شباب ابي ورشه شغلهم مضبوط لرفع جيب لاندكروزر من الخلف

[نصب]

السلام عليكم ورحمه الله وبركاته ...

اخباركم طيبين ياهلابكم والله نور موضوعي بوجودكم

شباب ابي ورشه شغلهم مضبوط لرفع جيب ربع لاندكروزر من الخلف

ووش الطريقة الافضل تركيب كعكات المنيوم ولا يايات وابي الله لايهينكم وصف لورشه

شغلهم مضبوط وتكون الورشه بالرياض وان كانت بالصناعيه القديمه ولا اي صناعيه

اهم شيء شغلهم مضبوط ورخيصه !

[نصب]

ولا رد وش دعوى

[المميـز]

بالنسبه لرفع الموتر من وراء

الياي ممتاز والكعكه الاصليه ممتازه

ورفع الموتر من وراء عادةً ماياخذون اكثر من 80 ريال للجهتين

وبالنسبه للورش ماني من الرياض والا كان ماقصرت معك

.

[كرم نت]

والله وأنا أخوك أنا كنت مركب يايات في الخلف وسيارتي Gxr وجلست معي 3 سنوات وماشيه معي زي الحلاوة وهي أفضل من الكعكات لأن الكعكات على ما سمعت يخلي السيارة مطبها قوي نصيحة مجرب لاتبعد عن اليايات وعنك يايات استرالية المقاس الوسط لأن فيه ثلاث مقاسات بس يبيلك ترفع وجه السيارة شوي

[أبو أسامة]

وعليكم السلام ورحمة الله وبركاته

أخواني الأعزاء المميز وكرم نت ........... يقول جيب تايوتا ربع ويبي يرفعه من الخلف يعني سست ماهو ياي ........ وأقول له ركب لعابات للسست الخلفيه من الجهه الخلفيه أطول من شد البلد .......

[محب الكرك]

........ وأقول له ركب لعابات للسست الخلفيه من الجهه الخلفيه أطول من شد البلد ....... نفس كلام اخوى ابو اسامه

[المميـز]

وعليكم السلام ورحمة الله وبركاته

أخواني الأعزاء المميز وكرم نت ........... يقول جيب تايوتا ربع ويبي يرفعه من الخلف يعني سست ماهو ياي ........ وأقول له ركب لعابات للسست الخلفيه من الجهه الخلفيه أطول من شد البلد .......

اعتقد ان الياي موجود بالربع التايوتا

وراعي الموضوع يسأل عن الياي !!!!!!!

شكرا لك اخوي ابو اسامه على هذا التنبيه وجزاك الله خير


.

[أبو فهد11]

أخوي أنصحك تروح لمحل الرمايه على طريق التخصصي

طبعاً وجهك شمال تدخل من تحت نفق مخرج تسعه ثم

تجيك على يمينك محطه نفط فيها محل للرمايه

وفيها فلبيني فاهم بيفيدك إن شاء الله

وعندهم كل شيء ياي وكعكه

واللي تبيه بتحصله إن شاء الله

[خالد77]

والله وأنا أخوك أنا كنت مركب يايات في الخلف وسيارتي Gxr وجلست معي 3 سنوات وماشيه معي زي الحلاوة وهي أفضل من الكعكات لأن الكعكات على ما سمعت يخلي السيارة مطبها قوي نصيحة مجرب لاتبعد عن اليايات وعنك يايات استرالية المقاس الوسط لأن فيه ثلاث مقاسات بس يبيلك ترفع وجه السيارة شوي

وهذا ماسويته ونجح معي حتى المطب نفس الشي

ورح لمحل الرماية على طريق التخصصي يبيعونه مع التركيب بـ 620 على ماأظن ويمكن زاد وتقبل مروري وشكرا ...

[aziz2727]

أخوي أنصحك تروح لمحل الرمايه على طريق التخصصي

طبعاً وجهك شمال تدخل من تحت نفق مخرج تسعه ثم

تجيك على يمينك محطه نفط فيها محل للرمايه

وفيها فلبيني فاهم بيفيدك إن شاء الله

وعندهم كل شيء ياي وكعكه

واللي تبيه بتحصله إن شاء الله
كلامك :good: الرمايه وعند الفليني وبس

[الشنه]

خذ يايات خلفيه من الرمايه
وركبها عندهم ب100

لا تركبها برا
فني الرمايه ابخص بشغله فلبيني يعجبك

تدري ليش اقولك برى
لأن اليايات الأستراليه الخلفيه يجي واحد ارفع من الثاني
واتحدى احد برى يعرف وين الرفيع يحط فيه هل في جهة اليمين او اليسار
وانا اقولك وين يحط

لو حبيت تركبه برا
يحط في الجهه اليسار لوجود التانكي



نيست اقولك ان الياي الطويل يرفع عن ياي شد البد 5 سم
ويتحمل 350 كيلو زياده
تراه يشقل الموتر حتى وهو محمل لا تستهين به


لكن مطبه مريح مره
ولو حبيت ترفع زياده
ركب مع الياي ربلات تباع عندهم


وسلامتك

[AMAZ]

السلام عليكم ورحمة الله وبركاته:
والله ياخي الحبيب انا قدر الله وركبت كعكات مقاس 3سم افضل نوع كلفتني مشترى 70 ريال وتركيب 50 ريال . ويقولون الرخيص مخيس لاني حصلت مساعدات استراليه عند محل في بريده اسمه (فور باي فور)على طريق الرياض القديم . لكن تغاليتهن لانه سعرهن قبل ثلاثة شهور كان (550)مع التركيب . وركبت كعكات وياليتني ماركبتهن وقت ماتكون السياره ماهي محمله تكون مرفوعه لكن اذا حملت رجعت زي اول تنزل . ولما سئلت اهل الخبره قالوا انه الياي ضعيف من اصله وحتى لو ركبت كعكات وقت الحموله يرجع الياي وينزل . لذا انصحك بتركيب يايات استراليه الوسط لانه هي تجي ثلاث مقاسات صغير ووسط وكبير خذ الوسط . اما الكعكات تراها والله خساره على الفاضي ماتنفع وانا اقولها من تجربه .