شاهين بحري للبيع ( سعران )

[اعقاب]

شاهين بحري بكر يقرنس ثنو
وافي ( 15.5 15.5x)
مطروح فرخ قبل سنتين في السعيرة ( شرق حفر الباطن – السعودية )
حاذف 4 و 4 من الريش وباقي معة 3 .
صايد الحبارى فصيل والكروان والأرنب.
( كل ما ذكر أعلاه مشروط للصقاقير فقط )
ابو ناصر القحطاني – الدمام ( 0506850055 ).


http://www.mekshat.com/pix/upload02/images74/mk5466_dsc00173.jpg
http://www.mekshat.com/pix/upload02/images74/mk5466_dsc00198.jpg

http://www.mekshat.com/pix/upload02/images74/mk5466_dsc00201.jpg

http://www.mekshat.com/pix/upload02/images74/mk5466_dsc00203.jpg

[المري]

عسى الله يوفق ياأعقاب..

دام عرضتو شاهين ابغى اعرض شاهين عندي..

وعسى الله يجيب الخير..

اخوك - بومعيض

[راعي غريب]

الله يرزقك يستاهل عبدالله

[فزااع]

الله يرزقك بالبيعه الطيبه

[العمراني]

ب الفين رااحة

[فراع 11]

مساك الله بل الخير اخوي عقاب
اسوم
2100وشرط انه تكون خاليه الامراض
وتقبل مروري اخوك فراع

[اعقاب]

المري
راي غريب
العمراني
فراع
مرحبا بكم جميع
فراع 11
يامرحبا بك
السوم بالدينار ولا وش العمله
والطير سليم

[هدد950]

مسال اللة بلخير يا عقاب الطيرة علي ب2500 شرط المعاينة واللة يكتب الي فية الحير

[قرناس ارامكو]

الله يرزقك بالبيعه الطيبه

[المان العرب]

الله يرزق راعيها بالبيعه الطيبه

[نبع الدموع]

السوم بالدينار ولا وش العمله
والطير سليم
عطونا السوم بالسعودي عشان نعرف نسوم ولا نجنب الله لا يهينكم

[قناص بقيق]

الله يرزك بلبيعه الطيبه

قناص بقيق كان معكم

[العمراني]

انا اسوم بلفين وثمان ميه سعودي شرط توصل تبوك ولا الرياض

[الحناوي]

السلام عليكم ورحمة الله
اسوم بثلاث الاف ريال
بدون توصيل

[العمراني]

ثلاثه وميه اذا الرياض بس
ولا تبوك اذا قدرت

[العمراني]

هاذا رقمي اتصل اذا بعة 0530962198

[حمدان؟]

السوم عندى بــــــــــــــــ3500 ريال رقم جوالى 0551525630

[ذيب زلفاوي]

الله يرزقك البيعة الي ترضيك

[عـــرادي]

مشاء الله تبارك الله

لا تظلمون الطيور شيهان وافيه فارسيه وعلى الشرط وطرح السعوديه

عطوها حقها ولا تظلموها وتزعلون راعيها

الله يوفق الجميع

عرادي

[اعقاب]

مشاء الله تبارك الله



لا تظلمون الطيور شيهان وافيه فارسيه وعلى الشرط وطرح السعوديه


عطوها حقها ولا تظلموها وتزعلون راعيها


الله يوفق الجميع



عرادي



بيض الله وجهك يوم تبيض وجوه وتسود وجوه

[الحناوي]

ياجماعة الخير انتم وشفيكم ، هذا سوم وفتح باب ومزايدة مافيها زعل ولا مضايقة!

اللي يبيع يقول نصيبك وتستاهل! واللي ماعجبه السوم ينتظر ويقول بيض الله وجهك واللي قاسمه الله يجيه!

لااحد يجي من اقصاه

لاهنتوا

[العمراني]

حناا نسووم بهل الطريه نبي ربح الرجااال بعدين تعاال كم تبي حد وماالك غير الي يطيب خااطرك

[اعقاب]

الله يحييك
ياخوي وش فيك زعلان
الرجال يبدي وجهة نظره
اليوم واحد عارض شاهين وافي وباقي معه الموس قريب يصفي
واحد يسومه ب1000 ريال
وش رايك هذا عطاه قيمته ولا قلنا يبي يربح يعطيه نصف قيمته
ولا تزعل ياخوي
ومن قال مايهان

[النجم السماوي]

اذا كانت سليمه والريش الجديد سليم وطبيعي

علي بــ 5000 ريال اذا بعت ارسل رقمك خااص

[اعقاب]

سومه طيبه من وجه طيب

[راعي بارود]

السلام عليكم
اخوي اعقاب لك حد في الطير؟؟
ولا البيع لاعلى سومة

[عزام070]

عندي ب10000 على شروطك الي قلت وسلامة الريش

[طلق الصيد]

الله يوفقك بالبيعه الطيبه،،،، حلوا بذا الشاهين عز الله انه زين وافي مواريه تحري بالسبق وعسى الله يوفق الجميع ،،،، تقبلوا مروري،

[اعقاب]

مشكورين على الردود والسوم باقي عليكم شوي

[ناصر الحمد]

السلام عليكم

مشاء الله عليها عيني عليها بارده

أنشهد أنها طيبه الله يوفق الشاري والبايع

[بوعوف النصر]

السلام عليكم اسوم اب 3500 بشرط اتوصله قطر

[اقهيدان]

السلام عليكم ورحمة الله وبركاته

صح النوم يا بوعوف

عزام 070
يسوم با 10000
الله يرزقك با البيعه الطيبه
انشهد انى خابرها وخابر مشترها يومها فرخ
عزالله طيره
لو انها على حضى مافرط فيها
الله يرزق البائع والمشترى
لاهنت

[اعقاب]

ابو عوف وش قصدك يوم تلاحظ الرجال يسوم ب 10000 ريال وتروح اتسوم ب 3500 ريال
الامر وايتعدى حالتين:
(الحاه الاولى)
-ان كانك محتاج ولاعندك قدره فأنصحك تخلي الطيور لان فيها مصاريف وتكاليف مايقدر عليها اللي حالته الماديه ضعيفه هذي نصيحتي
- وان كانك ملزم اذا بدى الموسم مر علي في محلي وابشر بعزك ابعطيك طير يونس خاطرك عطيه والله مايجي لها رد.

اما ان كانك ماتنطبق عليك الحاله الاولى
(الحاله الثانيه مشكله).
- فانت منت محتاج وسبب ردك هذا مايخلو من حالتين
الاولى -انك تضن اللي سام انا او احد معارفي وهذا ردي اذا كان فعلا ضنك(والله العضيم اني مااعرفه )
الثانيه - تلاعب او تهاون بالرجال وسلعهم وهذ الشي كبير على اعضاء مكشات.
فالكلام هذا مايصلح منك انت ولا غيرك
واللي عنده زود ولايصفط على جنب ويتفرج
والمفروض المشرفين ينتبهون للاشكال هذي
الى متى ونحن نجد ردودهم .

قهيدان مشكور على ردك ولا خلا ولاأعدم الرجال الطيبين شرواك اللي عندهم حرقه على حقوق بعض

ارجو رد المشرفين

[نبع الدموع]

اخوي عقاب ليتك ما طولتها و هي قصيرة السومة الي ما تجوزلك قولة الله
يجزاك خير و انتهى الموضوع ما تسوى حرقة الاعصاب. الطير ماهوبلي
و الضعط عندي وصل H. اسف على المداخلة لاكن ماحولي حبوب الضغط
و لازم افرغ الشحنة الي فيني ههههههههههههههه

[اعقاب]

اخوي عقاب ليتك ما طولتها و هي قصيرة السومة الي ما تجوزلك قولة الله
يجزاك خير و انتهى الموضوع ما تسوى حرقة الاعصاب. الطير ماهوبلي
و الضعط عندي وصل H. اسف على المداخلة لاكن ماحولي حبوب الضغط
و لازم افرغ الشحنة الي فيني ههههههههههههههه




الله يجزاك خير
الله يهديه
لان المشاركات اللي مثل مشاركته كثرت
ومنها الرابط هذا صفحه 3

http://www.mekshat.com/vb/showthread.php?t=145572&page=3

والكثير اللي اتحفظ على ذكره؟؟؟؟؟؟؟؟؟؟؟؟

[خالد الحبابي]

الله يوفقك بالبيعه

[العمراني]

عقاااب ونعم بر جال وما فيهم قصور يمكن الرجال ما انتبه رد على طول مثلي المره الاوله وبعدين وش قصدك بهل الاشكال عيب تنقص برجال تراك جمعت كل الحاضرين خص ولا تجمع الله لايهينك والله يثيبك ويبعدك من زوود هرج ماله داعي وتقبل مرووري

[ناصر الحمد]

السلام عليكم ورحمة الله وبركاته

مســــاك الله بالخير أخوي أعقاب

بالنسبه لردك33 نتمنا أنك أختصرته وكلنا خطائون وأذا كان كلما اخطا احد حطينا عليه وكتبنا فيه نص صفحه مراح نترك بعضنا يعني أندور الزله والنتدى هذا اساسه الأخلاق والمحبه قبل كل شي وبالنسبه للرابط الي حطيته صراحه المفروض الواحد مايبين أخطاء أخوانه لاتعليق

ولك جزيل الشكر أخوك أبومحمد

[اعقاب]

السلام عليكم جميعأ
خالد الحبابي
والله يوفقك اخي العزيز واخواننا أجمع

العمراني
شكرا لك اخي العزيز والشئ هذا أصبح ظاهره
وكأن قولك ( عيب ) قويه شوي.... ليش مارديت عليه يوم الطير يسام 10000 وينزل سومه 3500
هذا ماهوتنقيص في سلع المسلمين
وانا ما جمعت الحاضرين هذي الزيادة ماني بقابلها والأعضاء غنيين عن التعريف
ولابه زود هرج
اخي الله يوفقك دنيا وآخره

الهدد الذهبي
يامرحبا يابو محمد
وكلامك ذهب مثل اسمك
لك من اسمك نصيب
وانا رديت لان الشي هذا اصبح ظاهره واذا ماقلنا للمخطي اخطيت في حق اخوانك فما فيه فايدة من المجاملات على حساب هذا المنتدى العريق وش تبي الناس تقول عن مكشات وأعضائه
ياأخي والله اللذي لااله الا هو انني لا أحمل على احد شي ولكن الخطأ لابد من تبيينه

وأنا ما أخطيت مع العلم ان قصدي المصلحه العامه

[البواردي000]

السلام عليكم
والله انا اقول اللي عنده طير افضل ينزله في السوق
ولا يزعلون الربع المنتدى سومات على الفاضي:mad:
محد يشتري ولاشي اتركونا من المجامله
وسلامتكم.

[اعقاب]

السلام عليكم
والله انا اقول اللي عنده طير افضل ينزله في السوق
ولا يزعلون الربع المنتدى سومات على الفاضي:mad:
محد يشتري ولاشي اتركونا من المجامله
وسلامتكم.

خلها مستوره

[طلق الصيد]

الله يعطيك العافيه ياعقاب ،،،، طول بالك على الجماعه ولكن مثل ماقال اخونا اعقاب مانرضاها ان الطير ينسام بقيمه وبعدين يجي واحد يسومه باقل هاذي الضاهر انه احتقار للطير وصاحبه وانا ملاحظ هاذي الضاهره كثير في المنتدى
تقبلوا مروري.........

[العمراني]

يا ا خواان حصل خير والوجه من الوجه ابيض عقااب حقك على رااسي واخووي بو عوف يمكن ما انتبه والله اعلم بل النيه ومشكوورين على قول المثل الي عقد روس الحبال يحلها وهدوو شووي مكشات مجلس رجال ما نبي فيه نقاشات مالهاا دااعي مشكورين


تقبلو مرووري

[اعقاب]

[quote=العمراني;1748491]عقاااب ونعم بر جال وما فيهم قصور يمكن الرجال ما انتبه رد على طول مثلي المره الاوله وبعدين وش قصدك بهل الاشكال عيب تنقص برجال تراك جمعت كل الحاضرين خص ولا تجمع الله لايهينك والله يثيبك ويبعدك من زوود هرج ماله داعي وتقبل مرووري[/quot


يامرحبا بالرجال الطيبين

طلق الصيد عسى ربي يوفقك واقول لك الصفري طلق الصيد وماقصرت

يالعمراني جعلك سالم ودك ماتعجل الله يوفقك

الله يجمعنا في الدنيا على خير ومعزه وفي الآخره في الجنه

[العمراني]

يا الله امين اشووفك بمقنااص ودي اهد على هدادك هههههههه حصل خير امين

[اعقاب]

ظنك ان طيرك يقدر يهد مع الغول
ترى ماني مسئول اذا مات طيرك
الحقيقه ماظني اقنص ذالسنه
مشغوووول

[العمراني]

يارجاال تشووف الي بل التوقيع ذابحه 22 كروان تعليق بين النجوم طيور مخرجه من عند الامير فهد بن سلطان ما رقعو عندهاا ونعم بالغول على العموم انا اقنص قيال وضباء والساحل اذا جية جيب طيرك معك ولا إلي تبي حياك الله انت وياه واسعد لحضة مو بل الطيور شووفتك وانا اخووك تقل مرووري

[الحريف]

بسم الله ماشاء الله
الله يرزق البايع والشاري

[اعقاب]

ان شاء الله بزور منطقتك واقابلك عقب العيد

[راعي القرنه]

الله يرزق البايع والشاري

[ناصر الحمد]

أسئل الله عز وجل ان يجمعني واياكم ووالدينا في سرر متقابلين في جنات النعيم الله يوفق الشاري والبايع

عقاب " العمراني :good:

الله يوفقكم

[العمراني]

بيض الله وهك يا الهدد

[وراد.]

على العموم الطير يستاهل والله يرزق راعيه

[قناص شمير]

طير يستاهل والله
وانت يا راعي الطير اقولك سلعتك ماهيب بايره
والله يوفقك بالشراي وبالسعر اللي يرضيك
وطيرك يستاهل والله يوفقك ويوفق الشراي

[اعقاب]

تستاهل الخير
الله يجزاك خير

[أبو أمين]

ها يا عقاب وش صار بيع الطير ولا لا

[اعقاب]

لاياخوي الطير مابعد بيع

[اقهيدان]

وينكم ياهل الشياهين
الله يرزقك يا اعقاب
كم وصل الطير
لا هنت