ادخل وابدي رايك

[هاوي باترول]

:d سلاااااااام عليكم جميع انا ودي اعرف وش احسن الباترول والا اللاند كروزر


لان فيه ناس يقولون الباترول وناس يقولون اللاند وانا ودي اشوف احبائي اعضاء منتدى مكشات


وش يقولون بهل الموضوع

[بيبسي]

أخوي انت بتدخل الاعضاء في نقاش هم في غنى عنه ولو بتدور بتلقى موضوع بالقسم هنا نفس موضوعك وبتلقى فيه ردود الاعضاء والله يعطيك العافيه ... ((الموضوع مو بعيد يمكن مايتعدى اسبوع ))

[شامخ ألهيلا]

اخوي تصفح المنتدى وراح تلقى مواضيع بهذا الخصوص وفيها تجريح لبعض الاعضاء

وبعد اذنك اخوي اتمناء من الاداره قفل الموضوع

لانه اذا طول ماراح يخلو من المشاكل

[سيف2008]

الناس أذواق البعض يعجبه اللاند والبعض يعجبه الباترول

أنت شوف وش الي يناسبك والله يوفقك

[باترول للأبد]

الله يهديك بس

[سندباد الخليج]

حياك الله اخوي هاوي باترول

السيارتين كلها تبيض وجهك في البر والمدينة واختر الي تبي منهم

والله يعديك شرها ويعطيك خيرها

[العمدة ابو صالح]

اخوي تصفح المنتدى وراح تلقى مواضيع بهذا الخصوص وفيها تجريح لبعض الاعضاء

وبعد اذنك اخوي اتمناء من الاداره قفل الموضوع

لانه اذا طول ماراح يخلو من المشاكل
انا مع اخوي واتمنا من الاعضاء قبل تنزيل موضوع التأكد هل نزل من قبل ارجوا ان تكون المعلومه واضحه وبتوفيق والامام لخدمه المنتدى المعطاء

[Magellan]

ليش يتم إقفال مثل هذه المواضيع
لأن لو فيه إحترام متبادل ووجهات نظر في حدود المعقول وبدون تجريح للأشخاص كان ماحصلت مثل هذه المواضيع
للأسف مكشات أصبح بؤرة للتعصب في هذا المجال وبالذات المقارنة
وللأسف بعض الردود تدل على مستوى الثقافة وروح الإنسان
وإلا ترى الأمر مايتعدى جامادات ووكالات لو طلبت منهم ريال أو خدمة ماعطوك
هذا رأيي من شخص لايملك نيسان ولاجيب تويوتا

[ملاحق السيول]

:good: :good: :good: :good: :good: :good: :good:
اخوي تصفح المنتدى وراح تلقى مواضيع بهذا الخصوص وفيها تجريح لبعض الاعضاء

وبعد اذنك اخوي اتمناء من الاداره قفل الموضوع

لانه اذا طول ماراح يخلو من المشاكل هذا الرد الصحيح وستجد الموضوع كتب أكثر من مره

[راعي النسنس]

باترل ولا بالفرق

ارخص

اخف
مجرب كل الاثنين

[شمالات نجد]

كأداء سيارة دفع رباعي حقيقية الباترول أفضل بكثير

ولكن اللاند له ناسه ويأدي الغرض فلا ننقصه حقه ويستاهل

حبيت أرد قبل يقفل الموضوع لأني مارديت على المواضيع السابقة :)

بالتوفيق للجميع

سلام

[هاوي باترول]

جزااكم الله خير وبعدين ليه يقفل الموضوع وش فيها يعني حرام والا عيب


واحد مثلي متادب خلووق نشيط اقوم الصبح اشرب الحليب مع الما ما والبابا هههههه لا تصدقوووووون امزح معكم:cool:

[شامخ ألهيلا]

اخوي ماجلان

ليت كل العرب زيك والله ولايهونون الشباب بس يااخوك انا وانت وبعض الاعضاء نتناقش باسلوب راقي ومودب بس هنااك بعض الشبااب هداهم الله اذا قلت ان هالسياره مو زينه او فيها عيووب رااح تتعرض لشتم
وكانك ذاكر عيوبه هو

اخوي هاوي والله لاهو حرام ولاعيب
بس شوري عليك لاتستعجل واستخر
واذا لقيت سياره نظيفه وموديلها حديث وماجاها كرف اشتر وانت مغمض سوا باترول او لاند او باجيرو او برادو ابو باث فاندر او اف جي او همر او رنج رووفر او جيب مازدا
اهم شي يكون موتر جديد ويعيش 4 سنوات بدون تسوي له صياانه


هذا الشوور ولا بلاش
ان شاء الله ماجد معارضه من احد

[مجالس الرجال]

من واقع تجربه ل تويوتا -نيسان 00
التويوتا افضل محركات واجود من النيسان
نيسان صارت تهتم بقوة المحرك لكن عيوبه ماتتفاداها الا بعد سنين طويله حتى تمتص دراهم الناس مثل سالفة مسامير الثلاجه بالباترول و الباثفايندر
والركب اللي على الباثفاندر اخرطي تسمع طقطقته والموتر ماوصل 50000
التويوتا فيه عندك الوكيل هو اللي مسوي عيوبه وايضا التويوتا عامه اسعاره به زود ولا يهمك كلام بعضالناس اللي يسمونه مسخرة الارض والله يسوى سيارات النيسان كله ولو تويوتا جابوه بلاستيك لكنهم يعرفون يجيبون الجوده مع اللي يبون(هذا الكلام منطقي يعلم الله اني ماتعصبت لتويوتا ولا راح يعطونن اي فلس )

[الربذي]

خيرة 30سنه
السيارات على النحو التالي بقلة الاعطال والتحمل
1-متسوبيشي
2-تويوتا
3-اسيزو
4-نيسان
هذا هو التقييم الفعلي البعيد عن التعصب بالرغم ان عشقي هو نيسان
ولي مو مصدق يشتري الاربع وكاله ويجرب والتجربه خير برهان 00امل ان لاينفجر بركان اهل نيسان000

[عاشق السيل]

لولا إختلاف الآراء لبارت السلع !!!

كل واحد له ذوق وعشق وميول ،،، والسيارتين اللي ذكرتها عينين في راس وكلها فيها مميزات وعيوب !!!

أنت شف اللي تميل له أكثر وترتاح لسواقته وتراك منت خسران لو شريت هذا وإلا ذاك !!!!

وعسى الله يوفقك لكل خير وتقبل مروري ....

[alyahya2]

انا افضل الباترول

[كرم نت]

والله يا خوك أنا أنصحك بالاندكروزر وشرط يكون Vxr ولا تقرب Gxr لأنه ثقيل وسبب اختياري للاندكروزر منها شكل وفخامة ومنها قوة وصلابة في البر
أما الباترول حقيقة أنا ماجربته بس اللي أسمعه عن الناس بالخرابات وانه سريع التفكك يجعلني أفضل الاند عليه بمية مرة