مشكلة وأبيلها حل!!!!

[lonlywolf]

السلام عليكم ورحمة الله

الاحبة الكرام
عندي باترول موديل 99م
المشكلة عملت به حادث قبل 6 سنوات
ومن يومها وأنا إذا تعديت ال80 وجته أي هزة من الطريق حتى لو حفرة صغيرة يبداء يرج بقووووه ولا يوقف الارتجاج الا إذا نزلت السرعة عن 80
علما إني غيرت المساعد وشديت صواميله
ووزنت الكفر
فاللي عنده لي حل الله لا يهينه يعطيني إياه لأنه تعبني والله

محبكم

[ابوعقل]

المشكله والله اعلم عندك من

مساعد الدركسون

او

لازم تركب تحضيره

[المميـز]

من كلامك ان الحادث كان ضارب كفر من كفرات الموتر !!

شيك على الجهه كامله وياليت لو تقولنا كفر قدام او وراء ؟؟؟

على شان نفيدك وش تصلح ووش تغير

[speed 557]

شيك على عند الميزان يمكن الدعوه بسيط نشاء الله

[محب الكرك]

اخوى lonlywolf ياليت تشيك على الذراعه احتمال 90بالميه انه منهن المشكله وسبق ان صارت معى نفس المشكله وصلحته عند ميزان الباديه اللى بالصناعيه القد يمه

[lonlywolf]

السلام عليكم ورحمة الله
أولا جزاكم الله خير على التفاعل


أخي الحبيب أبو عقل
وزنت الدركسون
أما التحضيرة هذي ما أدري وشهي ؟؟؟ فتفيدنا عنها بارك الله فيك


الأخ الحبيب المميز
الحادث كان إصطدام من الجانب الأيمن الأمامي وكلفني تصليح السيارة 14000 ريال
أما سيارة الرجال راحت تشليح على طول -والحمد لله قدر ولطف ما راح إلا الحديد.


الأخ الحبيب speed 557
والله تعبت وأنا أوزن فيه وكل ميزان يقول اللي قبله ما زبطه
شاكر مرورك.


أخي الحبيب محب الكرك
وزنته عند أحسن واحد في جدة-حسب ما قالوا لي - وكلفني تغيير الذراع حوالي 1500 ريال غير شد الصواميل, وبرضوه الحال على ماهو عليه.


شاكر لكم مروركم واهتمامكم


محبكم

[م.أبوإبراهيم]

غيرت الركب وترى الكفرات لهن دور في الرجة على العموم كانك في الرياض عندي ورشة وتقدر تقول متخصص بالباترول والمشكلة مارتن علي اكثر من مرة وحليناها والحمد لله وهذا رقمي 0554889337

[escape_man]

عندي اقتراح ماراح يخسرك انشاء الله

غير مساعد الدركسون الي عندك ولو كان اصلي وسليم بمساعد oldman الاصفر او غيره من الماركات واذا حولك محل الرماية فمرهم.

انا كانت عندي نفس الرجة بربع 93 وشاص 2005 عند قريب لي وغيرنا مساعدات واختفت الرجة