هيلكــــس 8 0 0 2 دفرنشين

[الوافي 9]

السلام عليكم ورحمت الله وبركاته
ياأخواني
عندي هيلكس 2008 دبل يعني 4×4
اول شي وجه الموتر نزل والكفراة تعبتنى في الرمل و الجنط حجمه 15 وش أحسن كفراة للرمل
بعض الناس انصحوني بالبلون
أرجو من الخوان الافاده واستنا الردود :confused: :confused: :confused: :( :( :(

[.أبوعبدالرحمن]

عندك الدنلوب اللي يجي اعرض من الكفر بشوي

لانه لين ويساعدك على المشي في الرمل


اما من ناحية الرفع ما لي خبرة فيه

[أبوسعد 511]

ركب جنوط باترول 2005 تطلع حلوه

[الوافي 9]

مساك الله بلخير
أبو عبد الرحمن الدنلوب ترفع الموتر

[بيبسي]

البالون بترفعه وحلوه للرمل بس ماتصلح للخطوط واستخدام المدينه

شف كفرات دنلوب مقاس 16/85/245 مع جنوطها بترفع لك السياره وحلوه بالرمل او شف نفس المقاس بس جنط 15

[غالي]

لحظه
اخوي
رح لاقرب ورشه وقله ابيك ترفع الوجه لانه نازل

انا مالي خبره بالهايلوكس
لكن
عندي يوكون خذته من احد اخواني وكان مرتفع وجهه
المهم
رحت لورشه بالعروبه معرفتي فيه بسيطه
وقلت له ابي انزل الوجه
قا ماعندك مشكله تبي ترفعه او تنزله سهله (( ماادري لكل السيارات او اليوكون بس))
المهم
قال ابربط مسمار تحت حق شاص مدري توازن ((مدري وش اسمه))

الزبده هالمسمار واحد يمين والثاني يسار
اذا ربطته او فكيته
يرفع وجه السياره او ينزلها - فا نزل الوجه لي ونزله زياده شوي ثم رفعناه ثانيه ثم نزلناه لين اعجبني وضعه
وكل هذا في ثلث ساعه او اقل وانا واقف
فا رح لأي ورشه وسأله كان الهايلوكس فيها
لكن بتصوري كل السيارات فيها

حرام تكلف على عمرك وتغير كفرات وانت ب20 ريال او اقل تحل مشكلتك ان شاء الله

(( اذا كنت من الرياض وقريب من صناعية العروبه - ارسلي رساله خاصه واعطيك جوال الرجال او اذا تبي رحت معك له- تامر امر))

[أبوالمثنى]

بالنسبه للوجهيه رح للرمايه وركب كعكات

[كرم نت]

أخوي بالنسبة لرفع السيارة مثل ما قال أخوي غالي أي سيارة لها مسمارين وهي ما تاخذ وقت كلها عشر دقايق والمكانيكي خالص بس تراها تضعف عزم الموتر

[ابو ناصر2020]

بنسبه لرفعه السياره ركب كعكات من الرمايه او غيره

ولا تحرك المسمار الي تحت لانه اذا تحرك عن وزنة الوكاله راح يكون يتغير رفعة الموتر مع المطامر بالبر


والكفرات ركب دنلوب عراض احسن لك ديره وبر وخط



والله يرزق يارب ويطعمك خيره ويكفيك شره

[لن أمل من العطاء]

الهايلوكس ما لها مسامير للترفيع

الهايلوكس من 2006 - 2007 -2008 اتت بنظام اليايات في الامام

2005 ونازل لها مسامير

[إعصار]

الكفرات ..



عندك دنلوب ..


ولا هنكوك .. بس الهنكوك في الشعبان سيئة ..



لذلك خلك على الدنلوب ..



مقاس الكفر .. 16/85/255


ــــ


بالنسبة للترفيع ..


لازم تركب يايات استرالية ..


ترفع وجهه بالحيل ..


الياي سعره 550 .. مع التركيب 150 المجموع ..700 ريال ..


هذا في ورشة الرماية على شارع التخصصي ..



والله يبارك لك ..



نصيحة .. درب الموتر زين ..

[أبوخطاب]

ركب كعكات ب80ريال على المقاس ألي تبي من عند أي ورشة بالصناعية

[الوافي 9]

يعطيكم العافيه ياأخواني على النصايح الطيبه وكثرمن امثالكم عزالله اهل فزعه

[هيثم صفرلي]

اخوي لا تعب نفسك انا كان عندي نفس موترك بس 2006
خذها من واحد مجرب درة في الصناعيات لين قلت بس شف لترفيع رح للرماية الي بأخر الاتخصصي بأتجاه الشمال في محطة ميد زين وقله ركب لي يايات اماميه حقت البرادو والفورتشنر قيمتها تقريبا 750ريال تقريبا ولاتركب مساعدات بس يايات بكذا يرتفع وجهه موترك من 2,5 الى 3 انش وبصير مستوي ومطبه يخف زياده
بالنسبه للكفرات طبعا انصحك بادنالوب وشكرا