قرنـــاس شـــاهين يصفي مع الحرار صايد الحبارى والكروان والأرنب.

[المري]

السلام عليكم .. اخواني الاعزاء...

يوجد قرناس شاهين ثنو او ثالث صايد الحبارى والكروان والأرنب ... واطياره طيب ويفرع على اليد

ويصفي ويغسل مع الحرار كل سنة.. عرضه 16 وطوله 14 ونص وزن المقيض 1160 غرام


باقي معه الموس ذا الحين .. وحبينا نعرضه للبيع في منتدانا الغالي..

ملاحظة: لاأحد يسوم دون ال 15 الف وجزاكم الله خير.. يعنى البيع من فوق ال 15


صور الشاهين:

http://www.mekshat.com/pix/upload02/images74/mk1168______003.jpg

http://www.mekshat.com/pix/upload02/images74/mk1168______002.jpg


http://www.mekshat.com/pix/upload02/images74/mk1168______001.jpg


وسلاااامتكم

اخوكم -بومعيض

[اعقاب]

وش هو قايل مع الجمام

[المري]

مرحبا اخوي عقاب ..

هد له راعيه حوالي 3 حمامات ويمدح اطياره وراعيه راعي ملووواح.

يموت على الملواح..

[alajmi110]

ما شاء الله تبارك الرحمن
تستااهل المبروكه غرااااااام الرجال الي بيقنص
جعل ربي يرزقك يا ابو معيض

[عبدالرحمن 211]

الحد احسن من تقول لاحد يسوم دون (15)الف
هاذي مثل اي سلعه معروضه للبيع
ممكن احد يفتح الباب الف ريال اواكثر
واسف ماقصدي الى كل خير

[المري]

مرحبا اخوي عبدالرحمن وحياك الله يالغالي.

كلامك صحيح وبيض الله وجهك وماقصرت

وانت عااارف لو الطيرة طيرتي ماكان ابكتب الكلام هذا بس الطير ماهيب لي وهذا طلب راعيها ..

واسف اشد الاسف

[qtr5]

وين مكانه

والسوم مع قيمه الربطه ولا بدون ؟

وحذفه بكورس ولا بدون ؟

[أبو فيصل]

مرحبا يابو معيض ودي أخلي الصقاره لكن أفكر ذالسنه بشاهين قرناس خلوي حول شهر 10 , ما يحتاج مقيض ولا دعو و لا علومه.

اذا تعرف لك شاهين بيتي جامع العلوم كلها و الطيار مسكت مع الصمله على الصيده مهوب بس شاهين لا تنتظر أتصل فيني الاّ اذا كانت قيمتها بتجيب خلويه وافيه فماله داعي. الصيد شوي و نبي نتحدى الربع على هدد الحمام

[طارق الحربي]

بالتوفيق يابو معيض

اكيد الرجال ما قالك السوم فوق 15 الا لانها مسيومه ب 15

[النـادر]

ابو معيض الله لايهينك سؤالين:

صقارها واحد من يومها فرخ والا اكثر ...؟؟؟

وحذفها بكورس والا طبيعي ومتى تربط...؟؟؟

[الرقعي]

الله يوفقك بالبيعه الطيبه

[المري]

مرحبا بالاخواان جميعا وتسلمون

اخوي نادر حياك الله ..

الطيرة كانت فرخ مع الشيوخ .. وبكر وثنو وهي عند رجال واحد يدعيه باللواح ويهدها على الكراوين

وكروانها مايقطع الروض ..

ولا يهد لها حمام ابد...

وقرناسها بدون كورس ولا ذاقت الكورس وترى كل سنة ....

وسلااااااااااااامتكم

اخوكم - المري

[المان العرب]

الله يرزقك بالبيعه الطيبه
قل امـــــــــين

[qtr5]

السلام عليكم

اخوي الطير زين و لاهو بأزين الشواهين .. يعني من وسط وطالع

ماهي بتقليل فيه لكن هذي نظرتي له وكلن وهواه والطير صالح لي لكن اني متغاليه

ان كان محد سام بالسومه اللي ترضيه .. شوف راعيه ان كانه بيسمح لنا بالسوم من دون ١٥


وجزاك الله خير

[هذال الدوحة]

بومعيض..........مسيك بالخير

الصيد مشروط.......يعني مرجوع الطير

وين مربوط الطير
وكم صيدة العام

[المري]

مرحبا بالاخوان .. وحياكم الله..

الطير شراه واحد من أهل قطر .. ب 19 الف الله يرزقه...

ويقول يبغى يقنص به وان جابت قيمة باعها في قطر...
*****

مرحبا اخوي هذال الدوحة وحياك الله يالغااالي

والطيرة على اشروط صيد حبارى وكروان وارنب..

والطبوعة الزين لاخفقة في الموتر ولا حقلان ولا صيحة والى قدها على يدك وانت تسير اما تقص ارنب

ولا في مجلس ماهيب خااافقة..

ولاهيب كافخة من البرقع اليا جيت تبغى تبرقعها ...

وسلاااااااااااااااااامتكم

اخوكم - المري

[هذال الدوحة]

بومعيض اللة لايهينك.......رقم التلفون للتواصل مع صاحب الطير.....؟

حاولت أرسلك على الخاص بس للأسف......قلة عدد مشاركاتي منعتني

[شنوان]

مرحبا بومعيض الطير ثنو ولا ثالث
لانك تقول ثنو او ثالث(يعني ينقل ثالث ولا رابع)

[ابو بليهد]

السيك بالخير يبو معيض انا صامل اشتري انشاءالله بس يا ليت لو تعرض رقم جوالك ولا اميلك ياليت وشكرا