ابغى اركب رفوف وادراج في السيارة

[مغامر كوني]

السلام عليكم ياجماعة

بغيت أستفسر اذا أحد يدلني على ورشة في الرياض تقوم بعمل ادراج ورفوف ثابته على حسب تصميمي في صندوق السيارة الخلفي.

وجزاكم الله خير

[مغامر كوني]

يا شباب المكشات
ولا رد . لا ياشباب مهيب هي

ترانا عانين لكم قالو بتلقى الجواب في المكشات


تحياتي للجميع

[مغامر كوني]

:confused:

يا شباب الفزعه معنا

رد واحد على الاقل

:j

[رحال 999]

اخوي والله ما اتوقع احد يعرف ورشة بتفصلك ويبخل عليك

نلتمس العذر للشباب يمكن ما يعرفون إلا ورش تصليح السيارات وترهيماتها الخاصة بالبر فقط

تقبل مروري وجزاك الله خير والله ييسر امرك ،،،

[ذيب الغدرى]

السلام عليكم
فيه ورشه في الصناعيه القديمه اللي في الرياض مع دوار الخرج لكن مكانه بالضبط ما اعرف
وهذا هو الرقم حقهم:014480233
وتقبل مروري

[غيانا]

اخوي مغامركوني
بارك الله فيك فيه محلات حدادة بالصناعية تسوي لك اللي تبي بس ورهم الفلوس والتصميم
وفيه ناس متخصصة مثل المواهب بس شغلهم غالي ومواعيدهم بعيدةوممكن يرفضون التصميم
هذا بالنسبة للحديد وفي الرياض0
وان كانك فاضي ازرق القصيم بين عنيزة وبريدة كمورشة شغلهم على كيفك واسعارهم ازين من الرياض0
اما ان كانك تبي خشب وتلبسهن فعندك بالرياض ورش النجارةبالاحياء


اخوي مدري افدتك والا لا
واسئل وانا مستعد
ملاحظة
لاتشرة علينا نشفنا بهالصيف من الحر

[ابولولو]

اخوي فيه ورشه النويصربالصناعيه القديمه بالرياض شمال شارع الجمعيه خلف محلات باقادر+ومحلات بن ناجي لقطع الغيارالامريكي مشهورين

[monsixnet]

_

للرفع.............

[مغامر كوني]

مشكورين ياجماعة يعطيكم العافية

[dugaish]

اخوي عندك الورش الي بنهاية شارع الاربعين في الصناعيه القديمه فيه يمكن 20 ورشه تخصصهم ه الشي وهم على ايدك اليسار بنهاية الشارع وانت متجه شرق

[aziz2727]

شف طال عمرك وعمر من يقرأ
يعتمد وش نوع السيارة الي تبين تركب عليها الاضافات
اذا كان جيب عادي مثل لاندكروزر او باترول فهذا يبيلك نجار فنان بحيث يا خذ لك المقاسات وينجدها وبعدين تركب
اما اذا كانت السيارة شاص فيبيلك حداد واعتقد هناك ورشه في حائل وكذلك في القصيم متخصصه في هذا النوع من الدروج
والله يوفق الجميع