قزازة جيب تويوتا

[ابونوف]

السلام عليكم ورحمة الله وبركاته
عندي قزازة الجيب الامامية قدر الله عليها وجها كسر متوسط والكسر مازال يتشعب
س/ هل هناك حل لوقفة اوازالتة ؟ بالطرق الحديثة لزر او غيرة لانها قزازة شد بلد
بالقصيم او الرياض

وبارك الله فيكم .

[حمد808]

رح لم دكتور الزجاج اللي بالصناعية القديمة وصلحة ولا تغير القزازة نصيحةمجرب مافية زي شد البلد
لا زم مايتعدى الكسر اسبوع

[aziz2727]

انا اشوف انك تغيرها
لانه القزازة الامامية عليها ضغط من الهواء المعاكس اثناء السير
غيرها وريح بالك
واذا تبي شد بلد رح يم التشليح بتحصل فيها قزاز شد بلد

[سعيد حظ]

رح لم دكتور الزجاج اللي بالصناعية القديمة وصلحة ولا تغير القزازة نصيحةمجرب مافية زي شد البلد
لا زم مايتعدى الكسر اسبوع
مثل ما قال اخوي حمد رح لم/ د(زجاج) ويصلحونه لك بالليزر بس لا تتأخر لأنك اذا تأخرت راح تدخل ذرات الغبار في الكسر ولن يضمنون لك الفحص او زوال اثر الكسر اما اذا رحت مادام الكسر ما فات عليه اكثر من شهر فهم يضمنون لك زوال اثر الكسر بنسبة 95%وما يردك الفحص .موفق بإذن الله

[منتعش]

حي الله أخوي الغالي : ابونواف
لعل هذا الرابط يفيدك وأنا أخوك

انكسرت الزجاجة (http://www.mekshat.com/vb/showthread.php?t=52094)

[kal440]

مثل ماقال خوى روح دكتور الزجاج شفه اسمه اصلاح الزجاج عند الاشاره الرئيسيه الى قبل الصناعيه على اليمين ونت متجه شمال حتى لو كان الكسر قديم ينظفه ويظبط انا مصلح حق المرسدس اكثر من سنتين والجمس له حوالى 3سنوات ولا بانت ابد يكلف من 100 الى 200 هذا سعر قبل مادرى عن اسعاراليوم بالتوفيق؛

[شامخ ألهيلا]

اخوي تبي نصيحه

عليك بالسالم لزجاج بالصناعيه القديمه يركب لك
درجه اولى نفس حقت شد البلد بسعر 300 رياال وشغل تركيب السالم لايختلف عليه اثنين