باجيرو ربع .. وش هو من لحية ؟ وكم ياصل سعره

[شغوف]

السلام عليكم ..
يا إخوان .. أنا حاط عيني على باجيرو ربع ،
وودي أعرف تجارب الأعضاء معه ..
ومن جرّب فيا ليت ينوّرنا !
وكم ياصل سعره ؟
وأين يوجد ، حيث أنه نادر ..
وما هي أنواعه ؟

وهذي صورة عينة :
http://file8.9q9q.net/img/82587142/------.jpg (http://file8.9q9q.net/preview/82587142/------.jpg.html)

[HONDA 888]

انا عندي واحد موديل 2001
الشكل الي قبل الي في الصوره
والله انه شنب وين ما بغيت خف وقوة ولطافة بس عيبة بطنه وسيع يحب البنزين واجد
وسلامتك

[شغوف]

مشكور أخوي هوندا ..
بس الموديل الجديد من 2002 وفوق شكل صرفيته زينة ...
لأني سألت واحد معه 2003 وقال :
أنه يجي من القصيم إلى الرياض والأمبير تحت النص بشوي..
فشكل المشكلة فيه أخف ..

[خ الفياض]

الحقيقه موتر وحقه مهضوووووووووم اعلاميا بس لايفك فمه تراه بلشه

[شامخ ألهيلا]

موتر جيد وصبور بالحيل
ومريح وقوي في البر ونشيط

عيوبه
ارتفاع قطع غياره فقط

[رقبة حاشي]

خلاصة الكلام /
الموتر لا يعلى عليه ..................
كرف = كرف اكثر من كرف (الحمير) كرمتم
لا يطلب صيانه = الشركة فاعده تخسر لان سياراتها تعمر
خذ مثال الفرامل تعيش = 1.5 سنه
البواجي = 2 سنه
الجنزير = كل 5 سنوات . والباقي ما يطلب
قطعه الان مثل اللاند كروزر (بعض القطع ارخص وبعضها اغلى) اللي يصدق يصدق واللي مايصدق بكيفه
زي السيارة اللي ذكرت مشت مع واحد اعرفه اكثر من 600 ألف ولا وظب لا مكينه ولا قير
المشكله ان السياره في نجد فقط غريبه وغير معروفه لسبب ان الناس معلقين باللاندكروزر للسمعه فقط ....
والله من وراء القصد...................................

[شغوف]

[quote=قطعه الان مثل اللاند كروزر (بعض القطع ارخص وبعضها اغلى) اللي يصدق يصدق واللي مايصدق بكيفه
quote]
صدقت أخوي ..
واحد أعرفه غير الكلتش مع الصحن بـ 700 ريال .
وبعدين مثل الباث فندر وغيره . قطع غياره أتوقع أغلى في بعض الأشياء .
يكفيك مساعدات الباثفندر بكم !!
فمسألة القطع الحين صارت واضحة ( حول بعض ) .
لكن مثل هذا وين يلقى ؟

[xahmaedx]

بسم الله الرحمن الرحيم
احب ارد على الاستفسار واكتب كمجرب كلام الشباب كله صحيح ومن ناحية الكلتش مغيره قبل سنه
850 ريال وهذي اول مره يتغير مع ان السياره موديل 98 يعني لها 10 سنوات ماشاء الله
ولا توضيب ولا خرابيط والموتر حق كرف وعزم مايحتاج من تحط رجلك الا وهو مصفي الطبلون
وصرفيته معقوله بس عاد يحتاج محافظه تغير الزيت في وقته والفلاتر و الخرابيط
هذا والله اعلم اذا كنت غلطت الرجاء الرد
اخوك xahmaedx

[مخ سعودي]

اخي الفاضل
السيارة تم تجربتها من قبلي
كل ماذكر الاخوان صحيح
لكن يعيبها مطبها قاسي بالحيل
السرعة وعند المنحيات يطير قلبك من كراسية
بس عليه صبر وخدوم والبنزين طبيعي بالمرة يعني ماددق عليه الصرفية
لكن الصراحة هل هو عند البيع يجيب شي ولا غالي على الفاضي

[ford]

كم سعره جديد ؟

[شاص2007]

انا اشوف يا أخوي الناس تسبه من ناحية قطع الغيار مدري الكلام هذا صحيح ولا لا

[سطام vip]

اقول توكل على الله الي ما يعرف للصقر يشويه

والباجيرو سيااااااااااره على كيف كيفك

والقطع كل الجيوب قطعها غاااااااااليه

وللمعلوميه القطع انواع في المسيتوبيشي

فيه صناعه وتايلنديه وكوري وياباني وياباني اصلي

والله يوفق الجميع

[ناصر الدهمشي]

والله انا كان عندي 99 وكالة شارية فل اوبشن
ممتاااز كديته كد مايقرقع والدبل حقه قوي لكن مشكلته ياكل بانزين
ويناقز بالمطاب لكن الموديل الجديد وخاصة اللي حاط صورته
يقولون زين لكن ماجربته
لكن الوكيل هنا فاشل وقطع الغيار تشوي شوي
والله يزرقك بالسيارة المبروكة

[كرم نت]

السلام عليكم
أخوي شغوف لا تتردد المتر يتحمل وأنا أدور باجيرو ربع الموديل من 2002 إلى 2004 إذا انك تخبرلي أرجو أنك تراسلني وسعيك محفوظ

[HONDA 888]

السلام عليكم
أخوي شغوف لا تتردد المتر يتحمل وأنا أدور باجيرو ربع الموديل من 2002 إلى 2004 إذا انك تخبرلي أرجو أنك تراسلني وسعيك محفوظ
فية عندي واحد موديل 99 (انا قلت في رد لي سابق انة 2001)عذرا خطا مدري لية ماسكة معي انة 2001:D
لو اقولك من كثر النضافة الي فية ما راح تصدق فوق ما تتصور
ماشي 107000
يعني لو حسبنا معدل مشية في السنة طلع 11888 كلم والله اشوفها قليله مره
قير ومكينة وبدي ودبل وجميع عضلات السيارة على الفحص
ومن جوتة باقي مراتبة وديكوراتة جديدة
عب بنزين وغير زيت وتوكل على الله

للبيع اذا لك خاطر انت او احد اخوانا هل مكشات

[HONDA 888]

وهذي صورة لموتر اخونا مكشات بعد اذنة
وموتر نفس موترة بالضبط
http://www.mekshat.com/pix/upload02/images67/mk1_09.jpg

[كرم نت]

فية عندي واحد موديل 99 (انا قلت في رد لي سابق انة 2001)عذرا خطا مدري لية ماسكة معي انة 2001:D
لو اقولك من كثر النضافة الي فية ما راح تصدق فوق ما تتصور
ماشي 107000
يعني لو حسبنا معدل مشية في السنة طلع 11888 كلم والله اشوفها قليله مره
قير ومكينة وبدي ودبل وجميع عضلات السيارة على الفحص
ومن جوتة باقي مراتبة وديكوراتة جديدة
عب بنزين وغير زيت وتوكل على الله

للبيع اذا لك خاطر انت او احد اخوانا هل مكشات

مشكور أخوي هوندا على التفاعل بس ممكن تعلمني تبي فيه كم
ولكم جزيل الشكر

[الستانس]

الشباب فيهم البركه ماقصرو

[HONDA 888]

نسمع سومتك يا كرم

[كرم نت]

والله وانا أخوك ما أعرف أسعار الباجيرو حده علي

ويقولون إن مكينة الباجيرو تجي نوعين ممكن توضح لي قوة المكينة