اخبار النيسان

[مسك المقانيص]

احلى تحيه للجميع
يااخوان بصراحه انا مدوام على تصفح هالمنتدى الطيب والى الان لم اجد احد يتكلم عن جيوب النيسان من حيث قوتها في الصحراء والجبال وعن مميزاتها وعيوبها انا معي نيسان 91 مهبل به في كل شعيب ووادي وكل طعس وجبل والحمد لله ولكن ابي استفيد منكم ان كان عندكم علم آخر عن الجيوب النيسان الباترول واستفيد منكم .
وفي شئ غريب عندي اذا ودي ارقى طعس الجيب معي ياخذ الى نصف الطعس ويقف وش المشكله انا معبي الكفرات طبعاً 35 واحط رجلي من قبل الطعس ومعشق الدبل وحاة في الثاني هل هذه الطريقه صحيحه لرقي الطعوس ؟؟؟؟


تحياتي للجميع ،،

[القماري]

وطي الهواء لـ 10 -15 فقط وخلك على التعشيق الثاني لاتغيره والدبل شغال وأربط الحزام وأدعس ، بس كن على حذر ولا تجرب إلا وأنت متأكد وواثق

[MOR300]

35 وتبي تطلع
ناوى تكسر الموتر ولا راح يطلع

نسم 15-20 وراح يطلع انشالله

[مسك المقانيص]

فيه شغله وضايق صدري منها الا وهي ان اغلب الناس يقولون لي خف من طلعات البر ترى النيسان تهرقل بسرعه .
صحيح الكلام هذا ؟

[طباخ العزبه]

ابدا لا يهمك اطلع فيه لكل بر واستانس

ومتى ما حسيت انه تفكك وكثرت فيه الاصوات وديه لاقرب ميزان يسوون له تربيط ب100 ويرجع جديد

[عاشق الشروكي]

الاخ العزيز مسك المقانيص لازم يتهرقل هواء الكفرات 35 نزل الهواء وتمتع بالقيادة

[محمد محمود]

على الموضوع الممتاز والمفتوح بس ترىالدعوى جد تراىالنيسان يهرقل شوي وخف يديك شوي

[المشعاب]

مثل ماقال الاخوان لايهمك ترى النيسان هوسيارة البر الأولى والباقي عليك0

[مسك المقانيص]

جميع الاخوان الي مرو على المقال او ردو على مقالي اشكركم جزيل الشكر على عدم التهاون في كل كلمة تكتب بهالمنتدى الطيب صغيره كانت او كبيره .
مدري ليه انا مولع بالنيسان واجد ولاني مثل خلق الله طاق الله لاندكروزر ومريح نفسي وبصراحه لاريحت نفسي ولا ريحت الموتر شاب فيه كل يومين وانا طاق شعيب والا بر .
على العموم الي عنده اي افكار تضاف على جيوب الباترول يكتبها ترى حنا في حاجة بعضنا البعض والي عنده افكار ممكن اضيفها على موتري وتفيدني في رحلات البر لايقصر ومايجي منكم قصور .





مع خالص تحياتي ،،،،،،،،

[ابو راشد]

اخوي اوصيك بالنيسان خير..... ولو انك تريد تقطع السعوديه عرض وطول اعمل هالشغلات البصيطه
1== يوجد نوع من التوصيلات الكهربائيه اسمه{ s . m.d]وهذا النوع موجود في الامارات ويعرفونه كل الناس
2= نوع منالاكزوز اسمه هيدرس ولو انك تعمل هذه الاشيا والله انك تغزى على النيسان بر وبحر بس الاهم من ذلك التركيب

[ابوقاسم]

النيسان ملك الصحراء بلا منازع لاتخاف على نفسك ولا على السيارة..........
بس مثل ما قالوا الاخوان خفف الهوا واطلع اي طعس تبيه ما يردك الا رجولك

[مسك المقانيص]

اشكر الجميع الف شكر على الرد وبالنسبه لكلامك اخوي ابو راشد مافهمت عليك ابيك توضح وش فايدة الشغلات البسيطه الي ذكرتها وش اهميتها بالنسبه لواحد مطفوق بر مثلي .

بعد انا مغير يالربع بالجيب شغله عشان تخفف علي صرفية البنزين وحاط ابره التيما لتخفيض البنزين وماش بعد يشرب شرب الويل وش الحل في هالبنزين وش رايكم في القطعه الصغيره الي تنحط في مجرى البنزين ويقولون انها تخفض من مستوى إستهلام الوقود هل هذا صحيح ؟؟؟؟

[جاروود]

بسم الله الرحمن الرحيم
السلام عليكم ورحمة الله وبركاته
شف هالموضوع يمكن يفيدك
http://www.mekshat.com/vb/showthread.php?s=&threadid=5795&highlight=%D8%E1%E6%DA+%C7%E1%DF%CB%C8%C7%E4