=== لكي تـكــون مكـشــاتــيـا===

[المربد]

ارجو من الإخوان المشاركة الجادة لوضع تصور عن صفات المكشاتيين.
لكي تكون مكشاتيا ناجحا، ينبغي ان تكون لديك واحدة أو اكثر من الصفات التالية:

1- تحب القنص والصيد.
2- تحب الصور الثابتة والمتحركة
3- تستذوق الخلوات سواء بالليل او بالنهار
4- تحب الطبخ

واترك المجال للاخوان للمشاركة بما يرونه من الصفات.

[الحاتمي]

اخوي المربد
الله يسلمك على الموضوع ومافصرت
وازيد على الصفات اللي سبقت
5/ ان لا تغفل عن فروضك ودينك
6/ ان تكون وسيع صدر( ولكن لاتكون بارد )
7/ ان تكون شخص اجتماعي ( غير انطوائي )
8/ ان تكون نشيط ومتعاون
9/ ان لا تكون مثلي مايحب يغسل المواعين:D :D
الحاااااااااااااااااااااااااااااتمي

[فـ(الجـوف)ـتى]

مشكور للجميع

[عاشق الصفاري]

Originally posted by الحاتمي
اخوي المربد
الله يسلمك على الموضوع ومافصرت
وازيد على الصفات اللي سبقت
5/ ان لا تغفل عن فروضك ودينك
6/ ان تكون وسيع صدر( ولكن لاتكون بارد )
7/ ان تكون شخص اجتماعي ( غير انطوائي )
8/ ان تكون نشيط ومتعاون
9/ ان لا تكون مثلي مايحب يغسل المواعين:D :D
الحاااااااااااااااااااااااااااااتمي

[حفرلوجيا]

أخوي المربد ولا يهونون الأخوان .. سجل عندك :
وتكون حريص على ان تكتب مواضيعك بعناية .. وتدرك أن اللي يطلعون عليها اذا ماهم أحسن منك على الأقل مثلك يحبون الزين والجيد ..
وإذا اختلفت مع مكشاتي لأي سبب يكون الإحترام المتبادل ( مسيطرا ) .. وتبتعد عن ( الأشياء الشخصية ) وتخلي الأسباب الموضوعية والتفكير الراقي والاسلوب النظيف بين عيونك .

[كشات]

10-/ الريوس عندك مفصول

قدام = قدام مشينا:good:

11-/تحب شبة الضو والجلسه حوله
12-/تستعمل جهاز الاسلكي(الكينوود) استعمال صحيح
13-/ماتفحط بالريضان والفياض
14-/ماتوصخ البر
15-/تكون راعي فزعه لكل محتاج مساعده(متعطل,مغرز,ضايع)
16-/تاكل كل شي تصيده :rolleyes:

وسلمتكم


الف شكر اخوي الغالي على الموضوع

http://www.al-hdhd.net/up/files/any_1q-1072286587.gif

[الطبيب]

1- آخر ما تفكر فيه الفلوس ولا تتردد بالقطه

2- تتقبل نقد ومزح اخوياك بكل صدر رحب

3- تصيد اللي ينصاد مهو بس ترمي كل محتركه

4- ما تأذي البدو وأهل الحلال

5- تكون محافظ على الفروض وتصليها بوقته

6- يكون ممشاك ومنزالك بعقل وهدوء ماهو بارهاق وصياح وهجوله وطفاقه

7- يكون كلامك مع اخوياك وعتابك لهم بعيد عن ( مزحه برزحه )

8- تكون مستعد لكل شيء طارىء ( مثل عدة الاسعافات الاوليه.... الخ )

9- يكون صدرك اوسع من هداج تيماء ( يعني ماتزعل ابد ابد ابد )


هذا ما اسعفني فيه الوقت والذاكره

والباقي عليكم

هذا والله اعلم

والسلام ختام

[المربد]

يا سلام ،
من يـزيـد !!
اشكركم اخواني على المشاركة، واتمنى من الجميع المشاركة او على الاقل القراءة والتطبيق

[علوم رجال]

شكراُ يالمربد على اختيارك للموضوع ، وما شاء الله انت بديت والشباب ما قصرتوا ما خلوا شى ما جابوه
مشكورين كل ابوكم

[المربد]

وتكون مشاركاتك في الموقع فعلية وذات قيمة وما تكون محصورة بـ (شكرا يعطيك العافية)
بحيث يكون غرضك عدد المشاركات فقط.

ويكون لك وقت للمرور على الموقع يوميا، ان امكن، او كل حسب ظروفه بس اهم شيء ما تقطع.

تتفقد اخوانك بالرضاعة (منقولة من حفرولوجيا) من مكشات، اذا غاب احدهم لاتبخل عليه برسالة خاصة.