سؤال عن الدجاج البلدي ( دجاج المشاريع)

[حزم الضامي]

ياشباب معليش على ها النقزه بس السبب هو أنك اذا اخذت دجاج من المحلات اللي يذبح تجد أن لحمه قاسي شوي ويغصص حبتين مع انه احسن من المبرد والمثلج لأنه طازج لكن الدجاج المبردعلى عكس ذالك لحمه طري جداً وخاصة الثنادي (صدر الجاجه ) مع العلم أن الدجاج المبرد يأخذ من المزرعة نفسها سؤالي ويش اضيف للدجاج الطازج لين يصير مثل المبرد
الرجاء سرعة الرد بسرعة :D

[عاشق الصحراء]

سلامات يالغالي عسى ما غصيت......:)
على كل حال ما تشوف شر..
انا دايم اشتري دجاج بلدي بس اشرط عليه يعطيني فروخ ..
و بعدين ما اطبخه على طول ...اثلجه كم يوم في الفريزر حتى يلين..
و فيه ناس ينقعونه في ماء مع خل و ليمون (على مسؤليتك ) لاني ما جربت
هالطريقه ولكن يمدحونه للشوي المباشر..
اما الطريقه اللي (لا على مسؤوليك ولا مسؤليتي) هي رش سفن اب على
اللحم قبل الشوي ثم يشوى بالهنا و الشفاء..
و انا اعتقد اسهلهن التثليج ...
و ارجو من الاعضاء ....التعليق على الموضوع ايضا .......

[حزم الضامي]

قارن بين المبرد والمذبوح ويش الي يخلي البرد افضل والين لحم واحسن طعم

[بدوي متحضري]

أخوي ياحزم الظامي
هذا سلمك الله نتيجة الغش والتدليس فكما هو معلوم أن الدجاج في المزارع وحسب النظام يجب أن يكون قسمان مختلفان بياض ولاحم 00 فالبياض له تغذية خاصة وكذلك اللاحم 00 وفي الدجاج البياض تغذى الدجاجة بغذاء خاص وتنتج في اليوم معدل معين من البيض ولفترة محددة بعدها تصبح الدجاجة غير مجدية إقتصادياً يعني تكلفتها أكثر من إنتاجها وهنا يجب على المزرعة أن تأخذ هذا الدجاج وتطلقه في البرية تحت مسمى مشروع إحياء البيئة إذا مازلتوا تتذكرونه00 ولكن الذي يحصل أن هذه المزارع تستخدم الدجاج كبياض وقبل إنتهاء المدة التقديرية بأسبوع يحولونه إلى القسم اللاحم ويبدأون بتغذيته وإعداده للبيع كلاحم وهنا يأتي هذا
الأمر الذي تلاحظه 00 شفت كيف :D :D

[اكس ابرس]

<يا الله عام 2002 كم كان سعر الدجاج عاد بياض ولا لحام ولا نجار كلها سوا
أهم شي كم كان سعرة قبل ست إسنين الله المستعان .............

[طناف]

ياشباب بعد أذنكم .وأعتبروها وجهة نظري .
والله بأننا مغشوشين بجميع الدواجن المحلية . لاتقولون وطني أو مبرد أو فرش .
(الوطنية والأخوين وهادكو ووووووو)
غذائها كيماوي (مغشوش)

جربوا ( ساديا ) المجمد والمستورد من فرنسا أو البرازيل وجاي من الخارج .
وتعرفون بأننا مغشوشين
ساديا المجمد طعم طيب ولون اللحم والعظم أبيض .

والتجربة خير برهان .

[مجازف2010]

بالفعل ساديا في المقدمة من ناحية الطعم والتغذيه وبياض اللحم
لا تقول طازج او مبرد او غيره

تحياتي للجميع

[عتيق]

يالربع تحروا الاختيار السليم للدجاج

اختاروا الوطني لأن المستورد لايمكن الجزم بأنه مذبوح على الطريقة الاسلامي

( يعني فيه شك انه حلال)

[طناف]

عتيق تنتظر مفتي الوطنية يرد

جميع الدواجن الموجودة حلال
|حلال في حلال