نبغي ننظم طلعه للجميع

[العتيبي]

السلام عليكم ورحمة الله وبركاته
ومساكم الله بالخير جميعاً ..
في البدايه احب ان اهنئ نفسي على انظمامي لقافلة افضل منتدى واهنئ جميع المشاركين ... واقول ترى مافيه افضل من مكانك هذا ..
-----------------
جتني هالفكره اول مادخلت هنا واتنمى من الجميع الاستجابه لها ،،
وهي اننا ننظم لنا طلعه مدتها يومين وهي الاربعاء والخميس 15/11/1424هـ ونطلع افضل مكان ربع إلى حد الآن والرأي للجميع واذا ان هالتاريخ مو مناسب ارجو ابلغي بالتاريخ المناسب للجميع .. واتنمى من الجميع المشاركه

-----------------
ترى الي ماراح يطلع بيتندم بنخليها طلعه عالميه يسجلها التاريخ بإذن الله
----------------
ولكم مني خالص الشكر
اخوكم ،، العتيبي

[راميهن]

سلام عليكم
اخوي العتيبي الفكره حلوة لكن التاريخ ماهو مناسب لان 11\15 يوافق اربعا والسبت اختبارات الجامعيين تبدا
.

























تحياتي

[الحاتمي]

طيب لازم نسوي عقد مع النقل الجماعي( سابتكو)
عشان يشيلون الربع
والا نتفق مع حمله من حملات الحج ندفع فلوس ونحدد المكان والباقي عليهم:D
الحااااااااااااااااااتمي

[بواردي الروضة]

والله أنك صادق يالحاتمي حتى باص واحد حق النقل الجماعي ما يكفي يبيلنا أقل شيء اثنين أو ثلاثة

[رفيع الشان]

......


تصدق مالك داعي .........يعني تبي تقهر البعيدين ....... مسكين دمعة بعير بيكشت لوحده في ربوع الجنوب ههههههههههــ

ولكن لك مني وعد في الربيع تحصلني مابين الرياض وحائل انا وقروب من الشباب ..


سلام

[العتيبي]

السلام عليكم ورحمة الله وبركاته ،،،

اشكر جميع من تفاعل معنا ،، وننتظر البقيه ..
واريد ان انوه لحضراتكم ان الهدف من الرحله هو تعارفنا على الرجال مثلكم وشرواكم وتقوية الرابطه اكثر من انها علاقة انترنت بغض النظر عن الوناسه والمتعه ،،،( ولكم تعليق على ذالك )

------
الأخ / راميهن
مساك الله بالخير اخوي ومشكور على مرورك الكريم على الموضوع،،
بالنسبه للتاريخ انا ماعندي فيه مشكله ولكن اتمنى انه يكون بعد تاريخ 15/11 وإلى تاريخ 18/12/1424 لان ظروفي ماتسمح لي بغير الفتره المحدده هذي يالغالي ... وانت تامر امر ;)

------
الأخ / الحاتمي
ههههههههههه
حياك الله يالغالي ...
لدرجه هذي .. لا تخاف من عندي انا جيب يحبه قلبك وعزبه كامله مكمله والكامل وجه الله سبحانه وتعالي وذبيحه لها راس ورجلين :cool: وابشر بسعدك وانا اخوك ... ومشكور على مرورك الكريم

--------
الاخ/ بواردي الروضة
حياك الله اخوي ،،، انت خاونا اهم شي ولا عليك من الباقين خوتك شرف لنا ،،، ونشكرك على تفضلك بالرد
-------
الاخ / دمعة بعير
مشكور على مرورك ،،، ولا تخاف الجنوب في الخطه الخمسينيه المستقبليه ... ناوينها انشالله ;)
وحياك الله في اي وقت .... ولا تنسى اتصل متى ماجيت مابين حدود الرياض والدوادمي ولا يكون خاطرك الا طيب ...


ولكم خالص شكري ،،،
اخوكم / العتيبي صلى الله عليه وسلم

[راعي الحزم]

الاخ العزيز العتيبي موضوعك جيد ولن لاحظت انك قد كتبت كلمة (( العتيبي صلى الله عليه وسلم )) في الاسفل وأنا هنا لن أناقشك في حكمها لأني أعرفه ولكن أنت لاتعلم اوربما علمت وتجاهلت أن الانترنت وخصوصا المنتديات تجمع أناس لاتعرفهم ولا تعرف ثقافتهم ومدى تعليمهم وبهذا توقع نفسك في المحضور
ومن اتقى الشبهات استبرأ لدينه وانصحك بتغير ما كتبت جزاك الله خيرا
وان كان ماكتبته وقع بالخطأ فهذا له كلام آخر

تقبل تحيات أخوك راعي الحزم 0000الرس 0000

[بواردي الروضة]

الظاهر أنك غلطان يالعتيبي تأكد من الكلام اللي تكتبة

[الحاتمي]

ولكم خالص شكري ،،،
اخوكم / العتيبي صلى الله عليه وسلم
؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!! !!!!!!!!!!
هلا بالعتيبي
ان كنت غلطان(عفي عن امتي الخطأ والنسيان وما استكرهو عليه)
وان كانت مقصوده الله يهدينا واياك من يبي يكشت معك وانت؟؟؟؟؟؟؟؟؟؟؟
الحاااااااااااااااااااااتمي

[الفردوس]

السلام عليكم الطلعة مهيب شينة
وبالنسبة لمقولة صلى الله عليه وسلم لشخص سوى النبي صلى الله عليه وسلم فلا مانع إذا لم يكن عادة ، يعني مرة أو مرتين لكن دائما فلا .
لأن هذا من خصائص النبي صلى الله عليه وسلم

وعليه أرجو من ولد عمي العتيبي يشيل هالكلمة الله يجزاه خير

وفق الله الجميع

[ابو شكاع]

زينة

زززززززززينة

يالله الله يوفقكم

بس حطوا لنا الصور نبي نشوفكم

بعدين فيه شي ثاني

ورا ما توحدون تردد بالكنوود لحقين مكشات ؟

هل فيه تردد بالكنوود لاعضاء مكشات ؟؟

عافاكم ربي

وحياك يالعتيبي

[العتيبي]

السلام عليكم ورحمة الله وبركاته
ومساء الخير للجميع ،،،
وأشكر جميع الاعضــــــــــــاء على التفاعل مع موضوعي .
ولكــــــــن احب ان انوه بإن كلمة( صلى الله عليه وسلم) لم اكتبها عمداً والعياذ بالله ولكن كتبت خطأ لان قصدي بإن تخرج بهذه الصوره
اخوكم/ العتيبي
وصلى الله وسلم على نبينا محمد
كنهايه للموضوع او الرد لا اكثر ولا اقل ...

واشكر اخي راعي الحزم وبواردي الروضة و الحاتمي والأسعدي على تبليغهم وتعليقهم على هذه الملاحظه لكي لاتكون هنالك فكره من بعض الاعضاء والزوار على قرائتها .....



ابو شكاع على خير انشالله اخوي بس هم خلهم بالاول يصملون .. وبالنسبه لتوحيد تردد ماادري والله العلم عند المشرفين ...
ولكم خالص الاحترام
اخوكم/العتيبي

وصلى الله وسلم على نبينا محمد عليه افضل الصلاة واتم التسليم

[أبو المثنى]

الحقيقة فكرة رائعة وجيدة بس يالله شدوا حيلكم ياشباب

وهذا بريدي

hguelhk@hotmail.com

[قناص القرائن]

الفكره حلوه والبريد حقي في التوقيع

[هاوي بران]

سر يالعتيبي ونحن نسير وراك

وابشر بالفزعه عده وعتاد خيام وذبايح وحنا معكم بمالنا وانفسنا ...

مع اني افضل ان كل واحد تجي منه مشاركه عشان ما يحس احد انه ضيف وتتطلع الكشته رسميه ..نبي الدعوى فري واحترام متبادل ووناسه قبل كل شي.

بس اصملوا يالربع ....وينك يالمشرف لا تنحاش..صدناك


وتقبلوا خالص تحيات هاوي بران

[فـ(الجـوف)ـتى]

Originally posted by الحاتمي
طيب لازم نسوي عقد مع النقل الجماعي( سابتكو)
عشان يشيلون الربع
والا نتفق مع حمله من حملات الحج ندفع فلوس ونحدد المكان والباقي عليهم:D
الحااااااااااااااااااتمي

[الـ ع ـارض]

متى ما جزمتوا وحددتوا مكان علموني عشان امر على الحاتمى والعناء ونجيكم


<=== رمى فراشه بالسياره يحتري ردكم

[ابوحمد2001]

السلام عليكم ورحمة الله وبركاته
عساك على القوة يا العتيبي واقتراح تكون يوم الخميس الجاي في روضة في الجهة الشرقية من الصمان من الصبح الى الليل غداء وعشاء وتكون بدون تكلفة ياالله قالوا تم تم ؛؛؛؛؛؛؛؛؛؛؛؛ يالله حددوالاحداثيات وااللي بيروح على الرسائل الخاصة

[خشم الحصان]

الاخ العزيز
العتيبي
السلام عليكم
اخي الحبيب انا من وجهة نضري ان الفكره طيبه وجميله وتشكر عليها كل الشكر
ولكن جمع جميع او جزاء من المشاركين في هذا المنتدي صعب جدآ وذلك
1-ان المشركين لو اجتمعو كلهم فهم اكثر من 5الالف شخص
2-اجتمع جزي اي اكثر من 50 او اقل يجب ان يكون لها مشرفين ومزانيه خاصه
3-تفرق المشاركين في ارجاء وطننا الغالي ومن الصعب جمعهم في مكان واحد وذلك من المشقه
للذينا يقطنون في الشمال والغرب الجنوب و الشرق
انا اويد كلام الاخ الفاضل ابو شكاع اي ان يكون بيننا تواصل علي جهاز الاتصال
اي الذينا في الدهناء او الصمان كمثال يمكن ان يتوصلو فيما بنهم وان يوضع مكتب خاص
لمكشات ويتم النداء عليه وقد فعلت ذلك في التنهات حيث نديت علي العامه هل يوجد احد من منتداء
مكشات فوجد واحد من الاخوه جزاء الله خير وتبادلنا الحديث والتعرف فمابيننا واذا ارد احد ان يزور
اخيه يعطيه الاحداثي لموقعه ثم يذهب اليه هذا مالدي
اخوك
خشم الحصان
الفقير الي ربه

[العتيبي]

السلام عليكم ورحمة الله وبركاته
اخواني انا الآن عملت احصائيه للي صملو وماشالله صار عددهم22 بمافيهم أنا ... واسمائهم كالتالي:-

1- رمش العين ------ صامل درجه اولى ==== الرياض
2- maxpower -- صامل درجه أولى==== مجهول
3- ريمون ---- والله ماندري عنه !========الظهران
4- kdral--- صامل درجه اولى=========الرياض
5- الشاقي --- صملته ماهيب الي ======== مجهول
6- يزيد2002--- صملته ماهيب الي======= مجهول
7- حفيد ابو الليول --- صامل درجه اولى===== الرياض
8- عاشق الشروكي --- ماندري عن صملته=== مجهول
9- fares2003 ---- ليت الشباب كلهم مثل صملته== الدمام
10- الادهم---- ماندري عنه============ مجهول
11- ابو صالح------ صامل درجه اولى====== مجهول
12-ابو المثنى------- صامل درجه اولى====== مجهول
13- بليزر------------ صامل درجه اولى===== مجهول
14- حد السيف ------ ماندري عنه======== الرياض
15-tabrak ------- صامل درجه اولى===== مجهول
16-ابو حمد---------- صامل درجه اولى===== مجهول
17- جلوبستار------- ماندري عنه .======= شقراء
18-البرق ---------- صامل درجه اولى===== الرياض
19-هاوي البران---- صامل درجه اولى===== مجهول
20-العارض -------- صامل درجه اولى===== الرياض
21- قناص القرائن -- صامل درجه اولى==== شقراء
22- العتيبي --------- صامل درجه اولى ولو ماراح احد راح لوحده === الرياض

==========================

وارجو من الجميع ارسال ارقام جوالاتهم على الخاص حتي يتم التنسيق ...

==========================
ونحن نسينا موضوع مهم وهو عدد السيارات الي بتروح وببداء فيها انا :-

1- جيب لاندكروزو موديل 93 .
2-( الي بعدي يتفضل اذا كان عنده امكانيه يجيب سيارته معه )علشان اهل الرياض مثلاً يجونعلى سياره او سيارتين اوفر لنا طبعاً ... والراي للجميع .

==========================
وموضوع العزب انا من عندي عزبه للطبخ وعزبه للقهوه ويمكن عزبتي ماهي الدرجه الاولى يمكن يوجد من هو افضل وليتفضل بالتكرم علينا بعزبته :D

أخوكم / فيصل العتيبي .......... اتمنى من الجميع المشاركه

وصلى الله وسلم على نبينا وحبيبنا محمد.

[صفوان]

الأخ/ العتيبي حفظه الله ورعاه وجميع المشاركين

عندي رأي أود طرحه.. أرجو من الجميع توسيع صدورهم شوي

عادة الكشتات يكون لها قصد إما لزيادة الألفة والمحبة بين الربع، أو لهدف مشترك مثل رحلة قنص مثلاً، أو يكون هناك تجمع لمعرفة مسبقة إما صلة قرابة أو جِوار الخ..

ولكني لم أشاهد سبب أو هدف لديك يمكن أن يجعل الانسان الانضمام لموعد للقاء! وهذا لا يعني قصور في حقك أو المشاركين.. ولكنه رغبتاً مني توضيح أمور قد تخفى علينا أحياناً وهي
- لا شك أن الهدف حسن النية لديك في جمع الأخوان في المنتدى.. وجمعهم في رأيي هو غير مقصود في حد ذاته "أي أننا لم نشارك في المنتدى للقاء بعضنا مع بعض" وإن حصل للبعض مع طول الزمن ووجود المعرفة والثقة لا بأس به.. ولكن نحن شاركنا للافادة والاستفادة من بعضنا بعض في هذه الهواية وإثراء المنتدى بما هو مفيد.
- قد يُخشى على الجميع من تحديد مكان وتجمع مثل هذا من قِبل الحكومة "وقد حدث مثل هذا الأمر سابقاً" وممنوع التجمعات التي لها هدف معين وبهذا العدد!
- البعض قد يأتي ومعه سلاح وهذا فيه محذور لحامله ومن معه وقد يصادر السلاح.
- عادة يكون في بعض المنتديات من هو في وظيفة !!:mad: !! وهذا فيه أيضاً خطر كبير.
- يمكن تنسيق رحلة بمن تعرف من المشاركين وتمون عليه دون تعميم لجميع أهل المنتدى بهذا الأمر.

هذا وأطلب منك السموحة إن كان رأيي غير مناسب لك أو للأخوان.

طلب أخير لك "أرجو منك أن تقبله بصدر رحب أيضاً" وهو اختيار الاسم في المنتدى.. يا حبذا البعد عن أسماء القبائل قدر الامكان خاصة أن العدّاد عندك في بدايته:) وذلك لما يُخشى من اندراج النعرات القبلية والفزعات بسبب القبيلة في بعض المشاركات "لا قدّر الله" .... والرأي لك....

صفوان

[ضاري بن طوالة]

أنا ماعندي مانع

بس اذا كشتوا على طريق القصيم , يعني بالمجمعة عشان تصير المسافة النص بالنص . :D
وبعد إذا صارت الكشتة بعد تاريخ 22 / 11 عشان الإختبارات . :p


<------- ماوالله طلعت . :D

[ضاري بن طوالة]

والا تدرون عندي راي ثاني

ورى ماتصير الكشتة بعنيزة ..؟!! عشان تشوفون المصفَر والغضى وفلَة الحجاج :p

والطلعة والذبيحة علي أنا :) هااه وش قلتوا ؟؟ تراي جاد

لإن واجد معنا من القصيم .. وإلا ترى نبي نخلي كشتة للقصمان بس . :D

[راميهن]

بسم الله الرحمن الرحيم
السلام عليكم ورحمة الله وبركاته
اخوي العتيبي الفكره حلوة لكن على ماقال اخوي صفوان انت ماتعرف اللي في المنتدى ولا يعرفونك في يمكن يصير مشاكل اذا جا احد بسلاحة او علم باسمه في المنتدى بعد . واايدك اخوي صفوان في هالنظره المميزه اللي تنبه الواحد لشي مانتبه له . وشكرا لكم .













تحياتي

[tabrak]

بسم الله الرحمن الرحيم

فكره اكثر من رائعه وأقترح ان يجتمع الأعضاء فيما بينهم حسب المنطقه المتواجدون بها فمثلا أهل
الشمال يجتمعون مع بعض وأهل الشرقيه كذلك بهذه الطريقه نوفر على البعيد المشوار ونقتصد
في الإجتماع ( من ناحية العزبه وعدد الحضور والمصاريف الماليه ) وإذا نجحت هذه الفكره اي إجتماع
المناطق كل على حده ممكن ان ينسق لإجتماع أكبر يضم جميع الأعضاء .

تحياتي / تبراك

[مشغول]

هلا بالجميع

وشكرا للأخ العتيبي على هذا الموضوع الجميل

أما أنا فأضم صوتي لصوت أخي صفوان وحجته قوية . يشكر عليها ..

لكن إذا معزمين تجتمعون أنا معكم والشكوى لله والله يستر .

وهذا بريدي wf1122@hotmail.com

تحياتي للجميع .

[جركل]

ياشباب اذا جزمتوا عطون خبر انا معكم
ونبي واحد يجمع القطه ويعلمنا وش نجيب معنا غير العزبه



ياخ صفوان كلامك جيد بس ياليت توضح اسباب غدم تفضيلك للفكرة بشكل واضح اتوقع ان مافيه اي مشكلة لانه كله كم ساعة نتشاوف ونتعشى ونمشي تخيل انك بالدبدبه وقت الفقع امة لااله الاالله بجنب بعض كنهم كاشتين جميع

love2hell@hotmail.com

[الكيندر]

بسم الله الرحمن الرحيم
السلام عليكم ورحمة الله وبركاته


يخوي العتيبي والله انك نشمي كفووو...

فكره اروع من روعه

بما ان الشباب اله بالمنتدى شكلهم كلهم هبيقة ( والله اعلم ) وكلهم لهم بالبران والرحلات والصيد
ولا ما اشترك بالمنتدى... واقول لك ( ما ازيد من حبلك الا وصلة ) توكلنا على الله...


اش رايكم ابي اجيب عموووري معي ( ولدي )
:D :D :D :D


ابــو عـــــــــــامر

ودمتم سالمين