قاري هواء الاطارات الرقمي

[آه ياقلبي]

الأخوة في مكشات المكشاتيه كنت اتجول في عالم الانترنت الرحب وابحث عن لوازم السيارات فتفاجأت بقاري هواء الاطارات الرقمي يوضع في ميدالية المفاتيح ( أي انه سهل الحمل) ويمكن عن طريقه قياس وضبط هواء الاطارات بدقة متناهيه ؟
قمت بالاتصال بصاحب الجهاز على هاتفه الجوال فأخبرني بأن سعره 50 ريال فقط
السؤال لمن جرب هذا الجهاز من قبل هل هو عملي وبكم قيمته في السوق علماً أن صاحب الجهاز أخبرني بأنه لايوجد في السعوديه واننما كان يوزع مجانا مع اليوكون الجديد من قبل جنرال موتورز
أظنه هام وضروري في عدة المكشاتيه ؟
للإطلاع على الجهاز يوجد في ( سوق كوم) لوازم السيارات وعددها رقم السلعه ( 2874589) والله يستر من المشرف لايزعل علي
تقبلو تحياتي

[علي101]

أهلا بك
تسأل أو تعرض كلها مقبولة
وتقبل مروري

[خشيمان]

والله بالنسبة للالكترونيات دايم تخرب
يصير يزيد 10 او ينقص
اما بالنسبة للي انت ذاكره ما اعرفه
وان شاء الله الشباب يفيدونك

[النادر666]

الله يعطيك الف عافيه

[غالي]

طال عمرك انا استخدم معيار اليكتروني(( قودير))

ويعلم الله انه عندي ماشاء الله تبارك الرحمن من 7 سنوات وتزيد
ومازال دقيق لايزيد ولاينقص ((وذلك بمقارنته مع اجهزه اخرى))

فا وصاني كم واحد من الزملاء والاقارب عليه
لكن لم اجده للاسف :(

من يعرف مكان بيعه يعطيني خبر لاهنتوا

[آه ياقلبي]

الأخ غالي :
السؤال اللي يطرح نفسه كم سعر معيار قوديير ؟ وهل السعر اللي حاطه صاحب السلعه في الموقع ( 50) ريال مناسب ؟
تقبل تحياتي

[غالي]

والله اخوي حتى الي معي قودير يعلم الله اني لم اشتريه
وانما هديه :(

وبالنسبه للاسعار الي موجوده في العليان ومحلات الزينه

تتراوح اسعارها من 10 الى 25 ريال تقريبا او 35 ريال

هذا الي انا اعرفه

اذا كان فيه شيء اصلي او اغلى فوق هالسعر الله اعلم
ما ابي افتي في شيء ما اعلم به :)

لكن انصح الجميع في معيار قودير ان وجده لايفوته صراحه

[البدائع ديرتي]

شكر على الطرح

[شامخ ألهيلا]

فيه نوع غير اكتروني

من شركة مشلان
وقيمته 170 ريال

[سيف الظفير]

فيه نوعيه على شكل قلم نيكل وموجود مع السوبربان 2006 ودقيق ومميز وعملي وموجود بالسووق وانصح فيه . بالرغم ان فيه عداد الكتروني ويعرض لك المعلومات على الطبلوووووون

[الواكي2]

حياك الله ( آه قلبي ) لقد شريت الجهاز وشكله انيق وخفيف
وما يشتغل غير اذا وضعته في مكان الهواى في عجل السيارة
مكتوب على الكرتون حقه ضمان خمس سنوات
هذا ما حبيت اخبرك به

[شامخ ألهيلا]

حياك الله ( آه قلبي ) لقد شريت الجهاز وشكله انيق وخفيف

وما يشتغل غير اذا وضعته في مكان الهواى في عجل السيارة
مكتوب على الكرتون حقه ضمان خمس سنوات

هذا ما حبيت اخبرك به


اخوي الوكي وش نوع الجهاز ومن وين شريته وكم سعره

[الواكي2]

حياك الله اخوي (شامخ الهيلا )
شريته من موقع سوق كوم بـ 60 ريال
اما صناعته اتوقع انها صيني وعليه ضمان 5 سنوات

[آه ياقلبي]

شاري شاري بمشيئة الله ( الله لايعوق بشر ) ومن نفس الموقع سوق كوم وهو نفس اللي انا اسأل عنه وفق الله الجميع لما يحب ويرضى

[الساير4455]

لو سمحت يالنشمي سوق كوم وين موقعة وفي أي مدينة ولك خالص الشكر

[آه ياقلبي]

لو سمحت يالنشمي سوق كوم وين موقعة وفي أي مدينة ولك خالص الشكر
ادخل على القوقل واكتب سوق كم وسيظهر الرابط لك ثم ادخل عدد السيارات وتجهيزاتها وابحث برقم السلعه وهو الموضح في اعلى الصفحه في اول مشاركه لي اعلاه ؟
والاخ اللي عارض الجهاز يقول بأنه في مدينة جدة هذا الاسبوع فرصه بدون ماتدفع رسوم شحن ؟
تقبل تحياتي

[المميـز]

انا استعمل واحد له معي اربع سنوات وممتاااااااااااااااز جدا

والان سعره بســــــاكو بـ 20 ريال