المساعد الشخصي الرقمي

مشاهدة النسخة كاملة : عندي مشكله ابيلها حل ........لاهل الباثفندر لو تكرمتوا


حكيم الراي
16/07/2008, 12:46 PM
السلام عليكم ورحمة الله وبركاتة

اخواني الاعزاء اعضاء المنتدى الغالين


انا عندي مشكله في الموتر

موتري انفنتي اخو البثفندر مديل 2002

سوا معي حركة غريبه

اشغل يدق زي الحلاوه بس ما يشتغل

احد مر عليه مشكله زي هذي ؟ ؟؟

انا توقعت اول الامر انها بطاريه لان البطاريه تماتيك ولمبتها صايره بيضا

غيرتها وسلكت كم يوم همن البارح رايح استراحة واشغل ما اشتغلت

اتوقع انا انه يا فلتر البنزين ولا البواجي

ياليت الي عنده لعلم يقولي

والي يعرف طريقة تركيب فلتر البنزين يشرحلنا طريقتها لتعم الفائدة

في اتظار ردكم
سحابه
16/07/2008, 06:28 PM
ببحث في الموضوع وارد لك
خلفهم
16/07/2008, 06:30 PM
طيب أنت إذا شغلت الموتر يبيله دعسه عشان يشتغل وإلا مع دق السلف المره الثانيه يظبط ..


------------

ما اتوقع إنه من فلتر البنزين ..
speed 557
16/07/2008, 06:31 PM
يمكن المشكل كهرباء
أبو أسامة
16/07/2008, 09:06 PM
أخي الكريم :

تأكد من البطارية الجديدة لم تفضى وإذا وجدتها كذلك فتأكد من كتاوت الدينمو يعني يمكن الدينمو عندك مايعبي البطارية ...
أبو فهد11
17/07/2008, 01:29 AM
أخوي المشكله معروفه على حسب كلامكــ وهي حساس فلتر الهواء

ومكانه يجيك خلف قربه فلتر الهواء في الوصله

إذا خرب ما عاد تشتغل السياره مره

بس فيه طريقه وهي أفصل الفيش حق الحساس

وشف إذا اشتغلت السياره فالمشكله منه

وعلى العموم إذا فصلته يمشي الموتر

بس الضغط لا يتعدى 2 لأنه راح يقطع

أتمنى أني أفيدك وإذا تبي رقمي ارسلك على الخاص للتواصل بلغني

وهذه المشكله صارة معي في نفس الموتر والموديل
العشة
17/07/2008, 02:17 AM
احتمال يكون من القفل الاكتروني اللي يجي بالمفتاح ويشبك مع السلف

ولمبته تلقاه تحت فرار التحكم بالمرايات
العيسمود
17/07/2008, 02:22 AM
المشكله فى الكهرباء واحتمال تكون كتاوت الدينمو
النحيف
17/07/2008, 08:17 AM
عزيزي

شيك على فلتر البنزين لأنه إذا كان منسد يسوي نفس الحركة
حكيم الراي
17/07/2008, 08:28 PM
ابشركم زانت السياره

والمشكله طرمبة البنزين

الشكر الجميع على تشخيصهم

التكلفه للفائدة

القطعة 240 ياباني شبيه الاصلي لعدم توفر الاصلي في حينه والميكانيكي يمدح القطعه يقول زي الاصلي

شغل اليد 200 ريال

الاجمالي 440 ريال