***البشارة يا جماعة***

[سوسة حطب]

باركولي طقيت قدر ضغط بقراطيسة وكالة :d

[شامخ ألهيلا]

مبروووك عقبااال لحمة حاااشي

وان شاء ماينفجر ويعمرررر معك :d :d

انا قلت البشااره ممكن بيعطوون منح اراضي وسط الرياض ولابيعطونا الحكوومه بيووت

واخرتها قدر ظغط

المهم وين مكاانك بتغدا عندك بنشووف كيف طعم الاكل في قدرك

يابو قدر :d :d :d :d :d

[كشته 111]

الله يبشرك بالخير وهذا اهداء بعد اذن ابو عبد الهادي الله يعطيه الصحة والعافية , وانت الله يعطيك من خير هالقدر ويكفيك شره :


http://www.mekshat.com/vb/showthread.php?t=128909

وهذي صورة اتوقع ان طبخك بيصير كذا ,,,


http://www.w31w.com/up/w31w_FhFMXbzUPe.jpg


http://www.w31w.com/up/w31w_T98wih0JV6.jpg

[escape_man]

بذمتك ؟!! :confused:


اهم شي لا تشيل التغبيره اولاووووه


ولا تنسى يكون معك مفك 17 علشان


لا كشت بالهافمون تبطح القز على الارض وتركب عليه قدر الضغط


واووووه .. لا تنسة المقابض


رج ابوها تغسيلة ثم رشها بستوب علشان تلق


هعهعهع


كحكحكح

[اول 111]

الله يبارك لك فيه

[ملاحق السيول]

مبروك وعقبال لحمة الحاشي على كلام الأخ شامخ الهيلا والله يجلسه معك 50 سنه

[بدراان]

مبرووك . . وترا لنا حق فيه . . نبيك تنزل لنا موضوع بالصور

[القطاوي 2008]

مبرووك . . وترا لنا حق فيه . . نبيك تنزل لنا موضوع بالصور

[الضاحي]

لا لا لا لا لا ما اصدق

جديد ومن الوكالة وبقراطيسه بعد !!!!!

الله لا يضرك .... ويبعد عنك العين والحسد

[حق الفيتو]

اهم شي جنوط البلد غيرهن


ولصقات الوكاة خلهن الله يعطيك خيرة ويكفيك شروووووووة

[winchester]

يؤؤؤؤؤؤؤؤؤه جديد متأكد



تكفى الله يرحم والديك ورنـا صورته وأذا أمكن تعطينيه سلف أبغى أكشت يوم الخميس وأكشخ فيه



دمـت بود

[المبتكر1]

الله يبشرك بالجنة والحاضرين ألف ألف مبروك وااااااو :eek: ما شاء الله تبارك الله ومن الوكالة وبقراطيسه بعد تبارك الله الله يعطيك خيره ويكفيك شره طبعا وترا لنا فيه حق مثل ما قال اخوي القطاوي نبي كم صورة وان قدرت حقيقه ميب شينه ;) وترا يبي له تمرين وخل القراطيس تحافظ عليه وريحة الجديد تمتع بها قبل الطبخ وخله على يدك دامه وكاله عشان البيع وانتبه لايسبب لك السمنة تراه وحده بوحده (ابل واخلق)
تقبل تحياتي

[الخادم]

بالمبارك تعيش و تشتري ابو ذبيحة
علشان تعزمنا ذبيحة بالضاغط

[سوبر152]

بس هاالطبخة مامرت على كاتمك موفرة لعيد الأضحى

[لعّاب المنايا]

الله يطعمك خيرهـ ويكفيك شرهـ

[عبد المجيد]

التظليله والتلبيسه علي ...

[سوسة حطب]

السلام عليكم يالربع ؛؛؛
الله يبارك فيكم وفيه وبشروا أمس مرنته خفافي خليته يتستس ربع ساعة بموية وبهار عشان تروح ريحته
:j

[الضيغم]

ههههههههههههههههههههههههههههه

أحلى تستسته تستسة الوكالة .. بس نزل الوجه شوي..

أحلى طبخة لعيون مكشات نبيها OK
.

[ابو صقر992]

على البركه اخوي سوسه حطب 000

[الدفرنس]

ألف ألف ألف مبروك
متى العشاء
وعليك بلحمه الفطير جربه عليها

[النمرالتميمي]

مبرررررررررررررررررروك متى تظبط لنا الكبسه

[عا سبيل بر]

الله يرجك يا شيخ

على العموم مبروك وعقبال غطاء القدر :D

وأنت الحين مخير بين عزيمه لأهل مكشات أو تنزل موضوع طبخ بصور بالقدر الجديد :no: .... ( ترا ما نحللك )

[ولد مزينة]

مبروك يالقعيطي

[الذيب المغترب]

مبروك... عقبال ما نشوف مواضيعك بالمنتدى وانواع الطبخ

[سوسة حطب]

مبروك يالقعيطي

وراه قعيطي ما شريته مستعمل جديد :D

[العريني1]

ألف ألف ألف مبروك .......
الحقيقة انك ولد نعمة ...:D
ياخي ودي اصير صديقك.... تكفى وانا اللي اغسل القدر..:)

الا ماتدور لي واحد بالتقسيط ولومستعمل:j.

ألف ألف ألف مبروك ... ويملى الشحم والدسم

تقبل مروري ودورياتي ورأس الحربة المدني.
ابوعلي

[شامخ ألهيلا]

اخوي سووسه طلبتك لحمة حاااشي

قل تم ترا اقدرها في المظغووط

[F J]

لا تـعـلـيـق.. :mad:

[ابوقاسم]

الله يهديكم
ما خليتوا ولا بقيتوا على الرجال
تراه فرحان بالقدر
على العموم
انتبه اول 1000 كيلو لازم تغير زيت عند الوكالة
والا يروح الضمان




عساه طبخ العافية
تحياتي

[أبوتركي]

على البررركة بس ماقلت نوعه عساه صيني ؟

[سوسة حطب]

تراه صيني وارد السيف
:j

[عبّار]

بالمبارك و نشوف الوصفات الطيبة

[الخادم]

متى العزيمة يالغالي

[الابراطور1]

مبروك عقبال القدر الثاني

[النهاوي]

الف الف مبروك هالقدر وعقبال باقي العزبة ان كان ما عندك

[النهاوي]

على فكره وثق بالتاريخ وسمها سنة شراء القدر

[غربيب]

مبروك القدرعساك شريتله تلبيسه لايتمخش

[حرف]

صراحة التعليقات تفتح النفس ...

مبرووك عليك القدر ,,,

تكسره بالعافيه ,,,

أهم شي إنه جديد !!!

[سوسة حطب]

الله يبارك فيكم وعلى العموم كل نصائحكم أخذت بها على العموم الموتر قصدي القدر زين وما يصرف

[ريح الرمث]

على هالبشاره فرحت حسبت الرز نزل سعره
لكن مبروك القدر عليك

[سيف الملوك]

الله يعطيك خيره ويكفيك شره

[321]

مبروووووووووووووووووووووووووووووووك

ههههههههههههههههههههههههههههههههههههههه

[النمرالأليف]

ماشاءالله الف مبروك وعقبال ماينفجر بأحلى طبخه

[سوسة حطب]

شباب خبرتوا قدري الجديد تمشخ قاعه وش السوات والمسامير كل شوي ترتخي وودي ابيعه واشري واحد اكبر منه شوي وين اعرضه فيه ؟؟؟؟؟

[مراسل الليث]

شباب خبرتوا قدري الجديد تمشخ قاعه وش السوات والمسامير كل شوي ترتخي وودي ابيعه واشري واحد اكبر منه شوي وين اعرضه فيه ؟؟؟؟؟


بلاك ماخشيته وسكت
الظاهر انظلوه :j

[سوسة حطب]

كلامك سليم اخوي العين حق يالله بأشتري واحد جديد ولا نيب معلم احد بس انت

[الغزال الشارد]

مبرووك ، مبرووك ، مبرووك ،،،بنتظار الطبخة

[هايبر]

موضوع خمسه نجموم .

و سعة صدورنا الله يرزقك بأطيب منه .

و أهنيك من كل قلبي على رحابة صدرك .

[علي الصقري]

مبروك القدر وعقبال العزبة

[أثنين وخميس]

فعلا أشتر قدر ضغط جدييد ولا تعلم أحد وحطه بالكبت مشان مايخترب
وأذا تب تتطبخ أطبخ على قدر الجيران

وبكذا يظل قدرك جديييد ولحدن يدررري عنه




ودارن درى ودارن مادرى

[سوسة حطب]

البشارة شريت لي قدر ضغط تسعه لتر وارد السيف وجديد بقراطيسه ما فكيته إلا بحايل وجربته والله يا هو شي حاط له صور في المجلس عندي وأهو واقف على الردميه وبين الطعوس شكله جنان اذكروا الله يا جماعة العين حق مو تنظلونه ويخرب مثل الأول