عطنا رايك ..

[ربقان]

السلام عليكم ورحمة الله وبركاته


عطونا رايكم يا شباب في :


جيب عشه من موديل 77 الى 83 (( شراع ))


الإيجابيات والسلبيات..

(( يمكن نشري ))

وإذا احد عنده صور يتحفنا بها

ويعطيكم العافيه..


اخوكم.: ربقان

[ب و ر 324]

وعليكم السلام ورحمة الله وبركاته
بصراحه ماعندي خلفيه عنها لكن اللي اعرفه انها قويه وحقة كرف
تحياتي.....

[نفود الهامل]

عليكم السلام
السلبيات مطب يكسر الضهر يصرف بنزين اصوت كأن راكب تريله

[غالي]

ماظنتي فيها ايجابيات الا قوة الدفرنسات فقط
وقوة البدي الداخلي والخارجي لانه كله حديد

ونصيحتي لك
دور بسعره سلقه باترول 96
او بليزر
اوجمس ونيت
او فيتارا سوزوكي 96
الخ
كلها بتلقاها تحت 20 الف
والعشه برايي مافيه الا السلبيات
يا يجيك بدون مكيف او طاره ماهي هواء
عاد حدث ولا حرج على دخول الهواء الحار من تحت الاقدام
والا مثل ماقال اخونا يكسر الظهر في المطب

[ربقان]

مشكورين وماقصرتو

ومن ناحية مطبات وصرف بنزين (( نادر يتحرك لان فيه سياره ثانيه ))طلعات خفيفه

غالي: اكيد انا باخذلي مكيف وطاره هوا ..
وهو ينفع عندنا بالجنوب..

والنيسان كيف يتحمل ولا يتفكك؟؟


ومره ثانيه اشكركم على مروركم

[عاشق السيل]

وعليكم السلام ورحمة الله وبركاته ،،،

أخوي ربقان بالنسبة للجيب فهو ممتع جدا بالنفود لأنه مافيه أمل يغرز ويبيض وجهك إذا بغيت تسحب أحد لأنه من أقوى الجيوب بالسحب واللي يطمنك أكثر إنك ماتختف عليه مهما كسرت فيه بالبر لأنه قديم ورخيص ومايتاثر بالمطبات أو الشعبان ،،،،

لكن الله يعنيك إذا بغيت تسوقه داخل المدينة لأنه متعب جدا ومزعج جدا وخاصة الشراع إذا أسرعت عليه يبدأ يصافق من الهواء وبعدين مستحيل تلقى النظيف اللي مايتعبك بالصيانة !!

نصيحتي لك إنك تاخذ باترول أريح وأسرع وأقوى وموديل أفضل وحط فيه شوي دراهم للتشييك العام وبعدها ماراح يطلبك منك صيانة إلا بعد فترة طويلة ،، وتراه يتحمل أكثر مما تتوقع ،،،،

والله يوفقك لك خير وتقبل مروري يالغالي ....

[شامخ ألهيلا]

ترا موجوده بالرياض والقصيم هالجيوب مجدده ومربطه ومتعوب عليها بس كثر الفلوووووس شووي

او خذ لك ونيت جمس اذا فلوسك قليله

مركب وراحه وقوه
بس الله يعينك على الكهرباء فيه

[KREEM9]

هج هج هج وشكرآ

[abdulrahmanfd]

تبغى الصدق مهنا ايجابيات الموتر قديم واكيد بيكون متهالك الا ان كانت هناك نية للترهيم والتعديل لحظتها ما ينفع موتر استخدام عادي وفوق هذا بالله عليك كم بتدفع فيه اكيد غالي على قل سنع انصحك تشوف غيره ولو تكمله بالتقسيط او التاجير ارحم لك