اللاند كروزر (مهزلة الأرض)بالصور

[alamri111]

السلام عليكم ورحمة الله وبركاته

حبيت انقل لكم ها الموضوع الهام جداً علشان تعرفون الفرق بين وكيل تو يوتا في السعوديه ووكيلها في بعض الدول المجاوره
وعلشان تشوفون النهب الحاصل من شركة عبد اللطيف جميل الي بدا يلصق
في سياراته من ها القطع الصينيه ويضحك علينا ويقول يباني وطبعا هذا يعود لغياب الظمــــــــــير لدى الوكيل ثم غياب

[أبو LAMeS]

معروف أبو جميل بالقص واللزق علشان يكون هو أقل الاسعار ... لكن رغم كل شي تعتبر سيارته غالية على قلة المواصفات ...

على فكرة يبدو إنك نسيت تحط الموضوع... رغم إن الشباب هنا يكرهون شي أسمه منقول لكن يمكن نستفيد حاجة تكون غيابة عنا

[نفس السحاب]

اللي معه كاش ليس مجبور انه يشري من عبداللطيف جميل ..

لكن مافيه صور

[طحنون]

تجربتي مع الوكيل عبداللطيف جميل
شريت هايلكس موديل 2001 Glx
واكتشفت في يوم من الايام ان الكبرسر مكتوب عليه صنع في اندونيسيا طبعا تبريدالمكيف لك عليه في عز القايله مايبرد صح
والملاحظه الثانيه اني يوم فكيت القير ابي اغير دزك وكلش اتضح ان القير مفكوك ومغير الصوفه القير
زياده على ذالك الاكسسوارات التجاريه الرخيصه اللي الكل يعرفها من مسجل الى اخره

[alamri111]

السلام عليكم ورحمة الله وبركاته
حبيت انقل لكم هالموضوع من زمان علشان تعرفون وكيل تويوتا با السعوديه وش قاعد يسوي بنا يا الضعوف والفرق بينه وبين وكلاْء تويوتا في بعض الدول المجاوره
إضغط على الرابط
C:\Documents and Settings\usr\My Documents\المملكه\ساحة السيارات مفخرة الأرض لاندكروزر 2008 تقييم وتحليل بالارقام والصور والفضائح.mht

وسلمولي على الأمانه

وطبعاً هذا من مبداء إمسك لي واقطع لك

[أبن حرب]

ياليت تعدل الرابط أخوي ...

[مصوّب الدّخل]

.
.
هذي مداخلة برابط لنفس الموضوع مع الاعتذار للكاتب:

هناااااااااااااااا (http://www.alhsa.com/forum/showthread.php?t=82214)

[سفير الصمان]

الفرق في الكماليات لا يضر
أهم شيء القير والمكينة
ومواصفات عبداللطيف أحسن من مواصفات باقي الوكالات
وليس من جرب كمن سمع
فقد جربت السعودي والخليجي
الخليجي أغلى من غير فايدة
والأكسسوارت صينية ولا يابانية مايهم

[بيبسي]

فرق 35000ريال + ضمان عبداللطيف جميل 3 سنوات أو 10000كلم والله ابأخذ السعودي ..ز يعني اذا السعودي بــ185000ريال الخليجي يصير بــ220000ريال .. فرق مو بسيط يجيب لي سياره ثانيه مع الجيب وبعدين انا اشوف انه تقرير مبالغ فيه شوي ... انا اخذت اف جي من عبداللطيف جميل مواصفاته احسن من وارد اليحيئ ..

[راعي المقانيص]

المصيبه اخي الفاضل ان الي شجع عبداللطيف جميل يسوي فينا المسخره هذي نحن انفسنا

يزود السعر ونركض مراكض نروح نشتري

يخربط في المواصفات ونتزاحم من الي يشتري اول وقبل الثاني علشان نتفاخر قدام بعض اني شريته قبلك

لكن لو بحثنا عن البديل لوجدنا الافضل والارخص وبهذا نكون قد انتصرنا على تجار النصب والنهب

واهم نقطه نخلي خرابيط الشريطيه وقذاراتهم في قول فكر بالسيارة عند البيع على الحال هذا ماعاد نشتري الا تويوتا وطقتها وخل عبداللطيف جميل والبازعي واشكالهم يكسرون ارقابنا وظهورنا باسعارهم

[alamri111]

السلام عليكم


قولو أمين الله ينورعليك يا (مصوب الدخل)


بالضبط هذا الموضوع الي كنت اقصده ولاكن الخبره في الكمبيوتر عندي لكم عليها


وحاولت اكثر من مره عن طريق النسخ واللصق بدون فايده


وأعتذرللجميع ولا كن نظراًلأهمية الموضوع حاولت اكثر من مره
والشكر للجميع على المرور وإن شاء الله تتحسن الخبره في الكمبيوتر
والقى وضيفه في مايكروسوفت


وبا لنسبه للأخ (مهاوش) الله يجزاك خير


الظاهرإن دراهمك واجد ولاتحسب حسابها


وأضيف هالمنظرالي يوسع الصدر
http://www.x88x.com/2009/AfL91821.jpg (http://www.x88x.com/)
وأشكر الأخ عاشق السيل

[شامخ ألهيلا]

يعطيك العافيه اخوي على الموضوع

هذه سياسه تجاريه بين الشركه الام وعبداللطيف جميل
فلو استوردها من الشركه كامله لزاد سعرها ولن تمشي سلعته وسياراته والشعب السعودي ماراح يشتري بهالاسعار الخليجيه

وافي نهاية الموضوع قناعتنا في تويوتا ونوكيا وببسي لن تتغير

[ملاحق السيول]

لوسمحة السياره ممتازه ماعليك بالوكيل والإكسسوارات عاليك بالمكينه التي تتفوق عل غيرها من الجيوب

[خشم العان]

يعطيك العافيه اخوي على الموضوع

هذه سياسه تجاريه بين الشركه الام وعبداللطيف جميل
فلو استوردها من الشركه كامله لزاد سعرها ولن تمشي سلعته وسياراته والشعب السعودي ماراح يشتري بهالاسعار الخليجيه

وافي نهاية الموضوع قناعتنا في تويوتا ونوكيا وببسي لن تتغير

معليش اخوي شف المواصفات الخليجية افضل واصلي وارخص
مافيه اتفاقية ولا شي فيه استغلال وتويوتا وبس؟

[شلش 1896]

اخوي يمكن انك ماتحب التويوتا لكن مثبت جدارتة فعلا سيارة اناجربت الكثير من السيارات ومعي الان gxr2002ماجا زي الاندكروزر ياهل النيسان لكن ترا السواقين يغرونك يبيله مشورب مثلي

[صلهامه]

السلام عليكم



قولو أمين الله ينورعليك يا (مصوب الدخل)


بالضبط هذا الموضوع الي كنت اقصده ولاكن الخبره في الكمبيوتر عندي لكم عليها


وحاولت اكثر من مره عن طريق النسخ واللصق بدون فايده


وأعتذرللجميع ولا كن نظراًلأهمية الموضوع حاولت اكثر من مره
والشكر للجميع على المرور وإن شاء الله تتحسن الخبره في الكمبيوتر
والقى وضيفه في مايكروسوفت


وبا لنسبه للأخ (مهاوش) الله يجزاك خير


الظاهرإن دراهمك واجد ولاتحسب حسابها



وأضيف هالمنظرالي يوسع الصدر
http://www.x88x.com/2009/AfL91821.jpg (http://www.x88x.com/)

وأشكر الأخ عاشق السيل




غشيم ....... يدخل بالنفود وكفراته ضغط ( 40 ) كنهن حجر والله لو انه طياره مو سياره كان غرز

[سوبر152]

لا إله إلا الله


*اللهم بارك لنا في رجب وشعبان وبلغنا رمضان

*بقى 52 يوم على دخول شهر رمضان المبارك

[051]

ابو جميل اهم شيء الكرونه يبدلها هذي تكفي

[ملاحق السيول]

لا إله إلا الله




*اللهم بارك لنا في رجب وشعبان وبلغنا رمضان


*بقى 52 يوم على دخول شهر رمضان المبارك
FHV;بارك الله فيك وجزاك الله خير رد ممتاز بس تم سرقته

[روافد]

شكرا لكم اخوي

هذي المشكلة انه يلعب علينا وما يلقي احد يرده وغيرها حنى طايرين في سياراته ونشتري مهما كان السعر

[ابو حسان الجنوبي]

المصيبه اخي الفاضل ان الي شجع عبداللطيف جميل يسوي فينا المسخره هذي نحن انفسنا



يزود السعر ونركض مراكض نروح نشتري


يخربط في المواصفات ونتزاحم من الي يشتري اول وقبل الثاني علشان نتفاخر قدام بعض اني شريته قبلك


لكن لو بحثنا عن البديل لوجدنا الافضل والارخص وبهذا نكون قد انتصرنا على تجار النصب والنهب



واهم نقطه نخلي خرابيط الشريطيه وقذاراتهم في قول فكر بالسيارة عند البيع على الحال هذا ماعاد نشتري الا تويوتا وطقتها وخل عبداللطيف جميل والبازعي واشكالهم يكسرون ارقابنا وظهورنا باسعارهم




وربي إن هذا الكلام السليم بارك الله فيك

[علم199]

ابو جميل هو الوحيد اللي لايعطي شهادة منشاء لسياراتة والسبب الترقيع اللي يسوية واللي كلكم عارفينة

[.أبوعبدالرحمن]

يا اخوي لا احد يقول ان القطع حقت عبداللطيف جميل صيني



لاني خرب عندي المكيف والكل يعرف سيارتي باثفندر والخراب كان بسبب الترمستات

وراح الوالد الله يطول عمره على الخير والطاعة يدور القطعة هذي في اكثر من محل

وهذا ما يليق بشركة مثل الحمراني انه القطع ما تنلقى المهم ان الوالد راح لوكالة الحمراني

وشرا القطعة وبعد التركيب بيوم واحد ضربت القطعة وديتها انا بنفسي لواحد ثاني يوم شاف القطعة

قالي هذي ماهيب اصلي قلت طيب الوالد شاريها من الحمراني قال لي المهندس الان الحمراني

كل قطعة صينية وفانصدمت بالكلام هذا وراح جاب لي قطعة من التشليح اصلية 100% ان شاء الله




يعني السيارات كانت سيارات واما الان صارت العاب

[حبنان]

شكل سايق المفغرة غشيم يفكر يومها 2008 انها بتطير ما درى انها ديكور عليه محرك قوي

[bb5599]

كل السيارات الجديدة الله بالخير.. لا تويوتا ولا نيسان..

يعني المواتر من جفرة لدحديرة..
قديمك نديمك لو الجديد أغناك..

[كرم نت]

الله يعطيك العافية أخوي على المعلومات ومنكم نستفيد

[gsb]

الا بمناسبة غلاء الاسعار وجشع التجار في نهب وسلب أموال الناس بأي شكل وأي وسيلة وعلى رأسهم سعادة وكلاء السيارات

ليش ماندور بديل غير التويوتا والنيسان ترانا ملينا سياراتهم بأغلا الأسعار وقطعها الاستهلاكية كذالك وشرايكم بالأمريكي وما هي السيارات الي ترشحون وكذالك الكوري والصيني بعد أي بلد وأي ماركة تجبون تضيفونها () ؟

[سفير الصمان]

ماهو العيب في هذه الصورة واحد مايعرف يسوق وكفراته فيهن أربعين والقير تماتيك
أكيد بتكون النتيجة كما ترون
http://www.x88x.com/2009/AfL91821.jpg (http://www.x88x.com/)

[مخ سعودي]

بيض الله وجيهكم
الطامة الكبرى بالامس توجهت لغيار زيت المحرك لسيارتي تفاجات بان العامل يقول ارتفع الزيت من جديد طلع براسي نخلة ليش وش السبب ؟ وين حماية المستهلك ؟
قال صديق غير ولا روح محل ثاني قلت غير الشكوى لله الزيت كاسترول عشرة ثلاثين صار ب16 ريال حاليا
يعني بعد سنوات تغير زيت عافية يصير ارخص خخخخخخخخخخخخخخخخ
بالنسبة للسيارات والتلاعب اذا صحت حماية المستهلك راح تضبط الشغلة وينايم لك الله
بارك الله فيكم ورحم الله والديكم وابعد وجيهنا عن النار