.com/pix/upload04/images168/mk91665_p1080006.jpg

مغلي

15/06/2010, 12:57 PM

سوبر VTC

15/06/2010, 06:32 PM

أنا عندي نفس المشكلة في اليوكن 2001
أمبير البنزين دايم طايح على إنه فاضي
وغيرت الطرمب ونفس المشكلة؟؟؟؟

ادخل موضوعي بالتوقيع
جميع اعطال طرمبة البنزين بالصور
+ فك طرمبة البنزين بالصور
+ معاناتي مع الجمس
و ان شاء الله تستفيد
سبق اني حصلت العوامة منطلقة و كبسته و زان الانبير
و مرة اخرى انكسرت الطرمبة 3 مرات 3 طرمبات و بسببها بدا الانبير يلعب

اخوي سوبر فتك

انا من اشد المعجبين في مواضيعك وردودك التي تنم عن خبر ميكانيكية

اذا انت من سكان بريدة
عندي اشياء تفيدك
وعن اذن ألأداره رقمي لأن عدد مشاركاتي مايسمح برسائل الخاصة
0553177211

الله لا يهينك و منك نستفيد :good:

للاسف امبير البانزين أو بالاحرى عدادات طبلون الجمس
تعتبر من وجهة نظري من العيوب المصنعية وهي عبارة عن
مسننات صغيرة من الداخل عكس القديمة والتي كانت عبارة عن ملف كهربائي
والافضل قبل كل شي تفتح الطلبون وتحاول تعمل لها وزن بيدك مع الحذر بعدم دوران الامبير دورة كاملة
او الله يعينيك تبدلها بنفسك والعميلة سهلة جدا وتكلفك تقريبا من 50 الى 70 ريال
وذي صورة القطعة
http://www.mekshat.com/pix/upload04/images168/mk91665_p1080003.jpg

وهذي صورة لطريقة الوزن

http://www.mekshat.com/pix/upload04/images168/mk91665_p1080006.jpg

بارك فيك اخوي دارك :)
فك الانبير و ارجاعه مرة اخرى يحتاج شخص دقيق
سبق فكيت انبيرات طبلون طلع عندي فرق وحيد
و هو في انبير البنزين الفرق تقريبا اني نزلت الانبير تقريبا اقل من 1/2 سم

معقوله بس 50 ريال او 70 ريال

انا قريت هنا بالمنتدى انها تكلف 150 - 200 - 300 ريال
.
.
بالله وين ممكن نشتري هالقطع البيضاء بالرياض ... وهل بتكون اصليه او صينيه

وهل تركيبها .... سهل جدا او وسط او صعب

http://www.mekshat.com/vb/../pix/upload02/images89/mk34212_432.jpg

الحل الجذري لمشكلة طبلون اليوكن (gmc) بدون الوكاله (http://www.mekshat.com/vb/showthread.php?t=173118)

3zyiz

11/10/2016, 01:10 PM

يعني افك الطبلون برا ؟؟

الطبلون لحاله يبي له شهر لين ينفكك . شكلي بفك السيارة عن الطبلون هههههه
اذا ممكن تحدد مكان الحساس وكيف اقدر افكه بارك الله فيك وفي الجميع