وش أفضل طريق من جدة لحفرالباطن ؟

[الدبل الثقيل]

السلام عليكم ورحمة الله وبركاته ....

يا اخوان وش افضل طريق من جدة للحفر ؟

السيارة كامري والركاب عزوبية والغرض قضاء مصلحه والرجوع فقط ... والرحله يمكن هذا الشهر او اللي بعده... لمدة 3ايام تزيد او تنقص حسب الظروف...

وجزاكم الله خير

[راعي سنام]

من جده الي مكه الي ظلم الي عفيف الي المجمعه الي حفر الباطن

بالسلامه

[الدبل الثقيل]

جزاك الله خير ...... كم المسافه تقريبا ؟

[راعي الرجم]

من جدة الى عفيف ................./ 600 كم
بعد عفيف ب4 كم ياتيك مفرق القصيم اتجه شمال الى ضرية ثم مسكة
ثم الهمجة ثم الرس ثم عنيزة
من عفيف الى الرس ................./ 230 كم
من الرس الى عنيزة................./ 60 كم
من عنيزة الى الزلفي ................./89 كم
من الزلفي الى الارطاوية ............./ 60 كم
من الارطاوية الى حفر الباطن ........../ 260 كم
وهناك طرق اخرى سلوك طريق المدينه السريع ثم القصيم ثم بعد القصيم ب40 كم ياتيك مفرق الزلفي
والمسافة من جدة الى القصيم عبر المدينه تقريبا 930 كم

[الدبل الثقيل]

جزاك الله خير .... لكن وش افضل ؟ طريق عفيف ولى المدينه القصيم الحفر

[راعي الرجم]

طريق عفيف زين للي يمشي بركاده كله محطات ودير
واقرب من طريق المدينه القصيم السريع
بس طريق جدة المدينه القصيم سريع الين بعد عنيزة وبريدة ب40 كم وهو سريع
ثم يجيك مفرق الزلفي تمشي معه حوالي 100 كم تمر الزلفي وتعداه الى الارطاوية طريق مفرد ثم سريع الى الحفر
الفرق بين المدينه وعفيف ان طريق المدينه سريع وطريق عفيف فيه وصلات طريق مفرد

[دحيم الاول]

جده- الطائف- مفرق ظلم-عفيف-الدوادمي-شقراء-المجمعه-الارطاوية- مدينة الملك خالد العسكرية- حفرالباطن

المسافة بحدود 1100 كم

و الممشى يفضل ليلا عشان الحرارة

[آل مغيرة2011]

من جدة الى عفيف ................./ 600 كم

بعد عفيف ب4 كم ياتيك مفرق القصيم اتجه شمال الى ضرية ثم مسكة
ثم الهمجة ثم الرس ثم عنيزة
من عفيف الى الرس ................./ 230 كم
من الرس الى عنيزة................./ 60 كم
من عنيزة الى الزلفي ................./89 كم
من الزلفي الى الارطاوية ............./ 60 كم
من الارطاوية الى حفر الباطن ........../ 260 كم
وهناك طرق اخرى سلوك طريق المدينه السريع ثم القصيم ثم بعد القصيم ب40 كم ياتيك مفرق الزلفي

والمسافة من جدة الى القصيم عبر المدينه تقريبا 930 كم


وصف راااااااااائع جدا

[الدبل الثقيل]

ماقصرتوا ياالذيابه .... الله يبيض وجيهكم ويفرج همومكم...

وجزاكم الله خير .

[النشمي11]

حرام عليكم

وراكم قلعتوا الرجال

أفضل طريق هو

للمدينة طريق سريع 380 كم

للقصيم طريق سريع 450 كم

للزلفي طريق سريع 120 كم

ثم 250 بعد الزلفي سيد واحد وانت في الحفر ان شاء الله

لا عفيف ولا ظلم ولا هم يحزنون

[بيبسي]

حرام عليكم

وراكم قلعتوا الرجال

أفضل طريق هو

للمدينة طريق سريع 380 كم

للقصيم طريق سريع 450 كم

للزلفي طريق سريع 120 كم

ثم 250 بعد الزلفي سيد واحد وانت في الحفر ان شاء الله

لا عفيف ولا ظلم ولا هم يحزنون

اتوقع ان هذي اقرب واحسن طريق

[ابوشوق المزيني]

ما قصروا الشباب

[الدبل الثقيل]

جزاكم الله خير ... جميعا ..

[ناصر الدهمشي]

ماقصروا الاخوان :)
لكن طيارة وانا اخوك وريح بالك
وخلص شغلك وفك عمرك من هالشوارع
بهالحر ولو انها مكلفه شوي
لكنها اريح لانك رايح مصلحه وراجع
من جدة لمدينة الملك خالد على الخطوط السعودية
او من جدة للقيصومة على ناس

او انك تمتر هالخطوط والله يعينك ويستر عليك ويوصلك بالسلامه
لو يحطون لنا قطارات سريعه مثل هالعالم وتريح هالناس من هالمشاوير
المتعبه ...

[الدبل الثقيل]

حزاك الله خير.... لو بيدي ماشاورت ...