رحلة لاعضاء منتدى مكشات

[Khalid AlGhamdi]

السلام عليكم ورحمة الله

قبل الاسبوع الماضي التقينا انا والاخ رمش العيم في الصمان على الايكوم ، والخميس والجمعه الماضي كنت انا في الصمان وكان الاخ راعي عنيزة بعد في الصمان ، حسب ماكتبنا من مواضيع

والاقتراح هو ،،

وش رايك نرتب طلعة يشترك فيها اعضاء المنتدى ؟ تكون في عطلة نهاية الاسبوع

وتكون بعد اسبوعين مثلا حتى يكون فيه وقت لترتيب الكشته ، خصوصا انكم عارفين ان هذا احلى وقت للكشتات واذا جاء الصيف بتكون الكشتات قليله ...

وتكون فرصه ان شاء الله اننا نشوف بعضنا البعض ونتعرف على الوجيه الطيبه ، ويصير فيه طلعات متواصله لو قلنا انها مره كل شهر او شهرين في المستقبل ،

وبانتظار ارائكم .

[* رمش العين *]

يعطيك العافيه اخوي MaxPower انا موافق على الفكرة وجاهز باي وقت بالموتر والعزبه والخيمه بس امروا يا مكاشيت مكشات

[عريدان]

السلام عليكم ورحمة الله وبركاته
الحقيقه أنا إنتظرت وقت ليس قصير بالنسبه لرؤية لو رد واحد ولكن للأسف كما توقعت لم يشار أحد وأنا أعتقد أن كل واحد منا سيدور في خلده هذا التساؤل 1: إذا كان هناك طلعه لأعضاء مكشات وأنا من المؤيدين للتعارف من خلال طلعة مشتركه و إذا كان العدد كبير جداً فإن المسألة لا تعدو كونها تجمع من غير فائده أضف إلى ذلك هل أنني سآتيكم بأسمي المستعار أم الحقيقيي بهذا اللقاء.
وأقترح هنا أن كل منتدى فرعي في مكشات يكون فيه تشابه في الهوايه وبالتالي يحددون يوماً وشخصاً منهم إما يكون المنسق مع المشرف العام و يتبرع مع آخرين بتجهيز المخيم التعارفي ولمدة يوم واحد وبإشتراك رمزي يدفع للمنسق مسبقاً. وأن يتم التعارف بحسب الإسم الحقيقي مع مسمى العضوالمستعار.

[همس العيون]

بصراحه فكره جمله علشان الكل يطالع أعضاء المنتدى

بس........:( :(


أنا ما يتاخذوني معاكم .....:confused:

[راعي عنيزة]

مشالله عليكم سمعتو بعض بالكنود انا مليت وانا اصوت وما حولي احد :(
واخرتها مليت وحولت على قناة 164325 وقعدت اتسمع على بلاغات امن الطرق :D

اقترح نخصص لنا قناة غير العامه نصوت فيها على ربع مكشات مثلا 144500

[Khalid AlGhamdi]

اخوي رمش العين مشكور على تجاوبك :)

اخوي عريدان وعليكم السلام ورحمة الله وبركاته

اولا ماعتقد ان العدد بيكون كبير ، لان اعضاء مشكات ماهم من منطقه وحده فيه من اهل الرياض وفيه اللي بالقصيم والشمال والجنوب ....... الخ ..


لذلك الكشته بتكون حسب المنطقة ( اقتراح فقط ) وبيكون فيه رسم بسيط يكون مسؤول عنه مثلا الاخ المشرف او اي احد يتبرع يستلمها ،،، مثل ماقترحت انت ..

ونسوي كشته يوم واحد كبداية في المناطق القريبه وخللا هالكشته هذي بيصير فيه تعارف عن قرب ووقتها ممكن الاعضاء ينسجمون مع بعض ويصير بينهم طلعات مستقبليه تقوي العلاقة بينهم ،،


عموما يا اخوان الاربعاء بعد القادم الموافق 15 / ذو القعدة ..

انا مستعد اطلع ، والاخ رمش العين جاهز
واي واحد يبي يشاركنا يقول انا معاكم ، ووقتها نحط واحد من الاخوان يحط رقم جواله ويدقون عليه الشباب وينسق الطلعه ..


واذا عندكم راي ثاني افيدونا ، ، وبانتظار تفاعلكم :) ..

[Khalid AlGhamdi]

الاخت همس العيون ، اقترح تسوين كشته لعضوات مكشات مع اني اظنك العضوه الوحيده هنا :D

اخوي راعي عنزية وانا مثلك والله تعبت على الايكوم وانا انادي ماحد يجاوب واقتراحك رهييييييييييييييب

انا بانتظار القناة اللي تتفقون عليهاويكون النداء مثلا بـ ( يالمكشات ) ..

[* رمش العين *]

والله اني واجهت نفس مشكلتكم يااخواني MaxPower و راعي عنيزه بالنسبه للمنادات بالجهاز على شباب مكشات وخلونا حنا الثلاثه نبداء باعتماد القناة الي قاله اخوي راعي عنيزة 144500 وتاكدو انه راح تنتشر بين الاعضاء بس حنا نبدابه

وياحـبـنـا لنـا

[ريمون]

فكرة ممتازة يا شباب واقترح تكون بداية شهر ذو الحجة وباالصمان

[Khalid AlGhamdi]

اتفقنا اخوي رمش العين

وانا اقول خلونا نتقابل على الماسنجر

ماسنجري ( tap_line@hotmail.com )

..

[ابوالوليد 1429]

والله فكره ممتازة ياشباب الله يعطيكم الصحة
وانا معكم وتراني من سكان الرياض واللي تامرون فيه انا جاهز

وجزاكم الله خير

[الشاقي]

فكرة رائعة بس اللي انا اعرف ان اطلعات اللي مثل هذي يكون لها ( أمير) وترشيحة مهم وهو اللي بيجمع الشباب وانا ارشح (( مكشات )) وبعدين تبون ناخذ شوازنا معنا والا بدون

[يزيد2002]

فكرة رائعة

وانا ائدهالفكرة للتعارف بين الاعضاء

[همس العيون]

وأنا راح أروح معاكم...........



صج ملقوفه..........



بطبخلكم هاااااااااااا بعد ما عندكم أي عذر

[الحاتمي]

يعطيك العافيه اخوي MaxPower
انا بانتظار القناة اللي تتفقون عليها

[حفيد أبو الليول]

هلا بكم منسوبي مكشات
الفكرة ممتازة وجميلة بس تحتاج إلى تأييد ودعم من أساتذة المنتدى وأخص منهم:

مكشات

السمح

شقردي

فرد حمزة

السعلو

وغيرهم من المشرفين وأهل التميز في مكشات

مع احترامي وتقديري وحبي للجميع

وعلى قدر ردهم ودعمهم للفكرة ومشاركة أكثرهم ربما يكون النجاح أو أثر النجاح

وعلى كل فأنا -- بشخصي الضعيف -- اؤيد الفكرة على كل الأحوال وسأشترك فيها إذا لم تنعني ظروف لا أستطيع تجاوزها
والسلام عليكم ورحمة الله وبركاته.

أخوكم
حفيد أبو الليول

[حفيد أبو الليول]

تصحيح

أكثر النجاح

تمنعني ظروف

شكراً مرة أخرى للجميع

[* رمش العين *]

في البدايه اوجه شكري الكبير لاخوي ابو نواف على اقتراحه الرائع
ياجماعه كثير من الردود يطلبون الاتفاق على رقم القناة الي بنكون عليها واقولهم ان القناة هي الي اقترحها اخوي راعي عنيزة 144500 ولكم مني جزيل الشكر ودعواتي للجميع بالتوفيق من الله الي ما يحب ويرضى
وانا اليوم الاربعاء 31/12/2003م متوجه للصمان انشاء الله ونداي ( رمش العين ) ولا تنسون الي يبغى ينادي اي واحد من الاعضاء يصوت ( المكشات )

[عاشق الشروكي]

السلام عليكم ورحمة الله وبركاته
الفكرة جيدة وممتازه بس ما شفنا رد من فطاحلت المنتدى مثل ما قال الاخ العزيز حفيد ابو الليول مع احترامي للجميع وشكرا

[fares_2003]

هلا يا شباب مساكم الله بالخير

والله شجعتووني يا لربع لكن انتوووو اصملووو وانا بجيكم على سيارتي الكامري او باخذ الشاص اللى لاخوي المهم نطلع بس يالربع خلووووها قريبه علينا على الاقل لاني من الدمام وانتوو تعرفوون الله لا يهينكم المشوار اللى علي.


على العمووم انا بنتظاركم واللى تبووونه انا فيه يا اهل مكشات .


وسلامتكم

[الجنوبي]

فكره حلوووووووووووووووووه
بس الي بالجنوب وش يسوي
انا اقتلرح ان الكشته تكون جهتنا وانا مستعد بالي تا مرون فيه.......

[العتيبي]

السلام عليكم ورحمة الله وبركاته
ومساء الخير للجيمع ...
بالنسبه لموضوعكم انا نزلت مثله بدون علمي ولكن الاحظ من الاعضاء البرود تقريباً ناحية الموضوع يعني الواحد يقول فكره حلوه وزينه ولا يقول خذو بريدي او رقمي علشان ننسق مع بعضنا وانادي من الجميــــــــع بدون استثناء بإن يبتو بالموضوع الي مستعد يطلع معنا يقول انا مستعد وعندي امكانيه اطلع وبعدين نحدد الوقت حسب ضروف الاعضاء ... ولكم مني جزيل الشكر ،،
اخوكـــــم/ العتيبي


وهذا ماسنجري للمواصله al_Wathq@hotmail.com

وهذا رقم جوالي 054186695
وصلى الله وسلم على نبينا محمد

[الادهم]

الفكره ممتازه وارى ان تكون بعد شهر ذو الحجه وبدون حمل سلاح

[ابوصالح*]

مؤيد للفكرة ..
وانا معكم بس اصملو ..
وهذا بريدي
abo_salieh@hotmail.com

[أبو المثنى]

فكرة رائعة ونحن معكم جاهزين بس يالله شدوا حيلكم والي تبونه حنا مستعدين

[fares_2003]

هلابكم وانا جاهز معاك بس على شرط تكون الرحله فى الصمان او الصلب او النعيريه وحوووولها اقرب لي

dammam_03@hotmail.com

[Bader-M]

والله
فكره حلوه
وليت كان الوقت يساعدني
والسبب
انه
ما عندي رصيد اجازه
يعني كلها كم يوم وانا مداوم
.........
واتمنى لكم رحلة موفقة
..........................
تقبلوا تحياتي

[أبو المثنى]

عفوا

هذا بريدي والماسنجر

hguelhk@hotmail.com

وهذا الجوال
056143837

ولعل الإخوة يعجلون بالرحلة يعني المفترض يبدأ التخطيط الجاد لها في 15/11 ويكون يوم 25/11 منتهين من تحديد الموقع ومتفقين على كل شي ومعلمين الشباب وتكون بأول ذي الحجة ولا بآخر ذي القعدة
وشكرا لكم

[العتيبي]

السلام عليكم ورحمة الله وبركاته

ومساء الخير للجميع

كيفكم جميعاً انشالله طيبين ،،، بالنسبه لموضوع الرحله احس انكم متحمسين بس مافيه احد ثبت الصمله او رسانا على بر وانا استاذن الاخ MaxPower
وجميع الاعضاء وارشح نفسي بإدارة هذه الرحله من ناحية التنسيق والتنظيم اما امور القطه فارجو اعفائي منها ،،، والي له اعتراض يتفضل .. ولكم خالص الشكر

اخوكم / العتيبي

[بليزر]

وأنا معكم

[fares_2003]

يالربع والله اني متحمس معاكم بس انتوو اصملووووو

والعتيبي ما قصر عطاكم العلم وهو اللى بينسق لكم ياجماعه مثل ما وصيتكم خلوو الرحله قريبه بين اهل الدمام واهل الرياض يعني فى النص والقصد معرفه النشاما شرواكم


واذا اكتملت الصمله برسل للمسؤول رقم الجوال وسلامتكم

[حد السيف]

السلام عليكنم ورحمة اللة وبركاتة
اخواني واحبائي اعضاء منتدي مكشات الاعزاء
بخصوص الكشتة او الرحلة اتمنى زيارة المنطقة الشمالية بة مناطق تستحق العنوة من
حيث الربيع وجمال الطبيعة .......................................
اما بخصوص التنسيق انتم انوو الكشتة واقل شي ينوي اثنين وتلاقي باقي الشلة كلهم
انحلة ظروفهم بس اثنين يصملون وانتم تشوفون ......



محبكم باللة

حد السيف

[tebrak]

بسم الله الرحمن الرحيم السلام عليكم ورحمة الله وبركاته, فكرة ممتازة ياشباب و انا لي رغبة في المشاركة الجميلة و لكن انا أؤيد من نادى با التنظيم و يكون فيها مشاركة مادية , و يكون احد مشرفين منتدى مكشات الطيبين هو امير الرحلة.
ايضا أضم صوتي الى 144.050
أخوكم تبراك:good: :)

[ابوحمد2001]

السلام عليكم ورحمة الله وبركاته
عساك على القوة يا العتيبي واقتراح تكون يوم الخميس الجاي في روضة في الجهة الشرقية من الصمان من الصبح الى الليل غداء وعشاء وتكون بدون تكلفة ياالله قالوا تم تم ؛؛؛؛؛؛؛؛؛؛؛؛ يالله حددوالاحداثيات وااللي بيروح:good: :good: :good: :good:

[جلوبلستار]

لكن أعضاء المنتدى اكثر من خمسة آلاف عضو ... يعني يبيلنا أربع تريلات غنم واربعين كيس رز وحمولة ثلاثة دداسن ( او هايلوكسات ) خضار للسلطه ووايتين شاهي وعقد مع شركة بادريق عشان البيالات وحمولة أثنين سقس حطب.... هذا للغدا بس

[البرق]

والله مانتم بسهلين يا اهل مكشات كشتات وحركات , المهم فكرة طيبة والله يجزاه خير اللي اقترحها والله يجمعنا واياكم في جنات النعيم , وسجلني معاكم من الكاشتين .

[* رمش العين *]

السلام عليكم ورحمة الله وبركاته
تحيه طيبه للجميع .....
حبية اشكر الجميع على حماسهم وبالنسبه للخوان المستعجلين بالرد نقولهم الموضوع لازم ياخذ وقته وكذلك ودي اشكر الاخ العتيبي على حماسه وابدي له بالغ احترامي وتقديري لكن ودنا ان الي اقترح الفكرة يكون هو المنسق ومن كان صاملاً فليقوم بمراسلة الاخ MaxPower والاتفاق على التفاصيل وخلال الثلاثة ايام القادمه تكون الصورة اتضحت ويعلن المنسق ذلك يوم الثلاثاء القادم
ووفق الله الجميع الي مايحب ويرضى

[كليجا]

إتفق العرب على ألا يتفقوا ...
اللي يقول قبل الحج واللي يقول بعد الحج ... واللي يقول شرق واللي يقول غرب ... وبعدين وش يبي يغدي هالبشرية :D :D

[هاوي بران]

اصملوا يالربع والباقي علي لو تبون تريلتين غنم وميتين سياره همر ونص كيس رز ابو كاس بس اصملوا



وهذا بريدي
whid1@hotmail.com

والله يوفق الجميع

مع تحيات اخوكم/ هاوي بران

[العتيبي]

السلام عليكم ورحمة الله وبركاته
ومساء الخيرات للجميع
أشكر جميع الاخوان على الرد والتفاعل معنا ،،، ولو سمحت اخوي ماكس بور استميحك عذراً بإن تسمح لي بالاهتمام باول الامور كتسجيل الاعضاء المنظمين لنا والصاملين ... إلخ وانت لك مسئولية جمع القطه من جميع المشاركين معنا بالرحله واذا بغيت مساعده بموضوع اغراض الرحله من ذبائح إلى اخره اتصل على ومابكون خاطرك الا طيب انشالله

-------
بالنسبه للاعضاء ترى بديت من الان بتسجيل الاسماء في القائمه التي معي ونريد المزيد ... وبالتوفيق للجميع انشالله
------
موضوع القطه اقترح يكون 150 او 200 ريال والرأي للجميع[/size][/size][/size][/size][/size]

اخوكم / فيصل العتيبي

[العتيبي]

السلام عليكم ورحمة الله وبركاته
اخواني انا الآن عملت احصائيه للي صملو وماشالله صار عددهم22 بمافيهم أنا ... واسمائهم كالتالي:-

1- رمش العين ------ صامل درجه اولى ==== الرياض
2- maxpower -- صامل درجه أولى==== مجهول
3- ريمون ---- والله ماندري عنه !========الظهران
4- kdral--- صامل درجه اولى=========الرياض
5- الشاقي --- صملته ماهيب الي ======== مجهول
6- يزيد2002--- صملته ماهيب الي======= مجهول
7- حفيد ابو الليول --- صامل درجه اولى===== الرياض
8- عاشق الشروكي --- ماندري عن صملته=== مجهول
9- fares2003 ---- ليت الشباب كلهم مثل صملته== الدمام
10- الادهم---- ماندري عنه============ مجهول
11- ابو صالح------ صامل درجه اولى====== مجهول
12-ابو المثنى------- صامل درجه اولى====== مجهول
13- بليزر------------ صامل درجه اولى===== مجهول
14- حد السيف ------ ماندري عنه======== الرياض
15-tabrak ------- صامل درجه اولى===== مجهول
16-ابو حمد---------- صامل درجه اولى===== مجهول
17- جلوبستار------- ماندري عنه .======= شقراء
18-البرق ---------- صامل درجه اولى===== الرياض
19-هاوي البران---- صامل درجه اولى===== مجهول
20-العارض -------- صامل درجه اولى===== الرياض
21- قناص القرائن -- صامل درجه اولى==== شقراء
22- العتيبي --------- صامل درجه اولى ولو ماراح احد راح لوحده === الرياض

==========================

وارجو من الجميع ارسال ارقام جوالاتهم على الخاص حتي يتم التنسيق ...

==========================
ونحن نسينا موضوع مهم وهو عدد السيارات الي بتروح وببداء فيها انا :-

1- جيب لاندكروزو موديل 93 .
2-( الي بعدي يتفضل اذا كان عنده امكانيه يجيب سيارته معه )علشان اهل الرياض مثلاً يجونعلى سياره او سيارتين اوفر لنا طبعاً ... والراي للجميع .

==========================
وموضوع العزب انا من عندي عزبه للطبخ وعزبه للقهوه ويمكن عزبتي ماهي الدرجه الاولى يمكن يوجد من هو افضل وليتفضل بالتكرم علينا بعزبته :D

أخوكم / فيصل العتيبي .......... اتمنى من الجميع المشاركه

وصلى الله وسلم على نبينا وحبيبنا محمد.

[حد السيف]

اخي العزيز
العتيبي
اشكرك لاهتمامك تاكد اني اعين واعاون
للمراسلة
agroush@hotmail.com


اخوك ومحبك
حد السيف

[ابوصالح*]

العتيبي :
متى موعدكم تراي من الرياض ... مستعدين بس حددو الوقت والمكان والمسؤل ورقمةوالبرنامج الي بيكون هناك ان حصل لا بد من التنسيق والمتابعة حتى تحلو الجلسه والرحلة عموما ..

[بن نويشر]

أقترح على المنسق بإستحداث إستمارة توضح اسم المشترك والعمر والمنطقة أو المدينة ، والإمكانيات التي يستطيع المشاركة بها كالسيارة ونوعها والعزبة والخيام وغيرها ، وكذلك أقتراح عن موقع الذي يراه مناسباً .

وحبذا يكون هناك شروط وبنود تدرج يقوم المشارك بالموافقة عليها مثل :-
1 - التعاون بين الجميع .
2 - التقيد بالتعاليم الأسلامية .
3 - المحافظة على الصلوات في وقتها .
4 - الأمر بالمعروف والنهي عن المنكر .
5 - إحترام الأخريين .
6 - طاعة الأمير والسمع والطاعة له في غير معصية الله جل وعلا .

وغير ذلك من النقاط البناءه

وياليت يكون هناك تنظيم وتوزيع للعمل بين المشاركين لتعم المشاركة على الجميع .

هذا وبالله التوفيق .. مع تمنياتنا لكم برحلة موفقة .

أخوكم/ سنيدي

[العتيبي]

السلام عليكم ورحمة الله وبركاته
مساء الخير

مايكون خاطركم الا طيب بس شدو همتكم يا شباب

واخوي سنيدي فكرتك ممتازه جداً واتمنى من الجميع الستجابه لها ،،، ولك خالص شكري

[كليجا]

أنا من رايي والأنسب للجميع .....إنكم تحددون الإحداثي وكل واحد يجي بسيارته أفضل علشان مايكون الإنسان مربوط ... وبعدين هل فيه نوم ولا لا ....وكم مدة الكشتة ولازم يكون المكان بالتصويت

[الطيب]

السلام عليكم ورحمة الله وبركاته

و اذا سألكم احد مع من بتروحون ..؟؟؟؟؟؟؟؟؟؟؟؟؟؟؟؟؟؟؟

مع شلة استراحة الانترنت ؟؟؟؟؟؟؟؟؟؟؟؟؟؟

مع اصدقاي في الانترنت ؟؟؟؟؟؟؟؟؟؟؟؟؟؟؟؟؟؟؟

مع شلة الانترنت ؟؟؟؟؟؟؟؟؟؟؟؟؟؟؟؟؟؟؟؟؟

مع جن الانترنت ؟؟؟؟؟؟؟؟؟؟؟؟؟؟؟

مع عفاريت الانترنت ؟؟؟؟؟؟؟؟؟؟؟؟؟؟

طيب ...... انا معكم تسانكم بتقردنوني ؟؟؟



:D

[كشات]

بسم الله الرحمن الرحيم
السلام عليكم ورحمة الله وبركاته

الفكره حلوه

وانا ابي ازيدكم نصيحه واقتراح بينفعكم ان شاء الله

بالنسبه لقناة الجهاز اللي انتو متفقين عليه وهي مثل ماقال راعي عنيزه 144,500
اتوقع
ان مشكلة راعي عنيزه بتكرر مره ثانيه الا اذا

- كان الاتصال في ساعه محدده(مثال)على راس كل ساعه يعني 6 حكم و 7 حكم و 12 حكم

-يستمر المتلقي والمرسل بالترديد لمدة 10 دقايق يبحث ويردد يالمكشات يالمكشات ولازم يفتح الهوا ان كانه ماسمع شي ولا يراسل وهو مقلع بهالمطانيج واذا تكلم ماتسمع الا قرقعة جراكله ومواعينه :D والا ذبيحته تثاغي

حطو لكم شروط من اولها
لا تفحيط
لا زباله
لارمي من غير صيد
لابربسه من غير سنع
لاهجهجه بالسياره كل شوي

وبعدين ياشباب ترى متعبه ان واحد يكون مسؤل عن العزبه كلهااااااا(الفرشات والبسط والدلال والمعاميل والمساند والخيام والرواقات)سوا جيبتها وتحميلها والا فرشها وتنزيلها وضفها وقت الرجوع على خير
كل واحد يجي يجيب عزبته معه واذا نقص على ربعه شي ينزل عزبته والله يخلف عليه لانه اكيد بينسى نصها
:confused:


انتبهو وين تلبقون نعالكم (تكرمون) وخاصه اذا لقيت ملبق جنب نعله تشبه نعلتك انحش ولبق بعيد
هالشي كثير منكم بينساه
لانه بيدخل وهو مسوي كذا :eek:
واذا بدى يسلم على الموجودين صار كذا :hot: من كثر البيالات اللي بيخطم فوقهن
ما اتوقع بيخطم وعويناته هالكبر الا بيدردب ابو المعاميل تقل مصاقيل (عليكم بفناجيل رخيصه) ومب شرط تكون نفس الشكل
الله اكبر يعني رايحن لعرس انت
كلهم ربعك وخوياك وكلهم نفس الطبع
ثياب ملونه وغبار مالين شوشهم ورموشهم

طولت عليكم
ادري

بس وش السواة ما طلع الحتسي الا عقب مافتحت (اضف رد)

الله يقويكم وودي لو اكون معكم
بس انا مبتلش بمخيم اهلي بالنعيريه كان لقيت فرصه زرقت للصمان والماريه الغفله او 144,500على راس كل ساعه

وش تدور بساعتك؟
تبي تلقى راسه؟

الله يخلف تسانه صز تدور راس ساعتك(عسى اهلك عندهم غيرك)



ياشباب
حبيت اشارك معكم بشي يمكن تستفيدون منه
واذا في كلامي شي يزعل(مزحك ثقيل ياااااخي) دوكم :flog: وعلى دميجتي وانا استاهل

الله يوفقكم يارب

[Khalid AlGhamdi]

مع التنسيق المتميز من الأخ العتتيبي الا اني حاس ان الشباب ماهم متحمسين للطلعه

عموما انا في الرياض وماسنجري tap_line@hotmail.com

واذا تم الاتفاق على كل شي انا بانتظار اتصالكم

اخوكم ابونواف .

[راشد ابراهيم]

اخواني الكرام
السلام عليكم ورحمة الله وبركاته
احب الصالحين ولست منهم لعلي ان انال بهم شفاعه
سجلوني معكم ولو القطه 500 ريال هم القوم لايشقى بهم جليسهم ان شاء الله
الجوال 00 542 542 0

[عبدالعزيز الدباسي]

بداية اود ان اشكر الاخ MaxPower على تفضله بهذا الاقتراح الطيب وعلى اهتمامه باخوانه في مكشات ، والشكر موصولا لبقية الاعضاء الذين شاركوا في هذا الموضوع واثروه بالردود والاقتراحات ، وهذا نابع من طيب معادنهم وشيم اخلاقهم .

اخواني الافاضل كم هو جميل ان نلتقي باصحاب عرفناهم من خلال الانترنت ، ودارت بيننا وبينهم حوارات ومشاركات من خلال موقعهم ( مكشات ) وعرفناهم بما تحمله نفوسهم من اخلاق عالية وصفات نبيله ، يتشرف الشخص بمعرفتهم والالتقاء بهم ، وهذا والله من اجمل المعاني واطيب الاماني .

وكم سرني اهتمامكم بهذه الكشته وكم افرحني تضحياتكم وحماسكم لاخراج هذه الكشتة بالوجه المطلوب وبالرضى الكامل من الجميع ، ويعلم الله ان عدم ردي عليكم في الموضوع ، ليس استهانه بالاقتراح وليس تقليل من شأنكم ، لكن الذي اجبرني على الانتظار ، هو حرصي على استكمال الردود ، ومدى رضى الاعضاء عن المشاركة ومدى الحماس على تنظيمها ، والنظر في الاقتراحات ، وقياس السلبيات والايجابيات على تنظيم مثل هذه الكشته . مع العلم انه سبق وان حاولنا تنظيم مثل هذه الكشته قبل عامين لكن لم يكتب لها التوفيق .

مما لا شك فيه ايها الاحباب ان تنمية العلاقات الاجتماعية وتوسيع دائرة المعارف من المهارات التي يفتقدها كثير من الناس ، ولكن من اعتاد على الكشتات والخروج لرحلات الصيد والالتقاء بمجموعات مختلفة وفي منطقة معينة ، قد يكون اكتسب بعض المهارات التي تجلعه من اصحاب الالفه وممن يأنس بالتجمعات والالتقاء بالناس ، وهذا هو غاية صفات اصحاب المراجل ، لانه وكما قيل معرفة الرجال تشترى بالاموال .

وحيث ان اعضاء مكشات لا ينتمون الى منطقة معينة ولا الى مدينة واحدة ، فمن الصعوبة ان تجمع بين آرائهم فيما يخص المكان والزمان وفيما يخص التنظيمات الاخرى ، وكذلك من الصعوبة ان تجمع بين اشخاص لم تلتقي بهم من قبل وهم ليسوا على شاكله واحدة ، فهم مختلفي الميولات ومتعددي الهوايات .

اضف على ذلك انه ليس لديك الامكانيات التي تسمح بإحتوائهم وتنظيم استقبالهم وتوزيع المهام عليهم ، واعتقد انه من الصعب فرض جدول معين للرحلة يتقبله الاخوة المشاركون ، وخصوصا اذا كان العدد كثير .

اعقتد ان الرحلة سوف تكون ناجحة اذا اقتصر العدد على اشخاص معينين لا يزيد على عشرة , ويتم التنسيق بينهم بالمراسلات ويتم الاتفاق على كل التجيزات والاغراض وتحديد المسؤليات والمهام ، وبعد الالتقاء يتم ترشيح امير للرحلة يهتم باستكمال التنظيمات الاخرى .

آمل ان لايكون كلامي مهبطاً للهمة او مقللاً من الرحلة ، لكن احببت ان اشارككم الرأي ،
واتمنى لكل الاخوة رحلة موفقه .

[العتيبي]

السلام عليكم ورحمة الله وبركاته
ومساء الخير للجميع
اشكر جميع من شارك وتفاعل معنا بفي الموضوع واخص الاخ العزيز ماكس بور ،،

وفي البدايه اود ان اطرح رأي واقتراح شخصي واود من الجميع المشاركه فيه بدون استثناء وابداء الملاحظات ...

وهو ان يتم تنظيم اكثر من مدير على الرحله نفترض خمسة اشخاص وكل شخص من هؤلا يدير مجموعه معينه يتم التنسيق في مابينها من قبل ومثال على ذالك( شخص نفترض انه ابو صالح مثلاً ابو صالح يدير 10 اشخاص وينسق معهم في موضوع العزبه ويجمع منهم القطه ويوكل لكل واحد مهامه ويستمد المهام من المسؤل الكبير يعني المشرف العام على الطلعه والمشرف العام مايكون تحت ادارته الا الخمس مدراء بس واذا تم تقصير يبلغ المدير المسئول على المجموعه المقصره لكي يتم اصلاح ما حصل لا قدر الله ولا علاقة بامر او نهي او خلافه لغير مدير المجموعه وارجو من جميع اعضاء المجموعه الامتثال لمديرهم حتى يتم تنسيق هذا التعارف العالمي على اتم وجه ) .
-------------
والموضوع الثاني من وجهة نظري افضل ان يكون المخيم يوم الخميس من بعد صلاة الفجر إلى يوم الجمعه الصباح لا يتجاوزه لكي نتمكن من صلاة الجمعه وايضاً رجعة العصريه تكدر الخاطر وتضيقه فافضل انالمخيم يمتد من يوم الخميس من الصباح الباكر إلى يوم الجمعه الصباح يعني 24 ساعه وكل واحد يجي يعرف بلقبه (باسمه بالانترنت) واسمه الحقيقي والوسيط الي يعرف هو المشرف العام على الطلعه يعني مثلاً انا جيت المشرف العام وطبعاً المشرف العام اول مايجي واحد يكون هو اول المستقبلين له ولما انزل من السياره اعرف المشرف العام بنفسي ولقبي وهو بدوره في المجلس يعرف الحاضرين علي ويعرفني على اسم ولقب كل واحد وهكذا ...
------------
وموضوع الخيمه يتم أستئجار خيمه مناسبه من حساب القطه وموضوع الذبيحه ايضاً واغراض الطلعه كاملاً نرفض نهائياً ان واحد يحمل نفسه شي كثير مثلاً يجيب من حسابه الخاص البيبسي والماء والقهوه والرز والذبيحه الموضوع كله منسق بين المدراء الخمس والمشرف العام على الطلعه وبدور المدراء يوكلون كا واحد من مجموعتهم على شي يجيبه معه وهكذا لا يكون هناك تعب .
-----------
وبالنسبه للسيارات ماافي مشكله كل واحد يجي على سيارته ونعطيه احداثيات المخيم التعارفي لان المشرف العام والمدراء الخمس يذهبون مع مجموعه قليله ويستأجرون المخيم ويبنونه ويتفحصون المكان ويتم تجهيز كل شي يوم الاربعاء العصر مثلاً وبدورهم يتم الاتصال على احد الاشخاص المسجلين بالمنتدى طبعاً بالتنسيق المسبق ويعطى احداثيات المخيم وكل واحد يعجي على راحته يوم الخميس الاحداثيات يسجلها معاه وبالنسبه لااجهزة الكنود ارجو من اصحابها عدم تغيير القناه يوم الخميس في الكنودعن قناة مكشات المحدده من قبل حتى اذا تم الاستنجاد باحد من اعضاء المنتدى او الاستدلال او خلافه نكون على اطلاع بالوضع وتقديم المساعده (وبالنسبه لي ماعندي جهاز كنود ) وبالنسبه للاخوان الي ماعندهم ماجلان يتم وصف المكان لهم وصف تفصيلي ولا يخافون ماراح يضيعون بإذن الله وكل واحد يقرب من المخيم يعني يقف جنب الخط في بداية الطريق الصحراوي ينادي على الجهاز وراح تطلع له مجموعه لحد الخط المزفلت ويدلونه المخيم وهكذا ....
---------
وصلى الله وسلم على نبينا محمد وعلى اله وصحبه اجمعين [/size][/size][/size]



اخوكم/ العتيبـــــــــــــــــــــــي [/size][/color]