في عز البرد !! ( من رحلة الصمان 2.3 / ذو القعدة )

[Khalid AlGhamdi]

السلام عليكم ورحمة الله وبركاته

من المعروف انه في فترة الصيف تكثر الحشرات ، وفي الشتاء العكس !!

لكن في رحلة الاسبوع الماضي هذي صور مانشرتها في الموضوع السابق من الرحلة

قلت مالها داعي ، لكن من الفضاوة قلت خلنا نوريها الشباب ، خصوصا وان مهما كان الجو بارد

لازم ياخذ الواحد احتياطاته من ناحية الاحتياط من الحشرات السامة ...


طبعا الشباب يدورون عقرب :rolleyes:

لكن طلع هذا من الجحر زعلان من الماء اللي صبوه في جحرة
http://9da.net/MaxPower/m1.jpg

وهذي ام اربع واربعين ، يقولون انها سامة !! وانا مادري هل هذا صحيح او لا
http://9da.net/MaxPower/m2.jpg

العقرب .. معروف بانه سام طبعا ، وهذا لونه اسود كذاب :D
http://9da.net/MaxPower/m3.jpg


من زاوية ثانية
http://9da.net/MaxPower/m4.jpg


وهذي صفراء ، لكن للاسف الصورة ماطلعت واضحة
http://9da.net/MaxPower/m5.jpg


وهذي السوووووووداء
http://9da.net/MaxPower/m6.jpg



---------



الناس طالعة تدور الربيع وانا طالع ادور العقارب :rolleyes:
ان شاء الله تعجبكم والمعذرة على هالصور اللي خاشة عرض :D

[ذيب البر]

الله يكفينا شرها

ان كان شاهدتوها طالعة برى فهذا شي غريب فعلاً

اما ان كانكم بحثتوا عنها وغرقتوها بالماء لين طلعت فهذا شي طبيعي يوم جاها الماء



تحياااااااااااااااااااتي

[نقا هشال]

MaxPower

الله يكفينا شرهن....

ولاكن هوايتك باالفعل خطيره

اجل تغرونها الين تطلع؟؟

على الهموم اكيد لكم مغزا

يعطيك العافيه,,,,

[الحاتمي]

MaxPower
مشكور وما قصرت على الصور

بس ليتك والله تركتهن بسباتهن الشتوي واجلت تصويرهن لوقت
الصيف تلافيا لاخطارهن
لانه من الممكن انهن بعد ماتطلعهن من جحورهن خصوصا في ايام الشتاء
وتتركهن يبي يبحثن عن اي مكان دافي
وتعرف ادفا شي تحت رواق الخيمه او بوسط فراش البر او تحت فرشه..
ويمكن يسيرن على ناس كاشتين ولا هين على اساس ان الدواب بالشتاء بسباتهن والله يستر
الله يعطيك العافيه على الصور
الحااااااااااااااااااتمي

[حفرلوجيا]

أخوي MaxPower : تعجبني .. شفت كثرة المواضيع عن الصمان حرفته لجوانب أخرى حلوة مع موضوعك الآخر من الصمان ( 2، 3 / ذو القعدة ) (http://www.mekshat.com/vb/showthread.php?threadid=14419&perpage=15&pagenumber=1) ..
والله وقمتوا تقدمون لنا الإبداع أشكال وألوان يا( المكشاتيين ) عيني عليكم باردة كلكم ( الله لايضركم ) :good: :good:

[عبدالعزيز الدباسي]

نبي نضمك يا MaxPower الى اصحاب الهوايات الخطيرة ....

والا بحثكم عن العقارب ( وتطليعهن ) بالغصب اكيد ينم عن هواية قديمة لديك ،،،، لكن هين ،،، ما عطيتنا العلم والا عرفنا وش عندك بعد ،،، اكيد فيه اشياء ثانية مغبيها عنا ،،،،

لكن وش عليه ،، الايام كفيلة باستخراج ( ما بجعبتك )

[Khalid AlGhamdi]

اخوي ذيب البر صحيح بس هم غرقوها انا ماسويت شي انا متفرج بس :D

اخوي نقال هشال الله يكفينا الشر والله ماهي هواية بس تقدر تقول لقافة وفضاوة اخر يوم راجعين الرياض مسوين فيها علماء احياء :D


اخوي الحاتمي لاتحسسني بالذنب الله يهديك :( والله انا بريء
بعدين بالصيف انا ماقرب للصمان لو يقولون فيها ذهب :cool:


اخوي حفرولوجيا جزاك الله خير ، وان شاء الله القادم احلى ، وانتظروا تقريري عن رحلة الصماة بكره ان شاء الله :)

[Khalid AlGhamdi]

اخوي شقردي كنك داري والله

والصراحة فيه شي ثانية ماذكرته بالرحلة ... ( خايف من جماعة حقوق الحيوان:D )

بس بقوله ،، ولو ان الصورة معاي الحين حطيتها ، وهي عن ام القرون ،،

من يوم شافها واحد من اخويانا رماها بالشوزن وصارت نصين وطلع من بطنها جربوع كامل سبحان الله كانها توها ماكلته ،،

وطبعا ماماتت ،، مع ان نصها طار وراحت تبي الجحر لكن استدركها احد الشباب بماسورة على رأسها :(
وعطتكم عمرها ( والله انا مالي ذنب بس اخوياي مطافيق :D )

[الشاقي]

للمعلومية العقارب ما يهمها الشتاء مثل الضب والداب
مشــــــكور يا ماكـــس

[عاشق الصفاري]

تسلم يالخطير من صور ربيع الى عقارب .. الله يكفينا شرها .. تسلم يالغالي .. وان شاء الله نسجلك في قائمة اصحاب الهوايات الخطيرة ....

[راع الحبارى]

http://www.mekshat.com/vb/showthread.php?s=&threadid=1705



هذا الرابط يمكن يفيد بإذن الله عن الهوام