استفسار عن كمبيوتر الشروكي

[hunterq8]

السلام عليكم ..

يا اخوان عندي شروكي سبورت امريكي موديل 2000

خرب عندي الكمبيوتر سكيورتي رقمه 635 Af ..

المشكله اني ما حصلت الكمبيوتر بالسكراب .. والوكاله يقولون لازم طلبيه ويكلف 300 دينار كويتي

سعر الكمبيوتر بالسكراب 100 دينار ..

اتمنى تفيدوني جزاكم الله خير

[Magellan]

مايقدر يفيدك إلا فني الشروكيات
طبعا أتذكر رد عليك وقال موجود عنده بورشته (كراج ماله) بالرياض بسعر 1500 ريال
يعني فوق 115 دينار

[شاص&نص]

في طريقة أتذكر وضعها أحد الأعضاء و هي بإختصار أن الرجل خرب عليه كمبيوتر الشروكي فقام و فكة و وداه لم محل تصليح الأجهزة الاكترونيه وفحصه عند المحل بجهاز فحص المقاومات ووجد أحد الايسيات خربان فقام بتغييره و ضبطت معه الشغلة و لا كلفته شي

فأتمنى أنك تجربها و منت خسران شي

أخوك أبو عبدالكريم

[hunterq8]

اخوي ما جلان سعره 1500 وبالرياض ما يسوى وانا اخوك ..

شاص نص .. كلامك صحيح الايسيات خربانه انا حاولت اصلحه لكن للاسف لم يجد له ايسيات

جزاكم الله خير ..

[Magellan]

1500 أعتقد سعره مناسب جدا جدا
أنا كنت الإسبوع اللي طاف عند وكيل GM ،فكان يحاكي واحد عنده همر مختربه عليه الكمبيوتر
والموظف قاعد يبربر عليه بقيمة الإصلاح ووصلها معاه إلى 11700 ريال

أنت مشكلتك أكيد من IC وconductor و capacitor والشغلات هذي ، ولو حصلتها راح تكون بأرخص الأثمان لكن مين يقدر يسويها لازم تجيبها من السكراب وتصلحها
على العموم أتوقع الموتر عندك سكراب عشان كذا إنت ماتبغى تخسر عليه

[شروكي ربع]

اذا تبي اشوف لك واحد بالرياض راسلني على الخاص وابشر .

[6670]

اخوي العزيز لوتحصل كهربائي فاهم يلغي السكرتي صارت مع شخص بالاوبل ومادراك مالاوبل الغاه الكهربائي جميع الحساسات عدا الاشياء التي تدير السياره .