هل يمكن تركيب دفرنس ثاني للهايلوكس العادي ؟؟

[العبقري 1]

إخواني ..
لدي هايلوكس عادي أريد أن أجعله دفع رباعي دون الدخول في متاهات بيعه وشراء واحد ثاني فلا أعلم هل يمكن تركيب دفرنس أمامي وكم يكلف علماً بأني قريب من جدة ...
هذا الأمر مهم بالنسبة لي ومحير في نفس الوقت ،، فأريد آراء الإخوة الذين لديهم خبرة في هذه الناحية
مع شكري الجزيل .

[بواسامه]

ادخل في متاهات بيعه واشتر دفرنسيين شد بلد
ازين واضمن لك :no2: تصدق احد يقول اقدر اخليه مثل شد البلد

[الستانس]

تقدر تركب له دفرنس ثاني ودبل
بس ما يطلع مثل شد البلد ولا تتعب راسك بعه وأشتر ثاني جاي شد بلد دبل

[بيبسي]

لا تتعب نفسك ... البيع والمشترى احسن لك من اللف بالورش والترهيم اللي بيصدع براسك

[هـدد]

بامكانك تركب دفرنس ثاني بس ترى بالصندوق !!!!!!!!!!!!!!!!
هههههههههههه

[الربذي]

تدري انه دفرنسين مستعمل ارخص او مثل سعر الدفرنس الواحد
اما سالفة تركب دفرنسين فهي متعبه جدا ومكلفه وتبي تبدا معك الخرابات وتبور السياره بين يديك 0وايضا تصير نازله ويكون عيب وغلطه منك قويه
شوري عليك لاتقدم عليه ابدا ابدا ابدا ابدا وشله من راسك يمكن اذا لاقي واحد وقايللك تراه يبي فلوسك بس ورايح يمكن يقول كثير يركبون كذا
وكله كلام 0

[أبوسعد 511]

مافي مثل شد الوكاله


لاتوجع راسك بع سيارتك ويمكن تلقا دفرنسين انظف من الي معك

[العبقري 1]

الأخ بو أسامة ..
أشكر لك النصيحة وكلامك واقعي ..
الأخ ستانس ..
كلام منطقي وأشكرك على التوجيه العقلاني .
الأخ بيبسي ..
كلامك مقنع جداً الله يعطيك العافية .
الأخ الربذي ..
والله كلامك كلام عقال وكأنني قابلتك واقنعتني أهنئك على أسلوبك وياليت تتأكدلي من السعر هل هو متقارب لهذه الدرجة لأن واحد قلي الدفرنسين مو مرغوب زي الدفرنس عشان كذا السعر متقارب لكن لم أحمل الكلام محمل الجد ، لأني أقول دفرنسين 2005 مستعمل نظيف بتتحصل غالية 55 ويمكن 60000 بالمعارض علماً إن سيارتي 99 غمارتين على يدي ونظيفه بودي ومكينة .
الأخ حامد سعد ..
أشكرك على نصيحتك الغالية وتوجيهك الأخوي .
الأخ أشهب مطور ..
يبدو لي أنك لست مطوراً في الإلمام بمواضع المزح ومواضع الجد .

[واطي الجمرة]

المتاهات ولله اذ ركبت دفرنس ثاني ورهمت عليه
بعه ودور دفرنسين نصيحتي لك

[abu naif]

لا تتورط في فك وركب وجب ود بعه ودور دفرنسين شد بلد وريح نفسك من تعب ذا كله

[سوبر152]

لا تتورط لا تتورط لا تتورط لا تتورط لا تتورط لا تتورط لا تتورط

[الربذي]

لا تتورط لا تتورط لا تتورط لا تتورط لا تتورط لا تتورط لا تتورط
نعم
انه ضرب من الجنون :confused:
واسف لاخي الفاضل على هذا الاسلوب الفض:p
ولاتنسى قير الدبل ايضا يضاف الى الخساير0
لكن معروف ان المستعمل دبل سوا هلي ولا نيسان ارخص من العادي وتدري ان فرقه وكاله حوالي 3000الى 3500 ريال لكن بعد الاستعمال يطيح ويكون ارخص بحكم ثقل السياره ولاتكون رشيقه وتكثر طلباتها 0وتكون مرتفعه 0وتصرف بنزين اكثر وايضا بالسفر ثقيله وعند التجاوزات تكون خطره لان عزمها طافي

لكن نعم متاكد 100 بالميه انالمستعمل دفرنسين ارخص من دفرنس في اسوا الاحوال تكون نفس السعر وطبعا النظافه لها دور كبير وغيرك معلم لكن اذا نفس الموديل ونفس النظافه والممشى السعر نفسه او تكون الدفرنسين اقل 0
وايضا الدفرنسين بيعته ثقيله بس الدفرنس مرغوب كل الي بالمعارض زباين له الي يدور مكسب والي يبي يستعمل 0
وزين شاورت اهل النصح الاخوه الي ردوا عليك ويقول المثل من شاور ماخسر
الله يبعد عنا واياكم وكل المسلمين الخساره في الدنيا وفي الاخره 0
اخوك

[العبقري 1]

أشكركم جميعاً استبعدت الفكرة والفضل لله ثم لمشورة نشاما مثلكم .

[البرقية]

هم صازين مالك ومال الورش ودوخت الراس