رحلة الصيف الممتعة

[الخبير]

السلام عليكم جميعاً
انا قبل فترة سافرت لي سفرة من أجمل سفرات حياتي وإستغرقت اسبوعين والله وفقني وجبت معي كمرة وصورت حول 400 صورة، ولكن صعبه جداً احطها كلها لذلك قلت احط بعضها و إستحملوني لأن الصور واجد.

بدأت الرحلة في يوم 27 رجب وتوجهت انا وربعي للنمسا وبالتحديد للعاصمة فيينا.
هي صحيح جميلة و مليانة إحتفالات لكن ماش ماجازت لي ما قعت فيها إلا 3 ايام بس.
http://www.jkdman.com/images/el%20viaje%20del%20varano/wien%201.jpg
هذي صورة رافد من روافد نهر الدانوب
http://www.jkdman.com/images/el%20viaje%20del%20varano/wien%202.jpg
وهذي صورة نهر الراين بكبره، لكن شئ عجيب لاحظته ان في وسط العاصمة الناس بيض لكن يوم قطعت نهر الراين ما تشوف إلا سمران
http://www.jkdman.com/images/el%20viaje%20del%20varano/wien%203.jpg
وهذي صورة برج أحد شركات الجوال وتقدر تدخله بمبلغ مالي لكن مادرينا إلا متأخرين ( وتقد تمارس رياضة البنجي جنبنق ( بربطون في رجليك مغاط وينطلونك من فوق ) ).
http://www.jkdman.com/images/el%20viaje%20del%20varano/wien-4.jpg

[الخبير]

ثم رحت لسالزبورغ ( آأأه يا سالزبورغ ) رائعة من روائع الدنيا، ومن المعروف عنها انها مسقط رأس موزارت الموسيقار الكبير راعي السمفونيات إياها. واول شئ طبعاً تبي تشوفه نهرها. والقلعة الكبيرة
http://www.jkdman.com/images/el%20viaje%20del%20varano/salzborg1.jpg
انا أخذتني الصور وانا فوق القلعة وكان الجو خيال فأخذت صور واجد منها هذي
http://www.jkdman.com/images/el%20viaje%20del%20varano/salzborg8.jpg
http://www.jkdman.com/images/el%20viaje%20del%20varano/salzborg9.jpg
وثم رحت للقصر الملكي إلي كان يروح له ملك النمسا في فصل الصيف.
http://www.jkdman.com/images/el%20viaje%20del%20varano/salzborg10.jpg
ومن ميزات سالزبورغ انها على الحدود مع ألمانيا يعني نرقد في النمسا ونفطر في المانيا ونرجع نتغدى في النمسا، لا جواز ولا بطاقة أحوال ولا فين تشتغل ( ويالله الحمد امان ).
عاد من أول الرحلات كانت لكهوف الثلج وصدقوني يا جماعة إنها برد برد برد، يعني كل إلي يحيط بك ثلج وكلش متجمد و أولهم خشمك.

[الخبير]

وفي الطريق صورت هالكم صورة، اولها لهذا القصر إلى ما مثله إلا في الجنة
http://www.jkdman.com/images/el%20viaje%20del%20varano/salzborg3.jpg
ثم هذي الصورة في وسط طلعتنا للجبل إلي فيه الكهوف
http://www.jkdman.com/images/el%20viaje%20del%20varano/salzborg2.jpg
ثم الصورة القاتلة من فتحة الكهف
http://www.jkdman.com/images/el%20viaje%20del%20varano/salzborg4.jpg
إلى منك جيت تبي تدخل الكهف يبون يحذرونك إن الهواء شمالي بزود وسرعت الرياح تاصل ل 100 كلم بالساعة ( ما ادري عنهم لكن انا اعتقد إن الهواء إلي لفحني يمشي 1000 ).
هذي صورة أكبر فجوة طبيعية في الكهف ( يقولون زينها الهواء ؟ )
http://www.jkdman.com/images/el%20viaje%20del%20varano/salzborg5.jpg
ثم جينا للفيل ( يوصفونه بكذا لان شكله يتغير، قبل مدة كان على شكل فيل والآن بدأ يتحول ما ندري يمكن يصير بعير مع الوقت )
http://www.jkdman.com/images/el%20viaje%20del%20varano/salzborg6.jpg
وهذي صورة محاكيكم في أعمق نقطة داخل الكهف ( كيلو كامل ).
http://www.jkdman.com/images/el%20viaje%20del%20varano/salzborg7.jpg

[الخبير]

ثم في اليوم إلي عقبه رحنا لعش النسر
عش النسر هذا هو المقر الإستراتيجي لهتلر وكان هذا البيت على إرتفاع 1800 متر عن سطح البحر، الجو برد لكن صحو.
طبعاً حنا فوق الغيوم
http://www.jkdman.com/images/el%20viaje%20del%20varano/zellamse7.jpg
http://www.jkdman.com/images/el%20viaje%20del%20varano/zellamse8.jpg

ثم شدينا عفشنا ورحنا لمدينة يقال لها زل أم سي
ورزقنا الله بغرفة مطلة على البحيرة
http://www.jkdman.com/images/el%20viaje%20del%20varano/zellamse2.jpg
لعلمكم قعدنا اربعة أيام فيها لكن مرت علينا فصول السنة كلها وتبون تشوفون الآن
اول ما وصلنا كان الجو حليو ولكن فيه غيوم ، ما قعدنا ساعتين إلا وهي تهل ( ما قعد إلا نص ساعة ) ولقيت المنظر هذا من البلكونه
http://www.jkdman.com/images/el%20viaje%20del%20varano/zellamse9.jpg
والعجيب بالموضوع جنب الفنيدق إلي انا فيه لقيت مجرى ماء وميزته إنك تعرف انها أمطرت على الجبل ولا لا!
http://www.jkdman.com/images/el%20viaje%20del%20varano/zellamse3.jpg

[الخبير]

وشف المنظر هذا للبحيرة
http://www.jkdman.com/images/el%20viaje%20del%20varano/zellamse1.jpg
http://www.jkdman.com/images/el%20viaje%20del%20varano/zellamse5.jpg
http://www.jkdman.com/images/el%20viaje%20del%20varano/zellamse6.jpg
طبعاً كانت الجبال تحيط بنا من كل ناحية وبما اننا في فصل الصيف قلنا ما فيه مانع إننا نرقى للجبل القريب ( إرتفاعه 2000 متر عن سطح البحر ) والله ما اقدر اوصف لكم شوفو الصور
http://www.jkdman.com/images/el%20viaje%20del%20varano/zellamse10.jpg
ركزوا على الصورة إلي فيها خويي
http://www.jkdman.com/images/el%20viaje%20del%20varano/zellamse12.jpg
قعدنا حول 4 ساعات نبترم على الجبل وتقهوينا في احد المقاهي ( اشوى مقاطعين الشيش )
وبقدرة قادر يوم أظلمت الدنيا وتبدا تمطر مطر ما قوينا نطلع من الفندق والغيوم مغطية الجبال
يوم اصبحنا في اليوم الرابع إلا والجبال من حولنا كلها ثلج ( هو حنا شفناه ولا لا ) قمنا و إنطلقنا للجبل إلي كنا فيه قبل يومين.
وربعك ما قاد شافو ثلج بحياتهم ونقوم ونتراجم بالثلج تقل مهبل.
والله يسامحهم الشباب ركزوا علي حبتين وتدربيت من الجبل لكن ربك ستر ( إستفدت من التجربه هذي إن افلام الكرتون كلها كلام فاضي، كان الواحد منهم إذا طاح يتكور وتكبر الكورة كلام فاضي ).
تذكرون الصورة إلي فيها خويي فوق شوفوها الآن بعد الثلج.
http://www.jkdman.com/images/el%20viaje%20del%20varano/zellamse13.jpg
الثلج يا جماعة واصل للركب وتصنف في راس الجماعة وتهيج نفسياتنا للكرسمس ونقوم ونبني لنا رجال من الثلج
http://www.jkdman.com/images/el%20viaje%20del%20varano/zellamse15.jpg

[الخبير]

لكن يا جماعة بعد اللعب بدينا ما نحس بيدينا ونقوم ونتراكض للمقهى إياه وعلى الطريق لقينا مقياس الحرارة
http://www.jkdman.com/images/el%20viaje%20del%20varano/zellamse11.jpg
وعلى الطريق اخذت الصورة هذي لقرية زل ام سي
http://www.jkdman.com/images/el%20viaje%20del%20varano/zellamse14.jpg
وودعنا زل ام سي والنمسا كلها واخذنا القطار على المانيا لمدينة ميونخ وبرضو نزل علينا الثلج ، لكن ما اعجبتني إلا طبيعة النمسا ، وما أخذنا إلا كم يوم في المانيا وحملنا امتعتنا للسعودية.
http://www.jkdman.com/images/el%20viaje%20del%20varano/munich.jpg

يمكن تسألون انتم ما خيمتم اقول لك لا لأن وقتها هناك إنتهاء

ملاحظة :
توقيعي إلي تحت تراي خاطه بالثلج ( مهوب تراب !!!!! )

[الحاتمي]

وعليكم السلام ورحمة الله وبركاته
مشكور ياخبيرنا وماقصرت
ماشاء الله عليكم كشته رائعه لمكان اروع
وابداع في التقاط الصوروبصراحه المكان والطبيعه يستاهل العنوه
الله يعطيك العافيه ويسلمك
الحاااااااااااااااااااااااااتمي

[الطيب]

وعليكم السلام ورحمة الله وبركاته

حمدلله على السلامة

و ماقصرت على هالصور الحلوة ... امتعتنا كثيرا ...


لكن ولله يخوك قهر .... عندهم هالنعم و المناظر الجميلة و متصلطين علينا في الجزائر و تونس .. الخ ؟؟؟


يالله الجنه و بس

:)

[فـ(الجـوف)ـتى]

مشكور اخوى على الصور الرائعه

والحمدلله على السلامه ورحله سعيده

مشكووووووووووور

تحياتي لك 0

[اسير البر]

السلام عليكم

مشرفنا الغالي (الخبير) الحمدلله على السلامه

بصراحة الصور تتكلم عن نفسها في غاية الروعة

والاخراج في التصوير ابداع

بس عندي سؤال مادورت الصيد لانه باين ان ديارهم مليانه بانواع الصيد؟

تحياتي.....

[نقا هشال]

الخبير

لاتعبت

والحمدلله على السلامه

والف الف شكر على الصور الراااااااائعه

[راعي عنيزة]

يعطيك العافيه ابو وليد صور ممتعه وتشرح النفس وكاننا رايحين معكم لكن الفرق انكم دفعتوا وتخسرتوا وحنا تفرجنا ببلاش :D

صور خيال وزادتها الكاميرا خيال واليد الي ماسكة الكاميرا اخيل واخيل ;)
وليتك تعلمنا يا خلفهم تقريبا كم تكلفة الشخص بالباكج كامل ومعاملتهم هناك للعرب شلون ؟

[فرد حمزة]

أووووووووووووووووووه

وش ذى

وشنوحك ما عبيت مخابيك بثلج وجبتها لمكشات :D:D:D

صراحه مهما قلت وأبدعت في إختيار الكلمات والعبارات إلا أن الرحلة بمجملها وصورها أعجزت اللسان عن وصفها


أغلى تحية

أخوك

أبو همام

[حفرلوجيا]

أخوي الخبير : روعة ... وآمل أن تسمح لي بطرح رأي من خلال موضوعك :
شكرا ... يوم قلت ..مسموح :D
نطالع استطلاعات للأخوان في المنتدى .. وفي أغلبها صور فقط ..
وأرى ان هذا الإستطلاع أو التحقيق يمكن ان يكون ( نموذجا للشكل أو القالب .. بغض النظر عن الموضوع ) في كيفية أن يكون الإستطلاع ماتعا عندما يتم إضافة التعليقات والمعلومات والطرائف .. إلى الصور فتتحقق فوائد كثيرة كانت الصور فقط لاتكفي لتوضيحها .
طبعا التعليقات عندما تكون إضافة لجوانب .. وليست مجرد وصف للصورة ..
يعني تصور ( روضة ) وتقول بالتعليق : شاهدوا جمالها والغنم التي ترعى بها والجمل في ركن الصورة....
أو صورة لزحمة في أحد النفد المعروفة .. وتقول شاهدوا الزحام وكثرة السيارات .. طيب أنا اشوفها بدون ماتقول .. عطني اللي خلف الزحمة وكثرة السيارات
هنا تكون أفسدت علي متعة ( تذوق ) الصورة .. ولكن عندما تعطيني إضافات وإضاءات لما ( خلف ) الصورة ..أقول عمل متعوب عليه واللي أعده يبي يمتعني ..
ماهي فلسفة ياأخوان لكن عندما أطالع مثل تحقيق أخوي الخبير .. وغيرها من امثال تحقيقات الأخوان المسفهل وصقر .. وقبل أيام جارود وغيرهم ... اقول .. وبدون عتب .. هناك فرق.

[حفرلوجيا]

تنويه :

إلتبس على أحد الأعزاء بعض المقصود بالعبارات في ردي أعلاه .. ولكن بعد ما( زلقت ) فرصة 120 دقيقة
عندما قلت هناك فرق .. أقصد :
هذا التحقيق وتحقيقات الأخوان المسفهل وصقر وجارود ( ومن خانتني الذاكرة في تذكرهم:D ) في جهة ... وبقية التحقيقات في جهة أخرى ..
يعني تبي تستمتع ( وهذا رأيي ) راجع تحقيقات الأخوان اللي ذكرتهم أعلاه ..فيها فرق عن التحقيقات الاخرى اللي تحط صور وبس ..
وبدون زعل .. نورونا بالتعليقات والشروحات الإضافية ( الإخبارية تحديدا ) .. واللي عجل .. معذور :D

[نفل]

السلام عليكم ورحمة الله وبركاته

اخوي الخبير

صور اكثر من رائعة وسبحان من عطاهم جنة الدنيا ومشاءالله عليك مصور محترف واللي يشوف الصور يقول
يقول ان من لقطها احد المصورين المشهورين مشاءالله عليك .

والله يعطيك العافية وجزاك الله خير

اخوك نفل

[جاروود]

بسم الله الرحمن الرحيم
السلام عليكم ورحمة الله وبركاته
صور رائعه جدا
بس اتوقع ماعندهم ريحة نفل ولا خزاما !!!!!!!!!!!!!!!!!!!!!!!!!!!!!!!!!!!!!
بس اقولك اخوي الخبير
تصدق وش قاعد افكر فيه اقول في الصوره الي فيها ثلج وشلون يبون يلقون حطب يشبونه !!!
الله يعطيك العافية على ها الصور

[ابو عمر اللاحم]

الله يعطيك العافيه يا مشرفنا الغالي .

صور روعه بس ينقصها التقرير والاجابه على الاسئلة الشائعه .


تقبل احلى تحيه،،،

[القماري]

روعـــــــــــــــــــــه يالخبير
صور غاية في التقنية والإبداع وذكرتنا بالثلج إلي نزل على المنطقة الشرقية العام الماضي وكان إرتفاعه 2 ملم وتم بالشارع ثانيتين بس ونكتب عنه بالصحف والمنتديات ، بس مالحقنا نصوره :D
حمد الله عالسلامة ومشكور

[الخبير]

السلام عليكم ورحمة الله وبركاته

حيا الله الشباب والحمد لله ان الصور جازت لكم

مهما قلت لكم يا شباب صدقوني ما اقدر اعبر عن فرحتي بتعليقاتكم ( حتى الصور ما تعبر عن شعوري ) .

ابو حمد الرحلة مع التذاكر و السكن و النقل و الأكل والهدايا 9000 يمكن تكون واجد لكن صدقوني انها رخيصة.

حفر لوجيا اتمنى يكون الموضوع جاز لك ( انا ما فهمت وش قصدك وأبي آخذه على ان الموضوع جاز لك :cool: ).

[عاشق الصفاري]

تسلم والله يالخبير على هالرحلة الجميلة .. وودي اسألك وش عشاكم او غداكم زين ولا لا ؟؟!!!

[عبدالعزيز الدباسي]

لا تحاول تقنعني يا ابو وليد اني اخاويك المرة الجاية ،،، انا غير الصمان ما اروح .
----------------

تسلم يالغالي على هالصور الاكثر من رائعة ، والاختيار الموفق للامكان ، الحقيقة تغطية كاملة وشفنا كل شى عندهم ، والبركة في لمساتك يالغالي .

-----------
ابو وليد ، خالي حفرلوجيا يقول الشىء اللي نشوفه ( نشوفه ) والاشياء اللي خلف الكواليس ما نشوفها ، علشان كذا يبيك تعطينا معلومات عن اللي خلف الكواليس ، انت ما تشوف طاش ما طاش اخر حلقة يسمونها ( شى ما شفتوه ) وتكون الحلقة احسن الحلقات ،،،،;) ;)

[ابو شكاع]

صور ولا ارووووووووووووووووووووووع

واحد من الزملاء كان يتكلم لي كثير عن النمساااااا

وكان يروح له

ويقول طبيعتها شي شي شي شي

بس محاتيسكم اللي هو انا ابعد ما رحت له فندق الفالح اللي بالزلفي ههههههههههههه

والنعم والله بأهل الزلفي على راسي

لكن الصور اللي حطيتهن وانا اخوك ولو انهن ما طلعن كلهن لكن حلوات بقوة

والأحلى تعليقاتك اللي ضحكتن مثل حقت فين تشتغل ............ وحقت فلم كرتون هههههههههه

لاهنت

وتسلم

[الخبير]

السلام عليكم
معليش يا حفرولوجيا مافهمت قصدك وما قصرت يا ابو عبد الله على الشرح والتوضيح.
هناك ما فيه إلامشي وقطع مسافات يعني يومياً نمشي 6 ساعات بلا مبالغة، الأكل ما شاء الله هوام ناكل أي شئ ونحرص على السمك.

فيه بعض السواليف إلي حرصوا علي بعض الشباب إني ما اذكرها لكني ابي أذكرها وما علي من أحد.

حنا يالي رحنا عددنا 4 شباب في عمر الزهور، في بعض المدن تضطر إنك تاخذ غرف بس لأنك ما لقيت شقق، المهم حنا ما نبي ناخذ لنا من الفنادق الفخمة والأجنحة الفارهه، لكن ما ودنا نسكن في عشش، بس تصدقون ان فنادقهم احسن من فنادقنا . ماعلينا في احد الفنادق إلي سكناها إضطرينا ننقسم إلى نفرين نفرين فرحت انا وخويي لغرفتنا تعبانين، وكان ضايق صدر ورحت اوسع الصدر في بيت الراحة تكرمون، يوم إني دخلت الدورة ولا العلوم مهيب طيبة والوضع ما يطمن ( هو صحيح إلى انا اشوفه ولا لا ؟؟؟ ) طلع ما فيه جدار يفصل دورة المياة عن الغرفة لكنهم ما قصروا حاطين قزاز شفاف يعني إلي في الغرفة يشوف إلي يوسع صدره و العكس ;) .
قمنا وكلمناهم وعطونا غرفة ثانية المصيبة كان فيها زي التمثال قلنا العوض ولا القطيعة انا وخويي نمنا، ولكن ربي إلي في الغرفة الثانية ما نام واحد منهم خايف من المجسم ( المجسم صورة واحد اسود متكي على الكرسي ) :D

وفي فنيدق ثاني في احدى المدن دخلت انا وخويي الغرفة وقررنا نصلي، المهم قال صل يا فلان قلت تم وانا إلي اقيم و اكبر.
( الحمد لله رب العالمين الرحمن الرحيم ) ورافع صوتي المهم يوم إنتهيت من الفاتحة ولا خويي رد معي ( آمين ) الوضع ما جاز لي انا اقرأ الفاتحة جهراً وخويي يأمن والشمس طالعة ما يصير . يوم تذكرنا إننا قاعدين نصلي الظهر.

ابي اسكت عن باقي السوالف.

[شقران]

اوف ياشيخ نكدتا علي ونخبشت الذكريات.

يوالله الديره اذكرها من عام 94 ميلادي وكني رايحن له البارح

الله الله ديرة هايدي............وبيتر ههههههههههه
يازينه زيناه ويوالله الي فيها صيد بس غديكم تحينتوا وقت الصيد وتراخيصه.

سلمت اليدين يابوذيب ماعني وعن مخاواك في الرحلة الجاية باذن الله ونص التذكرة حقك علي
وش قلت

:D :p :D

[المسفهل]

والله اللي خربت علينا الدهنا والصمان ياأبو وليد ...

وش ها الجمال وش هالروعة والله ما كنت أعرف أن الدنيا فيها مثل

ما رأيت وكنت إذا شفت أبها وهاك الدياراللي حولها أظن أن هذا منتهى

الجمال ونهاية الدنيا وإذا وصلت إلى جدة تمسكت بأكبر حجر على الساحل

خوفا من السقوط في ثقب الأوزون لظني أن هذا آخر الكرة الارضية :D

[هواوي]

الخبير

وش سويت فينا يا خوي

غيرت كل خططي للصيف بل لبنان بلا هم

صراحه حتى البر عندنا بنعافه بعد ذا الصور

باذن الواحد الاح اني رايح رايح

سؤال اخير متى افضل وقت لزيارتها ؟؟؟

[رعد الجنوب]

السلام عليكم ورحمة الله وبركاته

صور جميلة جدا ورحلة رائعه

مشكور اخونا الخبير لقد اثرت الشجون

واعدتنا الى ماضي قريب فعلا مدينة رائعه

وتستاهل الواحد يعني لها .

تحياتي

[الشاقي]

اقول يالخبير ماناقصك الا شوي سمر وكم حبة قطا تقلبهن على جال هالأنهار
حفظك الله من كل عين يالخبير

[ميراج]

الاخ الخبير السلام عليكم ورحمة الله وبركاته

مشكور على الصور والتعليق الرائع بس ترى فى الشتاء ما تصلح ولا بريال

تقبل تحياتى

[مطخطخ]

والله انك شوقتني ياخوي للاسف عجزت اطلع الصور , ياريت أعرف ليه اللي عندهم خبرة يساعدونا ,

تحياتي ................

[الخبير]

سبب إن الصور ما طلعت لك يا مطخطخ هي وحدة من ثنتين:
الأولى إنك تدخل على الإنترنت من العمل وبعض الشركات تحجب بعض المواقع المجانية.

الثاني وهو الأرجح: ان الموضوع ولله الحمد جاز للشباب وكثروا زواره فالموقع المجاني إلي أنا حاط فيه الصور تعدى الباندودث المخصص لي وقفلته الشركة لكنه يعد تشغيلة بعد 24 ساعة.

اعتذر وبشدة للشباب إلي ما طلعت لهم الصور ولكن خيرها في غيرها.

[للرفع]

للرفع


..............................

[أخت مبارك]

للاسف ماطلعت الصور