المساعد الشخصي الرقمي

مشاهدة النسخة كاملة : الحبة اللي تنزل استبنة الجيب ضاعت وش السواة؟؟؟؟


الاستاد
18/07/2008, 02:20 AM
تحية طيبة للجميع وعندي مشكلة وهي:
الحبة اللي تنزل استبنة الجيب ضاعت وش السواة ؟؟؟؟
وين القى مثلهه مع العلم اني غيرت ونش شد البلد لانه امزر معي وضاعت الستبنه وشريت من التشليح ونش اللي يرفع الاستبنه الظاهر حق حيب vxr 2003 خليجي وصارت الحبه اللي معي ما تركب جربت حبة كم جيب ولا ركبن ورحت الوكالة قال مفيش يفندم والتشليح يقول والله مادري وينه
سيارتي جيب gxr 2001 استبنه تحت
وشكرا لكم
بيبسي
18/07/2008, 02:22 AM
كل جيب له حبه خاصه ... مايركبن لبعض ... رح لعبداللطيف جميل يجيبونها لك من جده .. اذكر خذها واحد كامله من فرع طريق خريص بــ380 ريال كامله .. أو مر على النهدي والضحيان بالصناعيه
بدوي جنوبي
18/07/2008, 05:34 AM
رح اقرب مخرطه ويولفها لك

صدقني ما يصعب عليهم شي

والسعر ما يتجاوز ال 50 ريال
شامخ ألهيلا
18/07/2008, 07:04 AM
اخوي انا توني شاري الونش حق الاشتبنه سلسله بدون حبه

وسعره 155 ريال

وافضل من حق شد البلد الي يجي واير

بس تبي الشور رح لاقرب حداد وخله يشوف الحبه
الاستاد
18/07/2008, 01:24 PM
الاخ العزيز ببسي شكرا لاهتمامك مع العلم اني شريته من التشليح ب 700 ريال وما فكرت بالحبه في حينها
======

الاخ العزيز بدوي جنوبي نبي انخلي المخرطه الله يسلمك بالبال ويعطيك العافية

======


الاخ العزيز شامخ الهيلا السلسلة اللي ركبت بدل الواير شد البلد ركب معك مظبوط ؟؟وهل الونش السلسلة ركب على نفس القاعدة الحديد الموجودة؟؟ والا لازم قاعدة جديدة ولك خالص شكري وتقديري
اسدهم
18/07/2008, 02:31 PM
رح اقرب مخرطه ويولفها لك

صدقني ما يصعب عليهم شي

والسعر ما يتجاوز ال 50 ريال
شامخ ألهيلا
18/07/2008, 03:09 PM
هلا فيك يالاستااذ


طال عمرك انت شكلك شاري كامل من التشليح وحق شد بلد
ولا عطاك الحبه معها


انا سبق ولفيت التشاليح ابحث عن الونش مع القاعده مع المضبات للاستبنه ولقيتها في التشليح غاليه ومبالغ فيها


وشريتها كامله من عند الضحيان تويوتا
الونش السلسله سعره 155
والكمر او القاعده كامله 280
والمضبات الاثنسن 200 ريال
والترككيب 100 ريال


ورد على سوالك عن الونش يجي نوعين الاول واير حديد ويخصص له حبه عن السرقه


والثاني الي اقصد سلسله بدون حبه واي عصى تنزلها على شكل T
ويوجد بداخلها عند تعليق الاستبنه مكان لوضع قفل من الداخل
علماً انه يركب عندك على نفس القاعده ونفس شكل الموجود عندك بس سلسله ولايوجد له مكان للحبه المفقوده


وهذا وسلامتك اخووي
الاستاد
18/07/2008, 09:36 PM
شامخ الهيلا شكرا على التوضيح
لكن معليش وشن المضبات
ثانيا هل تقصد الونش +الكمر 280
والا كل واحد له سعر وشكلى تعبتك معي ;)
شامخ ألهيلا
18/07/2008, 09:52 PM
هلا فيك يالاستاد
تعبك راحه وانا اخووك ولي عنده خبر وعلم لايبخل على اخوانه

طال عمرك الكمر الي اقصد هو القاعده الي يركب في الونش الي بها مكان المسامير للونش
والاسعار كل وحده لحاال طال عمرك

المضبات طال عمرك هي حديتين على شكل ] او C وحده طويله ووحده قصيره
وفايدتها تمسك الاستبه من امام وخلف لكي لاتضرب في البدي من تحت في حالة غرزت وهالحديده تمنع الاستبنه لاترقا فوق تعفج البدي او التانكي وحده تركب امام الاستبه ووحده من خلف الاستبنه جهة الصدام الخلفي

واشور عليك تدور لك لاند استبنه تحت وتطل :j فيها بس انتبه لاحد يشوفك يقوول ناوي يسرق الكفر:butt3:

واذا حبيت اصورها لك وارسلها وانت تامر

اخوك شامخ
الاستاد
18/07/2008, 10:02 PM
شامخ الهيلا مايامر عليك عدو وهذا عشمي فيك
الله يعطيك العافية الصورة وضحت عندي الان وكفيت ووفيت :good: