اريد ورشة تركب بطارية إحتياطية

[عاشق النفد]

السلام عليكم ورحمة الله وبركاته


الله لايهينكم فزعة أريد ورشة تركب بطارية إحتياطية للحوض في بريدة




الله يعطيكم العافية

[هـدد]

ببرييييييييييييييييييييييييييييييده والله مآدري بس بالرياض به مركز السوافي جيد بالحيل بس انه غالي

[عاشق النفد]

ما عندك مشكلة عطنا وصفه

و إن حصل رقمه


عسا ما طولنا عليك

[إعصار]

أبشر بالسعد ..


ورشة سوافي الدائري مخرج 18..


رقم صاحب الورشة ..********05

رقم المعلم ..********05

والله يوفقك لكل خير ..






تم تحرير المشاركة بواسطة المشرف
يمنع وضع ارقام هواتف

[2000005]

طيب بكم يركبونها؟؟

[سرهيد]

السلام عليكم

سوافي يمدحونه بس عذروبة الغلا الزائد

فيه محل ورشة عادية كهربائي فلبيني يركب بسعر زهيد بس تجيب الاغراض انت

وركبت عنده التسليك لان التسليك كان عندي فيه مشكلة لاني ما ركبت عند سوافي ولم اعلم بها الا عندما ركبت البطارية

ولكن لي شهرين والوضع زي الحلاوة

واذا رغبت فيه بدلا من سوافي عطيتك الوصف

ما فيه شك شغل سوافي لا يُعلى عليه لكن غالي مرررررررة

كنت مجهز البطارية وكل شيء بس ابيه يشبك الكهرباء لي صح قال بـ 400 ريال فقط الشبكية

مما جعلني ابحث عن غيره حتى تم وصف هذه الورشة اللي صلحت عنده لزومي وبسعر زين

وللمعلومية سوافي يصلح البطارية كامله ما بين 750 الى 800 ريال


تقبل احترامي

اخوك

ابو عبدالله

[بيبسي]

سوافي ناس مجربينه ويمدحونه ....

[عاشق النفد]

عزيزي سهريد


الفلبيني يركبها بــ 400 ؟

طيب كم الأغراض وماهي

واين مكانة

وجزاك الله خير

[ابوعقل]

صحيح سوافي شغلهم ممتاز

بس السعر غالي

[شامخ ألهيلا]

اخوي افرق 300 ريال واشتر رااحت بالك عند السوافي متخصصين ويضمنوون لك شغلهم والتشبيك عال العاال

[بارود سدير]

السلام عليكم ورحمة الله وبركاته
ان بغيت الشغل الزين والمضمون فرح لسوافي

[سرهيد]

عزيزي سهريد


الفلبيني يركبها بــ 400 ؟

طيب كم الأغراض وماهي

واين مكانة

وجزاك الله خير

السلام عليكم

اخوي الكريم انت مرة وهو بيقول لك وش الطلبات

وهذا وصفه

وانت عند نفق السويدي ، خله في قفاك ووجهك شمال ، تجيك اشارة تعدها بعد الاشارة على طول تقاطع رح يسار يصير وجهك غرب

بعد مسافة 300 الى 400 تلقى ورشة على اليمين واسأله عنه اسمه ( القطو )

ادري بتضحك ، انا قبلك ضحكت واستغربت فلبيني اسمه قطو ، وبيقول نعم انا قتوووووو :):):):)

تقبل احترامي

اخوك

ابو عبدالله

[فارس مكشات]

هلا اخوي عاشق النفد في بريده في صناعية الرواف ورشه العثمان للكهرباء تخصصهم الشغلات هذي وان كنت ماني واهم تكلفك 350 ريال والله اعلم لاني زمان سائلهم وشكرا واسف على الاطاله

[عاشق النفد]

عوافي





مشكوري وما قصرتو

[(مواصل)]

عاشق مادري انت لقيت مطلوبك او لا
لكن فيه ورشة العثيم بصناعية الرواف ببريده كهربائي ويمدحونه الشباب بس مادري عن شغله وسعره

[عرين]

عاشق مادري انت لقيت مطلوبك او لا
لكن فيه ورشة العثيم بصناعية الرواف ببريده كهربائي ويمدحونه الشباب بس مادري عن شغله وسعره

جيد وله الثناء في بريدة

[مجالس الرجال]

مساء الخير 000
انا من رايي انك انت تصلحها لان شغله سهل قاعده وسلك 10 ملي وان حصل نفس اللي بطارية شد بلد ومحول او يسميه بعضهم دقمه وركب جرجور معزول بعزل حراري وركب- فيز-علشان لو صار فيه التماس يفصل الكهرب هاذا يبي يكلف تقريبا 150 بدون البطاريه

[شامخ ألهيلا]

اخوي مجالس الرجال ان كان عندك خبره في التركيب افزع لنا انت يااخوك

انا نااوي اركبها وابي همتك معي اذا هي ارخص

[لعّاب المنايا]

فور بي فور 4×4 طريق العروبه بالرياض قبل ماي كار

على كيفك وسعره معقول وشغله غير طبيعي بيعجبك

[مجالس الرجال]

اخوي مجالس الرجال ان كان عندك خبره في التركيب افزع لنا انت يااخوك

انا نااوي اركبها وابي همتك معي اذا هي ارخص
هلابك يالغالي ولايهمك انا معك حبه حبه واذا انت ببريده احسن واسرع

[شامخ ألهيلا]

هلابك يالغالي ولايهمك انا معك حبه حبه واذا انت ببريده احسن واسرع


ياجعلك سالم وغانم يالذيب ان شاء الله عن زيارتي لسنيدي بالقصيم رااح اعطيك خبر
بس جهز العدة والكاميرا علشان نصور الطريق اول باوول ونزلها في المنتدى

شف اخوي انا اول واحد مجاني ولي بعدي بيركبون عندك لاتنسانا من النسبه :D :D

[سرهيد]

مساء الخير 000
انا من رايي انك انت تصلحها لان شغله سهل قاعده وسلك 10 ملي وان حصل نفس اللي بطارية شد بلد ومحول او يسميه بعضهم دقمه وركب جرجور معزول بعزل حراري وركب- فيز-علشان لو صار فيه التماس يفصل الكهرب هاذا يبي يكلف تقريبا 150 بدون البطاريه

هي فعلا سهلة

وقد ركبت نفس ما ذكرت لكن ما مشي الحال الدقمة تنحرق على طول

وما صلح معي الا دقمة مروحة مكيف كابرس 88

هي اللي مشت معي الى هذه اللحظة

وفعلا ترا الامر سهل واشوف حقين الورش المتخصصين يبالغون في سعرهم مررررررررررة

تقبلوا احترامي

[مجالس الرجال]

ابد انا مستعد لكن لايفهمون الربع ان عندي ورشه
انا رجال احب امخمخ وادور على الحدادين واروح لقطع الغيار واروح لمحلات البطاريات واشتغل الباقي بنفسي وهذااللي خلان اوفر

[ق ب ب 726]

فيه محل اسمه 4×4 ' طريق العروبة
كانك رايح لمستشفى الملك خالد للعيون تلاقيه على اليمين
بجنبه محل تلميع سيارات
ولوحة المحل على خبري مهيب واضحه بس مكتوب عليها لصيانة السيارات بخط كبير و4×4 بخط صغير
بالماريه فيه محطه بعد المحل يعني وانت داخل المحطه رح تلقى باب الورشه مقابل المحطة يفتح غربي
وباب المحل يفتح جنوب


وشغلهم شغل طيب وماعليه كلام
ونصيحه مجرب لا تتعبث بكهرب السياره ولاتدور الرخيص اللي تشك بشغله فرح للمضمون وتوكل على ربكـ

[مجالس الرجال]

هي فعلا سهلة

وقد ركبت نفس ما ذكرت لكن ما مشي الحال الدقمة تنحرق على طول

وما صلح معي الا دقمة مروحة مكيف كابرس 88

هي اللي مشت معي الى هذه اللحظة

وفعلا ترا الامر سهل واشوف حقين الورش المتخصصين يبالغون في سعرهم مررررررررررة

تقبلوا احترامي


صادق والله وانا ان شاء الله ابنزل صور لموتري بعد مااخلص من تركيب (الونش-البطاريه-تانكي تحت الموتر-درج بالشنطه-سلك كهرب الى الشنطه)طبعا الموتر اف جي واللي بيي يشتغل نفس شغلي وطريقتي يبي يوفر تقريبا النصف من استغلال الورش المطاميع

[مدهوش]

يا صاحب الموضوع انت ببريدة والورشة موجودة ببريدة وشغل فاخر في صناعية الرواف عند العثيم (أبو إبراهيم)