و طاحت مسامير ثلاجة الفتك 2005 بالمكينة الله يستر

[سوبر VTC]

واحد من ربعي معه سوبر سفاري 2005 ماشي 90الف

لحم مسامير الثلاجة عند احد الورشات الثقات قبل فترة طويلة

و قبل امس طاح كم مسمار بالمكينة وبدا الموتر يتفتف

و عسى الله يجيب العواقب سليمة الله لا يستر لا يكون كسر البساتم

[ابوعقل]

ان شاء الله خير

[مواسي الطعوس]

ليش يلحمها المفروض تفكها وبالدرج على طول.............كل ربعي فاكينها ولافيها اي مشكله ,,,,,,,,,,,حتى بعضهم فاك موديل 2002م حتى 2004م اللي مافيه مشاكل,,,,,,,,,, المفروض موديل 2005م و2006م يفكها ....واللي عجز يفكها اذا اراد تغيير البواجي يفكها على دربه......والسفاري فيه قرص واحد ماهو مثل الفاندر 6 ومسماره كبير رقم 7 تقريبا

[رخصة عمومي]

بارك الله فيك ووفقك للخير أينما كنت


والحمد لله على سلامتك

http://www.mekshat.com/vb/images/misc/progress.gif

[RUMAIHA]

ما تشوف شر

الاخ مواسى الطعوس هل يفك على ربع 2006 باترول وشكرا

[بيبسي]

سلامات ... وش سالفة الثلاجه ومساميرها ... الله يعينه ان شاء الله تصير سليمه ... والله يعين أهل النيسان على كثرة الخرابات

[بـتّاع]

لاحول ولاقوة الا بالله


الله يعين ..

بالله تكفى علمنا وش صار عليه لأني ناوي سوبر 2008 ولا ردني الا هالمشكله .

مايشوف شر خويك ان شاء الله .

[لعّاب المنايا]

الله يستر

طيب وبالنسبه لل2008 سفاري 2 نفس الشئ تفك والا وش العلم يالربع ,,

[خشيمان]

الله يكفينا الشر
الظاهر مكينة 4500 مابه هالمشكله والا؟؟

[سوبر VTC]

واحد من ربعي معه سوبر سفاري 2005 ماشي 90الف



لحم مسامير الثلاجة عند احد الورشات الثقات قبل فترة طويلة


و قبل امس طاح كم مسمار بالمكينة وبدا الموتر يتفتف



و عسى الله يجيب العواقب سليمة الله لا
يستر لا يكون كسر البساتم




من ضيقة صدري كتبت الله لا يستر

[سوبر VTC]

ابو عقل /// الله لايهينك جزيت خيرا

مواسي الطعوس /// انا سمعت انك اذا الغيتها ما يعطيك عزم قوي اذا كنت تمشي 140 و عطيته بنص يصير ضعيف العزم لان الهواء اكثر من المطلوب مقارنة بنسبة البنزين المطلوب في بيت النار

رخصة عمومي /// تسلم

ببسي /// اللهم امين

بتاع /// الله لا يهينك و ابشر باللي طلبت

لعاب المنايا /// جزيت خيرا

[سيف الظفير]

هل تأثـــــــر على السيارة اذا فكيت المسامير



يا الربع نبي الحل والجواب الكاااااااافي الشافي

[هولوكس2005]

طيب كانه على ماقلت طاحت مسامير اللهات طيب اللحام وين راح؟

يشباب لحموهن بــ200 ريال وماياخذ ساعتين
أنا لحمت مسامير اللهات موديل الموتر2004 يوم فك الثلاجه قالي مشدودات قلتله لحمهن ولحمهن بالاكسجين ونضفه بالديزل وركبه


وعلا كلام الهندي يقول وضبنا ثلاث جيوب من المسامير

وعلى قوت فكهن وبدرج مأضن بأن الياباني يبي يحط شي عبث بالذات بالمكان الحساس هذا

[speed 557]

ان شاء الله خير

ليش نيسان ديم لمشكل في الثلاجة ؟؟؟

[.أبوعبدالرحمن]

إن شاء الله بسيطة

[طحنون]

الى الام ماني فاهم مشكله مسامير الثلاجه وكل موضوع فيه ثلاجه او مسامير على طول لاكن مافهمت شي
ممكن شويه توضيح لان موتري 2005 وجاته وعكه صحيه واستفاق منها بعد عناء مرير لايكون قربت مشكلته لانه ماشي فوق الــ180الف

[winchester]

الله يعينـكم يأهل الـ V T C

الوقايـه خيراً من العلاج

دمـتم بود

[سوبر VTC]

سيف الظفير /// شكرا لك انا سالت مهندس مختص بالباترول عن الغاء المسامير فقال ما يضر و اكثر السيارات اللي عنده يلغون المسامير و يقول اذا انت مانت مقتنع حط على المسامير صمغ جن اقوى من اللحام البارد لان اللحام على كلامه ينكسر بعد فترة لذلك كل سنة لازم تشيك على المسامير و تحط صمغ مرة اخرى

هايلوكس 2005 /// فعلا الوكالة ابخص لكن التجربة خير برهان ماضر السيارات اللي ملغى مساميره

speed و ابو عبدالرحمن /// الله لا يهينكم

طحنون /// المسامير هن داخل الثلاجة يمسكن اللهاة اللي تدخل الهواء لغرفة الاحتراق او بيت النار و المسامير صغار تقريبا 7ملي او مفتاح سبعة و ضروري تشيك عليهن الحق عمرك قبل لا تخرب المكينة و ثم توضيب كامل بسبة مسمار

[غالي]

ممكن افهم وشهي الثلاجه؟؟ :)
داخل المكينه شيء اسمه ثلاجه؟
والا الي داخل السياره تحطون فيها بيبسي؟؟ بس وش جابها للمكينه؟ خخخخخخخخخخ

مامعي باترول لكن ودي افهم واستفيد يمكن نشتري باترول او شيء

لاهنتوا :)

[أبو فهد11]

كان الله في عونكـ أخوي سوبر Vtc

وإن شاء الله الامور بسيطه ومحلوله

[سوبر VTC]

ممكن افهم وشهي الثلاجه؟؟ :)
داخل المكينه شيء اسمه ثلاجه؟
والا الي داخل السياره تحطون فيها بيبسي؟؟ بس وش جابها للمكينه؟ خخخخخخخخخخ

مامعي باترول لكن ودي افهم واستفيد يمكن نشتري باترول او شيء

لاهنتوا :)


الثلاجة طال عمرك هي اللي تحط به النواشف و العصيرات و لحمة الحاشي هههههه:D :D


لاحظ الجمس مثلا تلاحظ فوق المكينة شي اسود بلاستيك على امتداد المكينة هاذي هي الثلاجة يدخل الهواء عن طريقها الى بيت النار و ايضا لاحظ ثلاجة الكورولا بين المكينة و اديتر الماء طبعا الثلاجة بلاستيك طبعا الوكالة اذكياء عشان اذا انكسرت تضطر تشتري وحدة جديدة و شف بكم:confused: :confused: :confused: مع الرقبة


طبعا الباترول فيه لهاة زي الباب تدخل الكمية المناسبة من الهواء الى بيت النار و له مسامير يمسكن اللهاة و اذا ارتخى او حل المسمار يطيح بيت النار فوق البستم و عادي يكسر البستم و يالله توضيب

[غالي]

بيض الله وجهك فهمت
وبالصحه والعافيه لحمة الحاشي ههههههههههههههههههههههههههههههههه

توني ادري صراحه ان اسمها ثلاجه
معلومه جديده

والله يعينكم يارب ويسترها معكم
وان شاء الله ماتشوفون الا الخير بإذن الله

[VTC]

ياشباب كم مسامير الفتك وين موقعها في الثلاجة

[سيف الظفير]

يا اخوااااااااان يجب على الاعضااااء


مراسلة الشركة الأم


وارسال كل تفاصيــــــل سياراتهم وابلاغ الشركة عن حدوث هذه المشكلة بكثرة في الخليج والسعودية بالتحديد.




لآن الشركة الى الان لم تجدون منهم تجااااااااوب حول الموضوع



والخوف كل الخوف من العملاء الجدد لهذه السيارة العريقة

[Abdulmalik]

مراسلة الشركة الأم


وارسال كل تفاصيــــــل سياراتهم وابلاغ الشركة عن حدوث هذه المشكلة بكثرة في الخليج والسعودية بالتحديد.

بيض الله وجهك سيف الظفير

إذا لم تصل الرسالة إلى الشركة الأم , راح تبقى مشكلة المسامير موجودة وبكذا يتكبد الأخوان خساير في غنا عنها , بجتماع عدد قليل وكتابه خطاب مسجل يصل إلى الإدارة الهندسية بشركة نسيان اليابان مع دعم الموضوع بخطاب من إدارة الصيانة بشركة الحمراني عن المشكلة وكثرتها وطلب حل نهائي لها .

[صلفان.نجد]

اخوي طحنون لو تكرمت ابي ورشه بالرياض تلحم المسامير.....

[dugaish]

يا اخوااااااااان يجب على الاعضااااء


مراسلة الشركة الأم

وارسال كل تفاصيــــــل سياراتهم وابلاغ الشركة عن حدوث هذه المشكلة بكثرة في الخليج والسعودية بالتحديد.




لآن الشركة الى الان لم تجدون منهم تجااااااااوب حول الموضوع



والخوف كل الخوف من العملاء الجدد لهذه السيارة العريقة



:good::good::good::good::good::good::good::good:
لا فظ فوك

[gsb]

كذلك يا خوان لأحد يلحم لأن المشكلة وقعت وهي ملحمه

نزلنهن فقط لين نلقى حل فك المسامير ولالهاة واحتفظ بهن .

[VTC]

ياجماعة الخير ممكن احد يشرحلنا وين محل المسامير في الفتك وهل هي مثل الباثفندر
واذا امكن من صاحب الموضوع ينزل صور المشكلة وحلها

[zmzmz9]

بيض الله وجهك سيف الظفير

إذا لم تصل الرسالة إلى الشركة الأم , راح تبقى مشكلة المسامير موجودة وبكذا يتكبد الأخوان خساير في غنا عنها , بجتماع عدد قليل وكتابه خطاب مسجل يصل إلى الإدارة الهندسية بشركة نسيان اليابان مع دعم الموضوع بخطاب من إدارة الصيانة بشركة الحمراني عن المشكلة وكثرتها وطلب حل نهائي لها .

كلام جميل , لكن أهم شيء هو الفعل , يا أخوان لازم نسوي كذا وبسرعة .

[فيتامين]

ياجماعة الخير خوفتونا من الباترول

وأنا ناوي أشريه

كل يوم طالع واحد يقول المسامير طاحت بالمكينة

والثاني يقول القيرالتماتيك يعلق

والثالث يقول الكتاوت يحترق

ياجماعة أنا معي( جي إكس آر )وأنا راعي جلد وردميات للدوام وراعي طلعات للبر و روحات للنفود

وأنا عندي عائلة و ماجربت باترول أبدا رايكم أبدل موتري بـ(باترول موديل2007أو2008) أو لا

رأيكم يهمن ؟

[سسته]

الحين انتم ماسألتم انفسكم لية تطيح مسامير الثلاجة ؟؟؟؟؟ لية

اتوقع ان مسامير او الوردة مهب مضبوطة لو تغيرها ( تلفق ) <<<< راي شخصي

ثاني شي مهوب لازم ثلاجة حطوا فريزر <<<< وش وراي معي تايوتا

[gsb]

نيسان الشرق الأوسط- المنطقة الحرة

جبل علي, المنطقة الحرة
ص.ب 61111
الامارات العربية المتحدة
تليفون: 7500 881-9714
فاكس: 9747 861-9714

اتصلوا عليهم وضغط صفروقله تحتسي عربي وخبره عن وجود مشكلة بالمكينة بسيارات نيسان يبي يحولك لواحد عربي خبره عن المشكلة ونها تصير بعد انتهاء الضمان وطبعاً لسؤ خدمات الوكيل وعدم توفيره لقطع الغيار يصلحونها برى وهي خلل مصنعي وعيب تصنيعي بحت خاص بامسامير بلوف الثلاجه وسقوطها بالمحرك وتلف المحرك في سيارات الباترول مكينة 4800 من 2002 إلى 2008 وسيارات الباث فيندر من مديل 2003 -2005 مكينة 3500 يقول أنه راح يسأل التكنكل (الدعم) ويخاطب المصنع نيسان الأم بخصوص المشكلة لكنه يحتاج إلى توضيح أكثر لكي يستطيع ارسال تقاريره لشركة الأم. عاد الصراحة أنا كلمته لكني لست من الذين يمتلكون السيارتين حاليا وحطيت عنده اسمي ورقم تلفوني والمطلوب من الأخوان الذين واجهتهم المشكلة الأتصال به وكذلك الأخوان الذين يحضرون مكأن تفك بسبب هذه المشكلة تصوير الثلاجة بعد فكها لكي يتضح شكل المسامير الساقطة وبيان تضررالمحرك منها ودمتم ونرجو ان نتعاون لحل هذة المشكلة المؤرقة
في كل شي.

[مدهوش]

الله يستر

طيب وبالنسبه لل2008 سفاري 2 نفس الشئ تفك والا وش العلم يالربع ,,

أبو راشد رح لأبو إبراهيم العثيم ويدبرك الله يستر موترك جديد والمقناص مقبل وانت راعي مطاريش بعيدة

[VTC]

السلام عليكم
لو حطينا في المسامير ورده من النوع الي يخلي المسمار ماينحل هل تنفع
اما الي تجي على شكل مروحة
او الي تجي كنها مقصوصة

[صلفان.نجد]

واحد من ربعي معه سوبر سفاري 2005 ماشي 90الف



لحم مسامير الثلاجة عند احد الورشات الثقات قبل فترة طويلة


و قبل امس طاح كم مسمار بالمكينة وبدا الموتر يتفتف



و عسى الله يجيب العواقب سليمة الله لا يستر لا يكون كسر البساتم

الله لايهينك كانك خابر ورشه بالرياض سبق واشتغلوه دلنا عليها .

[بيرتا]

هل تأثـــــــر على السيارة اذا فكيت المسامير



يا الربع نبي الحل والجواب الكاااااااافي الشافي

اخوي سيف الضفير

تذكر يوم اقولك عن ان هن ببريده واجد مخبطات قلت لي تكذب وكلامي غير صحيح ;)

واسكت ولاكن شف الان بام عينك :good:


والله المستعان بس :D

[سوبر VTC]

ابشركم ياخوان سلمت المكينة حيث تم فك الثلاجة و اخراج المسامير و بناء على ذلك تم الغاء

اللهاة لانه لا يوجد ضرر على المكينة من خلال تجربتها على سيارات سابقة

و اشكر جميع من تفاعل مع الموضوع

تحياتي

[المميـز]

ابشركم ياخوان سلمت المكينة حيث تم فك الثلاجة و اخراج المسامير و بناء على ذلك تم الغاء

اللهاة لانه لا يوجد ضرر على المكينة من خلال تجربتها على سيارات سابقة

و اشكر جميع من تفاعل مع الموضوع

تحياتي



الله يبشرررك بالخير

الحمد لله ان المكينه سلمت

بس ماقلت لنا وين صلحت الموتر الله يجزاك خير ؟؟؟

[vip4800]

المشكله هاذ بس 4800 vtc طبعن 2006م 2007م 2008م الغو التفتفه التقطيع لانهم يحسون ان حل المسمار منه فيه ماده اسمه (لوك تايت) تحل المسمار وتنقط عليه وتشده بأذن الله ماراح يحل ولا جب مسمار اطول سنه ولاشديته ياتكبسه بالكماشه او طقه طقه خفيفه علشان لو يحل مايطيح اما الي يقول الحم نصاب لانه مافيه مكان يمسكبه الحام

[vip4800]

ولمشكله الثانيه امبيرالبنزين ولنبة سب تانك وعدم التحويل سويته بورشة العثيم الي بصناعية الرواف ببريده 100&#37;ويضمنه

[VTC]

الحمدالله على سلامة الموتر
والي عنده خبر عن مكان المسامير وكم عددها واللهاة بالصور ياليت ينزل تقرير

[سيف الظفير]

وش صار يالربع بخصوص المسامير


ماهو الحل


من الوكيل لأصحاب الباترول 2006/2007/2008

[gsb]

2006 , 20007 ,2008

وين 2005 ماهو منهن ولا المشكلة ما تجيه !؟؟؟؟؟؟

[سوبر VTC]

المشكله هاذ بس 4800 vtc طبعن 2006م 2007م 2008م الغو التفتفه التقطيع لانهم يحسون ان حل المسمار منه فيه ماده اسمه (لوك تايت) تحل المسمار وتنقط عليه وتشده بأذن الله ماراح يحل ولا جب مسمار اطول سنه ولاشديته ياتكبسه بالكماشه او طقه طقه خفيفه علشان لو يحل مايطيح اما الي يقول الحم نصاب لانه مافيه مكان يمسكبه الحام


عفوا عزيزي الدعوى مهب نصب لكن تم تجربة التلحيم البارد كحل من الحلول و نجحت في سيارات و سقط اللحام في سيارت اخرى
لكن الحل البديل غير الغاء اللهاة انك تحط صمغ ابو جن و راح يمسك المسمار باذن الله
و ارجو انك ما تنصب الناس على كيفك
تحياتي لك الله يهديك

[سوبر VTC]

2006 , 20007 ,2008

وين 2005 ماهو منهن ولا المشكلة ما تجيه !؟؟؟؟؟؟


حياك ربي المشكلة من 2002 اللي هو 4800 و طالع

[صلفان.نجد]

الله لايهينك اذا فيه ورش بالرياض دلنا عليها .

[سوبر VTC]

ولمشكله الثانيه امبيرالبنزين ولنبة سب تانك وعدم التحويل سويته بورشة العثيم الي بصناعية الرواف ببريده 100%ويضمنه


ويييييييييييييييييييييييييييييين يالحبيب الظاهر انك داخل الموضوع عرض و غلط بالنمره:D :D :D

[سوبر VTC]

الله لايهينك اذا فيه ورش بالرياض دلنا عليها .


انا سالت الربع يقولون ورشة او تشليح السعيد بتشاليح الحاير

[سوبر VTC]

الله يبشرررك بالخير



الحمد لله ان المكينه سلمت


بس ماقلت لنا وين صلحت الموتر الله يجزاك خير ؟؟؟



الورشة ببريده

[الجندي2005]

ياشباب انا ناوي فتك 2008 علمونا قبل نتوهق ،،،،،،،،،،،،،،،،،

[محب الكرك]

ياليت تذكر اسم الورشه واين ببريده وكيف شغلهم الله يعطيك العافيه

[سوبر VTC]

ياخوان مثل ما قال اخونا vip 4800

1/// توجد مادة اسمه (لوك تايت ) احتمال توجد عند ساكو توضع على المسمار و السنه الداخليه ثم يشد المسمار بسرعه لكي لا يجف الغراء

2/// انك تربط المسمار ثم تضربه بالمطرقه عشان يتك و لا يحل

3/// انك تطول المسمار ثم مع الجهة المقابلة تضرب المسمار يالمطرقة و تعوجه خفيف يسار او يمين و انس انه يحل

4/// انك تحط صمغ جن و تشده بسرعه لكي لا يجف

5/// انك تحط اي بويه سيارات منزل على المسمار بالاضافة للسنة الداخلية و تربطه و عند جفاف البوية راح يمسك باذن الله

ارجو ان الصورة اتضحت

طبعا هذه بدائل عن اللحام البارد لانه احيانا يسقط اللحام

لكن باعتقادي اذا تم التلحيم من الجهتين راح يمسك اللحام و راح يقوى

و هذه بدائل عن الغاء اللهاة

تحياتي

[سوبر VTC]

ياشباب انا ناوي فتك 2008 علمونا قبل نتوهق ،،،،،،،،،،،،،،،،،



اطمئن و نا اخوك من 2006 و طالع حلو هالمشكلة بالغاء التفتفة لان من 2005 و نازل كان اذا دست للبنص الى النهاية و بدا الموتر يتفتف او يقطع تبدا اللهاة ترقل او تلعب تقل تخض لبن:D :D ثم يبدا المسمار يحل و يرتخي
و ذلك بسبب التفتفه و هذه التفتفه تم الغائها من 2006 و طالع حيث يبتل الموتر دايس بدون تقطيع

[سوبر VTC]

ياليت تذكر اسم الورشه واين ببريده وكيف شغلهم الله يعطيك العافيه



عندك الله يسلمك ورشة ابو خالد الخضير


و عندك ابو ابراهيم العثيم بصناعية الرواف


و سمعت و نا مادري بالصمعاني اللي بالتشاليح


طبعا شف ردي رقم 53 و اختر اللي ترتاح له من البدائل او الحلول:D :D

[vip4800]

عفوا عزيزي الدعوى مهب نصب لكن تم تجربة التلحيم البارد كحل من الحلول و نجحت في سيارات و سقط اللحام في سيارت اخرى

لكن الحل البديل غير الغاء اللهاة انك تحط صمغ ابو جن و راح يمسك المسمار باذن الله
و ارجو انك ما تنصب الناس على كيفك

تحياتي لك الله يهديك
انا ماحدد احد لاكن خله يلحم الي يدعي انه يلحم ونت وافق عنه عرفين الشغله ولا تجهلنا المور هذي

[صقر المملكة]

أخوي الكريم سوبر كل هالكلام والمشاكل اللي قلتو هل ينطبق على باترول ديزل او بس خاص على البنزين

[سوبر VTC]

أخوي الكريم سوبر كل هالكلام والمشاكل اللي قلتو هل ينطبق على باترول ديزل او بس خاص على البنزين


طيب كم موديله ؟

صالون ربع و هل المكينة شد بلد ؟

[صقر المملكة]

طيب كم موديله ؟




صالون ربع و هل المكينة شد بلد ؟


موديله 2006 والمكينة شد بلد وهو صالون عادي ليس ربع

[سوبر VTC]

موديله 2006 والمكينة شد بلد وهو صالون عادي ليس ربع



المشكله من2005 و نازل شف ردي رقم ( 54 )


لكن موترك لا توجد به لهاة بحكم انه ديزل و لذلك اطمئن

[shababi]

اعتقد ان خويك لو تارك الموتر في حاله كان ما طاحت المسامير :d


احتمال سقوط المسامير 1 &#37; فقط والكلام هذا مش من راسي هذا كلام شخص اثق فيه يشتغل في صيانة وكالة نيسان يقول واحد من كل 100 سيارة باترول تحدث فيه هذه المشكلة وغالبة تكون السيارة ممشاها كثير 300 الف واكثر


الباث بصراحة المشكلة فيه كبيرة عكس الباترول


انا اقول للي ناوي يشتري باترول فتك يتوكل على الله السياره جربناها والحمدلله ماشفنا الا كل خير
لكن بعض الناس تحب تكبر المواضيع

[سوبر VTC]

اعتقد ان خويك لو تارك الموتر في حاله كان ما طاحت المسامير :d







احتمال سقوط المسامير 1 % فقط والكلام هذا مش من راسي هذا كلام شخص اثق فيه يشتغل في صيانة وكالة نيسان يقول واحد من كل 100 سيارة باترول تحدث فيه هذه المشكلة وغالبة تكون السيارة ممشاها كثير 300 الف واكثر


الباث بصراحة المشكلة فيه كبيرة عكس الباترول


انا اقول للي ناوي يشتري باترول فتك يتوكل على الله السياره جربناها والحمدلله ماشفنا الا كل خير


لكن بعض الناس تحب تكبر المواضيع




حياك الله

يكون بعلمك خويي ما لحم المسمارين الا يوم شاف بعينه مواتر مخبطه
طيب الان يوجد ثلاث بواترل بالورشة هذا اللي انا اعرف و ما خفي اعظم مخبطات بسبب سقوط المسمارين في خانة البستم لانهن ما لحمت مساميرهن

و حنا ما كبرنا الامور تعال ببريده و تشوف المواتر بعينك هذا غير الورشات اللي بالتشاليح و عندك الصناعية القديمة بالرياض و ورشة السعيد اللي بتشاليح الحاير و بعدين الوكالة الحقت على المشكلة حيث الغت التفتفه من 2006 و طالع لانه هي السبب لانه اللهاة ترقل تنتفض ثم يحل المسمار
و انت شكلك من حماة الوكالة حتى الموت

[المميـز]

اللي سمعته ان التفتفه ملغيه بالتماتيــــــــــــك بس

يعني القير العادي يتفتف اذا وصل الكمبريشر الاحمر

والتفتفه موجوده الى موديل 2008

وياليت اذا فيه احد من الاخوه معه فتك 2006 وفوق قير عادي يجرب

[سوبر VTC]

اللي سمعته ان التفتفه ملغيه بالتماتيــــــــــــك بس




يعني القير العادي يتفتف اذا وصل الكمبريشر الاحمر


والتفتفه موجوده الى موديل 2008


وياليت اذا فيه احد من الاخوه معه فتك 2006 وفوق قير عادي يجرب



شف الله يسلمك شف موضوعي باول شي باترول تماتيك فل كامل و طاحت المسامير و بعدين من 2006 و طالع حلو هالمشكلة بالغاء التفتفة لان من 2005 و نازل كان اذا دست للبنص الى النهاية و بدا الموتر يتفتف او يقطع تبدا اللهاة ترقل او تلعب تقل تخض لبن:D :D ثم يبدا المسمار يحل و يرتخي
و ذلك بسبب التفتفه و هذه التفتفه تم الغائها من 2006 و طالع حيث يبتل الموتر دايس بدون تقطيع بمعنى انه ان المكينة دايسه للنهاية لكن بدون تقطيع

[gsb]

يعني نفهم من كلامك أخي (سوبر فتك) انه لايوجد فتك من 2006 وطالع موضب بسب هذه المشكلة ويعني كذلك الي بيشتري لايشتري إلى من 2006 وطالع ....

لكن الي معاه من 2002 إلى 2005 يقدر يركب قطع بالثلاجة او البخاخات ماتخلي الموتر يتفتف بعدالتأكد من الشد على المسامير أبعد حل المشكلة إذا وقعت له كإجراء إحترازي لعدم وقوع المشكلة أو تكرر حدوثها.

ودمتم بحفظ الله .

[مواسي الطعوس]

ياليت ياسوبر بس توصف الورشه اللي فيها ثلاث سيارات .ودي اشوفهن واسالهم .واشوف الموديل وبعض الامور.

انا ماشفتها ابد بموديلات 2002 حتى 2004م هي بموديل 2005م فقط .وبعضهن بسبب التلحيم الخاطي.لو ترك شد بلد كان افضل من حلهن وعدم ضبطهن.

[shababi]

ياليت ياسوبر بس توصف الورشه اللي فيها ثلاث سيارات .ودي اشوفهن واسالهم .واشوف الموديل وبعض الامور.

انا ماشفتها ابد بموديلات 2002 حتى 2004م هي بموديل 2005م فقط .وبعضهن بسبب التلحيم الخاطي.لو ترك شد بلد كان افضل من حلهن وعدم ضبطهن.


انا ابن عمي موظف في صيانة نيسان يقول ما مرت عليه نيسان فتك طايح مساميره خلال 4 اشهر الا واحد موديله 2005 وممشاه فوق 300 الف

اما الباث بالدرزن دايم طايحه مساميره مرة دخلت الصيانة واشوف عندهم يمكن ست او سبع سيارات باث وانفنتي اخو الباث كلها توضيب مكاين

والانفنتي FX الي كانه ضفدع يقول عندهم واحد في الصيانة طايح مسمار المكينة

المهم ولد عمي بعد ما نشبت له راح وسأل كبير الميكانيكيين في صيانة الوكالة وقاله ان احتمال سقوطه ضعيف ولا تقرب المسمار ولا تلحمه واذا لا قدر الله طاح المسمار راح تسمع صوته واضح وقف السيارة وشلها على سطحة لاتمشي فيها وبأذن الله ما تحتاج توضيب وحلها بكون سهل اما ان سمعت صوت وبتلت مشوارك تحمل الي يجي موترك لكن زبدة كلامه والرجال له 25 سنة توضيب مكاين في الوكالة ان الاحتمال ضعييييف جدا ولاتتعبث في موترك وبس :)

[غضنفر]

و بعدين من 2006 و طالع حلو هالمشكلة بالغاء التفتفة

يا سيدي العزيز
كي نصل لتشخيص سليم لمشكلة الباترول
ينبغي علينا ان نعرف
ما هو التغيير الحاصل بين 2005 و 2006
انت تقول ان نيسان حلت المشكلة بإلغاء التفتفة
اذا التغيير وقع في
كمبيوتر السيارة
لكن السؤال هل طال التغيير اجزاء اخرى من السيارة غير الكمبيوتر؟
كي يسهل على اصحاب الباترول من 2002-2005 تبديل ما يلزم لتلافي المشكلة

[الحرفي..]

يا شباب ماعليكم الا العافيه انا معي فتك ماشي 300 الف ولابه خلاف ولي حط الموضوع الله يهديه شق باالمسلمين
المشكلة في الفتك 2002 الدفعه الاولى وعالجوه
وفي الباث 2003 - 2004 - 2005
الفتك وبس ياحلوه بعيوبه

[سوبر VTC]

ياليت ياسوبر بس توصف الورشه اللي فيها ثلاث سيارات .ودي اشوفهن واسالهم .واشوف الموديل وبعض الامور.

انا ماشفتها ابد بموديلات 2002 حتى 2004م هي بموديل 2005م فقط .وبعضهن بسبب التلحيم الخاطي.لو ترك شد بلد كان افضل من حلهن وعدم ضبطهن.



هلا بك مواسي الطعوس لك رساله على الخاص


تحياتي لك

[سوبر VTC]

يا شباب ماعليكم الا العافيه انا معي فتك ماشي 300 الف ولابه خلاف ولي حط الموضوع الله يهديه شق باالمسلمين
المشكلة في الفتك 2002 الدفعه الاولى وعالجوه
وفي الباث 2003 - 2004 - 2005
الفتك وبس ياحلوه بعيوبه


الله يهديك تكذب الرجال اقولك خوويي موتره 2005 و طاحت المسامير


و بعدين انت بعيد عن اصحاب الورشات و لا عايشت الواقع و لا تدري انا معايش الواقع بنفسي


ياليت تقرا الموضوع زين من بدايته و تشوف الردود


و يكون بعلمك فيه مواضيع قديمه سابقه بنفس المنتدى و انت يبدو انت غير متابع للمنتدى


خيرا تعمل شرا تلقى

[سوبر VTC]

انا ابن عمي موظف في صيانة نيسان يقول ما مرت عليه نيسان فتك طايح مساميره خلال 4 اشهر الا واحد موديله 2005 وممشاه فوق 300 الف

اما الباث بالدرزن دايم طايحه مساميره مرة دخلت الصيانة واشوف عندهم يمكن ست او سبع سيارات باث وانفنتي اخو الباث كلها توضيب مكاين

والانفنتي FX الي كانه ضفدع يقول عندهم واحد في الصيانة طايح مسمار المكينة

المهم ولد عمي بعد ما نشبت له راح وسأل كبير الميكانيكيين في صيانة الوكالة وقاله ان احتمال سقوطه ضعيف ولا تقرب المسمار ولا تلحمه واذا لا قدر الله طاح المسمار راح تسمع صوته واضح وقف السيارة وشلها على سطحة لاتمشي فيها وبأذن الله ما تحتاج توضيب وحلها بكون سهل اما ان سمعت صوت وبتلت مشوارك تحمل الي يجي موترك لكن زبدة كلامه والرجال له 25 سنة توضيب مكاين في الوكالة ان الاحتمال ضعييييف جدا ولاتتعبث في موترك وبس :)



مشكووووووووووووور على مشاركتك


تحياتي لك

[المميـز]

انا ابن عمي موظف في صيانة نيسان يقول ما مرت عليه نيسان فتك طايح مساميره خلال 4 اشهر الا واحد موديله 2005 وممشاه فوق 300 الف

اما الباث بالدرزن دايم طايحه مساميره مرة دخلت الصيانة واشوف عندهم يمكن ست او سبع سيارات باث وانفنتي اخو الباث كلها توضيب مكاين

والانفنتي FX الي كانه ضفدع يقول عندهم واحد في الصيانة طايح مسمار المكينة

المهم ولد عمي بعد ما نشبت له راح وسأل كبير الميكانيكيين في صيانة الوكالة وقاله ان احتمال سقوطه ضعيف ولا تقرب المسمار ولا تلحمه واذا لا قدر الله طاح المسمار راح تسمع صوته واضح وقف السيارة وشلها على سطحة لاتمشي فيها وبأذن الله ما تحتاج توضيب وحلها بكون سهل اما ان سمعت صوت وبتلت مشوارك تحمل الي يجي موترك لكن زبدة كلامه والرجال له 25 سنة توضيب مكاين في الوكالة ان الاحتمال ضعييييف جدا ولاتتعبث في موترك وبس :)


الحمراني حق المدينه المنوره قبل شهر كان عندهم مورانو ( اللي على قولك كنه ضفدع :D )
موديل 2007 طايح مسمار الثلاجه بعد ويبي يغيرون له مكينه كامله
على الضمان وسألت الوكاله قد مر عليكم فتك طايحه مساميره قالوا لااااا
اما الباث يقولون جاهم كذا واحد (( واحد منهم ولد عمي )) غيروا له
مكينه على الضمان

اللهم احفظنا من كل مكروه وسوء
اللهم استر علينا واعطنا خير مانملك واكفنا شرها

[سوبر VTC]

اخوي المميز/// امس سالت رجال معه باترول 2008 و قال موتري ما يتفتف طبعا تماتيك العادي ارفع يدي مادري


اخوي gsb/// انا تاكدت من الموضوع يقول من م2006 الدفعه الثانية و طالع الغوا التفتفه عن طريق الكمبيوتر الكلام هذا للتماتيك القير العادي ماندري لازم نسال شخص معه عادي و بالنسبة للهاة افضل حل الغاء اللهاة و المسامير او تطويل المسار ثم عوجه من الجهة الاخرى و انا اميل للغاء اللهاة اسلم
بالنسبة للتوضيب/// سالت ميكانيكي و قال انا وضبت موترين قلته و الباقي قال اكثرهن سلمن و الغينا اللهاة يقول ان المسامير نفك الثلاجة و نسحبهن و بعضهن يطلعن مع الشكمان:confused: :confused: بمعنى لا فتح البلف طاح المسمار و طلع مع الشكمان


اخوي غضنفر/// كلامك سليم الغو التفتفه عن طريق الكمبيوتر من م2006 الدفعه الثانية و طالع هذا للقير التماتيك القير العادي لازم نسال:confused:
لكن الافضل الغاء اللهاة لكن مو معقوله اغير الكمبيوتر عشان تفتفه اكيد غالي حتى لو بالتشاليح لابعد الحدود يعني منب ملزوم خساير على غير فاديه

[بـتّاع]

الله يجزاك اخوي سوبر...


مازلنا متابعينك وندعولك بالتوفيق ..

الف شكر على اهتمامك بالموضوع

[سوبر152]

حط مسمار طويل واعوجه أو اطرقه مثل البرشام واستريح

[سوبر152]

هل ال98 يشمله سقوط المسمار اكتييييييييييييييييييير تشطرات للجميع

[سوبر VTC]

حط مسمار طويل واعوجه أو اطرقه مثل البرشام واستريح

فعلا انا ارتاح لهذه الطريقة
لكن ضع باعتبارات اذا استخدمت الموتر بالشكل السليم
باذن الله ما يشوف الا العافية
لكن بعضهم يعسر و يهين الموتر و مافيه شك يخرب


هل ال98 يشمله سقوط المسمار اكتييييييييييييييييييير تشطرات للجميع

المشكلة فقط في الفتك 2002 الى 2006 الدفعة الاولى

[سوبر VTC]

الله يجزاك اخوي سوبر...


مازلنا متابعينك وندعولك بالتوفيق ..

الف شكر على اهتمامك بالموضوع

الحمدلله الامور تساهيل
طال عمرك
جزاك الله خير

[راعي المواتر]

عندي فتك 2006 عايدي يتفتف ولا أحلى منه


بس ترا ني موظب المكينه من فترة بس مب من المسمار من الحراره ومشكلة راس المكينه(قيمة راس المكينه لحاله 4000 ريال) حق الفتك الي ماله حل






اشتر فكساااار إذا أنت تقدر عليه

[سوبر VTC]

عندي فتك 2006 عايدي يتفتف ولا أحلى منه


بس ترا ني موظب المكينه من فترة بس مب من المسمار من الحراره ومشكلة راس المكينه(قيمة راس المكينه لحاله 4000 ريال) حق الفتك الي ماله حل






اشتر فكساااار إذا أنت تقدر عليه


مشكور على مرورك
سؤالي طال عمرك
انا اسمع عن الباترول ان بعضهن ما يضبط عقب التوضيب بمعنى انه يبدا يحتمي
هل هذا الكلام صحيح؟؟؟؟
او على حسب شغل راعي الورشة؟؟؟
ياليت تقولي كم كلفت قطع الغيار خصوصا البساتم الاصلية+شغل اليد+قيمة الراس
انتظرك
تحياتي لك

[ابوتلين]

ياجماعة الخير ماقلتو لنا وين الورش الزينه بالرياض
والله يجزاكم الف خير

[مقلع الرمث]

اقولكم انكم مكبرين الموضوع اكبر من اللازم واللي يقول ان المشكله من 2002 الى 2005 اقوله ماعندك سالفه مع احترامي الشديد لك لكن اانا من مجربين الفتك من موديل 2002 حتى 2003 ومع اصدقائي واااجد ولا كد سمعت احد صارتله المشكله هذي وبدت المشكله هذي من ابو اسطبات كبيره يعني من موديل 2005 فقط واتوقع انه حلوها لكن كان المشكله صايره ببريده خاصه بالقصيم ومعروف اهل القصيم يحطون من الحبه قبه لاني منهم واعرفهم يعني ممكن موترين خربن بسبب تخريب خارب ولذالك قالوا ان الباترول كله يطيحن مساميره وهذا غير صحيح لذالك كان الخبر طالع من القصيم فسمحولي انا من الروعه وكلما جلست بمجلس ببريده قالي امهبول انت تبي موترك يخبط والله يوم جيت اغير بواجي قلت للي يغيرهن واحد من الربع لحم المسامير على دربك عشان مايشغلونا الخلق والحين اخاف يطيحن بعد التلحيم لان فيه ناس لحمت وطاحت يعني مايفيد التلحيم مع ان الغراء حق التلحيم صغير جدا زي غراء ابو جن وسعره حول 80 ريال او دبل واسف اذا كنت طولت عليكم والسلام عليكم
ولا ااحد يزعل من مقلع الرمث

[H I T L E R]

يخووووف و الله

[عادل404]

السلام عليكم لجميع اعضاء المنتدا وتحيه خاصة لصاحب الموضوع اما عن مسمار ثلاجة الباترول فانه على حد علمي ما له دخل القير يعني القير عادي ولا تماتيك المكنية وحده والمشكله موجوده انا بالنسبة لي معي باترول 2007 اخدته ماشي حول 29000ك سمعت عن الموضوع وديته لورشة الهبيش عندنا ببريده ما اخذ شغلة ساعه يوم فكه لقاه حال وانا واقف معه مرحله مرحله وشده وانا اشوف وحط عليه لحام حق سباكه يقول انه ممتاز ومجربينه وكلف 100ر اما عن الي يوهنون من المشكله فاقول المشكله كبيره وموجودة وانا وقفت على احدها ولكم فائق احترامي,,,,,

[أبو عامر 2002]

لاحو ولا قوة الا بالله..

من قال لااعلم فقد افتى

[ابن عكاش]

ان شاري 2009 شاريه الله لايعوق بشر بس وش رايكم اللحام افضل ولا تفكها
الفتك وبس قاهر التايويوتا

[ابوحمدان1]

الله يكون في عون راعي الفتك . . .

[ابو سفيان 09]

السلام عليكم يااخي لحم المسمار لحام اكسجين
وريح اعصابك المسالة ماتكلفك مال ولا وقت

[اسهيل]

ياخي ليش كذا شوفو الوكيل وش يقول يعني مهب معقوله والمكينه غاليه حقة الفتك اقول الله يخلي التايوتا لا مشاكل كهرب ولا مشاكل مسامير

[m1m]

ذبحتنا هالوكالات إن جينا للنسيان خربت المكاين .. وإن جينا للتيوتا خربت القيور ..

وسلمني على حماية المستهلك

[ابوطاقية]

عادل 404 منبش القبور قصدي المواضيع

[m1m]

مشكور على مرورك

سؤالي طال عمرك
انا اسمع عن الباترول ان بعضهن ما يضبط عقب التوضيب بمعنى انه يبدا يحتمي
هل هذا الكلام صحيح؟؟؟؟
او على حسب شغل راعي الورشة؟؟؟
ياليت تقولي كم كلفت قطع الغيار خصوصا البساتم الاصلية+شغل اليد+قيمة الراس
انتظرك

تحياتي لك

عن اذن اخونا ..
كلام غير صحيح .. التوضيب على حسب اللي يشتغله ..

التوضيب تكلفته حسب المتطلبات تكلف من 4000 إلى 5000

[الضرغام11]

الحل الأمثل لمسامير الثلاجة انك تلغي المسامير واللهاة وتحطهن بالدرج.. اريح لراسك ولا لحام ولا وجع راس.. علماً انه ما تضر بالسياره ولا بالعزم..وانا اشتغلته عن الصمعاني اخذ 150 والفك ما اخذ 45 دقيقه..

واحتمال سقوط مسامير الثلاجه ضعيف في الباترول لأنه مسمارين بس...

[محمدالعريني]

يالربع انا صامل على فك اللهاة بس اكيد انهن مايضرن بالعزم و صرف البنزين

[بندر الكبيري]

الباترول Gl مكينه 4500 هل فيه نفس مشكلة مسامير الثلاجه في الفتك والباثفندر

[شاهي حلو]

اسأل الله العظيم أني يسر اموركم وتنحل المشكلة في اقرب وقت..

[سوبر VTC]

جزاكم الله خير جميعا على المرور

ليس هناك تاثير ملاحظ في الصرفيه و العزم

موفقين

[سوبر152]

شكرا لك اخي العزيز
من الحلول تثبيته بحيث تكون أفقية مفتوحة دائما عن طريق الصواميل الخارجية وإلغاء السبرنق والله يستر على الجميع

[«نجم الخير»]

واحد من ربعي معه سوبر سفاري 2005 ماشي 90الف



لحم مسامير الثلاجة عند احد الورشات الثقات قبل فترة طويلة


و قبل امس طاح كم مسمار بالمكينة وبدا الموتر يتفتف



و عسى الله يجيب العواقب سليمة الله لا يستر لا يكون كسر البساتم



ولله ماذبحنا الى الثقه الله يستر عليه وعلينا من
الثقه الزيده عندنا في الورش

[alwssam6]

ان شاء الله خير

[علوول الغامدي]

السلام عليكم
اخواني انا عندي فتك 2005 وودي افك مسامير الثلاجه بس ما اعرف
والشي الثاني اني الجيب عندي احس عزمه طاح مرره مو راضي يعدي 140 اول كان يفصل 205 والحين ياله يوصل 140
طبعا يقعد حارق على الثالث واحط الرابع نفس المشكله ما تزيد السرعه
ولا ادري ايش الحل